القـ عمره ما نصفني ـدر الـرابـ لي انا miss disaster ـعه :$

[miss disaster]

اول شي بااك طويل لكم بعد غياب و اعتذر عن التأخير:eh_s(22)::eh_s(22): ..

رجعت لكم بقصتي القـدرعمره ما نصفني:eh_s(2): ..

قصتي 90% واقعيه و جريييئه شوي ..
كل يوم ان شاء الله اكو بارت حلو مثلكم :**
لو تأخرت و ان شاء الله ما راح اتاخر اتمنى تعذروني:eh_s(9):
و اللي يقرون بدون رد بلييز ردوا و لو بكلمه :eh_s(14):
اتقبل ارائكم بكل رحابة صدر :eh_s(17):
و المتابعين اليدد حياكم و تشرفني متابعتكم :eh_s(22):


- ثواني و ينزلكم بارت 1 -
​

 

[miss disaster]

(بارت 1)​

دخلت الصف اشوف اللي موجودين لفيت و لفيت​

: اووه بدوره حركات من زمان ما شفتج وين هالغيبه


بدريه :هلا وصايف انا موجوده بس انتي مختفيه


وصايف : انا موجوده الا وين ملوك و مزون و فتون


بدريه : ما ادري


وصايف : يلا خل احط اغراضي ​

حطيت اغراضي و طلعت ادور البنات​

خل اوصف لكم وصايف ( طولها حلو و جسمها مرسوم و شعرها اسود سواد الليل و طويل و جميله سبحان من خلقها )​

مزون : واااي وصايف شهاللون


وصايف : شمس الشاليهات


ملاك : ايييي عجييب لايق عليج


رناد : امبيييه وصايف شنو هذا .. ضعفانه و اللون عجيب


وصايف:هههههه شنسوي ​

اممم خل اتكلم لكم عن نفسي شوي​

اسمي وصايف عمري 17 سنه ادرس بالثانويه ب12 ادبي


احب دراستي وايد طموحي الحقوق ابي اكون محاميه ذكيه فوق ما الكل يتصور افهمها و اهي طايره و عاقله و حكيمه بس ساعات تيني عرات افصل احب الحياة و ما احب اكدر روحي ابد .. و بنت خالي رناد ب12 علمي كيوته و شيطانه طموحها هندسه و باقي (شلتي بدريه و ملاك و مزون)


بدريه انسانه معقده كل الناس عندها جذابين و ما تثق باحد حتا اهلها ما تثق فيهم و دايما في صراع مع مرت ابوها


و ملاك فصله و غشمرجيه اهلها على قد حالهم دايما تقارن نفسها فغيرها من الناس


مزون زميلتي بطموحي معاي بادبي اهي و بدريه اما ملاك مع فتون .. مزون طيبه و على نياتها ​

نرجع حق البنات بالثانويه ​

رناد : وصايف شوفي شوفي هاذي من مساع تخزني(بهمس)


وصايف: وييييع مو ناقص الا هالشكال


ملاك : شفييج ؟


بدريه : منو قصدج ؟


مزون : هاو وصايف ينيتي


وصايف :افففف امشوا امشوا ​

طق جرس الطابور و انا رحت الاذاعه و البنات واقفين كل وحده مكانها


و خلص طابورنا على خير


دخلنا الصف ​

وصايف :واااي بنات مو مصدقه باقي شهرين عالفاينل و عقبها نتخرج و نروح الجامعه


بدريه : اي بس راح نفترق


مزون : شكو .. راح نتواصل اكيد


ملاك : انا مو ويه جامعه


وصايف: اششش .. خلاص عاد خل نركز بالدرس


مدام تهاني : بلييز بنات ياللي بدها تحكي تطلع لبرا


وصايف : اسفين و ما راح يتكلمون و لفيت اخزهم


مدام تهاني : ما أصدي عنك وصايف


وصايف : اي عارفه


و كملنا الدرس​

نروح حق رناد ​

كنت قاعده اكتب ما حسيت الا بمساحه محذوفه على راسي


رناد :ايييي


ابله ساره : شفيج شصاير


رناد : ما ادري منو حذفت المساحه علي​

فجاه انتبهت انت اكو شي مكتوب هالمساحه كان مكتوب " انا نور قاعده وراج توهم ناقليني المدرسه و حابه اتعرف عليج "


