الرضاعة الطبيعية .... جد واجتهاد

[opera]

الله يعيينج ماكو الا تفطمينه اتوقع مشالله عليه وصل سنه موصح
انا ريلي مايرىضى نسافر عشان لولو توها صغيره بس بيروح كورس دازينه الدوام شهرين وضايق خلقه وده مايروح وانا ضايق خلقي بيهدني بروحنا انا وبنتي شهرين وغير هذا بنتي وايد متعلقه فيه الله يعينه ما ادري شبنسوي

لا بنوكه مابي افطمه

صج عمره سنه بس ابي اكمل لي سنتين ..

بروح عند دكتورتي يمكن تكتبلي شي يزيد الخليب وماينشف

 

[OM-Saad]

السلام عليكم

بنات انا اول امس ولدت ويبت بنوته اول يوم شحليلها كل 3 ساعات اييبونها ارضعها لاني قلتلهم اني برضعها طبيعي بس

بس من امس اللي اللحين بس تبجي مادري شفيها عورت قلبي

والله اطالعها تصرخ ومادري شسويلها
احطها على صدري كل ساع تمص مص وتغفى ارد اقعدها لي ما تنااااام كلش

وتنام ربع ساعه ولا ثلث ساعه وتقعد بعدين تصرخ مره ثانيه مادري شفييييها

تتوقعون موقاعده تشبع من صدري؟؟

 

[ipink]

اسلام عليكم
شلووونكم
بغيت اسالكم الحين بنتي تنام سمالله عليها ساعتين وتيوع ومرات اقل من ساعتين ساعه ونص ولاتيوع مره ثانيه وصارت ثلاث اشهر ونص مفروض شكثر بالضبط تيوع وتنام موكل ساعتين ؟ مكتى يزيدون عدد الساعات ؟ ابي انام اكثر من ساعتين مرات الصبح تخليني تنام شوي ثلاث ساعات


ام سعد الحمدلله على سلامتج وترى ععادي بالاربعين انا كنت جذي وماسااااااه وكل شوي ارضع ولا ارتاح هذي البدايه بس بعد الاربعين كل شي يتغير

 

[opera]

ام سعد

مبرووك ما ياج

البيبي بالاربعين لازم يرضع مو اقل من نص ساعه عشان يشبع وحتى ولو نام على صدرج خليه يكمل رضاعته وقعديه .. لعبي باذونها خدودها عشان تقوم وتشرب وتشبع .. وانتبهي على اكلج زين


بنوكه

صبرج عليها ترا انا بدوري للحين نومته مو متواصله يعني يبيلها وقت

هقب الست شهور قام ينامله 4 ساعات متواصله ويقوم .. يعني نطري شهرين وترتاحين

اايام تمر بسرعه

 

[عود مبخر]

هلا مراسي بالنسبة لكريم ميديلا متى افضل وقت استخدمه ؟؟ انا بالسابع الحين استخدم بس زيت الزيتون وبعد الولادة الكريم والا شرايج ؟!

 

[مراسي الحب]

قوة بنات

اللهم سلمنا من رمضان لرمضان بصحة وعافية ... طائعين عابدين لك يا ذا الجلال والاكرام ... وتقبل منا صيامنا وقيامنا وكل عبادتنا ... واعدنا على رمضان مرات عديدة ...

اللي بنتها اتصيح وايد ... يمكن فيها غازات ...

بنوكة اسم الله عليها لازم اتكون الحين بطلت سوالف البيبيات ههههههه ... لازم الحين تبيد تعطيج فجة .,.. جربتي تعطينها رضعة بالليل صناعي علشان تشبع وتنام؟؟ اشكثر قاعدة اتشربينها الحين ، ترى المفروض بدت توصل 4-5 اونص ... او 120-150 مل كل رضعة ...

