الرضاعة الطبيعية .... جد واجتهاد

[*علاية*]

هلا حبيبتي وحياج الله معانا ....

مشكورة وايد على الإطراء ونتشرف ان نكون سبب انضمامج للمنتدى

الرضاعة يبيلها طولة بال ... أكلج شلون صاير؟؟ اذا خفيف يصير حليبج خفيف وما يشبعها ... شربي ماي وايد واكلي عدل ... الصناعي من يدخل يعفس الانتاج شوية ...

ساعات الشفاطات ما تضبط ... جربي واحدة ثانية اذا تبين ...

جربتي تاكلين مكسرات؟؟ لوز ني ... ضروري

شهيتي مفتوحة على الحلو .. امشي وآكل في الكاكاو وحاسة ان عندي حليب دايما ,, بس يمكن مثل ماقلتي خفيف .. لأني ما آكل شي مفيد ! مشكلتي ما احب اللحوم ولا اشتهيها يعني تقدرين تقولين نباتية

اما عن الشفاطات جربت اول شي شيكو وكلش مانفعت وبعدين ايفنت اليدوية وبس عورتني على قلة الفايدة والحين خذيت مديلا سيونق ... بعد ما افكر اشتري الرابعة وأضمها للمجموعة ! بعدين تصير هوايتي جمع الشفاطات :eh_s(6):لوووول

بجرب اللوز وان شاء الله احصل نتيجة ! ... خاطري مرة بنتي تشبع بدون ما تشرب الصناعي .. ما ابي استسلم:eh_s(1):

 

[مراسي الحب]

ام حيدر حبيبتي ولهت عليكم

بتولة شخصية من الحين عادي خليها على راحتها ... ليش ما اتبدلين وقت وجباتها بحيث تاكل وانتي موالبيت وترضع اكثر لما اتردين لها

 

[وردة النرجس]

مراسي حبيبتي أنا مشتركة برنامج فلكس غورميه

وقتلهم أنا أرضع وعطوني فوق الوجبات الثلاث والسناكين حليب وروب

فشرايج ؟ زين ومايأثر على بنتي ؟؟

لأن أنا حاسه أنها ماصارت تنام فترات أطول مثل قبل وتبي أكثر

بس أكلي كلا صحي وخفيف وقاعده أحس بيوع مرات

شرايج ؟؟

 

[*علاية*]

سلام شخباركم

شحلاتة اسم بتول

متى ينتظم نوم البيبي ؟

بنتي نومها قليل وخصوصا بالليل ..

بس مادري شفيها من البارحة للحين تقعد شوي وترد تكمل النوم خوفتنني!! لدرجة اني قعدتها من النوم !! مادري حالتها طبيعية والا فيها خمول من شي !!؟؟

 

[أشبـاهـ المطـر]

السلام عليكم ورحمة الله وبركاته ..... شخباركم وشخبار بنوتاتكم واولادكم ؟؟؟
بنات بنوتي صايره تريق مالوبا والغدا عيش مطبوخ ومرقة خضره كوسه بطاط جزر وحط فيها شويه ماجي ومرات مرقتنا العاديه
لان مادري احسها صايره تستطعم الحين عمرها 9 ونص متى اوكلها دياي ؟؟؟ والعشا شوربه ودي اعطيها عدس بس خايفه تحسس منه
شغله ثانيه انا ماعطيها الا بابونج وينسون ودي اعطيها اعشاب ثانيه شنو المناسب للياهل ؟؟؟
سوال بعد عادي اعطيها عصائر اي بي سي لان ذاك اليوم حنت قعدت تبجي الا تشربه كان عصير خوخ شسوي عطيتها ابي ارد شفاتها مسكينه كسرت خاطري لوووووووووووول

اهلين علايه متى يتنظم نوم البيبي الموضوع نسبي في يهال بعد 4 شهور وفي 5 وفي 6 وغالب الي يتنظم نومهم بسرعه الي يشربون صناعي
انا بنتي ترضع طبيعي طووولت وايد على ماتنظم نومها لان الطبيعي مايشبع لازم تاخذ كذا رضعه بالليل


بنتج جم عمرها شهر ؟؟؟ الياهل ينام من 16-20 ساعه باليوم عادي الامر طبيعي يوم مصحصحه ويوم فترانه وتبي تنام عادي
والله يحفظها ويخليها لج يارب

 

[وهج الخير]

يعطيك العافيه اختى موضوعك حلو يااااا بوقته لاختى مشكوره عالمجهود

 

[ريوومة 1982]

السلام عايكم بنات انشالله الله يعيني و اكمل بالرضاعة انا والده و صارلي 23 يوم و ارضع طبيعي

بس اخر جم يوم صايرة وايد اشفط اخليها تمص تمص و تتعب و بعدين اشفط لها عشان اناكد جم شربت صح اللي قاعد اسويه ؟ لاني احس انه ما تبي صدري تبي المميه اخاف ينشف


