الزواج بالمحاكم !!

[انثى عاشقة]

الله ييسر امورك اختي ويفرجها عليك
​

 

[كويتية222]

تسلمووون بنات والله ماتقصرون بدعواتكم.. الله يهدي الجميع ان شاء الله

انا شهر واحد كانت لي جلسه والقاضي بس سمعني واجلها لي الشهر الي طاف.. الجلسه الي طافت دشيت انا واخوي العود عشان ابين للقاضي انه اهلي موافقين بس القاضي قال (ابي تسوون مره ثانيه اعلان للوالد بس ليطمئن قلبي) ومن حقه مايبي يحكم ويخاف ابوي اصلاً ماعنده خبر وسويت حق ابوي اعلان بس ابوي كالعاده مايستلم الاعلان ويوديه المندوب لي المخفر ويعتبر ابوي حتى لو مااستلم الاعلان جنه استلمه قانونياً ولانه مااييه الجلسه هذا شي من صالحي.. اتمنى تكون هذي اخر جلسه لي .. انا من بدت معاي هالمشكله كل يوم اقرا سورة البقرة كامله وادعي انه ربي مايأخر زواجي وان شاء الله ربي بيفرج همي وهم كل بنت تدعيلي حتى لو بقلبها

شصار وياااج مو هذي ثالث جلسة عدل ؟

الله كريم اختي وربي يقدم لج الله فيه الخير

 

[elcadbury]

مشكورين يا بنات.. اليوم كانت الجلسه حسبي الله ونعم الوكيل بالموظفين مضيعين ورقة اعلان ابوي والقاضي كان مأجل جلستي لليوم بس عشان الاعلان ومالقيناها قالي القاضي مرتين روحي دوري لانه اوراقج خالصه اخوي راح دور والمندوب دور معاه يقولون لهم ضايعه الورقه القاضي الحين اجلها لي الشهر الياي.. وقال لي كلام ريحني الحمدلله انه ان شاء الله الريال بكون من نصيبي.. والي تقول بعايرج باجر الي بتتزوجينه غلطانه لانه لو ممكن يعايرني جان ماتمسك فيني اهوا واهله لي الحين جان دورو لهم وحده غيري..

 

[om-3azo-83z]

الله يستر و الموظفين ما ضيعو الورقه الا اليوم افففف والله انقهرت جان ناديتيني ادور معاهم
عفيه طمنيني شيصير معاج

 

[كويتية222]

متأكدة انها ضايعة والا في ايااادي خفية !!

بتشغلها فيج

ان شاء الله خيرة لاتحاتين الايااام تمشي بسرعة

 

[elcadbury]

هههه شفتي شلون.. يلا ماعليه كل تأخيره وفيها خيره.. انا مرات احس انه الي قاعد يصير معاي عشان ربي يعلقني بالريال واحس بقيمته ويحس بقيمتي اهوا بعد وانه ماخذينا بعض بالساهل.. " ان الله مع الصابرين اذا صبروا"

 

[-فلانة-]

عسى الله يوفقج يا حبيبتي وميخالف كل تأخيرة و فيها خيرة إنشالله
وبإذن الله آخر هالنطرة فرحة إنشالله..​

 

[Om_Ksha]

الله يكتبلج اللي فيه الخير

 

[elcadbury]

فلانه - امكشه تسلمون حبايبي ؛*

 

[om_3azoz]

الله يوفقج ياقلبي ويهدي ابوج وتتزوجين يارب

 

[بنوت بنوت]

الله يسهل امورج ووايد قضايا من هالنوع انتهت لصالح البنات

 

[elcadbury]

اجمعين ام عزوز فديتج ربي يسهل ان شاء الله ؛*

 

[elcadbury]

مشكوره بنوت بنوت الله يسمع منج ان شاء الله وتنتهي بصالحي واتزوج وتفرح امي فيني حبيبتي ويهدي ابوي ان شاء الله