( الفتاة الهاربة ) قصة واقعيه عن بنت كويتية هربت من الدنيا الى الشارع

[PinKiSHo]

وااااااااااااااااااااااااااااااااااااااااااااااااااااااااااااااااااو

رووووووووووووووووووووووووووووووووووووووووووعة

يلاااااااا كمليييييييييييي الباارت

اشوى اني فووووووق 18 يعني اقدر اقرى
ووبعدين بيني وبينج ترى الي تحت الــ 18 خبرة اكثر مني ومنج فاا عاادي اصلا لي كتبتي البارت للي فووق الـ 18 والله بيتليقفوون ويقروووون لانه كل ممنوع مرغوووب ويا حبناا للقافه لووول

واهنيج على هالابدااع واخذي رااحتج بالبارت والله يوفقج انشالله

 

[baby johnson]

لوووووووووووووووول
توصلين عند احبج وماتكملين لالالالالالالالالالالالالالاء والف لاء بعد كككككك
كتبي كتبي اخذي راحتج وانا 20 لوووووووول
بس مثل ماقالت الاخت ترى امهات ال15 وال16 افهم منا
احنا اللي خلف الله علينا استيعابنا بطئ لوول
كملي حبيبتي ولاتطولين
وموفقه بامتحانج يااااااااااااااااااااااااارب
برجع من الكليه 3ونص واتمنى يكون في بارت يديد اوكي

 

[ReRez]

هههههههه اي والله انا عمري 23 وللحين احس استحي لوول فخفت اجرح مشاعر من هم دون ال18
او افتح عيوونهم فقلت استأذن لووول بنزل بارت الحين و عالساعه 8 بالليل انزل ثاني اوووكي؟

 

[ReRez]

