بارت (3 )
مزون بنت ملامحها جذابه بطوطه تحاول تضعف و ماكو فايده
كل محاولات الرجيم باءت بالفشل لووول قصيره و شعرها بني
مزون لها 4 اخوان و اهي البنت الوحيده بينهم
نروح حق يوم ولادتها و تحديدا 24-4
ام مزون كانت نايمه بالمستشفى لان فيها سكر حمال
ام مزون :سستر ..سستر
و ضغطت الزر و يت السستر
و دقوا على ابو مزون و يه المستشفى ولدت امها و يابت مزون
مزون عاشت طفوله جدا عاديه حالها حال اليهال
نيي حق مراهقتها مزون كانت معجبه بولد خالتها اسامه
كانت تحبه من مراهقتها و كبر معاها الشعور و محد يدري غير وصايف لانها صندوق اسرارهم و يدرون ما تتكلم مني و الطريج
اخوان مزون وايد يخافون عليها بشكل مو طبيعي و يحاتونها و اهي اصغرهم .. تقدرون تقولون دلوعتهم ..
خل نشوف يوم تخرج مزون من المتوسط
مزون : واااي وصايف يلا يلا ما صارت
وصايف : واي مزون عن الحنه
مزون : الكل هناك الا انا وا انتي و ملاك
وصايف: انزين انزين
و راحوا الحفله
كان في طبع خايس عند مزون و اهو غيرتها من نجاح وصايف
كانو نفس النسب بس تفرق اعشار .. ما كانت ترضى بهالشي ابد
و كانت توصل هالغيره لحسد ساعات
وصلو البنات الحفله
ومزون خشت كلمة وصايف عشان ما تطلع و تقولها
وصايف :امبييه .. وين الورقه ؟
مزون : وييي اخاف ما يبتيها
وصايف : امبلا كانت بايدي
مزون من داخلها تضحك
و وصايف تفتر تدور ورقتها
ابله ساره :وصايف يلا الحين دورج تقولين الكلمه
مزون : ابله كلمتها ضايعه .. اذا تبون انا اقولها بدالها
وصايف انصدمت
ابله ساره :ضايعه؟
وصايف : عند امي نسخه خل اخذها
و راحت خذتها و عدى اليوم على خير
اللي ما كانت تشوفه مزون اهو الجانب المظلم من شخصية اسامه
كان استغلالي درجه اولى و مغازلجي و عيونه زايغه
اكبر من البنات ب 10 سنين
اهم 14 و اهو 24 عنده سوالف بنات و شقق
امه كانت تبي مزون له
بس اخو مزون مو راضي و قايلها لا تخطبين اختي
اخوها علي كان اكبر منها بسنتين و محد كان ملاحظ اعجاب علي
بوصايف الكل كان يعتقد لانهم متربين مع بعض ما يشوفها اكثر من مزون ..
ابي اكلمكم شوي عن علي عشان له دور معانا بالقصه
علي انسان نظامي و على نياته .. اهم شي عنده دراسته
كان يشوف وصايف من لما كانت صغيره بس ما كانت
تحرك فيه شعره لين ما يه هذاك اليوم اللي علي حب وصايف
حلم علي يكمل دراسات عليا و يتزوج وصايف بس مسكين ما يدري ان حلمه ممكن يكون مستحيل ..
خل نروح حق هذاك اليوم
كانت حفلة عيدميلاد مزون ال15
كانوا البنات يضحكون و يلعبون مو مهتمين بشي
وصايف : هههههههههه .. امبيه ابي ماي
ملاك :هههههه انا بيي معاج
مزون :ههههههه الله يقطع ابليسج يا رناد
رناد :هههههههه و الله هذا الصج
راحت وصايف مع ملاك المطبخ و لا بدخلة علي
انصدم .. و انخش لحد يشوفه
ملاك : يلا وصايف وخري ابي اشرب ماي
وصايف: اوك اوك
علي بقلبه "معقوله هاذي وصايف ..ما شاء الله كبرت و صارت حلوه .. منو يصدق ان هاذي البنت اللي كنت العب معاها قبل"
علي قال بدش خل يشوفوني
دش علي
وصايف :هييييييييييي .. كح كح (شرقت بالماي)
ملاك : اسم الله عليج
وصايف تشرب الماي: انت منو و شتسوي هني ؟
ملاك التفتت و شافته بطوله و سماره و غمازته و جاذبيته
علي :ههههههههههههههههههههههه انا علي
وصايف : ويعه .. صاير شكبرك
علي :ههههههههه بصغر مثلا ؟؟
وصايف :هيهيهي مليييق .. للحين على نفس الملاقه
علي : و انتي على نفس السخافه
ملاك تساسر وصايف : شالسالفه ؟
وصايف : شتسوي ياي ما تدري كله بنات هني
علي : للحين لسانج ما قصيتيه
وصايف بعصبيه : جاوب
علي : ياي اصعد داري .. تعبان توني ياي من اللعب .. وادري اكو بنات عشان جذي داش من المطبخ
وصايف : اييي
علي : انتي منو ( قصده عن ملاك )
وصايف تطالع علي و رافعه حواجبها : هاذي ملاك و لا تسال
علي ضحك عليها و صعد داره يفكر فيها
و من يومها قلبه دق لوصايف
و كان يغار عليها بشكل مو طبيعي بس محد يدري
و ما يقدر يطلع شعوره لاي احد
كانوا لما يروحون اي مكان البر و لا الشاليه كان يراقبها من بعيد لما بعيد و كذا مره يتهاوش عشانها بس محد يدري عنه من صفاته بعد كتوووم لابعد حد
الحين عرفتوا مزون و عرفتوا علي
نطروني مع نور ..
