اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[الكويتية28]

شلونكم بنات وشخباركم
حبيت افتح هالتجمع للي تفكر تروح امريكا انشالله هالصيف .. نفيد بعض فية ونعرض خططنا
انا انشالله صورت وريلي وبقدم عالفيزا هالايام وانشالله ان خلصت فيزتنا بنبدا بالتذاكر والسكن
انشالله رحلتي بتكون لنيويورك ولاس فيغاس ولوس انجلوس . وكلها انشالله 20 يوم ونرد لديرتنا الغالية وجوها الحلو
:27d66a9c24b146327bf مالنا غنا عنها حتى لو شنو

وانشالله هالزيارة الاولة لي لامريكا وان عجبتني لي زيارة قريبة لها مرة ثانية

فشاركوني بنات بالخطة للسفر من حجز تذاكر على اي خطوط وفنادق واي شي يطري ببالكم
انا انشالله نيتي طيران على الامريكية مادري شاسمها لان ابي دايركت مالي خلق ترانزيت مع ان نفسي بلندن وسوقها الحر .
وفنادي بنيويورك بحجز بالتايم سكوير اي فندق و لاس يمكن فندق Venetian او Bellagio .وفي لوس انجلوس احتمال اقسم السكن بين الشمال والجنوب والفندق لي الحين .
فشرايكم بنات شاركونا واحجزولكم مكان من الحين قبل ماطير طيارتنا وتحسفون.

 

[حرم فضل]

يعطيج العافيه عالموضوع ان بخاطري اروح بس باخذ لغة ودي اقعد شهرين عالاقل وان شاء الله استفيد من موضوعج

 

[الكويتية28]

انشالله وانا استفيد معاج .
ادري البنات مايقصرون

 

[قلبي القرآن]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

اذا بتروحين لنيويورك روحي عالكويتيه أطب دايركت على نيويورك

 

[q8 83]

الي بتروح قبل الصيف يصير تنضم لتجمع ول لا ؟

 

[q8 83]

شلونكم بنات وشخباركم
حبيت افتح هالتجمع للي تفكر تروح امريكا انشالله هالصيف .. نفيد بعض فية ونعرض خططنا
انا انشالله صورت وريلي وبقدم عالفيزا هالايام وانشالله ان خلصت فيزتنا بنبدا بالتذاكر والسكن
انشالله رحلتي بتكون لنيويورك ولاس فيغاس ولوس انجلوس . وكلها انشالله 20 يوم ونرد لديرتنا الغالية وجوها الحلو
:27d66a9c24b146327bf مالنا غنا عنها حتى لو شنو

وانشالله هالزيارة الاولة لي لامريكا وان عجبتني لي زيارة قريبة لها مرة ثانية

فشاركوني بنات بالخطة للسفر من حجز تذاكر على اي خطوط وفنادق واي شي يطري ببالكم
انا انشالله نيتي طيران على الامريكية مادري شاسمها لان ابي دايركت مالي خلق ترانزيت مع ان نفسي بلندن وسوقها الحر .
وفنادي بنيويورك بحجز بالتايم سكوير اي فندق و لاس يمكن فندق Venetian او Bellagio .وفي لوس انجلوس احتمال اقسم السكن بين الشمال والجنوب والفندق لي الحين .
فشرايكم بنات شاركونا واحجزولكم مكان من الحين قبل ماطير طيارتنا وتحسفون.

الخطوط الي تروح دايركت نيويورك الكويتية و في رحلة تطب ساعة لندن و بعدين تكمل نيويرك


بالنسبة لفنادق فيغاس انا جربت البيلاجيوا واايد حلو و خصوصا بالليل النافورة مالته تعطي جو مو طبيعي

و شكثر بتقعدين بلوس انجلوس ؟

و بالنسبة لنيويرك لا يطوفج سوقها حده عجيب بس التاكس فيها شوي غالي و السكن انصحج بفندق parmont واهو بالتايم سكوير انا كل سنه اسكن فيه بس غرفة حيييل صغيرة بس لاني اخذ غرفة ل 3 اشخاص تكون شوي زينه مو نفس الدبل

و اي سؤال من عيوني

 

[الكويتية28]

الي بتروح قبل الصيف يصير تنضم لتجمع ول لا ؟

حياج يا قلبي التجمع بينور فيج عالاقل نستفيد منج

 

[الكويتية28]

الخطوط الي تروح دايركت نيويورك الكويتية و في رحلة تطب ساعة لندن و بعدين تكمل نيويرك


بالنسبة لفنادق فيغاس انا جربت البيلاجيوا واايد حلو و خصوصا بالليل النافورة مالته تعطي جو مو طبيعي

و شكثر بتقعدين بلوس انجلوس ؟

و بالنسبة لنيويرك لا يطوفج سوقها حده عجيب بس التاكس فيها شوي غالي و السكن انصحج بفندق parmont واهو بالتايم سكوير انا كل سنه اسكن فيه بس غرفة حيييل صغيرة بس لاني اخذ غرفة ل 3 اشخاص تكون شوي زينه مو نفس الدبل