** البارت التاسع **

منار : اشفيك ؟
علي : أحب
منار ( ارتبكت وخافت يكون يقصدها ) : اتحب منو ؟
علي : أحبج انتي
منار : ( حست بدوخه ودها ان اللي اسمعته غلط ) علي تتكلم جد
علي : اي والله احبج منار احب كل شي فيج
منار : ( ساكته ) وتفرك ايدها واتطالعها
علي : منار .. شوفي انا ما اطلب منج تبادليني هالشعور ومابغيت اقولج بس احس كل يوم احبج اكثر وماقدر اتم ساكت اكثر من جذي .. بس اذا انتي ماتحسين بهالشي عادي ان شاءالله مع الايام بتحسين وراح ..
منار : ( لفت عليه و قاطعته ) خلاص علي لاتكمل انت تدري ان ظروفي اهي اللي خلتني قاعدة اهني لأن محد وقف معاي وساعدني الا انت وانا ما انكر هالشي بس اني اقعد عندك اهني وبينا علاقة هذا الشي انا ما ارضى فيه ولا ابيه يصير
علي : ( مسك ايدها ) منار انا ما أفكر باللي تفكرين فيه منار انا ..... انا ابي اتزوجج
منار : ( انصدمت وحتى ما اسحبت ايدها بس تمت اتطالع علي وعيونها غورقت )
علي : ليش تبجين منار الله يخليج قوليلي انتي ماتبين تعيشين حياة أحسن من هذي .. منار والله احبج وابيج ولا راح أأذيج وان تزوجنا بكون زوجج وامج وابوج واخوانج ولا راح تحتاجين حق احد ان شاءالله
منار : علي انت ماتحبني انا كاسرة خاطرك وتبي تساعدني بهالطريقة
علي : لا والله انا حبيتج عشان جذي ابي اتزوجج
منار : ( اسحبت ايدها من ايده واهي تصرخ ) علي انت شقاعد تقول انت تدري ان ماعندي اهل ولا اقدر اتزوج
علي : انتي مالج شغل بكل هذا خلي الحل علي انا
منار : ( سكرت اذنها ) خلاااص اسكت اسكت مابي اسمع هالكلمة مابي حلول الحل اللي جربته قبل كافي ( بجت حيل وغطت ويهها بيدها )
علي : منار اهدي والله ماقصدت ازعلج .. منار خلاص عاد والله ماتحمل اشوف دموعج
منار : ( تطالعه وويهها كله دموع ) علي انسى الموضوع ولا تطريه مرة ثانيه
علي : ( قلبه محترق من رفضها ) زين لو فرضنا ان سالفة اهلج ماراح تخرب الموضوع .. انتي رافضه اني اكون زوج لج؟؟
منار : ( قامت واهي تبجي وتعلي صوتها ) ايي رافضة ومابي اتزوج من أي احد .. وانا ما استاهلك ( واركضت دشت الغرفه واقفلت الباب )
علي : ( انصدم من ردها تم قاعد مكانه ماتحرك )
( علي تم بمكانه مدة بعدين قرر ينام عالقنفة لأن مايبي يخليها واهي بهالحالة )
منار منسدحة وقاعدة تبجي
منار : حتى لو ابيك ما اقدر ( وتمت تبجي حيل لين نامت )
- -
علي دق على امه عشان يطمنها ان بخير وماراح يرد البيت لأن بيسهر بالشاليه عند ربعه .. وتم يفكر باللي صار مدة ونام
الساعه 9 الصبح منار قامت .. اطلعت من الداروراحت الحمام – عزكم الله – غسلت وخلصت واهي رايحة المطبخ بتشرب ماي جان تشوف علي نايم عالقنفه وكانت صغيره عليه وارقبته ملتوية وريله جافس وحدة والثانية منزلها عالأرض ومو متلحف جان تروح اتييب غطاها من الغرفه وراحت لحفته فيه
علي ( بطل عينه حس فيها لأن النومة مو مريحته يوم شافها تلحفه ابتسم وقعد ) : مشكورة .. ها اشلونج الحين ؟؟
منار : الحمدلله .. ليش نايم اهني
علي : لأن حالتج امس ماعجبتني .. وكنت افكر باللي قلتيه بس مافهمته
منار : أحسلك ..
علي : منار بدخل الحمام وبطلع ابيج بموضوع
منار : اذا موضوع امس الله يخليك لاتعيده
علي : ( قام رايح الحمام ) شوي وراد لحظة
( غسل وخلص وطلع قعد يمها عالقنفه )
علي : تبين تتريقين بره؟
منار : لا ( قامت ) بس الحين أسويلنا بيض وجبن
علي : لا قعدي .. ابي اقولج شي
منار : ( اقعدت ) قول
علي : ابي عنوان ابوج
منار : ( تطالعه واهي خايفه ) علي .. الله يخليك خلاص .. مابي يعرف عني أي شي والله لو عرف مكاني يطرشهم علي ويذبحوني
علي : ( مسك ايدها وضغط عليها ) منار اهدي .. انا كلش ماراح اسوي شي يضرج .. بس بروح اكلمه ومابي منه الا موافقه وانا اعرف اشلون اخليه يوافق
منار : ( اسكتت مدة موعارفه شتقول ) علي انا مابي ..
علي : ( حط ايده على حلجها ) اششششش مابي اسمع شي انا اذا تزوجتج ماراح اخذ منج شي طول ما انتي مو راضيه لين تشوفين نفسج تحبيني لو هالكثر ( يسوي بأصابعه حجم حبة العيش ) ساعتها لا تبخلين علي وقوليلي .. ( ابتسم لها ) منار انا والله شاريج لاترديني وعطيني عنوان ابوج
منار : ( دمعت عينها ) آسفه علي بس ماقدر
علي : ( حس ان قلبه مقموت حيل ) أدري ان مر شهرين على فراقكم واهي مده قصيرة ماتنسيج بس انا قادر انسيج اياه ..
منار : ( تمسح دموعها ويطيحون غيرهم ) لا اصلا من يوم تخلى عني واهو طلع من قلبي والحين احس اني كارهته بس هم ماقدر اوافق
علي : ليش منار ماني فاهم
منار : خلاص لاتضغط علي أكثر
علي : ( مسح دموعها وقرب منها وباس يبهتها ) متى ما وافقتي عطيني عنوان ابوج وخلي الباجي علي .. يللا انا ماشي مع السلامه
منار : ( ساكته )
طلع علي وخلاها قاعده تفكر بالكلام اللي قاله

----
الساعه 8 ونص أو 9 بالليل انزل البارت اليديييييييد ^_^

 

[ReRez]

لاتقولون بارتات قصار ومن هالسوالف تره والله دراستي اي كلام زين كتبت شي ونزلته لكم

