الرضاعة الطبيعية .... جد واجتهاد

[مراسي الحب]

بنوكة .... حطيلها قطرة الماي والملح اتريحها واتنام عدل ...

بعد 3 شهور ... طبيعي شعر البطن يطيح ويبدي يطلع الشعر الاصلي بنتي اطلعت شعرها غامج وناعم ... عقب ... قام يطيح ، ويطلع خفيف وفاتح وكيرلي وخلودي الحين قالبها تصليعة راسه شعره خفييييييييييييف ... بس يا حياتي صاير دمه خفيف ...

في شغلة مادري منو يقدر يفسرها لي بس حدي مستغربة منه ... لما امي اتشيله يصيح!!!!!!!!!!!!

مادري ليش!!!

الحين مو عمر يستغربون ... تو الناس

 

[nawnaw]

سلام بنات شلونكم
لين الحين معاتاه مع ولدي كل ماروح مكان يعطوني مخدر بس ما عطيه صراحه احسه بس يهدي او يانام ما يطلع الغازات اللي بطنه
انا ابي شي يطلع الغازات مو بس يخدره او ينام
ما شيه عل الادويه لين الحين انشاء الله يارب يخف او يهدى شوي ياااارب او بطنه يلين شوي

لا بعد الشي اللي مضيق صدري حيل طلع فيني هوا بالرحم مادري من وين داش معني تنفست عدل او كليت دويات
انشاء الله شويه الهوا اللي داش مو وايد
تهقون يطلع بروحه ولا لازم اخذ دويات مره ثانيه ؟

بالنسبه لولدج فيه دوا ممتازممتاز موجود بس بامريكا ...اذا عند احد بامريكا وصيه لان ما راح تلقينا هني
اسمه :infant mylicon

 

[eng.3anoona]

السلام عليكم
شلونكم بنات شخباركم ؟

شلوونج فطااامي حبيبتي وشلون سلماني ؟
ولهت عليكم

أمبيه تدرين ما دشيت من طلعت من الأربعين


بناااات عفيا ساعدوووني
حددددددده ضايق خلقي
ما قمت أرضع ولدي
ماكو حلييييييييب كلش كلش
وصدري فاااااااااااش حده
صار أصغر من قبل لا أحمل

الحمدلله رضعته شهر وألحين صارله شهر وشوي بس على الصناعي

عفياااا أبي أرضعه مرة ثانية
مابي أعطيه صناعي

 

[ipink]

صباح الخير
شلووونكم

مراسي انا بعد بنتي جذي تصدقين تبجي بس باييد ابوها تسكت العياااره

وين ام حيدر وبحور وام بدوور غاطين عسى المانع خير

عنونه حاولي خليه يمص يقولون اذا مص الياهل يطلع الحليب ويزيد بس خل يمص لو تحسين ماكو حليب انا الحمدلله معاناااه كنت بالرضاعه وكله ما ابي الحين دخلت صناعي بس مو دايما للحاجه والحمدلله بنتي صارت ثلاث اشهر ونص وللحين ارضعها

 

[مراسي الحب]

عفية على بنوكة الحلوة الشاطرة

انج عنونة .... حاولي اتحطينه على صدرج كل فترة ... ونقليه من صدر ليه صدر ... ما راح يطلع الحليب مثل السحر بس اذا طولتي بالج يرجع الحليب باذن الله

 

[eng.3anoona]

مشكوورين حبايبي
والله واااااايد بخاطري أرضعه مثل أول

بس أكيد يرد الحليب .. يعني يسوى التعب ؟؟
انا قالولي آكل عدل .. شلون مادري
يعني شنو آكل خصوصا ان الحين رمضان

 

[opera]

انا كاااني



مراسي اسم الله عليه رياااال خلووودي

قام يفطن


والله مشتاقله لسوالفكم بس شسوي بالبيت ما اشبك وااايد

وبالدوام منعو عنا المنتدى سوله بلوووك

لووووووووول

الظاهر جاكين البنات يشبكون عليه

 

