الزواج بالمحاكم !!

[elcadbury]

اختي قطيوه مايصير عمي او خالي يزوجوني دام ابوي عايش وانا ماكنت اتمنى يصير هالشي والدليل بموضوعي الي قبل هذا بس ع فكره ابوي كلش مايدري عنه والود وده لو حتى يقطع النفقه علينا احنا عياله بس عشان يقهر امي وامي شكثر كلمت اهل ابوي عشان يحاولون يغيرون رايه وقرار الدعوى اهوا قراري انا الي قلبه ماحن علي وانا صغيره لين كبرت.. الزواج من حقي ومن حقي اكون عايله ويصير عندي زوج وعيال ودام الريال شاريتي ليش اضيعه من ايدي وانا مو قاعده اسوي شي بالحرام انا بتزوج وهذا حلال وكل اهلي موافقين .. والله يبارك بعمرج اختي قطيوه مشكوره ماتقصرين؛*



اختي مونيا مشكوره حبيبتي وان شاء الله يكون لي هالريال خيره والله كريم عساه يسهل اموري؛**



اختي صادقة بكلمتي مشكوره وان شاء الله بحاول اشد حالي بدراستي مع انه كل الي يصير معاي غصبن علي ومو قادره اركز الموضوع متعبني والله.. ربي يفرجها علي؛**


وان شاء الله اذا الله سهل علي وتزوجت ببشركم ان شاء الله لاني انا سويت الفحص وكل شي متفقين عليه بس واقفين ع الملجه

 

[((البرنسيسا))]

إن شاء الله بتنحل امورج

والله يفرج عنج ويحنن قلب ابوج عليكم

وتبشرينا بزواجج ^_^

 

[إلين اليوم]

انا برايي رضا الواالدين .. ثم رضااا الوالدين .. يمكن ابوج تكون اسبابه غير مقنعه بس يمكن ربي جعل الخيره لج في رفضه وانشالله ربنا من يشوفج انج ماعصيتي ابوج ومشيتي بشوره بيرزقج بواحد احسن منه .. حاولي تقنعين ابوج احسن من اي محاكم او طرق قانونيه تتجهينها .. أدري انج تشوفين انه هالرجال يناسبج بس الخيره مايعلمها الا رب العالمين .. استخيري وربي بيكتبلج الخيره .. وبدال ماتتجهين للمحاكم عشان تتزوجين اتجهي لرب العالمين بالدعاء ان ابوج يوافق ويكتبلج الخير بهالزواج ..
ويارب يحنن قلب ابوج عليج ويكتبلج الخير وين ماكان​

 

[مزاجية حيييل]

انتي كملتي السن القانوني تقدرين تزوجين نفسج اعتقد

صح والا لا بس جني سمعت هالشي

او تزوجوا زواج مخفر هذا بعد حل حلو يزوجوج غصبن عن اهلج وعن زوجج

 

[vogue grl]

ان شاءالله تتزوجينه ويهدي ابوج ويريح بالج وتفرحين امين

 

[NOoOf 305]

الله يوفقج حبيبتي
ان شاء الله تتزوجين و يجيلج عيال و يحنن قلب ابوج و تتصالحون
انا جني قريت مرة عن وحدة سوت نفسج بدور و اذا لقيت بحط الموضوع هني و اذا مالقيت ان شاء الله البنات يفيدونج

 

[elcadbury]

مشكورين خواتي ماتقصرون وكلمه منكم ودعاء يهون علي السالفه؛*

اما "مزاجيه حيييل" اتمنى لو تقرين الموضوع عدل قبل لا تكتبين رايج

انا اهلي موافقين وامي موافقه انا مابي اتزوج من غير رضا اهلى

وانا بنت ناس ماني بنت شوارع عشان اروح المخفر اتزوج غصبن

على اهلي ولا برضى اتزوج واحد غصبن على اهله

 

[جلكسيه اس 3]

والله ياقلبي انا اقول زين سويتي
هذا ابسط حق من احقوقج انج تزوجين و تختارين شريك حياتج
و راح تاخذين هالحق عن طريق المحكمه
بس بسالج انتي ضامنه تكسبين القضيه اخاف ابوج يطلع واسطات و بلاوي و ماتكسبينها
و يارب ان شاء الله تكسبينها و اهتمي بدراستج
ترا الوحده ماتعزها و ترزها الا شهادتها

 

[elcadbury]

مادري والله بس اتمنى ان ابوي يقول انه بسوي حق اخوي توكيل زواج بدال روحتي للمحكمه ..
وان شاء الله ربي معاي واكسب القضيه ان شاء الله في حال ابوي اصر ع عناده الي ذابحني ..
وانا مكلمه محاميه قالتلي ان شاء الله تكسبينها لانه زواجج الاول كان من واحد غير عن مذهب الوالد
وهذا من صالحج لانه عذر ابوي للقاضي ماراح يكون مقنع وان شاء الله خير