استغربت شلون حاشره الحجي جذي عالمساحه بخط حده صغييير الموهم انا ما ارتحت حق شكل هالبنيه بس كنت اقول حرام ما عندها رفيجات توها يايه ما كنت ادري ان معرفتي بهالبنت بتدخلني عالم انا مو قده عالم ما يناسبني​

رناد لفت على نور و قالت : اهلا نور انا رناد


نور بنظرة خبث : تشرفنا


رناد لفت تكمل الدرس ​

و مروا الحصص لحد ما يت الهده


طق الجرس​

وصايف : يلا شيلو اغراضكم خل ننحاش بيوتنا


مزون : يلا انا بره انطركم


ملاك : وصايف سايقكم هني


وصايف: اي و يلا تعالي معاي


لفيت ادور بدريه بس بدريه اختفت


وصايف : اقول بنات وين بدريه ؟


رناد : طلعت شفتها جدامي توه و انا داشه صفكم


وصايف : اهاااا .. يلا نروح ​

ركبنا السياره و ردينا البيت بس كل وحده عقلها بصوب


خل نشوف شنو كانو يفكرون فيه ​

وصايف" اوووف متا ادرس و متا احل الواجبات و متا ارتاح تعبت بس ما عليه كلها جم شهر و ارتاح من هالهم "​

رناد " اقول حق وصايف و لا لا .. اممم وصايف شكلها ما حبتها مابي اقولها اخاف تزعل و اخلي صداقتي مع هذيك بالسر "​

ملاك " يا حظها وصايف سايق و سياره كشخه و اي شي تبيه ما ينرد دلوعه ابوها وجميله "​

وصلت ملاك ورناد و رديت البيت​

اول ما دخلت و لا امي بالصاله​

وصايف : مسا الخير على احلى ام بالدنيا


امي : هلا بحبيبتي هلا


وصايف : وين باباتي ؟


امي : الحين ينزل


وصايف : انا مابي غدا لحد يقعدني بناااااام


امي : حبيبتي و باستني


ابوي : لا لا جذي احنا نغار من بعض الناس


وصايف: هههههههه​

يا ترى شنو راح يصير مع كل وحده فيهم ؟


نطروني و بتعرفون:eh_s(22):​

 

[Lolwa]

ناطرينج ياقمر

 

[MiSs FoOoFoOo]

شكلهاا حللووه
متاابعتج

 

[miss disaster]

ناطرينج ياقمر

:eh_s(22)::eh_s(22)::eh_s(22):

 

[miss disaster]

شكلهاا حللووه
متاابعتج

تشرفني متابعتج حبيبتي:eh_s(17):
و عيونج الحلوه:eh_s(22):

 

[بنكوووو]

ولكم باااااااك ؛**
بدايه تشوق و أكيد الروايه حلوه لان صاحبتها عسل :*
و نااطرييينج كملي ..~

 

[G!rla q8ya]

شكلهآاااا عجيبة

ننطرچ حبيبتي

و يعطيچ آلعآااااااااااافية ~_~

 

[Tom ♥ Jerry]

.

روووووووووووووووعه ,،

وصاااايف حبيبتهآ وآيد طموووحه آحب الانسانه الي جذي .، (=
ملآك ليش المقارنه عااد
و رنآآآد مآ حبيتها عشان خشت على رفيجتهآ و نور شكلها بويه لوول

كممممممملي فديييييتج :**

 

[om sa3ad]

ناطرينج

 

[زوغه الحقوق]

يا سبحان الله

اكثر روايه راح استمتع وأنا أقراها ه
هههههههههههههههههههههههههههههههههه
ناطرينج ​

 

[miss disaster]

ولكم باااااااك ؛**
بدايه تشوق و أكيد الروايه حلوه لان صاحبتها عسل :*
و نااطرييينج كملي ..~

حبيبتي انتي العسل :eh_s(22):

 

[miss disaster]

شكلهآاااا عجيبة

ننطرچ حبيبتي

و يعطيچ آلعآااااااااااافية ~_~

:eh_s(22):الله يعافيج حبيبتي

 

[miss disaster]

.

