( الفتاة الهاربة ) قصة واقعيه عن بنت كويتية هربت من الدنيا الى الشارع

[fatma]

ناطرينج حبيبتي والله ايوفقج

 

[sindrella]

السلااااااااااام


قاعده أصبر روحي كل شوي اقر البارت الأخيير :$

و ناطرتج حبووبه

 

[خـوخه]

يالله ناطرين

 

[اوراد العشق]

نبي بااااااااااااااااااااااااااااااااارت
نبي بااااااااااااااااااااااااااااااااارت
نبي بااااااااااااااااااااااااااااااااارت
ناااااطررررين

 

[Nina.M]

Waitiiiiiiiing

 

[رفاعية19]

we r waiiiiiiiiiiiiiiiiiiiiiiiiiiiiiiiiiiiiiting>>>

 

[مووووني]

حياتي القصة مالها وصف تينن
ان شاء الله تخلصين شغلج بسرعة
وتكملين القصة الخطيرة

 

[Vo Girls]

نااااااااااطرييين عفيه لا اطولين علينا وااايد ..
خووش قصه تحمس ..


* نصيحه " كثر النطره تخلينا نمل " .. .. وع فكره حبيبتي بارتاتج وااايد قصيره يعني اهيا روايه البارت لازم يكون طويل
انتي تكتبين اجزاء بسيطه .. نبي بارتات طويله نفس باقي الروايات ..

ادري عندج امتحانات وضايقناج بس يا ربي قهر القصه تينن .. وحدها عجيبه اهنيج بصراحه عليها ..

 

[خـوخه]

يالله حووبي ناطرينج لا طولين علينا ..,

 

[ReRez]

قوووووووووه بناااات لوووول خل اقولكم اللي صار معاي ..

قلتلكم اني عبال ماخلصت شغل البنت ونمت بس 3 ساعات وقمت سلمته لها وردييت عالظهر
المهم الحجي اني بعد الغدا قررت ادرس امتحاني اللي باااجر عاد اهو كتاب كامل :eh_s(12):

بس يوم خلصت من الفصل الأول حسيت اني ماااشووووووووووف ولااازم انام لوول علساس انام ساعتين واقوم
بس الحلوه اللي اهي انا ماقمت الا الحييييييين :dddds:

بس والله شفت الساعه حدي انصدمت و اول مافكرت فيه انتو :eh_s(15): فقلت انزل لكم اللي كتبته اهو شوي مو وايد
بس عالأقل احسن من ولا شي

المهم واايد قرقت ادري :eh_s(22): بحطه لكم وادرس ومتى ماخلصت كملت لكم :hjy5jewf:

وآسفه عالتأخير .. ادعولي بنااات

 

[ReRez]

نااااااااااطرييين عفيه لا اطولين علينا وااايد ..
خووش قصه تحمس ..


* نصيحه " كثر النطره تخلينا نمل " .. .. وع فكره حبيبتي بارتاتج وااايد قصيره يعني اهيا روايه البارت لازم يكون طويل
انتي تكتبين اجزاء بسيطه .. نبي بارتات طويله نفس باقي الروايات ..

ادري عندج امتحانات وضايقناج بس يا ربي قهر القصه تينن .. وحدها عجيبه اهنيج بصراحه عليها ..

والله ادري ان بارتاتي قصيره بس اني انطركم وايد لا والله حرام عليكم بنات حتى بيوم امتحاني قاعده اكتب لكم وانزله
يعني مامر يوم مانزلت لكم شي

بس والله لو كنت كاتبتها كلها جان مابخلت ببارتات طواااااااااال بس والله شسوي عندي شغل بوربوينتات حق الناس
وعندي امتحانات وهم قاعده ابطل الوورد واكمل عالقصه وانزل لكم

يعني هذا اللي يطلع معاي باليوم ماقدر اكثر من جذي اكتب وهم السمووووحه منكم انا اعتذر اذا ضايقتكم ونطرتكم :eh_s(22):

 

[ميسوره]

اخذي راحتج

 

[ReRez]

ادري واايد طولت بس النت بطيء عندي وهم للحين مادرست بسرعه بحطه واطيير ادرس ..
ادري ان مو طويل بس شسوي امتحانات وشغل ماقدرت اكتب اكثر بس اول ما اخلص الدراسه اكتب لكم وانزل يمكن عالفير

