( الفتاة الهاربة ) قصة واقعيه عن بنت كويتية هربت من الدنيا الى الشارع

[& شرطان الذهب &]

وينج ريريز ...؟
كل المعاهد سكرت .....؟!!!!!!!
ناا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا طرينج

 

[lojel]

الله يعطيج العافيه ومتابعينج بكل وقت يالغلا
ياحرام يا عاليه ماتدرين هذا فهدووو شنو وشنو يكون هو بالنسبه لاخوها ياحرام
الله يقطعهم حتي بعد ماتزوجت منار لاحقينها المسكينه شنو هذا ؟؟
ناطرينج يالغلا

 

[& شرطان الذهب &]

:eh_s(6):

:tomato2:
:krkrkr:
:dddds:
_03BA:
:denya:
من الفراغ ما ا ا ا ا ا ا دي شسوي ...
خل استعبط على ما اتشرف الملكه
ريريز

 

[Barshaloniya]

يعطيج العافيه وما قصرتي ونبي بعد بارات

 

[shayom al-q]

وناااااااااااااااااسه يعطيج العافيه يا قلبي
يلا كملي ناطرينج امبي احس انا متوتره اكثر من منار قلبي طاح ببطني :dddds:
امبي اليوم رايحه الفنار وانا امشي تذكرتج جان اقول اييييييييي هني علي تهاوش مع اخو منار وهني طاحت
لووووووووووووووووووووول انشالله ما انمدج وايد :krkrkr:

 

[ReRez]

بناااتااات انا باااااااااكييييييت :ada:

وبعدين شنو يعني من المعهد رواسي عالبيت ؟؟ شنو الواحد مايقز شوي ؟؟ :eh_s(14):

المهم الحين احط البارت ويت :ggdw:

 

[& شرطان الذهب &]

شكلج مطوله اروح انوم عيالي ....:gathering:









عشان اخذ راحتي :eh_s(8):






الله يخليج نزلي بارت شلعتي قلبي:tek:




:stars::stars::stars::stars::stars::stars::stars::stars:
:eh_s(10):

 

[ma3boocha]

مستخدمين موجودين حالياً يشاهدون الموضوع: 23 (12 أعضاء و11 ضيوف)
ma3boocha, مرت ريلها, أنــوتــا, الصوره تكفي, اوراد العشق, dludy, Fe6aMos, Ms.dndona, سهر الليل, Sara.M, فركيته, كما تدين تدان

يعني أكبر دليييييييييييييييييييييييل ان الكل ناطر البارت .. لووووووووووووووووووووووووووووول

يالله ناطره انا وياهم

 

[كما تدين تدان]

والله أدرس عيالي وأروح أطل ماكو بارت ؟؟؟؟؟؟؟ أرجع أدرسهم ومعصبة ومتوترة 0000عفية بسرعة 00من الصبح وانا أجيك0000صج حناانين تحملينا000

 

[ReRez]

** البارت الخامس والعشرون **
// ما احلل اي احد ينقل قصتي ومايذكر اسمي ReRez من منتدى كويتيات واللي ينقلها ومايذكر اسمي ربي ماراح يوفقه واهو يبوق تعب و أفكار غيره //