روووووووووووووووعه ,،

وصاااايف حبيبتهآ وآيد طموووحه آحب الانسانه الي جذي .، (=
ملآك ليش المقارنه عااد
و رنآآآد مآ حبيتها عشان خشت على رفيجتهآ و نور شكلها بويه لوول

كممممممملي فديييييتج :**

:eh_s(22): و ان شاء الله اول ما اخلص البارت الثاني انزله

 

[miss disaster]

ناطرينج

من @@ :eh_s(22):

 

[miss disaster]

يا سبحان الله ​

اكثر روايه راح استمتع وأنا أقراها ه
هههههههههههههههههههههههههههههههههه

ناطرينج ​

ثانكس :eh_s(15):

 

[miss disaster]

بنات حبايبي بوضح شغله لان جد موتتني ضحك:krkrkr: ..

انا صج بالحقوق و من عمر البنات بس ترا مو وصايف:eh_s(8): لاني انسالت بهالشي
انا مو اهي لسببين :
اولا انا كنت علمي مو ادبي:eh_s(22):
و ثانيا مو مدخله نفسي بالروايه :ggdw:

و الحين بكتب بارت و انزله لعيونكم :eh_s(22)::eh_s(22):

 

[الزين كله فيها]

ولكم باااك و ولهت على روايااتج
و انا من المتابعين بصمت و نادر ما اكتب تعليق لروايات
بس لاني قاريه كل رواياتج و عشان خاطرج علقت
بداايه حلوه و موفقه و ناطرينج بالبارت الياي

 

[miss disaster]

(بارت 2 )​

راح اوقف احداث قصتي عند وصايف و راح ابدي اتكلم عن كل وحده في بارت ​

بدايتي مع ملاك ​

ملاك بنت متوسطه الجمال اهلها على قد حالهم .. طيبه و تحب الضحك و الفصلات بس تسوي اي شي عشان توصل حق مستوا معيشي اعلا من مستواهم ​

ملاك لها اخو واحد بس​

في تاريخ 3-7 تحديدا بيت ابو ملاك​

ام ملاك : ااااااه بو ماجد​

ابو ملاك : خير شفيج ​

ام ملاك: قوم قوم شكلي بولد الحيين ​

ابو ملاك : يلا يلا قمنا​

و اخذها و طار المستشفى ​

و الساعه 6.30 الصبح انولدت ملاك ​

كانت ملاك ببراءتها و هدوءها​

الكل كان يبارك لابو ملاك فيها بس ابو ملاك كان باله مع منيره ام ماجد لحد الحين محد طمنه عليها ​

السستر : فين جوزها​

ابو ملاك : انا زوجها​

السستر : الحئيئه مراتك تعبت اوي و محتاجه نأل دم​

الكل راح يتبرع لها و اللي سهل الموضوع فصيلتها ab يعني تاخذ اي فصيلة دم ..​

قامت ام ملاك بالسلامه ​

ام ملاك : شنو سميتها ؟​

ابو ملاك : ملاك ​

ام ملاك : شفتها ؟​

ابو ملاك : لا قلت اتطمن عليج اول​

ام ملاك : خل اييبونها ​

ابو ملاك : اوك​

و راح يكلم السسترات ..​

خل نمشي شوي بعمر ملاك و نشوف اول يوم لها بالروضه ​

ام ملاك كانت وايد مستانسه ببنتها بس اللي ما كانت تشوفه كره ماجد لملاك ..​

ماجد كان يكره ملاك لان اهله قامو يهتمون فيها اكثر منه رغم انه كبير مو محتاج هالاهتمام بس الغيره و ما تسوي​