** البارت الثامن **
علي : منار
منار : ( ماتطالعه وتكمل اتحط البطول ) هلا
علي : طالعيني شوي
منار : ( ارفعت راسها وطالعته )
علي : ( حط الشبس من ايده ) منار ودي اقولج شي وماني عارف اشلون اقوله ( جان يرن تلفونه )
منار : ( تظحك ) صاير بدالة كل شوي داقين عليك
علي : ( طالع الرقم حطه ميوت ومارد )
منار : امك؟؟
علي : لا هذي اللي بالمطعم
منار : يعني دقت عليك وكلمتها
علي : اي وقلت لها دام غلطانه لا تدقين مره ثانيه وهم للحين اتدق
منار : ( تسكر الثلاجة ) اي رد لا تكسر بخاطرها وتموت مسكينة.. عاد انت وايد عاجبها
علي : صج؟؟ سمعتيها اتقول جذي؟
منار : اي .. قالت حق رفيجتها دام تركتو بعض ابيه حلو يهبل
علي : ( يظحك ) زين انتي اشرايج ؟
منار : كيفك دق عليها
علي : لا اقصد اشرايج بكلامها اني حلو و اهبل ؟
منار : ( اسكتت شوي ) مادري
علي : ( يظحك ) اي قولي اي شي رفعي من معنوياتي
( هم رن التلفون )
منار : زين رد عليها قولها لاتدقين دام ماتبيها اتدق
علي : عشااانج بس ( رد عالتلفون )
علي : الو نعم خير؟؟
البنت : انا اللي دقيت عليك وكن....
علي : ( قاطعها ) والمطلوب؟؟
البنت : اشفيك هد شوي خلنا نسولف وندردش
علي : مو فاضي وبعدين عيب عليج ثقلي شوي
البنت : لا لا خلني جذي احلى
علي : أقول ذلفي ولا تدقين علي مره ثانية ( سكر التلفون بويهها )
منار : ( تبتسم ) حرام شوي شوي عليها ؟
علي : عادي ماكو احساس وهم راح اتدق بعد شوي .. وايد خفيفه الله يعينها على نفسها
منار : مو جنه الوقت تأخر ؟
علي : اشفيج علي اليوم كله طاردتني
منار : لا والله بس ( اسكتت )
علي : اشفيج ؟
منار : ودي اتسبح وابدل ملابسي لايعه جبدي من نفسي
علي : ( يظحك ) زين عيل انا بمشي وان شاءالله باجر عالوحده ونص اكون اهني ومعاي الغدى
منار : ( تبتسم ) لا اكل مع اهلك انا اكل شبس وعصير
علي : انا اكل عيوش ومنور تتغدى شبس وعصير والله ماتصير لو على قطع هذي ( يطق على ارقبته )
منار : ( تظحك ) اشدعووووه
علي : مو مصدقتني ؟؟
منار : ( تظحك ) أي مو مصدقة طبعا
علي : ( يبتسم لها ) بلى صدقي و يللا انا بمشي الحق على امي قبل لا تنام واهي زعلانه
منار : اوكي تصبح على خير
علي : وانتي من اهله بس تره راح ادق قبل لا انام يمكن ماتكونين نايمه
منار : اوكي .. مع السلامه
علي : مع السلامه ( وطلع )
- - - - - - - - -
علي دش بيتهم واهو يغني ( ايه احبك هذا حظي اللي انكتب دربي اللي امشيه وادري به تعب ) واهو مندمج يغني كانت امه بالصالة ناطرته واول مادش نادته
ام علي : يمه علي تعال
علي : هلااا بالغااالية زين لحقت عليج ومانمتي
ام علي : يمه قولي اشفيك والله انك متغير وايد هاليومين .. لا اكل تاكل معانا ولا تعطينا من وقتك شوي .. لايكون كلام عثمان صج
علي : ( بطل عيونه مصدوم ) ليش يمه اهو اشثقالج ؟؟
ام علي : يقول في بنت خذتك وغيرتك علينا
علي : ( يظحك ويبوس ايدها ) يمه وانتي تصدقينه ؟؟ شوفيني عدل ويهي كله براءة
ام علي : والله ماشاف البراءة من حواجبك
علي : ( يظحك من قلب ) يمه افا هذا وانا ولدج تضغطيني جذي
ام علي : زين يمه حبيبي باجر ماتطلع وقت الغدا وبسك عاد تره لنا حق عليك وعمور مات واهو يسأل عنك
علي : زين يمه حطو الغدى مبجر لأن انا وحده ونص بطلع في واحد من الربع يبيني
ام علي : ان شاءالله
علي : يمه ( يبوس ايدها وراسها ) ادعيلي بس يتحقق اللي في بالي والله حتى انتي بتستانسين
ام علي : ان شاءالله .. بس هم للحين زعلانة عليك يللا روح نام انا بقوم داري دخت
علي : والله ما انام وانتي زعلانه علي
ام علي : الله يرضى عليك خلاص موزعلانه روح نام تصبح على خير
علي : وانتي من اهله
( قام راح داره وصلى ودش يسبح و انسدح ودق على منار )
- - - - - - - -
منار منسدحه تفكر افكار وايد ضايقتها وتعوذت من ابليس
منار : يارب ماكو شي
( رن التلفون وردت عليه )
علي : مانمتي ليش؟
منار : مادري سبحت وانسدحت بس ماياني نوم
علي : منار انا مابيج تتذكرين أي شي يكدر خاطرج اوعديني ما تتذكرين شي واي شي يطري عليج طنشيه و جنه ماكان
منار : ان شاءالله
علي : اعتبره وعد ؟
منار : اي
علي : متى يصير باجر
منار : ليش اشعندك باجر
علي : ماعندي شي بس بنتغدى مع بعض
منار : ( اسكتت )
علي : اشفيج سكتي
منار : مافيني شي بس احس دخت
علي : عيل اخليج تنامين نوم العوافي ان شاءالله واحلام سعيده يارب
منار : تسلم وانت بعد
علي : باي ( سكر الخط )
علي : ( بقلبه ) أول مره بسرعه احس اني متعلق ببنت .. احس ودي اكون معاها بكل وقت .. ودي الحين اروح لها
علي : ( يتنهد ) يااارب تتسهل الامور
- - - - - - - - - -
( علي قام الظهر صلى ولبس ونزل يتغدى مع امه واخوانه )
ام علي : اي جذي يمه تغدى معانا مثل قبل
عمر : ( استانس واايد وقعد يصفق ) : علييي حبيييبيي
علي : تعال عمور ( شال عمر وقعده على ريله وقعد يوكله )
علي : يمه متى يرجع ابوي مو جنه طول بره ماصار شغل كل هذا
ام علي : اي والله طول وايد بس كل يوم يكلمني يقول الشركة اهناك شكلها بتفلس فمايقدر يرجع قبل لا يعدل الاوضاع على قولته
علي : الله يسهل ..
( كمل يوكل عمور واهو ماكله الا شوي وسولف شوي معاهم وطلع )
- وياب أكل وتغدى مع منار بعدين اطلعو السينما -