علي : يمه عيل عمور وينه ؟؟
ام علي : فوق الخدامه قاعده تكشخه
علي : ( يبتسم ) نزلوه حتى لو مفصخ ابي اشوفه
( الكل ظحك ومنار ابتسمت واتطالعهم وللحين اتحس انها وايد مرتبكه )
بعد شوي نزل عمر مع الخدامه و أول ماشاف علي ركض له وعلي شاله
علي : اهليين بالبطل
عمر : علي حبيييبي لاترووح
علي : ( باس عمر ) اشلونك يالبطل صرت كبيير
عمر : ( يطالع منار ويحط راسه بصدر علي )
علي : ( يظحك ) عموري شوف هذي منار
منار : ( تبتسم وتطالع عمر )
عمر : ( يطالعها ويرد يخش راسه )
علي : ( يظحك ويكلم منار ) ميخالف عطيه ساعه بس وراح يطلعلج قرون
منار : ( تبتسم ) يهبل الله يخليه لكم
( شوي دش عثمان مع ابوه الصاله أول ماشافو ابو علي الكل وقف ومنار حست ريلها ماتشيلها بس غصب واقفه )
ابو علي : ( يطالع منار وعلي وماقال شي )
علي : ( راح يسلم على ابوه ويبوس راسه )
ابو علي : ( بس خلاه يسلم بيده ورجع راسه عشان مايبوسه ) هلا هلا
( علي حس ان انحرج جدامهم وخصوصا من منار لأن كان يبي يشجعها انها تسلم بس الحين اكيد بتخاف اكثر )
منار : ( واقفه واتطالع ابو علي وماتدري اتقرب منه او لأ )
علي : ( مد ايده حق منار ) يبه هذي منار مرتي
ابو علي : ( طالع منار من فوق لي تحت وقال بنفسيه ) هلا
منار : ( ماتجرأت اتمد له ايدها لأن مبين ان مو مرحب فيها من قلب ) هلا عمي
عثمان : ( يبي يلطف الجو ) هلا منار اشلونج ان شاءالله كل شي تمام ؟
منار : ( تبتسم وفيها بجيه من الموقف المحرج ) الحمدلله كل شي بخير انت اشلونك؟
عثمان : الحمدلله
علي تضايق من تصرف ابوه بس سكت وحمد ربه ان ماقالها شي يجرحها شوي حطو الغدى والكل قام الصاله الثانيه اللي فيها طاولة الاكل
منار اقعدت بين علي وعالية وجدامها قاعده ام علي وعثمان وعمور وعلى راس الطاوله قاعد ابو علي
عمر : ابي اقعد اهناك ( يأشر صوب علي )
ام علي : لا اقعد اهني عشان اوكلك خل علي ياكل
علي : ( يبتسم ويطالع منار ) الحين بتذوقين طباخ امي
منار : مبين ان لذيذ من ريحته
( ام علي حطت حق كل واحد بصحن والكل قعد ياكل )
ام علي : ها يمه اشرايك ؟؟ سويتلك الاكله اللي تحبها
علي : تسلم ايدج يا احلى مريومه
ابو علي : عسى مرتك تطبخلك نفس هالطباخ ؟
( منار ابلعت لقمتها غصب واهي منحرجه وودها كلش مايدخلونها بسوالفهم )
علي : ( يبتسم ) اي يبه تطبخ خوش طباخ ماتقصر معاي
ابو علي : ( سكت وكمل اكله )
عالية : منار اشرايج انا وانتي وعلي انروح السوق يقولون منزلين ..
ابو علي : ( زفها ) عالية على كيفج اتقررين بدون شوري ؟
عالية : ( اسكتت وبغت تبجي من الاحراج )
ام علي : حصل خير جاسم البنت ماتقصد ويللا كملو غداكم
( منار ماشالت عينها عن الصحن ماودها اتشوف نظراتهم لها )
علي : ( حط ايده على ايد منار عشان تهدى شوي )
( عمر كان كل شوي يصارخ ويلعب بالاكل وعلي يسولف معاه )
ابو علي : ومتى ان شاءالله اتفكر اتييب ولد ؟
منار : ( كانت تاكل جان تشرق بالعيش واختنقت و اقعدت اتكح )
علي : ( يعطيها ماي ) هاج شربي ماي
ابو علي : اشفيها انا اشقلت ؟
( منار اشربت ماي وهدت بس قالت بتروح الحمام وعالية خذتها وراحو )
ام علي : اشفيك يا جاسم البنت ضيفه عندنا ليش كل شوي تحرجها
ابو علي : اي انا اشقلت؟؟ سألت متى اشوف حفيدي فيها شي ؟
علي : لا يبه مافيها شي وان شاءالله بتشوفه .. الحمدلله ( قام )
بعد الغدى اقعدو بالصاله يسولفون ومنار قاعده يم علي وساكته
ابو علي : انا بتكلم بصراحه ولا تعودت اخش اللي بقلبي
علي : يبه مو وقته الحين
ابو علي : بلى الحين وقته
منار : ( ساكته وودها الارض تنشق وتبلعها )
ابو علي : انت تزوجت وانا مو راضي وخلاص صار اللي صار .. وبالمستقبل اذا احملت مرتك .. ما ابي احفادي يعيشون بعيد عن عيني انا وامك .. الشغل بالشركه ناطرك حلالي اهو حلال اعيالي واحفادي من بعدي
علي : بعد عمر طويل ان شاءالله
ابو علي : فهمت كلامي زين؟؟ يعني طلعه من الشركه ماكو
علي : اهم شي اتكون راضي علي
ابو علي : خلاص صار اللي صار ومشيت كلمتك بس اتمنى اتكون مختار صح
منار : ( نزلت راسها وقلبها يعورها )
علي : ( يمسك ايد منار ) اي يبه ابشرك اخترت صح
ابو علي : ( يقوم من مكانه ) انا رايح ارتاح بغرفتي ( وخلاهم ومشى )
علي : ( يلتفت على امه ) يللا يمه انا ماشي تبين شي ؟
ام علي : ليش بتروح ؟ توك ياي ؟