[بحر الغموض]

هلا والله فيكم شخباركم اشتقت لكم
انا بدى وامي وماعاد عندي وقت عشان ادش

ايبنك
اي عادي طبيعي يطيح شعر البيبي تلقينه مالي المخده وفوطته لماتسبحينه طبيعي شعر البطن لازم يطيح

بالنسبه للاخت تبي ترجع للطبيعي
لازم تاكلين الاكل اللي يدر الحليب وتاكلين اكل صحي وايد مع سوائل
ولاتعطينه صناعي الا بالضروره فقط

 

[karaza]

السلام
شلووونكم
ايي ابله مراسي تربيتج والله يعلم شكثر اجر خذيتي علينا تذكرين يوم اتحلطم وامل واتعب من الرضاعه وما ابي الحين الحمدلله بعد مادخلت صناعي احس شوي ارتحت وقمت احب ارضع دايما بس صدري يعورني ايي احط بنتي عليه اخليها تامص عشان ارتاح ةاهيا تستانس اطالعني
صج يقولون اللي يرضع طبيعي عنده حنان وايد حق اهله


شلوونكم زهبتو ملابس العيد حق عيالكم

 

[karaza]

انا بنووكه سوري بالغلط اتكلمت بنك اختي لوول الحين بتنصدم

 

[جوزائيه مغروره]

محد جاوبني

 

[وردة النرجس]

السلام عليكم

شلونكم أمهات ؟

من زمان عن المنتدى وعن أخباره وخصوصا التجمع إهني وبشهر يونيو شسوى رمضان ماشالله مافي وقت أني أقعد وأجابل النت

احس كلش مافي وقت فراغ

إنتوا شلونكم ها جهزتوا حق العيد ؟

انا الحمدلله خلصت من دبي حق العيد وييت الكويت بس كملت الكماليات والجوتي

 

[بحر الغموض]

ما اروعك

حبيبتي انا ماعرف ميديلا
بس تقدرين تروحين لممرضات مستشفى المواساة وتطلبين منهم يساعدونج
لان عندهم ستاف كامل وقسم خاص للرضاعه الطبيعيه وصدقيني بيساعدونج بكل رحابه صدر
لان مستشفى المواساة يشجع على الرضاعه الطبيعيه

الاميره المغروره
بالنسبه للصدر اذا يبس مثل ماتقولين يكون فيه حليب ولازم يطلع
خلي البيبي يلعب ويمص الين يقول بس ويوخر عنه
وممكن تروحين تكرمين الحمام وسوري على الكلمه احلبي صدرج
شوفي اشلون يحلبون بالتفزيون سوي مثلهم ههههه امرنا لله
والله ذاك اليوم بغيت اموت رحت وفتح عالماي الدافي وقمت اضغط واحلب الين اشوي ريحت

 

[جوزائيه مغروره]

ههههههههههههههههه بحر

لا لقيت لي خوش طريقه

بالشفاط الكهربا

 

[مراسي الحب]

حياكم الله حق كل البنات اللي يشاركون ... الجدد منهم ... واهل الموضوع راس المال ... ام حيدر واوبرا وبحورة (ترتيب هجائي هههه) ... والتلميذة الشاطرة بنوكة ...

واللي بصراحة فاقدتها ام رفيف بس اعتقد مسافرة حق اهلها ... وعسى ربي يعين كل واحدة على الرضاعة .. ويعيني ارجع ارضع خلودي مثل قبل ... لأن صدري للحين مو مترقع بس انا صامدة ...