- - - - -
مر تقريبا شهر تقريبا ً أو اقل بشوي وعلي كل يوم يروح حق منار ويطلعها وكل يوم وده يقولها باللي يحسه بس مو قادر يخاف يضايقها وخصوصا ً انها مؤخرا ً قامت وايد تسرح ومرات يشوفها تبجي بروحها فكلش ماقدر يصارحها
علي ياب تلفزيون حق الصالة وحط بالغرفة كبت حق ملابسها وماخله عليها قاصر
( منار وعلي كانو قاعدين بالشقه يشوفون دي في دي بس اغلب الوقت علي عينه على منار مو على الفلم )
علي : ( بقلبه ) متى تحس باللي بقلبي وتفهم
منار : علي اشفيك اتطالعني تره الفلم بالتلفزيون مو بويهي
علي : يعني انتي الحين مندمجة بالفلم؟؟
منار : اي
علي : انا ماندمجت ماشدني كلش
منار : ( وقفت الفلم ) عيل خل اعيدلك اللي صار على السريع شفت هذا ..
علي : ( يقطاعها ) مابي اعرف قصته بسولف معاج
منار : عن شنو ؟
علي : عني انا
منار : اشفيك ؟
علي : أحب
منار ( ارتبكت وخافت يكون يقصدها ) : اتحب منو ؟
علي : أحبج انتي

 

[ReRez]

يللا بنات انا برب ادرس وان شاءالله اول ما اخلص اكتب تكملة البارت وانزله لكم يمكن بعد صلاة الفير سي يوو ..

 

[W.GLAM]

وااااااااااي وعقب احبج انتي شنووووو

كملي عفيه ياحياتي معوره قلبي هالمنار وعلي الله يكثر من امثااااله يهبل
مشكوره على التصبيره بهالبارت الصغير

 

[Vo Girls]

لااااااااااااااااااااااااااااااااااااااء ...

احس بموووت حدي اندمجت واخرتها خلص البارت .. والله ببجي قهر .. عفيه درسي عدل واذا خلصتي نزلي البارت
انا بنام الحين وراي مدرسه باجر .. من الساعه 8 انطر البارت وبقعد مبجر اقرا البارت اليديد .. اذا ناويه تحطينه الفير ..
بصراحه القصه عجييييييييبه .. روعه ..


وناااسه .. دشيت جو < دايخه الينت طوفوا طوفوا .. لوووووول ...

 

[ReRez]

والله موكاتبه حرف ازياده بعد هالسطر لو كاتبه جان حطيته .. بس وعد اول ما اخلص دراسه سييده اكمل وانزل لكم ^_^

 

[مووووني]

يمه ياحلاتة ليش ماحطيتي رقمة حسافة
قصتج روعة
قصتج روعة الله يوفقج

 

[ReRez]

زين بنات قبل لا اروح عندي سؤااااااااااااااااااااااال محرج شوي :×

احم انا استحي وايد عموما من هالاشياء لوول وأول مره اتجرأ وبكتب قصة حب :× المهم الحجي ان اهني في بنات دوون ال 18
حلوه دون ال18 لوول زين اشلون القصه بتاخذ منحنى ثاني ( افهموها يعني ) << منحرجه منكم بس قاعده استفسر اشلون على اللي مايبون
يقرون شي جذي؟؟

 

[فرح و مرح]

كتبي في بداية البارت لل18 ومافوق لول

عادي

كملي :/

<---متابعه بصمت