علي : ميخالف يمه هذي قعدتنا من الصبح وودنا نرتاح
ام علي : غرفتك موجوده وناطرتك روحو ارتاحو فيها
علي : لا يمه بنروح البيت احسن .. انزوركم وقت ثاني ان شاءالله
ام علي : على راحتك
( سلمو عليهم وعمور بجى مايبي علي يروح جان تاخذه عالية عشان تسكته واطلعو علي ومنار )
بالسياره منار ساكته وعلي مايدري شيقول لها
علي : ميخالف هذي اول مره يشوفج عطيه فرصه
منار : ماراح يتقبلني
علي : بلى ابوي مهما عصب وصرخ بس بالنهاية والله قلبه طيب
منار : علي انا آسفه على كل شي سببته لك
علي : منور حبيبتي مابي اسمع هالكلام منج مره ثانيه .. انا ماسويت شي
منار : ( ابتسمت واسكتت طول الطريج )
-------
ام علي : حرام عليك الولد ياي لي عندك وبيبوس راسك احرجته جدامنا وجدام مرته ليش ؟
ابو علي : لأن البنت اللي مدخلها بيتنا مو مربينها اهلها عدل وخله بنت عمه عشان وحده ماعندها اخلاق ؟
ام علي : يا بو علي قص عليهم الشيطان وولدك تصرف وخذاها وباين ان يحبها .. ليش ماتسامحهم ؟
ابو علي : الحين ماسمعتيني قلتله شغله بالشركه ناطره متى مارجع ؟؟ عيل هذا شنو تسمينه ؟؟
ام علي : لا موجذي .. انت لو سامحته من قلبك جان اختلف اسلوبك معاه اهو والبنت
ابو علي : ولدي انا مجبور اسامحه عشان اعياله بيشيلون اسمي .. بس اهي مابي اكلمها ولا اتكون بينا أي صله
----
منار كانت قاعده بالصاله تسفط ملابس الغسيل وكانت طول الوقت سرحانه
علي : ماتبين تنامين شوي ؟
منار : لا روح انت ارتاح انا عندي شغل
علي : اساعدج ؟
منار : ( تظحك ) لا مابقى شي روح ارتاح
علي : ( قعد يمها ) خليهم عنج وتعالي ارتاحي ادري انج تعبانه
منار : ( اسكتت وهدت كل شي وقامت معاه )
( دشو الغرفه وانسدحو واهو قعد يقولها ان كل شي بينحل وقالها قصه البطوط وخلاها تظحك وبعدين نامو )
----
عالية منسدحه بغرفتها وتفكر بفهد ماتدري اتدق عليه او لأ
عالية : ( بقلبها ) لا لا مالي خلق عوار راس جذي انا مرتاحه
----
علي ومنار قامو من النوم عالمغرب وخذاها وطلعها وتمشو ودشو فلم بس هالمره كان فلم حلو واقعدو يسولفون عنه بالطريج وارتاح علي حس ان قدر ينسيها اللي صار اليوم وبالليل ردو تعابى تعشو ونامو..
----
مر يومين و علي مايقرب من منار واهي مستغربه من تصرفه بس ماتتجرأ تقوله شي بهالخصوص
-----
عالية ماقامت تشوف فهد وحست انها متضايقه وماتعرف شالسبب
خلود : اشفيه صارله يومين مو مبين ؟
عالية : مادري عنه .. باجر عطله و مادري يوم الاحد بيكون موجود او لأ
خلود : دام انتي لهالدرجه تحاتينه دقي تطمني عليه
عالية : مادري خايفه
خلود : والله ماينعرفلج
عالية : هذا ابوي وصل .. يللا انا ماشيه
خلود : أي شي يصير قوليلي
عالية : اوكي مع السلامه
---
عالية : يبه ليش ماياني عثمان اليوم ؟
ابو علي : صارت شغله ضروريه خليته يسافر حق الشركه وكلها يومين و ألحقه
عالية : ( اسكتت وللحين اتفكر بفهد )
( أول ماراحو البيت تغدو والكل راح غرفته عشان يرتاح .. بس عالية اقعدت اتفكر وتحاتي فهد لين قررت انها اتدق عليه .. راحت خذت تلفون البيت ودشت غرفتها )
عالية : ( قلبها يرقع وايدها ترجف ودقت رقم فهد )
فهد : الو ؟
عالية : ( ساكته )
فهد : الو ؟؟ منو
عالية : ( غصب تتكلم ) آنا اللي
فهد : عرفتج انتي اللي بالمدرسه عدل
عالية : اي
فهد : هلا والله و اخيرا سمعت صوتج
عالية : ( ساكته )
فهد : الو ؟
عالية : الو .. معاك
فهد : وين معاي ساكته وانا اتكلم بروحي .. عاش من سمع صوتج
عالية : عاشت ايامك
فهد : ماتعرفت عالاسم
عالية : عالية
فهد : عاشت الاسامي وانا اسمي فهد
عالية : ( ساكته )
فهد : داقه تتطمنين علي ؟
عالية : ( منحرجه ) اي
فهد : يعني لو كنت ياي هاليومين ماجان دقيتي صح
عالية : ( ساكته )
فهد : انتي ليش كله تسكتين سولفي معاي والله حاب اسمع سوالفج
عالية : الحمدلله انك بخير انا الحين لازم اسكر التلفون
فهد : ليش ليش ؟ تونا ماتكلمنا
عالية : ماقدر اشغل خط البيت وايد
فهد : ماعندج تلفون ؟
عالية : لا
فهد : انا اييبلج واحد
عالية : لا مشكور مابي
فهد : عيل اشلون اكلمج ؟
عالية : بعدين انا ادق عليك الحين لازم اسكر
فهد : خلاص ناطرج .. مع السلامه عالية
عالية : ( تبتسم و اهي منحرجه ) مع السلامه فهد
( سكرت التلفون ورجعته مكانه ويت انسدحت واهي تفكر فيه وقلبها يرقع من الارتباك )

