مشكوره مراسي صج ماقريت الموضوع كله
بس حابه اسألج انا اول ماولدت كنت تعبانه واول 10 ايام اظن ماعطيت البيبي صدري
وماكان فيني حليب وامي مستغربه شلون ماكو حليب وانتي توج والده
المهم عطيت ولدي بعد 10 ايام صدري يشرب شويه ويتركه
وللحين اعاني صارلي شهر ونص وانا احاول فيه يشرب شويه قولي 5 ثواني ويتركه
مادري ليش ماكو حليب فيني ولا شنو ؟
وانا والله ودي ارضعه طبيعي وافيد ولدي احسن من هالصناعي
شنو تنصحيني تعبت ابيه يرضع طبيعي
وتنصحيني اخذ حبوب در الحليب ؟؟ لاني طلبت من الدكتوره توصفلي بس للحين ماشريتهم ماحصلتهم بالصيدليه
وتقولي الدكتوره هذي حبوب طبيعيه
ادري طولت عليج بالحجي بس تحمليني
هلا حبيبتي
الحمدلله على السلامة
تبين الصراحة ما ادري عن الحبوب ، بس اذا الدكتورة واصفتهم اكيد زينيين ...
اذا تبينه يرضع لازم اتحطينه على صدرج ... حتى لو يمل .. وراح تتعبين ... بس ان شاء الله يكون في ناتج يريحج
في شغلة قريت عنها في النت بس بصراحة ما ادري اذا موججودة في الكويت ولا لأ ، يصير كيس ينحط فيه الحليب الصناعي ويتعلق برقبة الأم مثل الموبايل لما انعلقه ... وفيه هوز ضعيييييييييف ينلصق على صدر الأم ... ويمشي إلى ان يوصل الحلمة ... بهالطريقة البيبي يمص من ألأم فبالتالي يحفز انتاج الحليب عندها ... ويشرب الحليب وما يجوع ... فما يقعد يبجي كل شوي ...
والشغلة الثانية شفطي من صدرج ... خلي البيبي على صدرج شوية ... وبعدين شفطي علشان يصير في تحفيز ....
يتني بعد فكرة ... خليه يشرب شوية حليب صناعي سدة يوع ... لا يكمل .. وخليه على صدرج ... راح يصير باله شوية أطول من لما يكون يوعان ويبي يشبع الحين ... خليه يمص يمص وسوي مساج على صدرج ، بإيدج ضغطي شوي شوي من بره باتجاه الحلمة ... علشان اتشجعين الحليب يطلع ، كأنج ترعصين الحليب من الغدد إلى الحلمة ... واذا ما طلع له حليب من اول جم مرة على ألأقل يقدر يكمل حليبته ... وما يعصب ...
ترى السالفة ممكن تاخذ وقت يمكن ايام أو اكثر ... واستعملي التكنيكس اللي قلت عنهم من قبل لتحفيز الحليب ... المهم كوني مرتاحة ومو متوترة ... لأن التوتر يأثر على انتاج الحليب ... ,أنا ادري ان البيبي وهو يصيح يخليج ابو التوتر ... بس حاولي ...
ومو وقت ريجيم ... ارتاحي ,... واكلي اكل زين ... وريحي بالج ... وحاولي ... اقري على نفسج بعد ... وادعي رب العالمين انه يقدرج على الرضاعة .... وان شاء الله تقدرين
المهم انه يرجع يتعود يمسك صدرج ... لأنه ما شاء الله ولا قوة الا بالله يتعلمون على الممية ما يبون الأم لأن صدر الأم يتعب
ورجعي قولي لنا شنو يصير ...
