الرضاعة الطبيعية .... جد واجتهاد

[أم حيدر]

مين أنا انا بعد دوامي بارتشنات بس تدرين أشفط بالحمام خصوصا اول شهور اذا ما شفطت انتلف لان دوامي 8 ساعات

والمشكلة ساعة الرضاعه ما تكفي شايفة انتي شوارعنا على ما توصلين البيت الا مقزرة هالساعه بالطريج الا اذا كان دوامج قريب من بيتج تنفع

وبالنسبة للرجيم ييبي يرحم والديج خلاجرب

 

[*علاية*]

شخباركم وحشتوني


للحين اقاوم وارضع طبيعي مع الصناعي طبعًا:tongue22:
عندي حليب بس لونه مو ابيض عدل يعني شفاف شوي كأنه ماي :eh_s(2): لو ارضع بنتي ساعة ولا اكثر هم لازم اسوي لها الصناعي حق تشبع

بحاول اقاوم لين تكمل ست شهور على الأقل !

 

[وردة النرجس]

السلام عليكم

شلونكم بنات ؟؟

كل سنة يديدة وإنتوا بخير

بالنسبه لي أنا الحمدلله للحين أرضع بنتي وبديت أوكلها صارلي شهر

لما أكون برا أو مشوار الأكل نافعني

وليما أرد على صدري

وبالنسبه للريجيم أنصحج أم حيدر نظام الوجبات الي يوصلون للبيت أنا أشتركت معاهم وصج ضعفت عليه والحمدلله حليبي ماقل لأن قتلهم إني أرضع

يعني زيادة على الأكل يوميا حليب ولبن وروب وجذي مايقل الحليب معاج وتبدين تضعفين

 

[وردة النرجس]

للرفع

 

[toot^o^mishmish]

بنات اشلووونكم ....
صراحة الموضوووووع صج صج اينن (معني ماكملته كله )
بس بغيت استفسر عن شغله ,,,انا بالاربعين الحين واليوم لي 35 ومن يبت بنتي وانا اخلطلها لانه سدري مادر الا اول الايام ...
والحين متوهقة بنتي ماتبي ترضع من سدري معنى ودي اكمل وياها بس ما ادري شسوي هل اوقف الرضاعة نهائيا واخذ حبوب منع حمل والا شسوي والله محتارة ...
وشنو اكثر شي يدر الحليب وهل في حبوب ادر والا لا؟؟؟
ويزاااااااااكم الله كل خير

 

[opera]

اشوووه كاهو الموضوع كنت ادوره



ام حيدر للحين ما بديتي رجيم ؟؟


تبين الصج انا جربت الوجبات وماضعقت وايد عليهم والدكتوره مالت التغذيه قالتلي انه جسمي مافيه دهون كله ماي عشان جذي ما ينفع معاي الرجيم


قالتلي سوي رياضه


والحين انا مخففه اكل ومبتعده عن الحلو ورياضه وجاي اعشاب


لازم اضعف عشان ناويه احمل

 

[opera]

بنات اشلووونكم ....
صراحة الموضوووووع صج صج اينن (معني ماكملته كله )
بس بغيت استفسر عن شغله ,,,انا بالاربعين الحين واليوم لي 35 ومن يبت بنتي وانا اخلطلها لانه سدري مادر الا اول الايام ...
والحين متوهقة بنتي ماتبي ترضع من سدري معنى ودي اكمل وياها بس ما ادري شسوي هل اوقف الرضاعة نهائيا واخذ حبوب منع حمل والا شسوي والله محتارة ...
وشنو اكثر شي يدر الحليب وهل في حبوب ادر والا لا؟؟؟
ويزاااااااااكم الله كل خير

الظاهر وايد عطيتيها صناعي :\


لانه اذكر انا ولدي كنت اعطيه وحده بس بللليل صناعي وعادي كمل




في حبوب تدر الحليب .. وفي اكل بعد


اقري من البدايه مكتوووب

 

[opera]

بنات انا يايتكم وعندي شي غريب !!


انا طبعا من خلصت النفاس ماياتني الدوره كلللش





فرحااانه مالي خلق الدوره والعوار


الحين صارلي سنه ونص


والرضاعه مستمره



بس قبل جم يوم اشوف نقط دم

مادري من شنو ؟؟


اليوم بروح حق الدكتوره وانشالله ماكو شي :\

 

[kooka83]

يعطيج العافية مراسي الحب على هالموضوع المهم و المفيد

قريت الموضوع كله بديت من الصفحات الاولى ...وخلصته
الصراحة استفدت وايد وفي اشياء ماكنت اعرفها ... جزاك الله كل خير
نورتيني ... الله ينور عليج انشالله

 

[وردة النرجس]

أهلين بنات

شلونج حبيبتي أوبرا

زين تسوين يلا إنشالله تحملين على ضعف

ومتى ناويه تفطمين ولدج ؟؟

 

[SaD FaCe]

الله يعينا ونرضع طبيعي ..