 

[UNiQe^PRiNceSs]

بناااتااات انا باااااااااكييييييت :ada:

وبعدين شنو يعني من المعهد رواسي عالبيت ؟؟ شنو الواحد مايقز شوي ؟؟ :eh_s(14):

المهم الحين احط البارت ويت :ggdw:

قزي قزي شوراااااااااااج
يلا ناطرييييييييييينج

 

[ReRez]

آنا زعلانه عليكم .. صرت ماعرف اسوي اي شي بس عشان لا ازعلكم .. يعني اختي اتقول خل انروح الجمعيه
بعد المعهد اقولها ماقدر .. اتقولي عشان خاطري مابي اروح بروحي اقولها زين بسرعه لاتطولين ... ورديت عالسريع
لقيتكم زعلانين شسوي يعني :eh_s(16):

وتره القصه بخلصها عالبارت الثلاثين زييين ارتاحو :bbbiu:

 

[UNiQe^PRiNceSs]

وووووووووووووووووووووي
عاليه مينونه صح:eh_s(12):
امبيلها شوفي شبيسوي فيها !!!! راح يطلع حرة علي و منار فيها امبييييييه
انشالله ما يصير فيها شي انشالله:yaaaaaarb::yaaaaaarb:
ثاااااااااااااانكس حبيبتي ناطريييييين البارت الياي

 

[ميسوره]

اتوقع ان فهد راح يحب عاليه بعدين

سؤال متى البارت الثاني اليوم ولا باجر
ترى باجر الخميس يعني تبلش الزوارات

يعني نغزه افهميها نبي بارت
لووووووووووووووول

 

[كيكة حبيبي]

يعطيييييييييييييج العافيه ياقلبي

 

[كيكة حبيبي]

اي عفيه نبي بارت الووووووووم
لايوقف
لايوقف
لاوقف

 

[om yasafy]

لا يوقف
لا يوقف

عاشت ريريز يالله ناطرينج
اندمجنا بالقصة

احس روحي جني وياهم منىكثر ما انا مندمجة

 

[بنت الكويت 15]

وييييييييييييييييييييييي راح نفقد منار و علي
ليش بتخلصينها ابسرعة؟

 

[sindrella]

مشكوووره بس ما إمدانا قرينا البارت إلا خلص @@


واايد قصيير

 

[ReRez]

تسلمون يا حلويين عالمتابعه والاندماج لوول
بس انا اليوم قاعده اشتغل بوربوينت حق وحده .. ميخالف باجر ان شاءالله بعد الغدى بارت والساعه 9 بالليل بارت