اللي تاكل أكل صحي تساعدني بهالنظام ..

[شمــ{جابر}ــوخ]

[No message]

 

[شمــ{جابر}ــوخ]

(( بنات بس جم شغله وجم مصطلح ما فهمته ياليت اللي تعرف تفيدنا )) ​

مثلا ​

اليوم الأول تقول
الغداء: حمص غمسيه بشرائح الخيار والكرفس والزهرة والفجل والعنب- فاكهة طازجة مثل الفراولة والتوت والكيوي​

شلون يعني مافهمت هالنقطه ؟!​

حبوب الكينوا >>> شنو البديل عنها ؟! لان مااعتقد موجوده بالكويت​

خبز النب >>> شنو هذا ؟! وشنو البديل عنه ؟​

شرائح خبز من طحين غير القمح >>> شلون يعني طحين غير القمح ؟!​

معكرونة من غير القمح >>> شلون يعني من غير قمح ؟!​

عدس أحمر >>> شنو أحمر ؟! .. لا يكون هذا البرتقالي اللي نستخدمه ؟!​

غواكومالا >>> هذا شنو وشنو البديل عنه ؟!​

كلمة (المفري) >>> اتوقع المفروم .. صح ؟!​

روباب >>> هذا شنو ؟!​

توفو = يعرف ايضا بإسم خثارة الفول و يصنع عنطريق تخثيرلبن فول الصويا (يشبه صنع الجبن من الحليب) .. وين نلقاه ؟!​

فول منبت >>> شنو فول منبت ؟!​

(( هذي مصطلحات وطرق بعض الوصفات ))​

البرقوق = الكوجه أو الأجاص​

الموسلي = muesli (عبارة عن خليط من الشوفان والفواكه المجفَّفة) .. موجود بالجمعيات اعتقد صوب اكل الرجيم او القمح وهالسوالف ​

إسبراغوس = هو نبات (الهليون) .. موجود بالجمعيات ومركز سلطان​

عصيدة الشوفان​

المكونات:​

• أربعة أكواب (أو لتر واحد) منالماء.​

• كوب واحد (أو 180 غراماً) من الشوفان الإيرلندي المقطَّع.​

• ربع ملعقة صغيرة من الملح.​

• سكر أبيض (أو أسمر) وحليب كامل الدسم (أوكريمة) بهدف التزيين.​

طريقة التحضير:​

ضعي الأكواب الأربعة من الماءضمن إناء متوسط الحجم واتركيها فوق النار حتى تغلي. بعد ذلك رشي الشوفان فوق الماءوهو يغلي، يجب أن تكون هذه العملية مترافقة مع التحريك المتواصل لمنع تشكل الكتل. ثم أضيفي الملح وخفِّضي قوة النار إلى أدنى درجة. اتركي العصيدة تغلي على نار هادئةلمدة ثلاثين دقيقة مع التحريك بين كل لحظة وأخرى. ​

احذري أن تُبقيها فوقالنار مدة أطول من اللازم، وإلا فإن قوامها سيصبح مائعاً كما ستفقد نكهتها.​

عصيد الشعير​

المقادير :​

كاس دقيق شعير مطحون
قليل من الزبدة
قليل من الملح والهيل والزنجبيل + 4 كاس ماء

الطريقة :
تخلط جميع المقادير وتخفق جيداً ثم توضع على نار هادئة ويستمر التحريك لمدة لا تقل عن ربع ساعة حتى يظهر تماسك العجين كتلة واحدة تقدم ساخنة في طبق مع العسل والسمن .​

الكومبوت الفاكهه​

فاكهة مطبوخة بالسكر بطريقة تحافظ علي شكلها و قوامها )
المقادير :
2 كوب عصير تفاح
قشر برتقال
قرنفل
سيقان قرفة
1/ 2 3 كوب فاكهة مشكلة ( كريز ، ومشمش ، وتين ، وزبيب ، وبرقوق ، ومانجو ، وأناناس ، وخوخ ، وكمثري، وتفاح(​

