الفحص الداخلي متى ؟ هل هو ضروري؟ يحفز الولادة ولا مو شرط؟

[FANDA]

انه بحملي الاول فحصتني الدكنوره باخر اسبوع بالتاسع وصادف انه يوم قبل موعد الولاده الي بالالتراساوند
من حيث انه يعور فهو يعور موووت لانه الرحم كان صاك عندي بعده والكتوره تبي تحفز عشان يجيني الطلق ...>> حسب كلامها

والله موعدي كان 8:30 الصبح وهي تقول لي الرحم صاك وما يات الساعه 10 الصبح الا الطلق بدى عندي وولدت يوم ثاني الفجر ( يعني يوم الي عطوني للولاده حسب الالتراساوند)

 

[miss-pink]

انا امس افحصتني مايعور وايد بس لان المنطقه حساسه بغيت ابجي وكنت خايفه
ولي اليوم ماصار شي بس عوار مثل عوار الدوره والله يسهل

 

[daloO3a]

شووفي حبيبتي
انا كل مراجعاتي بأمريكا
من الشهر الاول فحصوني مره وحده والاسبوع ال28 الشهر السابع
لكن انا رحت بشهري 3 حق دكتوره بالكويت
وسألنها هل هذا عادي ولا مخطور قالت: بالكويت الدكاتره يخافون ومو اي دكتوره اتسويه
لكن بأمريكا يسوونه عادي وشي روتيني يعني ..
انا جربته بصراحه كنت وايد خايفه المره الاولي دخلت الدكتوره ايدها كلها وفحصت وقالت لي بالضبط انا جم يوم صارلي حامل
اما الثاني دخلت ايدهاا الدكتوره عشان تتأكد من الجنين وكل شي زين
لأن قرب موعد ولادتي وتبي تشوف هل كل شي تمام ولا لأ
والحمدالله كل شي تمام بس المره الاولي عورني اكثر بصراحه
وماتشوفين شر

 

[نور عينى 22]

والله المشى ما نفعنى انا بولدى الاول مشيت مشى وما ولده الا باخر شهرى ولابعد ما خذه من االعاشر كم يوم وبنتى مشيت مشى اليهد انهد حيلى لفيت الممشى لف ما كو فايده وخلص شهرى واخذت من العاشر سبوع وما جانى طلق كلش
واخر شى يدخلونى ولده قيصريه وسلامته قلبك

 

[أسـيـل]

الله يهون على كل حامل ويرزق كل محرومه

 

[خجل العذاأارى]

انا فحصتني بالاسبوع اللي قبل الاخير بالتاسع كنت رايحه مراجعه وطلبت منا تسويلي سونالا جان ترفض قالت فحص انا من سمعتها احس الدم تجمد بعروقي ورفضت وغصبتني ماخلتني اطلع الا وفاحصتني ياااااااااااهو عوووووااااااااااررررررر يذبح وقالتلي مفتوحه واحد سم روحي امشي مشيت ويوم رجعت البيت جان ينزل دم بالليل واليوم الثاني الظهر ولدت طلعت مسويه لي توسعه

 

[أم منصـ 85 ـور]

حرام عليكم صرقعتونا

 

[كولوراديه]

خرعتوني
ليش يعور

 

[أبيار الكويت]

انا دشيت التاسع ولا رحت ولاااااااااااا مراجعه
كنت خايفه من الفحص الداخلي
بس لما نزل علي ماي رحت وفحصتني
وبعدها على طول قالتلي دشي ولاده وكنت مفتوحه 4 سانتي
ترى مو شرط الفحص اذا حسيتي بعوار روحي او نزل عليج ماي

 

[زينانه]

نصيحه من وحده وجربه الولاده اكثر من مره
بس تدخلين التاسع لاترفضين الفحص
لانه يساعد بتوسيع المنطقه من تحت عشان يفتح رحمج بسرعه قبل موعد الولاده
انا اللي اروح اطلبه اموت عالفحص عشان اولد وافتك
وترى احيانا يسرع بالولاده انا اذكر بولادتي اللي طافت فحصوني وبعد يومين ولدت

 

[زينانه]

الفحص مايعور الا البجر لان المنطقه عندها توها جديده ماحاشها فحص ولا ولاده من قبل
لكن بالولاده الثانيه والثالثه الفحص بيكون مثل الورد

 

[السموو]

الله يسهل عليج انا توني بالشهر الثالث
بس بحمالي اللي طاف سوولي فحص لما انبط الماي عندي 10 يوم من الشهر التاسع وكان مؤلم يذبح

 

[فاطمه الانصاري]

الله يعين الجميع يارب
اناانشالله الاحد مراجعتي واكيد بقولها تفحصني
صراحه كله عوار بعوار بس عساه بفايده

 

[MISS_RoOosha]

انا اليوم بروح الفحص والله يستر قريت الموضوع وزاااااااد الخووف شكلي ماراح اروح

 

[بدوره 22]

في فرق بين الفحص والتوسعه

اكو بنات يكون رحمهم متبطل اساسا من جذي بس تفحص الدكتوره ينفتح عنق الرحم وتصير حالة ولاده

وفي بنات رحمهم مسكر ويسون لهم توسعه وبعدين يتوسع عنق الرحم وبعدها ولاده

 

[leza_q8]

الله يسهل على كل حامل وقومها بالسلامه

وعافيه اهي وجنينها

وااااااااااااااااي قمت احاتي


كل ولاده احسها جنها اول ولاده نفس لمحاتات والخوف


يارب السهاله منك

 

[كويتيه بالفراوله]

أختي انا بولادتي ببنتي فحصت الظهر وكان الرحم فاتح 2سم والمغرب رحت المستشفى لقيته فاتح 7 سم وولدت الحمدلله بسرعه بس الظاهر الدكتوره واهي تفحص سوتلي توسعه لأني حسيتها عورتني حيل.
الله يهون عليج وتولدين بالسلامه.

 

[spanish Guitar]

لا يعور ولا شي عادي جدا انا سويته قبل ما احمل وتوني ريضه على عليه بس تجربتي معاه كانت عاديه لا عوار ولا شي

 

[شموووخ وغروور]

اب اب اب

 

[DoDo909]

بصراااحه عواار موو طبيعي

بس مااصحج بالفحص حتى لو طلب الدكتور

الا اذا كنتي حاسه بولاده

مثل نزل ماي او دم او عوار منتظم

والله يسهل عليج