و اهي طالعه من البيت دزها و طاحت و مثل اي طفله بدت تبجي​

شالها ابوها و دخلها البيت مره ثانيه و ضمدت امها الجرح و راحت الروضه كانت طفولتها عاديه جدا تلعب و تناقز حالها حال اليهال الباجي..​

راح امشيكم بعد شوي و اخليكم تروحون حق مراهقتها​

لما دشت المتوسط و اول ما عرفت وصايف​

عرفت وصايف لانها تهاوشت معاها و مع فتون و من يوم ما تصالحوا اهم رفيجات و يخافون على بعض​

ملاك كانت تقول انها بخير جدام البنات بس الحقيقه لا ما كانت بخير ابد​

خل اوريكم يوم من ايام ملاك العاديه ..​

ملاك كانت قاعده تفرفر قنوات التلفزيون و دخل ماجد و قعد يمها ​

ماجد : عطيني الريموت كنترول​

ملاك: مابي​

ماجد : يبيه دام النفس عليج طيبه ​

ملاك : مابي قاعده اشوف التلفزيون ​

و قام ماجد كفخ ملاك لحد ما ويها صار ازرق من الطق​

و جسمها نفس الشي​

البنات زارو ملاك بالبيت ​

وصايف: ملوكه شفيج ؟​

ملاك : لا و لاشي​

رناد : اي ولاشي و انتي ويهج ازرق​

ملاك: لابس طايحه من الدري امس​

وصايف : الحقير مد ايده عليج صح .؟​

ملاك : لا​

وصايف ( معصبه) : لا تجذبين​

ملاك لمت وصايف و بدت تبجي​

ماجد كان اكبر منهم ب 5 سنين كان عمره 16 و اهم 11 ​

وصايف شافت ماجد توه داش البيت راحت و تهاوشت معاه ​

وصايف : انت حقير بس و الله ما اسكت​

ماجد : جب يلا .. لا تبطلين حلجج​

وصايف : جب هاذي تقولها حق غيري .. بس لاقول حق ابوي عن سوالفك ​

ماجد : مالج شغل ​

وصايف:انت شنو ابوك مات و وصاك عليها حرام عليك​

ملاك (كنت اشوف وصايف بجرأتها و بشخصيتها القويه ما تخاف منه اهي الوحيده ما تخاف منه كانت قويه لابعد درجه)​

كانت ايام ملاك اغلبها جذي​

طبعا ابو ملاك و امها توفوا بحادث سياره و ماجد كان معاهم بس لانه ورا ما صار فيه شي مجرد جروح بجسمه اما اهله فالله يرحمهم..​

خل نشوف يوم حفلة تخرج ملاك من المتوسط​

ماجد : اقولج ماكو روحه يعني ماكو روحه ​

ملاك : الله يخليك اليوم حفلة تخرجي و كل رفيجاتي هناك​

ماجد : ماكو روحه ​

و طلع و قفل الباب وراه​

ملاك دقت على وصايف​

وصايف : ايييي حرقتيني ..الووو هلا​

ملاك : انا ما راح ايي​

وصايف : ليش ؟​

ملاك : مريضه​

وصايف : اهو السبب صح ؟​

ملاك : خلاص اخليج ​

وراحت وصايف البيت و طلعتها من الدريشه و حضروا الحفله و لما ردت كلت طق و اهانات من ماجد​

هاذي حياة ملاك و باجر نبدي بحياة مزون ​

اخذوا فكره عنهم عشان نبدي بروايتنا ...​

 

[miss disaster]

ولكم باااك و ولهت على روايااتج
و انا من المتابعين بصمت و نادر ما اكتب تعليق لروايات
بس لاني قاريه كل رواياتج و عشان خاطرج علقت
بداايه حلوه و موفقه و ناطرينج بالبارت الياي

ثانكس حبيبتي و ما تولهين على غالي :eh_s(22):

لا و اللي يعافيج كله و لا الصمت ما احبه :eh_s(4):

و البارت الثاني نزل :eh_s(9):