الطريقة : ​

يوضع عصير التفاح والقرفة وقشر البرتقال ( بعد إضافة القرنفل إليه ) في إناء علي النار ويترك حتي تمام غليانه .
تقطع الفاكهة إلي قطع صغيرة .
تضاف الفاكهة إلى عصير التفاح وتترك 45 دقيقة فوق النار حتى درجة الغليان .
يرفع الكومبوت من علي النار ثم ينزع قشر البرتقال وسيقان القرفة .​

شرايكم فيه ؟! ترا حلووووووووووووو :rerrerek:​

 

[sanyoretaQ8]

يسلمووو

 

[~أنوار~]

هلا فيج حبيبتي

يعطيج العافيه ع الموضوع
بس احس الموضوع معقد شوي وطلباته وايد وتعجيزيه @_@
صراحه الاكل الي ماعرفتيه انا هم ماعرفته و العصيده كلها طحين اكيد بتنفخ !!
والله يوفق الجميع ​

 

[miss swan]

حبيبتي اذا بتسوين ديتوكس دوري بقوقل نظام الديتوكس لبدر النصر الله
او دكتورتي السابقه اسمها د هايدي السعداوي
سهل و ومفهوم
انا كانت تسويلي اياه بس 3 ايام ماشاءالله اضعف عليه 2كيلو واحس بنشاط موطبيعي
بس قبل لاتنامين تاخذين قطرات سكيلاكس من الصيدليه
تحطين عشر قطرات بنص قلاص ماي وتشربين وتنامين واليوم الثاني تبدين الرجيم
لمدة 3ايام تاخذينهم مع الرجيم
انشاءالله افدتج​

 

[قطوووة]

هههههههههههههههههههههههههههههههههه

في اشياء عرفتها واشياء لا ،،

التوفو شكله مثل الجبن الابيض ،،

الغواكومولي دايما يحطونه بفتافيت عارفته بس ناسية شنو بالضبط

الطحين بدون قمح ممكن طحين ذرة او نخاله او شي جذي ،،

السبارغس هو الهيليون بمركز سلطان تلقينه

بخصوص الحمص سهل
هاتي ماعون حمص وبدال الخبز استخدمي الخضرا اكلي فيها
يعني حطي الحمص عالخضرا

 

[انوثتي غير وياك]

مالقيتي الا هل رجيم

ماقريته

بس مقتطفااات خخخخ

فيه اشياء ما عرفتها

سمعي + شوفي هل دايت

عجبني بس ما طبقته

http://www.hwazn.com/vb/showthread.php?t=134046

 

[شمــ{جابر}ــوخ]

sanyoretaQ8 >>> يسلمج ياقلبي

~أنوار~ >>> لووول فديتج انا واااااايد دش خاااااااطري .. لا ياقلبي العصيده مالتهم غير مالتنا لووول

miss swan >>> مشكووووووره ياروحي بس القطرات ليش ؟

قطوووة >>> مشكووووووووره ياقلبي .. الغواكومولي >>> والله جنه اسم ديناصور مادري ليش لوووول

انوثتي غير وياك >>> لووووووووول والله في وايد بس هذا كفكره وايد داش خاطري وانا مكوناته حابتهم حيل .. نورتي ياقلبي ومشكوووره

 

[Sparkle]

غواكومالا >>> هذا شنو وشنو البديل عنه ؟!

Guacamole مو معقووله أحد فيكم ما طلب ناتشوز بالمطاعم وما شافه خصوصا مال فرايديز

الي ينوكل ويا الناتشوز عباره عن الأفكادو ويا الطمام والبصل وشويه عصير ليمون وكزبره تطحنين الأفاكادو وتخلطين باجي المكونات


توفو = يعرف ايضا بإسم خثارة الفول و يصنع عنطريق تخثيرلبن فول الصويا (يشبه صنع الجبن من الحليب) .. وين نلقاه ؟!