 

[ipink]

صباح الخير
جمعه مباركه
شلوونكم ويا ليالي القدر شتسوون انا امس قعدت بالبيت واول مره بحياتي وقلت افتح التلفزيون واقرى وياهم وبنتي يمي ساكته وتلعب وتشووت بالالعاب اللي فوق راسها بعدين وقت اللي ييت قاعد اقره اتلف ويها واطلعني وتسولف وتصارخ وتضحك عبالها قاعد اسولف وياها لووول ماخلتني شوي اكلمها اشوي اشوف تلفزيون الله يعينه

مابقى شي على رمضان انشالله ربي يبلغنه فيه بالخير كل سنه

انا ضايق خلقي ريلي بعد رمضان بيسافر وانا وينتي بنظل شهرين بيت امي بروحنا

ابله مراسي انشالله يارب ترضعين خلودي نفس قبل واحسن

بغيت اقولكم الحين بنتي ثلاث شهور جم ساعه لازم تنام وتقوم تشرب حليب للحين ساعتين ولا زياده مايزيدون الساعات انا الصبح لي الساعه 12 الحمدلله تنام وتقوم بس مشكلتي من بعد الفطور تكون طااخه وبتنام اتفرك عيينها ارضعها اخلص اشوفها تصحى ولا جنها دايخه ووايد اشوفها تقاوم ايي احطها بفراشها تضحك واطالعني واذا رحت صارخت اييبها عند الالعاب اقول تلعب وادوخ تنام ولا تنام ما ادري خالتي تقول لي ياهل يقعد جذي شلون لازم كله تنام وتقعد تحسينها دايخه واصل حدها بس تقاوم واخر شي لي ال11 يالله تنام جذي تاخذ غفوه بونص ساعه وتقوم وهذي حالتي صارلي ثلاث ايام وياها وتقعد تسهر لي 2 ولا 3 وامس بعد لي 6 ينييييييت احقرها تصارخ اسكر الليتات تصارخ وارد ابطل الليت تسكت شوي وترد تلف ويها اطالعني وتبي تقعد وتلعب ولا تناام الا بعد مايوصل حدها معنه اذا شفتيها تقولين دايخه وبتنام خلاص بس شسالفه شسوي شلون انومها ما ابيها تعود عالسهر وشكلها تعودت

 

[الشيخه فطامي]

سلام بنات شنو زين حق الاسهال
او شنو زين حق الامساك حق البيبي بو شهرين ما يصير اعطي عصير برتقال ؟.

 

[ipink]

ما ادري اتوقع عصير برتقال توه الناس عليه انا بنتي ثلاث اشهر وللحين ما اعطيها اخاف بس ماكو الا ادهن بطنها ودهني مقعدها وانتي بكرامه هالشي شوي يريح بس تخرج احسن عييد ترتااح بس بعد معاناه مسكينه طول اليوم تمسك روحها ليمن تخرج اسهال وانتي بكرامه

بنات بغيت اسالكم الحليب الصناعي توني ادري اليوم خالتي تقولي لازم اتحطين الماي اول بعدين المكيال؟ انا دايما احط البودر ازهبه واحط فوقه الماي تقول لي غلط مايطلع مضبوط صح هالكلام؟

ومنو يستخدم مميات دكتور براون ما ادري ليش لمن اخض الحليب دايما سواء طبيعي ولا صناعي يسررب وينكت نص الحليب ويضيق خلقي شالحل ؟؟ معنه جيكت ماكو كسر ولاششي ويدد بس كل ما اخض الحليب ينكت منها

 

[لوكريسيا]

سلاااااااااام بنات

اوبرا .. صادوه

مراسي .. الحال من بعضه يسافي قاعد يصلع بعد هههههههه مو خوش توقيت شسوي فيه حق العيد .. شريتله كبوس و لبسته شكله يضحك رديته .. ترى بهالعمر اسم الله ععليهم يفطنون .. يويو يضحك و يناغي و يلعب بس مو عند اي احد

بنوكة .. مميات ولدي د.براون ما يسربون كلش .. يمكن انتي مو مركبة القطعة البيج على الممية عدل

فطامي .. في دوا عبارة عن فواكه طبيعية نسيت اسمه حق الغازات و الامساك وايد حلو و طعمه ليذ مافي منه الا في بوتس .. اشوفلج اسمه

 

[ipink]

لوكريسيا اي قطعه الانبوبه قصدج شلون تركب لانه تاذيت نص الحليب يطلع بره بس اخضه