اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[buffy]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

جيكت عالقطريه بتاريخ 3 يوليو

لوس انجلوس والرده نيويورك



ب 900 وشي اشدعوااااا 

انتو 900 بس جم شخص يعني انا دشيت حطيت انا ويلي وعيالي 3 طلع 1220 وايد زين

 

[مدرسة كويتية 95]

عزيزتي مدرسة كويتيه انا اول مره اروح امريكا فكبدايه حابه اروح بس ولايه يعني حاطه فبالي اورلاندو عشان جيه انا اقول 10 ايام كفايه؟؟

حياتي حتي ولاية وحدة ما راح يكفيج وانتي مختارة اورلاندو يعني من امة ما بيكفي اولا اليوم الاول ضايع من تعب الطريج -خو 15 او 16 ساعة طيران مو شوي- واليوم الاخير بعد و هذا غير اذا فية طيران داخلي- بعدين حدايق الدزني مو كلها يم بعض وكبار ما تخلصين البارك الواحد بيوم عندج الاستيديوهات والماجك كندم والسي ورلد وغيرهم الوحدة فيهم تاخذلها يومين علي الاقل الا اذا بتطوفين شغلات وايد وخل اقولج بتفصيل اكثر اليوم الاول بتروحين الالعاب في البارك وفيه دور وحتي لو اخذتي الفاست باس اللي يخليج تختصرين الوقت بس هم بيضيع بالالعاب واليوم الثاني حق نفس البارك تبين تحضرين الشو والعروض لانها صج ما تنطوف
ما ادري الناس انواع فية اللي يروح ويبي يشوف كل شي بسرعة مثل اللي ياكل بسرعة ما يتهني باكلة وفية اللي يحب ياخذ راحتة ويتلذذ بالشئ وشوفي انتي اللي يناسبج يا قلبي

 

[ورد وكادي]

بنات أحنا عندنا فيزا بل سنتين والسنه ناويين ان شاء الله نروح بنتي الصغيرة ما كانت معانا ولازم نطلعلها فيزا بس أنا وعيالي نحتاج نجدد الفيزا مالتنا والا علي القديمة؟؟؟؟؟؟؟؟؟؟؟؟

 

[مدرسة كويتية 95]

بنات أحنا عندنا فيزا بل سنتين والسنه ناويين ان شاء الله نروح بنتي الصغيرة ما كانت معانا ولازم نطلعلها فيزا بس أنا وعيالي نحتاج نجدد الفيزا مالتنا والا علي القديمة؟؟؟؟؟؟؟؟؟؟؟؟

مدام فيزتكم صالحة خلاص بس تطلعون فيزا حق الصغيرة وبعدين ما كو شي اسمة تجديد فيزا يعني لما تخلص بتعيدون الاجراءات من يد ويديد بس ليش انتو ما خذينها اول بتسهل عليكم اخذتها

 

[مدرسة كويتية 95]

رد: Test, just a test

hello. And bye.

بفهم شسالفتج مشاركاتج كلها نفس الجملة بتزيدين مشاركاتج بسرعة وباي شي والا شنو بالضبط؟ اللة يستر منج بس

 

[ورد وكادي]

مشكوره أختي على الرد

 

[q8tiaa81]

بنات انا وريلي وعيالي ثلاثة واحد منهم عمره سنة جم يبيلنا حق امريكا لو بروح 20 يوم اورلاندوا مثلا

 

[اشراقة الحياة]

الــــــــــــــــســـــــلام عليكم ..........
الف مبرووووك على التجمع اليديد ..........
وان شاء الله يكون نفس تجمعات السابقه ..........

راح اكتب المناطق الي زرتها في امريكا ....

صيف 2009 كنت رايحه كاليفورنيا
وراح اعطيكم المناطق الي سكنتها .......
بفرلي هيلز ....
لاس فيغاس ...
انهايم ....حق والت ديزني
سانتا مونيكا .........
هذا بالنسبه حق كاليفورنيا


اما بالنسبه حق صيف 2010 رحت فلوريدا ....
المناطق .....
اورلاندو ......
ميامي .....

يعني بنات بحدود هالمناطق لا يردكم لا الكيبورد... ..