حاولي اتدريبنها على النوم من الحين ... أخري نومتها شوية ... اخري رضعتها ... في تكنيك حلو ... مثلا عطيها من صدرج الساعة 11 ... وبعدين 12:30 عطيها رضعة واهيا نايمة .... جذي تسحب من 11 ليه مثلا 3:30 .... تبدي تكتشف انها لازم اتنام مدة اطول .. وبعدين لا اتخلينها اتنام وايد خلال النهار ... يعني لا اتطول بنومتها وايد فوق الساعة ساعة ونص بالكثير ... وقعديها ... علشان اتعرف ان النهار قعدة والليل نومة ... ما يصير تقعد وتنام نفس المدة خلال النهار والليل ... فهمتيني؟؟

 

[مراسي الحب]

لا نفس وزنه اول مانولد لمن وزنوه عقبها رحنا مراجعه الاسبوع الاول نفس الوزن ماتغير
وامس مراجعه الاسبوع الثاني هم ماتغير
والله خنفتني العبره حسيت تعبي طول الاسبوعين الي طافو على فاشووش
شلون ما زاد ولا قرام لي الحين ماني مستوعبه
الحين قاعده اعطيه حليب صناعي اسمه انفاميل بس بعد قلبي مايلحق ع الرضاعه لانها وايد تطلع ههذا واها ماخذه اصغر جم نبلز وان شاء الله الاسبوع الياي في مراجعه ويزيد وزنه
بس هم ماقطعته ولا راح اقطعه عن الطبيعي مثل ماقال الطبيب راح اعطيه صدري اول بعدين الصناعي
بس بنات جذي اخاف يتعود ع الصناعي ويعاف صدري عقب او الحليب يقل
منو مرت بنفس الحالة

قوة حبيبتي ...

انا خايفة ولدج يتعود على الممية مو على الصناعي ... لأنه اسهل ويدق الحليب دق في حلجه بدون مجهوج فما راح يتعب نفسه مع صدرج ... اخذي يا مميات بلايتكس من مركز سلطان أو عندهم بعد مميات من فرست ييرز ... اقرب شي حق طريقة المص من الام ...

خلط الطبيعي مع الصناعي مو مشكلة ... اهم شي الطبيعي لا ينقطع ...


الغريب بالموضوع انه عندج زيارة الاسبوع الثاني ... انا يبت اثنين .. ما عندي غير زيارة العشر ايام وعقبها زيارة الشهر علشان يلحق البيبي يكبر ...

عموما .... حق اللي سالتني عن اول ثلاثة ايام ... ترى الصدر مو فاضي بس يطلع الحليب الاصفر .. بس البيبي ما يحتاج وايد فما يطلع الحليب الابيض الا عقب ... شنو يصير ...

البيبي ينولد ... وينزل من وزنه حوالي 10% خلال اول ثلاثة ايام ... وبعدين يرجع يزيد مرة ثانية ... يعني ولدج نزل ورجع مرة ثانية على وزنه مال الولادة ...

على فكرة اكو دكاترة واااااااااايد يكبرون الموضوع ... ممكن اتقولين لي جم وززن ولدج الحين وجم طوله؟؟ في عوامل وايد اتاثر على بنية الطفل منها العوامل الوراثية ووزنه اول ما ينولد ... وحجم الام والابو ... وعمره وقت الولادة .. يعني دخل التاسع ولا ما دخل ... وايد وايد اشيا تلعب دور ...

 

[مراسي الحب]

هلا مراسي بالنسبة لكريم ميديلا متى افضل وقت استخدمه ؟؟ انا بالسابع الحين استخدم بس زيت الزيتون وبعد الولادة الكريم والا شرايج ؟!

من تجربتي الحين ... اهم شي الترطيب بعد الولادة ... لا تقطعين الكريم ابدا ابدا ابدا .. مهما يصير .. بعد كل رضعة ... حطي الكريم وغطي صدرج ... وعسى ربي يسهل عليج

 

[مراسي الحب]

اوبرا ... نوني للحين ما اتنام متواصل ... وما تبي فرشاها ... وتبي فراشي ههههههههههه على قولتها اتقول فرشج بفتح الشين هههههه

 

[OM-Saad]

اللله يبارك بحياتكم ياارب
ومراسي صج لعت فيها غازات مسكينه والحين الحمدلله تنام عدل وتقعد تبي رضعتها وترد تنام