 

[حرم_طيار]

تسلمبن خوش موضوع

 

[رثعة1]

تسلمييييين على هل موضوع

 

[أم شواقه]

موضوووعج روووووووووعه

الله يعطيج العافيه



الا بسأل الي اترضع بس طبيعي ويكون اكلي بدون بهارات واشياء حارة ،،، يصير بالبيبي مغص ؟؟؟؟

 

[fnoona]

يعطيكم العافية على الموضوع
صارلي 6 اشهر ارضع بنتي طبيعي بس توني داومت وبلشت اوكلها فجأة قل الحليب وماقام يطلع نفس اول مع اني حاولت مع الحبوب اللي ادر الحليب و الحلبة والمكسرات احس مافي فايدة مو راضي صدري ينترس نفس اول حتى لمه اشفط يادوب رقم الى رقمين
شالحل ابي يرجع الحليب لصدري؟؟؟؟؟؟؟؟؟؟؟؟؟؟؟؟

 

[أم حيدر]

السلاااااااااااااااااام عليكم

صج الدنيا تلاهي

بنات لكم وحشة والله

الحمدلله مازلت أرضع وبتولي الحين عمرها 10 شهور ومنتفتني

أم شواقة - حبيبتي المغص يحوش البيبي بسبب عملية المص - يبلع هوا وتصير عنده غازات.

فنونه - المشكلة يا خيتي ان حليب الام اكثر شي يدرره رضاعة الطفل منه - فانقطاع الام (فترة الدوام) معدم ارضاعها للطفل لعدة ساعات تقلل الحليب تدريجيا .

الحل انج تشفطين مرة بنص وقت دوامج وتخلين الحليب بالثلاجة وتاخذينه معاج البيت .

 

[fnoona]

اهو مو بس بالدوام صدري فاضي حتي بالعطلة ما احس فيه حليب وماقام يترس نفس اول شالحل؟؟؟؟
حتى لو شفط ماقام يطلع حليب ابي شي يدر الحليب ؟؟؟

 

[أم حيدر]

سمعي مني شفطي حتى لو ما يطلع وخلي البيبي يمص حتى لو ما في مرة على مرة بينترس

كثري سواااااااااااااااااائل وتشريبة دجاج ورهش ومكسرات وانشالله يرجع حليبج

وترى اهو عموما الصدر مع مرور الأيام كمية الحليب تختلف مو نفس أول أيام

 

[opera]

أهلين بنات

شلونج حبيبتي أوبرا

زين تسوين يلا إنشالله تحملين على ضعف

ومتى ناويه تفطمين ولدج ؟؟

هلا والله

ها شلووونج مع الرجيم


خلاص انا هلشهر وقفت رضاااعه .. صارلي تقريبا 3 اسابيع مو مرضعته

وعاد اهو مرات يتذكر ايي عند صدري يحط راسه ولا يطق على صدري يبجي يقوول ماما اااممم



يبي يعني :eh_s(2):

بس شسوي لازم اوقف خلاص صار ريااال


وغير جذي بهتم بروحي شوووي :\


كنت ناويه احمل بس مادري ليش صار فيني وسواس وخوووف من الحمل و الولاده :\

مادري شسوي خاااايفه


جان اخذ حبوب ياسمين

توني باديه ما صارلي شهر

 

[وردة النرجس]

اهلين إختي أوبرا

اخباري تسرج وايد

الحمدلله الرجيم معاى ماشي صح

وبنتي الحمدلله للحين أرضعها بس قمت أعطيها صناعي مره باليوم حق الضروره يعني مرات طلعة أو حق الليل جذي

وصج الله يعينج على فطامة حبيبي يكسر الخاطر

وليش هونتي عن فكرة الحمل حبيبتي أنصحج

حبوب الياسمين وقفوها بأوروبا يقولون عليها كلام وتسبب أمراض بالمستقبل البعيد

فنصيحتي بعدي عنها شفتي شلون وقفوها إهناك وقاموا يروجونها عندنا بالشرق الأوسط

وبالعكس خلي الأمور طبيعية خصوصا أن صارلج فتره طويله ترضعين فيمكن تتأخرين بالحمل موشرط ماتدرين متى تحملين

خصوصا أن الدوره غابت عنج كل هالمدة شيلي المانع وتوكلي على الله وشوفي الله شنو يكتبلج

وماشالله ولدج كبير يعني حتى لو حملتي الشهر الياي مثلا راح يكون سنتين على ماتولدين