مركز سلطان

 

[بـ سـ كـ وتـ ة]

اليوم الأول تقول
الغداء: حمص غمسيه بشرائح الخيار والكرفس والزهرة والفجل والعنب- فاكهة طازجة مثل الفراولة والتوت والكيوي​

شلون يعني مافهمت هالنقطه ؟!

يعني قصصي الخضرة والفاكهة وغمسيها بالحمص​

حبوب الكينوا >>> شنو البديل عنها ؟! لان مااعتقد موجوده بالكويت

موجودة في مركز سلطان صوب الحبوب​

خبز النب >>> شنو هذا ؟! وشنو البديل عنه ؟

سمعت عنه مرة بس مو ذاكرته​

شرائح خبز من طحين غير القمح >>> شلون يعني طحين غير القمح ؟!​

موجود هالخبز في مركز سلطان بعد

معكرونة من غير القمح >>> شلون يعني من غير قمح ؟!​

عدس أحمر >>> شنو أحمر ؟! .. لا يكون هذا البرتقالي اللي نستخدمه ؟!​

اهو العدس العادي اللي نستخدمه اهم يقولون أحمر وبني

البني اللي اهو مال الكشري الحبة الكاملة والأحمر قصدهم البرتقالي

غواكومالا >>> هذا شنو وشنو البديل عنه ؟!

أفوكادو مهروس مع خضار انتي اختاري الخضرة اللي تحبينها لا اتقيدين​

كلمة (المفري) >>> اتوقع المفروم .. صح ؟!

صح مفروم​

روباب >>> هذا شنو ؟!

شفته مرة في برنامج ... اهو صاير تقريبا مثل السلري بس على أحمر شوي وأعرض وايد من السلري ولما تضغطينه مايه أحمر

أذكر قالت عنه اللي تطبخ إنه حالي شوي مثل الفواكه يعني

جني مرة شفته في لولو هايبر أسواق القرين​

توفو = يعرف ايضا بإسم خثارة الفول و يصنع عنطريق تخثيرلبن فول الصويا (يشبه صنع الجبن من الحليب) .. وين نلقاه ؟!

جبن الصويا ... موجود في كل مكان تقريبا

مرة شفته في سيتي سنتر السالمية ... صوب الكاشير في محل مال مكملات غذائية وأدوية طبيعية وهالسوالف أذكر كان عندهم بس هالحجي من جم سنة ما أدري عنهم الحين

بس مركز سلطان ولولو هايبر أكيد فيهم

بس أفضل تلغين التوفو من رجيمج لأن فول الصويا محل خلاف بين العلماء ... ناس تقول مفيد وناس تقول مسرطن

فمن رايي ابعد عن الشر وغنيله
​

فول منبت >>> شنو فول منبت ؟!​

هم تحصلينه في مركز سلطان ولولو هايبر بالثلاجات ... تشوفين ماعون نفس مواعين السلطات مالت المطاعم

فيها فول أخضر زارعينه ونابت

شكله جذي تقريبا

وتقدرين طبعا انتي تزرعين في البيت مثل ما كنا نزرع أيام المدرسة صحن فيه قطن وماي وحبوب فول وعرضيه للشمس عشان تزيد الفايدة

(( هذي مصطلحات وطرق بعض الوصفات ))​

البرقوق = الكوجه أو الأجاص

البرقوق اهو الكوجة أو الأراصيا ... عبارة عن كوجة مجففة

بس الإجاص عرموط ماله شغل​

إسبراغوس = هو نبات (الهليون) .. موجود بالجمعيات ومركز سلطان​

موجود منه في كل الجمعيات معلب بقرشة زجاج وهم موجود مثلج ... أعتقد المثلج عملي ومفيد

وبسلطان ولولو هايبر موجود فريش