بس اللي ذابحني العوار الحلمه ذبحتني وقاعد يطلع دم مع الحليب شسوي

 

[ipink]

السلام عليكم

شلوونكم
اببله مراسي ايي قمت اعطيي بنتي صناعييي اخيراااا بس مرتين ومرات اذا تماديت ثلاث وبليل ايي لازم احطلها 150 مل واطخ الحمدلله بس مشكله اول كانت تنام الساعه 12 او 2 اذا طولت الحين لا تقعد تبي تلعب تخيلي تنام وادوخ تحطينها نايمه تقوم تصارخ اروح لها ولا اطالعني تضحك وتشووت تبي تلعب لووول اقولها ماكو لعب وما اعطيها ويه تكسر خاطري تصارخ جنها تنادي واذا قلت حق ابوها احقرها يقول لا شنو ويروح يلعب وياها واطول لي 3 اذا مصختها مرات تعفسها بس الحمدلله اذا نامت 2 تقوم الساعه6 ولا 7 يعني الصبح ارتاح بالنومه بس العصر لي بليل لا مشكله ماتنام الا ساعه ولا ساعتين ومعنه تشوفينها دايخه وبتنام بس تشرب حليب وترد تصحصح

 

[opera]

عيدكم مبارك

وعساكم من عواده


امس رحت الصيدليه وسألت الدكتور قلتله اني بسافر وولدي مو معاي ومابي اوقف رضاعه قالي شربي ماي وايد خلال السقر وشفطي مرتين باليوم


وللحين قاعده احاتي

 

[مراسي الحب]

ام بدوري ... روحي استانسي ... لا تنسين هذا رزقه من رب العالمين ... اذا الله كاتب له بيرد حليبج مثل اول واكثر

بنوكة بنتج عيارة سويلها كونترول ههههههههههه

ام سعد ... الدم والعوار له ثلاث اسباب:

1. طريقة المص غلط ... راجعي الصفحات الاولى متكلمين عن هالموضوع وشنو الوضع الصحيح علشان الطفل يشرب حليبته وشلون
2. التهاب فطريات ... جيكي حلجها فيه مثل قطع بيضا ما تنمش؟؟ داخل خدودها ... على لثتها ... اذا في راجعي الطبيب يوصف لج طريقة العلاج ...
3. الحلمة اتكون وايد ناشفة فتتشقق ... الحل: اول شي لازم يطيب الجرح ويلتئم ... كريم بيبانثين يساعد الجلد على الالئام بس لازم ينمسح قبل الرضاعة لأنه كريم طبي ... حطيه على صدرج بعد كل رضعة وغطيه ... اذا تقدرين ما ترضعينه علشان تعطين فرصة للجرح يلئم احسن بعد ... حتى لو 12 او 24 ساعة ... غير جذي حطي كريم لا نسينوه او ماديلا .... مثل الفازلين هم متكلمين عنه في البداية ...


الدم خلال الرضاعة ترى ما يأثر على البيبي حسب الابحاث ... واذا في شي ترى البيبي يرجعه

وسلامات يالغالية وعساج على القوة

 

[الشيخه فطامي]

سلام حلوين شخباركم
لين الحين ما صدت تكنين التنظيم حق النوم
لمن كنت امهد سلماني اسم الله عليه ينام اطول بليل بس الحين فاجه المهاد لانه صاير يحتقن شوي ما يحبه او ما يشرب حليب عدل فافتح المهاد عساس ياخذ راحته
فالحين ينام او بقعد بس ما يوصل 3 ساعات او عقبها ياخذ رضعه جذي عل الخفيف او يكمل نومته طبعا هذي الرضعه اللي عل الخفيف تكون البامبرز مأذيته بس ما يرضى ينام الا لمن ياخذ هل النتفه مادري ليش
عقبها ينام بو 3 ساعات او يرد يقعد يعني متقطع
قالولي قصي عليه او عطيه ماي او مصاصه مو حليب عساس ما يقعد بليل
شسوي شلون انظم نومته بليل اخليه متواصله
او جم ساعه ينام البيبي بليل عادته