و اي سؤال من عيوني

ريلي وانا نبي دايركت بس ماودي عالكويتية ما اطمن لها احس كل شوي بطيح من بد الخطوط
ولوس بقعد فيها احتمال10 ايام او 12 يوم اشوف اللي بيمسكون عيالي متى سفرتهم
واذا عن الغرف الصغار عادي اهم شي ان مكان امين وبالتايم مكان الحدث

 

[ام محمد الشمري]

ان شاء الله برروح Oregon عالكويتيه بقعد العطله كلها


تامروون علي شي

 

[حرم فضل]

اب اب

 

[q8 83]

ريلي وانا نبي دايركت بس ماودي عالكويتية ما اطمن لها احس كل شوي بطيح من بد الخطوط
ولوس بقعد فيها احتمال10 ايام او 12 يوم اشوف اللي بيمسكون عيالي متى سفرتهم
واذا عن الغرف الصغار عادي اهم شي ان مكان امين وبالتايم مكان الحدث

تصدقين عاد في وايد ناس ما يحبون الكويتية بس عن خبرة اهي احسن خطوط لنيويورك اول شي كراسيها احسن من غيرها

الشي الثاني الاكل الي على الدايركت جيد جدا خصوصا ان يسون لج بوفيه مفتوح في كاكاوات و فواكة و شبس و بيبسي و عصاير طوول الرحلة

و اذا حجزتي على ال C Class وايد راح ترتاحين لان القسم صغير ما في وايد ناس و كراسية كراسي الفيرست

يعني ترتاحين طوول الرحلة ان شالله


و بالنسبة لفندق نيويورك ترى نيويورك اغلب فنادقها غرفها صغيرة لان الغرفة محسوبة بالمتر و المتر بنيويورك وااااااااايد غالي فتلاقين غرفهم صغار

بس الفندق الي قلت لج عنه مستواه ممتاز و مو قعه عجيييب يسارج مطعم ايطالي عنده بيتزا عجيبة اي وكت و انتي داشة و طالعه اخذي اهو مطعم صغير تاكلين و انتي واقفه و دار مدارج سوبرماركتات

هذا غير ان الفندق من تحت في كافية دين ان ديلوكا و مالهم عجييييييييييييب كل شي فيه كب كيك و بيكري و عصاير و كوفي و فواكة

مع ان الفندق سعره مو ذاك الرخص بس الموقع و الخدمات الي فيه تخليني ما اغيره هذا غير انه بنص التايم سكوير و قريب من محطة الباصات الي تودي حق الود بري اوت لت

 

[ام سعودي وحمودي]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

هاااااااااااي بنات انا انشالله بروح امريكا بعد بس للحين مو مبين متى وليش وشلون يمكن على شهر 3 تبين الصوره وادعولي بنات ان اروح لان حلمي ومنى عيني اروح قولو امييييييييييين يارب يارب يارب ارووح

 

[ذرابه]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

ان شاءالله انا معاااااكم

وان شاءالله نفييد ونستفيد منكم

 

[Om_Ksha]

الله يكتبلي سفره لها انشالله ,,
انشالله تنزل علي الدوره وماكون حاااااااامل واستانس هناك .. احس كلش مو شي حامل ورايحه تعب اووووف

الله كريم

 

[الكويتية28]

تصدقين عاد في وايد ناس ما يحبون الكويتية بس عن خبرة اهي احسن خطوط لنيويورك اول شي كراسيها احسن من غيرها

الشي الثاني الاكل الي على الدايركت جيد جدا خصوصا ان يسون لج بوفيه مفتوح في كاكاوات و فواكة و شبس و بيبسي و عصاير طوول الرحلة

و اذا حجزتي على ال c class وايد راح ترتاحين لان القسم صغير ما في وايد ناس و كراسية كراسي الفيرست

يعني ترتاحين طوول الرحلة ان شالله


و بالنسبة لفندق نيويورك ترى نيويورك اغلب فنادقها غرفها صغيرة لان الغرفة محسوبة بالمتر و المتر بنيويورك وااااااااايد غالي فتلاقين غرفهم صغار

بس الفندق الي قلت لج عنه مستواه ممتاز و مو قعه عجيييب يسارج مطعم ايطالي عنده بيتزا عجيبة اي وكت و انتي داشة و طالعه اخذي اهو مطعم صغير تاكلين و انتي واقفه و دار مدارج سوبرماركتات

هذا غير ان الفندق من تحت في كافية دين ان ديلوكا و مالهم عجييييييييييييب كل شي فيه كب كيك و بيكري و عصاير و كوفي و فواكة

مع ان الفندق سعره مو ذاك الرخص بس الموقع و الخدمات الي فيه تخليني ما اغيره هذا غير انه بنص التايم سكوير و قريب من محطة الباصات الي تودي حق الود بري اوت لت