 

[مزاجية حيييل]

مشكورين خواتي ماتقصرون وكلمه منكم ودعاء يهون علي السالفه؛*

اما "مزاجيه حيييل" اتمنى لو تقرين الموضوع عدل قبل لا تكتبين رايج

انا اهلي موافقين وامي موافقه انا مابي اتزوج من غير رضا اهلى

وانا بنت ناس ماني بنت شوارع عشان اروح المخفر اتزوج غصبن

على اهلي ولا برضى اتزوج واحد غصبن على اهله

اسفه ياقلبي مو قصد جذي


واكرر اسفي مره ثانيه

والله يوفقج

 

[elcadbury]

حصل خير حبيبتي مالا داعي الاسف.. اجمعين ان شاء الله؛*

 

[++صدفة++]

أنتي مو مطلقة ؟؟
آنا اللي أعرفه أن الثيب ما تحتاج ولي .. تقدر تخلي الملاج ولي عنها مو شرط الأبو

 

[elcadbury]

بالقانون ماده ٣٠ تقول:الثيب او من بلغت الخامسة والعشرين من عمرها ، الرأي لها في زواجها ، ولكن لا تباشر العقد بنفسها بل ذلك لوليها.
وبالشرع:قال النبي صلى الله عليه وسلم : " لا نكاح إلا بولي " .

الملاج يقول انا ماقدر ازوجها ماعندي الصلاحيه بس ختروح للمحكمه وتوكل القاضي يكون اهوا وليها ويزوجها والله كريم ويجعله من نصيبي

 

[نجمة كويتية]

حبيبتي الرسول ص يقول من اتاكم من ترضون دينه وخلقه فزوجوه​

حبييييييييبتي دام انكم سالتوا عنه وطلعتو تعرفونه وخوش واحد توكلي على الله ورووووووحي المحكمة تزوجي ومااالج شغل في ابووج مااالج شغل انتي عمرج 23 بالغة عاقلة تزوجي دام انه خوش ريال مو مهم المذهب اقتدي بالرسول وكلامه وتزوجي ونا اقولج الف الف مبرووووووووووووووووك ​

ابوج قهرني الله يسامحه عناد على امج يبي يحرمج سنة الحياة !!!! شنو هذا ابوج مسحور @@ روحي يبا رووحي ومالج شغل باحد دام ان الريال زين توكلي على الله وتزوجي اقتداء بقول الرسول من ترضون دينه ​

 

[كوين74]

الله يكتبكم حق بعض

أنا رفعت قضية عضل و تزوجنا طبعاً هالكلام من سنين واااااااايد و كان زوجي شيعي لم تزوجنا و بعد ما تزوجنا

صار سني بقناعه و الحمدلله عايشين مرتاحين​

 

[اميره1980]

زين سويتي رفعتي عليه قضية
طبعا هذا مو اول الحلول و ما انصح فيه بالبداية الا اذا كان معاند بس جذي مثل ابوج
انا اعرف وحدة ابوها كان جذي مطلق امها و كله هواش و بينهم بعد قضايا بالمحاكم
لكن البنت حسنت علاقتها مع ابوها و كسبته لصالحها يعني هذاك شوي مخه احسن

اذا نقدرين تكلمين رجل دين يقنعه بالزواج و يكلمه لج زين بعد
الله يهديه

 

[elcadbury]

نجمه كويتيه يبارك بعمرج حبيبتي وان شاء الله بكون من نصيبي
كوين74 الله يكتبه من نصيبي ان شاء الله والله يهنيكم
اميره1980 الكل حاول يكلمه بس ابوي مايحشم لا كبير ولا صغير
الله يسهل علي بهذا الزواج يارب ويجعله من نصيبي عاجلاً غير آجلاً

 

[om-3azo-83z]

الله يهديه و يوفقج انشالله

 

[elcadbury]

الله يكتبكم حق بعض

أنا رفعت قضية عضل و تزوجنا طبعاً هالكلام من سنين واااااااايد و كان زوجي شيعي لم تزوجنا و بعد ما تزوجنا

صار سني بقناعه و الحمدلله عايشين مرتاحين​

اختي كوين بغيت اسألج من اول جلسه القاضي حكم لج ؟ ولا طولتو ؟

 

[dantella]

بس سؤال
الي خطبج عنده فكره انج بترفعين هالقضيه ؟ وشنو رايه؟ماتخافين باجر يستغل هالوضع ويعايرج ان ماوراج ظهر؟
مع اني اتمنى ان ربي يوفقكم ويكتبكم لبعض