او كل عام وانتو بخير او صحه وعافيه وتقبل الله طاعتكم او عيدكم مبارك

 

[ipink]

السلام عليكم
شلووونكم

عيكم مبارك وتقبل الله طاعتكم

شلون العيد ويا عيالكم وكشخه العيد شمسوين

فطامي ما ادري انا طالبه حالي حالج بس تعلمت اول لولو كانت جذي تاذيني بس قمت اخليها تاخذ المصاصه وتنام يعني بس تشرب حليب وتغمض احطها بتقوم سيده ادعس المصاصه بحلجها وتنام الحمدلله

 

[Q8_Rose]

السلام عليكم
كل عام وانتو بخير
انا سالتكم مره اني بفطم ولدي لاني بسافر بعد العيد وقلتولي اني اشفط فقمت اشفط بس مجرد اخفف العوار نفس ماقلتو بس للحين احس نفس الشي ماكو اي فرق وحليبي يزيد وصدري ينترس شسوي شلون انشفه بدونما اخذ حبوب ؟؟

 

[مهندسة طموحة]

سلام خواتي
كل عام و انتو بخير
عندي سؤال مهم
شنو المانع للحمل الي تستخدمونه اثناء الرضاعه
انا ارضع ولدي بس مرة او مرتين باليوم لان صدري مايدر حليب وايد و الدكتورة عطتني حبوب منع (سيرازيت) بس عادي نزلت الدورة و الحين صارلي 10 ايام و الدم ما وقف و خايفه ان الحبوب هذي ما تكون مانع زين للحمل و انا حدي خايفه لاني ما عندي خبره بالحبوب و اول مره اخذها
عفيه الي عندها خبرة تساعدني

 

[waham22]

السلام عليكم يا بنات
انا صايرة فترة والدة وقمت احس ان الحليب بصدري يبدي يخف مع ان ارضع طبيعي
فياريت تقول لي شنو الاشياء التي تدر الحليب وتزيده عشان ما نرضع صناعي

 

[بحر الغموض]

عيدكم مباااااااااااااارك
اشتقت لكم وااااااااااااااااااايد

انشغلت برمضان وبتجهيزات العيد عساكم من عواده

مهندسه
ماعندي فكره عن حبوب المانع ان شاء الله البنات يفيدونج

وهم22
جم لج والده؟
اكلي عدل وكثري من شرب الحليب والسوائل
هرده او رهش
تمر
مرقه الدياي الفوح
بسكوت يكون فيه جوز الهند
وفي بعد شغلات كانت كاتبتها الاخت ام حيدر بهالموضوع
اكلي عدل بيدر حليبج لاتخافين
وابعدي عن الرجيم حاليا

 

[ipink]

صباح الخير

شخباركم ويا العيد
امس رحت السينما واول مره اطلع بدون بنتي حبيبتي حطيتها عند الوالده وديتها كانت نايمه وبس قامت صراخ اتشربها حليبها ماتبي اي شي ماتبي رحت البيت فوق ساعه ونص مسكينه منااحه مسويه صرااخ شايله كل البيت اللي امي بس تفر فيها وتبجي وياها وامي تقول لي بنتجحج فيها غازات وماتبي تشرب الحليب وما ادري بس شلتها مافيها شي وساكته وطول الطريج ساكته وتسولف بعد وجنه ولا اللي مساعى كانت تصارخ ومسويه حسينيه بالبيت شسالفه تهقون ؟انا اقول انها بس تبيني انا وابوها ولا انصدمت معنه متعوده على امي تشوفها تلعب وياها دايما بس صراخ كسرت خاطري اللي خذيتها دموع تقولين جنه احد طاقها وجسمها مثل ترجف ممسكينه



وهم الاشياء اللي ادر الحلحليب وعن تجربه لوز ني وبيذان ني ورهش وسمسميه وعصير برتقال وحلبه وحبه البركه والحليب نفسه والديايي واللحم ويقولون الكباب بس ماجربته