عيل يمكن اغير رايي واللي كاتبة الله بيصير . مع انتصدقين عندي خصم عالكويتية بس مادري انشالله اروح فيها بعد مايروح الخوف مني.
بس بغيت اسألج اروح السفارة اخذ منهم اوراق للفيزا وطلباتهم او من النت؟
اخوي يقول اهو اخذ منهم الطلبات ودزولة على ايميلة موعد المقابلة . فشلون طريقتهم؟؟
والفندق حاطتة بقائمتي لان صج حلو .بس شرايج اسكن بالتايم او بعيد عنة؟؟ اخوي يقولي لاتسكنين فية مادري ليش . فشرايج

 

[الكويتية28]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

هاااااااااااي بنات انا انشالله بروح امريكا بعد بس للحين مو مبين متى وليش وشلون يمكن على شهر 3 تبين الصوره وادعولي بنات ان اروح لان حلمي ومنى عيني اروح قولو امييييييييييين يارب يارب يارب ارووح

انشالله انشالله انشالله تروحين وتمقلين عينج بشوفة هالدولة واناانشالله معاج.
ريلي كلة يحبطني ماراح نروح بسبت حنتج . بس شاسوي متلهفة اسافر .

 

[D.asmaa]

انا رايحه اخر 6 ما حددت التاريخ بالضبط واكيد عاليونايتد ومعاي اليهال برووحي ابووونا هناك وبنرووح دي سي بس ولايتنا ميريلاند بنروحلها بسياره

 

[D.asmaa]

وبالنسبه حق الفيزا الحين تغيرت الطريقه تعبين الفورمه بالموقع وصورتج بعد لازم تكوون مطبوعه لما تروحين المصور قوليله حق فيزا امريكيه يحطلج الصوره على سي دي اسهل بدال ما تسوين سكان واذا خلصتي انتي تحددين موعد المقابله يحطوونلج جدول والمواعيد الفاضيه انا ثاني يوم على طول حطيتلي موعد

 

[rawona]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

مبرووووك افتتاح التجمع .. وان شاءالله يكون من التجمعات الناجحة علشان يتم تثبيته :rerrerek:


بالنسبة لرحلتج وعلى الاماكن اللي مختارتهم اشوف 20 يوم وايد شويه :eh_s(2):


نيويورك كافي لها من 5-7 ايام (بزيادة)

افضل اماكن السكن فيها مانهاتن / تايم سكوير

عندج ماريوت - شيراتون - حياة من الفنادق الممتازة اهناك

انصحج تاخذين رحلات تور فيها وتزورين تمثال الحرية والجزيرة اللي عليها - اهم الاماكن السياحية في نيويورك السنترال بارك - بلازا هوتيل - الامباريم بلدينغ - مكان احداث سبتمبر 11 - سكاي لاين نيويورك- السوق .. واذا تحبين العروض تقدرين تحضرين عروض برودواي بس اذا بتروحين لاس فيغاس حضري العروض اهناك احسن لأنها نفس العروض مثل فانتوم اوف ذا اوبرا -لايون كينغ- ماما ميا - شيكاغو وغيرها ..

متحف الشمع مدام تيسو موجود في نيويورك - لاس فيغاس - هوليوود في لوس انجلوس لا تروحين مال لاس فيغاس صغير انصحج بمتحف الشمع اللي في نيويورك او هوليوود


بالنسبة حق لاس فيغاس

سكنت في الفنيتين الفندق حلو بس اللي ما حبيته بفنادق لاس فيغاس ما حسيتها 5 نجوم!! خدمتهم عادية بس عجبني فندق الwynn las vegas حسيته حلو

شارع الستريب في لاس فيغاس كل شي فيه وتقدرين تفرين على كل الفنادق اللي اهناك والسوق وتحضرين اغلب العروض

من العروض الحلوة في لاس فيغاس

1. The Lion King

2. Phantom of the Opera موجود في الفنيتين

3. Mestere عرض سيرك تابع لسيرك دي سوليه موجود في فندق تريجر ايلاند

4. O عرض موجود في فندق البيلاجيو واهو تابع لسيرك دي سوليه بعد

5. عرض ka هم حق سيرك دي سوليه

6. LE REVE عرض مائي حلو موجود في الوين هوتيل

وهذا الموقع يفيدج حق رحلات لاس فيغاس البرية ورحلة الويست غراند كانيون (الهنود الحمر) وباقي عروض لاس فيغاس مثل عروض كريس انجل وديفيد كوبرفيلد وغيرهم
WWW.LASVEGAS.COM


كاليفورنيا حيل كبيرة بس اذا بتقعدين في لوس انجلوس بس لازم تقررين وين تبين الشمال والا الجنوب يعني صوب هوليوود وبيفرلي هيرلز والا صوب الجنوب عند نيو بورت بيتش واريفاين وقريب من سان دييغو خصوصاً ان ما عندج وقت تروحين كل مكان فيها


ولي عودة بإذن الله موفقة :aha:

​

 

[ام محمد الشمري]

الله يوفق الجميع وان شاء اروح اخر الشهر اذا تيسرت الامور