 

[ذرابه]

رد : رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

انتو 900 بس جم شخص يعني انا دشيت حطيت انا ويلي وعيالي 3 طلع 1220 وايد زين

السعر لشخص واحد الروحه لوس انجلوس والرده نيويورك على السياحيه بعد


الحين احتمال نقرر الروحه والرده نيويوك وبعدين من اهناك ناخذ طيران داخلي جذيه سعر التذكره سعرها زين

 

[kakawa nona]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

اذا بتروحين لنيويورك روحي عالكويتيه أطب دايركت على نيويورك

انا قارنت بالخطوط الجويه الكويتي وايد اغلى وفرق

القطريه احسن شي ليلحين ان قاعد اقارن الكويتيه فررق 500 دينار
والقطريه وايد يمدحون طيارتهم وطيرانهم انا الصراحه ولا مرا رحت فيها

 

[q8tiaa81]

بنات شدعوة محد رد علي

 

[~ M!sS D!oR ~]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

بنات القطريهـ طيرانهم ما عليهـ كلام حق السفرات الطويله
صج انصح فيهـ من قلب:,./

 

[النورة]

انا كنت مخططة أروح مع زوجي وبنتي امريكا الصيف
لكن ترددت عن الرحلة لان بنتي بكون عمرها 8 شهور والرحلات والعروض الي ذكرتوها تكون صعبة علينا بحكم صغر سنها
بنفس الوقت ماقدر اخليها واسافر

مع انه واااايد بخاطري؟؟

شرااايكم؟؟

 

[حبيبة زوجها 2]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

وانا بعد بنات انا ودي اروح هالسنه اشرايكم و دي اروح اولاندو انا وزوجي و عيالي 3 الصغيره 3سنين
جم تهقون يكفينا ميزانيه اذا بنقعد شهر من غير التذاكر بحدود الصرف العادي غير التسوق مو بالحسبه
بس الي مخوفني الجووووووووووووو الكل يقول خيسه صراحه تعودت على البراد ماني متخيله اني انحاش من حر الكويت:RoadRunner: واروح حر بعد ولا زوجي على حنتي و تطلع الديره خيسه ولا غير :23_asmilies-com:
نبي نتبرد اشرايكم بنات الي راحو تسوى الواحد يضحي بالجو مع ان انا عندي الجو اهو كل السفره لا تلومونا من البراد اللي عندنا بالصيف

 

[q8tiaa81]

بنات الفين دينار تكفي حق عشرين يوم انا وريلي و2 عيالي ؟

 

[الكويتية28]

ودي انشاءاالله باذن الله اروووح بس الصراحه التذاكر تكسر الميزانية :cxxxp:
شنو ارخص طيران؟؟ انا ودي اروح اورلاندو اونس عيالي يعني جم تقريبا صرف اورلاندو؟؟؟
واذا بروح امريكا 10 ايام جم بتكون الميزانية؟؟ بليييز عطوني فكرة عشان اقدر ارتب عمري وادعووولي اساااافر :eh_s(8):

حبيبتي اذا مقتنعة 10 ايام للسفرة توكلي على الله واحجزي . ترى انامن النوع اللي دايما سفراتي قصيرة لان ازهق بسرعة فكل واحد يختلف عن الثاني . والله يكتب لج السفرة انشالله يارب

 

[الكويتية28]

مقررين الصيف على اوربآ انشالله .. ولنا خبره فيها مو اول مره نروحلها
بس عقب الزياده تغيرت النظره يعني ميزانيتنا حلووه حيل قمنا نفكر بامريكآ ومترددين ؟؟

بس ولا مره رحتلها وماعندي خبره ومتخووفه منهآآآ ؟؟؟؟؟؟؟؟ شرايكم بنآآآت

يكفي لهاا 16 يوووم ؟؟؟؟؟؟؟ ولايتين ؟؟؟؟ او 3

وشلون الميزانيه صج يقولون رخيصه امريكآآآآ ؟؟؟؟؟؟؟؟؟؟؟ بس تذاكرها غاليه ؟؟؟؟؟

والله انا سمعت من ناس واااااااااااايد ان رخيصة بس غلاتها بتذاكرها . توكلي وروحي جان عندج ميزانية

 

[الكويتية28]

الــــــــــــــــســـــــلام عليكم ..........
الف مبرووووك على التجمع اليديد ..........
وان شاء الله يكون نفس تجمعات السابقه ..........

راح اكتب المناطق الي زرتها في امريكا ....

صيف 2009 كنت رايحه كاليفورنيا
وراح اعطيكم المناطق الي سكنتها .......
بفرلي هيلز ....
لاس فيغاس ...
انهايم ....حق والت ديزني
سانتا مونيكا .........
هذا بالنسبه حق كاليفورنيا


اما بالنسبه حق صيف 2010 رحت فلوريدا ....
المناطق .....
اورلاندو ......
ميامي .....

يعني بنات بحدود هالمناطق لا يردكم لا الكيبورد... ..

حبيبتي انا شفت تجمعكم السنة اللي طافت . وشفت مشاركاتج الحلوة معاهم . فدام رحتي ياريت تفيدينا بالاماكن اللي رحتيها بكاليفورنيا والاسواق والفنادق اللي سكنتيها . ومشكورة مقدما

 

[الكويتية28]

انا قدمت عالفيزة خليت مكاتب الفيز يسويلي ياها . وانشالله ناطرة

 

[q8tiaa81]

بنات شدعوة ليش حاقريني ليش محد يرد علي