و في شغله محتارة فيها انا الحين مصخنه و مريضه بلاعيمي و راسي و فيني حرارة شوي ارضع و الا اوقف لان امي و الخدامه يقولون مو زين تمرض البنت و من امس قاعد اعطيها صناعي اشلون اشفط و اعطيها و الا يضرها ؟

بليز بنات قولولي بخبرتكم لاني ما ابيه تتعود على الصناعي كلش

 

[ريوومة 1982]

اشدعوا بنات الرضاعه وينكم بتروح الصخونه و محد يرد

 

[غيـ الناس ـر]

قوة بنات شلونكم ؟؟

انا الحمدالله من ولدت قبل اسبوعين وانا ارضع طبيعي ما دخلت الصناعي الا مرتين يمكن

بس بنات ترى مو كل وحده حليبها يكفي الياهل .. هذا مو كلام صحيح .. لان اختي رايحه للدكتور وقايل لها حليبج ما يكفي الياهل ولازم تدخلينا لصناعي .. وهالكلام سمعته من اكثر ممن دكتور ان مو كل وحده تقدر ترضع طبيعي بدون مساعدة الصناعي

 

[ام اميرة]

ya nass dam elwa7da takill 3adell o tet'3atha 3adel ,, ra7 ye6la3 7aleeb yshabe3 elyaahel
e9ara7ah m3a esemoo7ah elly tegool neshaf wella ma yshab3ah hathy malha 5elg tra'6e3 6bee3y o ere'6a3a jed wejtehaaaad

3endy so2aal **** abdy awakkill bnty o **** asharebha el39ayer le2na al7een kammalat el5amess o ehya lamma al7een bss re'6a3a 6bee3eyah ?

 

[opera]

السلام عايكم بنات انشالله الله يعيني و اكمل بالرضاعة انا والده و صارلي 23 يوم و ارضع طبيعي

بس اخر جم يوم صايرة وايد اشفط اخليها تمص تمص و تتعب و بعدين اشفط لها عشان اناكد جم شربت صح اللي قاعد اسويه ؟ لاني احس انه ما تبي صدري تبي المميه اخاف ينشف


و في شغله محتارة فيها انا الحين مصخنه و مريضه بلاعيمي و راسي و فيني حرارة شوي ارضع و الا اوقف لان امي و الخدامه يقولون مو زين تمرض البنت و من امس قاعد اعطيها صناعي اشلون اشفط و اعطيها و الا يضرها ؟

بليز بنات قولولي بخبرتكم لاني ما ابيه تتعود على الصناعي كلش

من خبرتي

ولمن كنت امرض عادي كنت ارضع ولدي .. ولي اخذت دوا اتأكد انه عادي للمرضع واقول خق الدكتور اني ارضع

بس همن لو مارضعته كان يمرض لانه لازق فيني

 

[ريوومة 1982]

مشكورة اخت اوبرا على الرد

المشكله اني بالفترة اللي مرضت فيها خفت تمرض و قمت اشفط كل مرة عشان ما اعاديها و الحين تعودت على المميه ما تبي صدري

تعصب لمن احطها على صدري ما تبي تمص و بعدين توخر ما ادري شسوي من كثر الشفط حلمتي عورتني و قام يقل حييييييييل

شنو الحل الحين ؟

 

[اشتياق]

اب اب

 

[ZOHOR]

بنات انا حاولت ارضعة ماتبي ولاحلمة تتطلع عندي شسوي؟؟ اشفط لها كل يطلع 1 اونص عشان تشرب والحين ماكو فايدة

 

[miss_jamsheer]

اختي انا بجر بس صج صج تعبت بالرضاعه بس حدي 4 شهور تقريبا وقطعت امبيه ولدي نتفه واحس مافي حليب تخيلي اقعد ولا ساعه فقير مايطلعله شي ولا كنت اعطيهخ ممه الحين بس كله ممه حرام ماكان يشبع

 

[SaD FaCe]

مشكووووووووره

وصلت لي صفحه 6

 

[أم عواشي]

انا بالانفاس ظهري اعورني مااقدر اقعد وايد عشان يرضع اتعب

 

[ZOHOR]

صج ماكو فايدة ماكو الاصناعي من كثر حليب حلجة ابيض نومة قليل بعد اذا طبيعي مايبون شنو نسوي؟؟

 

[miss_uk]

سلام عليكم .. انا والدة من 10 ايام وترضع طبيعي البيبي 2كيلو تهقون كافي حليبي؟؟

 

[opera]

اشتقت لكم والله يا بنات

شلووونكم

للحين مستمرين بالرضاعه ولا وقفتو ؟؟



بدوري صار عمره 16 شهر .. وناويه اوقف رضاعه لانه اصلا ما قام يرضع الا نتفتين

ولانه الرضاعه مسويتلي مناعه من الحمل

فبوقف .. ويمكن احمل لمن ينشف الحليب


خبركم انا للحين من طلعت من النفاس لسي يومكم ما ياتني الدوره


نظيييييييفه