موعدنا 8 ونص - 9 .. الى اللقاء

 

[شيـري]

ياقلبي عليكي والله أني احبك في الله
القصـــه مره روعه واسلوبك وايد حــلو
ربنا يوفقك في اختبارك وتجي الاسئله سهله وتجيب الفل مارك يسير تحطي لنا بونص بــارت كمان
بالتوفيق حبيبتي
دا البارت فكرني بحلقه من حلقات مسلسل أهل الغرام 2
لما البنت الا في القريه تحب واحد ويبدأو اهل القريه يتكلموا عنها وتقوم امها تزوجها عشان يسكتوا الناس وابوها يكون مو موجود
وبعد زواجها وتحمل يجي ابوها ويعرف انه الناس كانوا بيحكوا فيه مع انها اتزوجته ويقوم يقتلها :'( امبيه اخاف اخوانها لو دلو طريقها هم لو اتزوجته يذبحوها :'( :'(

 

[ReRez]

** بارت تحذيري / فاصل اعلاني **

بنااات كتبت هالكلام بالعريض وبالأحمر عشان تقروووونه كلللللللللللللللللللكم

1- بنات قصتي فكرتها صجيه ان بنت انحاشت بس تره اهي الحين موزينه لحد يسأل يعني اشلون المهم المعنى من
كلامي ان النحشه من البيت اتدمر العيشه وتخليها اسوء من قبل فلحد يقلد قصتي لأن علي مجرد خيال وماراح تلقون
مثله بالواقع ..

2- القصه انا كتبها لأني ببين لكم المشاكل اللي بتصير .. والمشاكل اللي صارت من ورا اخطاء كان المفروض ماتصير
من الاساس يعني مو الغرض منها الحب والغزل لأن كل شي راح يبين بعدين اشلون تصير مشاكل تأثر على ابطال القصه

3- والقصه انا اعدها وااااااااااايد بريئه على اغلب القصص اللي اهني ولو بيصير فيها شي او موقف حميم فراح يكون موقف
بسيط وابدا ما احط شي قوي لأني انا استحي اكتب جذي .. المهم معنى الكلام ان لا تتأثرون وايد وتحاولون تعيشون احداث
قصتي بالحياة الواقعيه ..

وبنات تره انا ادري ان الكل عقله براسه ويعرف خلاصه بس هم قلت انبه عشان ارضي ضميري لأن في وحده دزتلي
عالخاص وقالت اني بشكل غير مباشر قاعده احرض بعض البنات ان ينحاشون اذا عندهم مشاكل و اني احرض المراهقات
انهم يدورون شخص مثل علي ويحبونه ..

الخلاصه : انا والله ارحب بالنقد وارضى فيه بكل وقت حتى لو كان بالموضوع نفسه مو بالخاص بس قلت لازم اكتب بارت
تحذيري عشان ارضي ضميري وعشان اذا في وحده فكرت تقلد القصه ياويييلها :23_asmilies-com:
و راح تقرون بالبارت الياي عواقب نحشت منار ونصيحه اخيره لكم (( بلا حب بلا وجع قلب )) :eh_s(15):


شكرا لحسن المتابعه.. كان هذا فاصل اعلاني وراح نرجع عال9 بالليل ونواصل :bye22:

 

[ReRez]

ياقلبي عليكي والله أني احبك في الله
القصـــه مره روعه واسلوبك وايد حــلو
ربنا يوفقك في اختبارك وتجي الاسئله سهله وتجيب الفل مارك يسير تحطي لنا بونص بــارت كمان
بالتوفيق حبيبتي
دا البارت فكرني بحلقه من حلقات مسلسل أهل الغرام 2
لما البنت الا في القريه تحب واحد ويبدأو اهل القريه يتكلموا عنها وتقوم امها تزوجها عشان يسكتوا الناس وابوها يكون مو موجود
وبعد زواجها وتحمل يجي ابوها ويعرف انه الناس كانوا بيحكوا فيه مع انها اتزوجته ويقوم يقتلها :'( امبيه اخاف اخوانها لو دلو طريقها هم لو اتزوجته يذبحوها :'( :'(

حبيبتي مشكووره عالمتابعه .. وانا والله ماشفت هالحلقه من اهل الغرام .. بس اكيد اخوانها بتكون لهم احداث ويفكرون
يأذونها بالمستقبل :icon30:

