الفحص الداخلي متى ؟ هل هو ضروري؟ يحفز الولادة ولا مو شرط؟

[*الزين*]

السلام عليكم

بس بغيت استفسر بطريقة الفحص الداخلي متى يسوون لج ؟ باي اسبوع من التاسع

وهل هو ضروري ولا لآ؟


والي جربت انفتحت عقبها ولا شلون؟

عقبها جم تاخذين عشان اتييج الولادة يعني اهوا يحفز؟

يعني هل بس المستعيله تطلبه ولا دايمن يسوون الدكاتره ك اجراء روتيني !!!!!

ياليت نفسمع تجاربكم :tek:

 

[l!ke A roSe]

والله انا الاسبوع اللي طاف سويت فحص لاني شكيت اني مفتوحه شوي من العوار اللي يروح ويجي مثل الدورة من غير الشد يتيبس بطني وظهري يعورني
قالتلي مو مفتوحة وانا لي اسبوعين من دخلت التاسع وشوفي من بعد الفحص مافي ولاشي
قالت عادي هالعوارات وراح تزيد بس مو شرط تولدين يمكن تاخذين شهرج كله
وانا طلبته منها قلت يمكن يساعدني اولد هالاسبوع
وناطرين والله كريم

والله يسهل عليج وعلينا ان شاء الله

 

[*الزين*]

مشكوورة l!ke A roSe

يعني مو شرط تولدين انا عبالي بس تفحص يعني بوولد او يمكن مااييني طلق يعني قيصيريه هذا الي مخرعني من الفحص او يمكن تبط الماي بالغلط

مادري يعني مايفحصوون الا اذا في عوار

 

[عروسة]

الله يسهل عليكم يارب انا توني ريضه بس احس افحص الداخلي يموت الم..اذكر وحده تقول يعور ...:$

 

[*الزين*]

يحليج يالعروسه لا ان شاءالله مايعور لاتخرعين عمرج وانتي توج

 

[Cacawa]

انا الموعد الياي قالت بتفحصني
والله يستر

 

[دلع86]

انا توني والده والدكتوره فحصتني بنص التاسع تقريبا وولدت بعد بيوم واحد من الفحص

 

[*الزين*]

مشكوورة دلع على مشاركتج

يعني اهوا ضروري تفحص ولا انتي طالبة هالشي؟ اهي وسعتج؟ جم كنتي يوم افحصت

 

[مبدعة]

من تعدين الاسبوع 38 يبدون يفحصونج

بس الصراحة يعوووووووووووووووووووووووووووووور

انا فحصوني يوم الثلاثا و الاربعا وللحين على حطة ايدج ما ولدت

 

[LA TROO7]

الم يعوووووووووووووووووووووووووووووووووووووووووووووووووووووووووووووووووووووووووووور صرخت وبغيت ابكي

بس ترااا مو ضروري

 

[امراة من زمن الحب]

تكفوووووووووووووون لاتخرعووني ابي ابوي ابي امي أهئ أهئ أهئ

ادعوا لي اولد بالسلامة

 

[*الزين*]

مو الكل يقول يعور بعدين مو هذا اهوا السؤال

بليييز نبي توضيح اكثر

 

[مبدعة]

يعتمد على الفحص اذا وسعتج او لا انا وسعتني بس للحين ما ياني طلق

 

[الفراشه81]

انا بولدي ولدت قبل موعدي باسبوع وكنت اروح كل اسبوع اراجع ولا مرة سوت لي الدكتوره فحص داخلي احس مو شرط الا اذا كانت الدكتورة متخوفه من شي..

 

[ام طلال]

الله يهون علينا يارب

 

[lailalaila]

والله انا يا اختي من النوع الي اطوف موعدي واسبوع كل يوم اروح افحص على امل ان الرحم انفتح و اخرتها طل والفحص ما ساعد

 

[om3boood]

انا بولدي .. عديت موعدي .. ففحصتني الدكتوره وقصدها توسعني .. طبعا مت من العوار .. بس الليله اللي وراه نزل ماي وولدت
والحين الدكتوره تبي تفحصني بعد اسبوع ... (((( طبعا برفض )))) مالي خلق عوار

 

[Awash-82]

الصراحه انا تو الناس على ولادتي بس والله عايشه حالة رعب و السبة الكل يقول يعوووووور الله يسهل علينا . بس خواتي صج المشي يسوي شغل ولا مو شرط؟ ويعطيكم العافيه

 

[غيد مطير]

اول شي اللللللله يهون على كل البنات اللي موصله واللي توها ؟؟

اختي الزين بالنسبة للفحص عن تجربة في بناتي الثنتين يعور بس عندي الدكتور فحصه احسن من المرا مادري ليش؟

واذا طلبتي يكثر الجل ماتحسين حيل بالفحص والالم اما بالنسبة ان الفحص يفتح الرحم لا مو شرط انا في بناتي من نص التاسع لين اولد

يفحصوني يشوفون مفتوحه او لا وكل مره حدي 2 سم و الفحص مايوسع بس ساعات ينزل شوي نقطة او نقطتين دم عادي

لاتخرعين ,, تصدقين في بنتي الاولى ولدت بعد موعدي ب 3 اسابيع تخيلي اما في بنتي الثانيه ولدت بعد 6 ايام من آخر موعد ؟؟؟!!

 

[sweet fashion]

الله يهون على الجميع