ومشكوووره على الدعوه الحلوه والله اني احتاجها الله يسهل امتحاني يااارب

 

[عــــــــــذوب]

واااااااااي يا ريري

لا تسمعين كلام اي احد من التقاد

لان هذي قصه ومستحيل تتحقق

بس انتي كملي ولا يهمج

وانثري كلامج الحلو علىينا خخخخخخخخخخخخخخخخخ

والله انا طول اليوم افكر بالبارت الياي

حتى ريلي يقول لي اشفيج اقول ما اعرف شفيني اههههههه من الحب وعمايله

كلع افكر شو يصير لهم

وبليز لا تخلين النهايه حزينه او تقلبينها مواجع

ترا الدنيا والله ما تسوى خلينا حلوين

وريحي قلب منور اااااااااااه على اسمي

لو تعرفين اسمي منور وريلي اسمه على

عاد انا كل يوم اطبع بارت واخشه عن ريلي وبالنهايه بسويه كتاب ولا تخافين بتكونيين انتي الكاتبه فديتج

واهديه له مني خخخخخخخخخخخخخخ


(( عاد لا تفكرون قصتنا مثلها هع هع موووووووووول ما يخصه بس اتمنى كذا اقصد البارت اللي كل يوم يشرد من اهله ويي يتغدى عندي


لا يررروح بالكم بعيد

والله مبدعه بمعنى الكلمه وهذا كلام قليل بالنسبه لج

 

[ryoonah]

يالله نبى بارت

 

[ميسوره]

مشكوره على هالقصه فعلا تعاطفنا مع منور واذا قصتج في جرائه وانج تحرضين البنات هذا الكلام غلط
انا اشوف قصتج حيل حلوه ومافيها شغلات جريئه
انا مره قريت قصه من المنتدى وحتى ماكملتها لاعت جبدي لا اسلوب وحتى قصتها جريئه حيل حيل
مستغربه اشلون ما انتبهو المشرفات

كملي حبيبتي ويعطيج العافيه

 

[ونة الم]

والله احنا البنات دايما مجروحيــــــن

القصــــــة روعه روعه روعه
يلا نتظر البارت
تكفين لا اطولين عليناااااااااااااا

 

[ونة الم]

اي والله مثل ماقلتي
(( بلا حب بلا وجع قلب ))
:eh_s(20):

 

[خـوخه]

ابداع بابداع مو من صجج حدج عجيبه ..


يالله ننطرج بالبارت الياي

 

[XxSaruxX]

زين بنات قبل لا اروح عندي سؤااااااااااااااااااااااال محرج شوي :×

احم انا استحي وايد عموما من هالاشياء لوول وأول مره اتجرأ وبكتب قصة حب :× المهم الحجي ان اهني في بنات دوون ال 18
حلوه دون ال18 لوول زين اشلون القصه بتاخذ منحنى ثاني ( افهموها يعني ) << منحرجه منكم بس قاعده استفسر اشلون على اللي مايبون
يقرون شي جذي؟؟

Awl shy thanku 3la il,part ilraw3a :s142:!!! 7da 3ajeeeib ;*
w b3dein 3ad enty 7awlaai tshafrein ashya2 ! w ma twath7eeein 8adir ilemkaan ! y3neee ketbai lw sa6ir wa7id w e7na nefham !!;/ W thanku thankuuu b3d glbeee ;;*

 

[sindrella]

وااااااااااااااو البااارت حلووووو


ولا تزعلين لو أحد قال لج إنج تحرضين البناات بس لأن الفكره يديده و ما

إنطرحت من قبل و مثل ما قلتي كلنا كبااار و نعرف الصح من الغلط ولا شرايكم

 

[ma3boocha]

وااااااااااااااي أحسها راح تدقر علي مسكين.


يالله سترك ما ادري اشبيصير

 

[fatma]

الاحداث قامت اتشوق اكثر .... ناطرين البارت الياي

 

[UNiQe^PRiNceSs]

واااااااي مو صج
اكيد مو بنت عشان جذي ما تبي
كملي حبيبتي ناطريييييييييييييييييييييييييييييييييييييييييين

 

[رفاعية19]

ناطريييينج ومالج شغل بأحد....