الرضاعة الطبيعية .... جد واجتهاد

[ipink]

لوكريسيا شلون تركب عدل علميني لانه حدي متاذيه كله يخروون الحليب

 

[ipink]

لوكريسيا
شلون يعني يتركبون اي قطعه تقصدين اللي فيها انبوبه انا ينييت مرات يسربون وياي ومرات لا ما ادري شسالفه؟


انا للحين ماياتلي الدوره عادي معني قمت ادخل صناعي؟؟متى مفروض تيي اروح اخذ حبوب تنزلها؟ اخاف اكون حامل معني ماخذه احتياطاتي وما احس اني حامل بس اوسوس

 

[ipink]

شلون يعني انا مرات تخر المميه وياي ومرات لا ينييت وياهم اقول يمكن من الثلاجه اطلعها وسيده بماي مغلي يمكن تنكسر بس مافي اي فتحه


بسالكم انا للحين ماياتلي الدوره معني دخلت صناعي عادي ولا اروح اخذ حبوب تنزلها ؟ ميته خوف اكون حامل معني ماخذه احتياطاتي عدل وما احس بهالشي بس اوسوس مرات

 

[khawla&tito]

انا مو متزوجه بس شفت الموضوع قلت استفيد شوي وعلى طاري هالموضوع بقول لكم عن وحده ترضع ولدها من صدرها عمره شهرين وفي عندها بنت عمرها عشر سنين تخيلو البنت هذي ام عشر سنين اذا شافت اخوها يرضع تجي بسرعه تطلع صدر امها الثاني وترضع ,,شفتو الغيره بين الصغار ؟ حتى ماتبيه يلمس صدر امها مسكين ياترضع معاه ولامايرضع !! امبيييييييييييه شكلهم حده يموت من الضحك البنت ترضع من اليمين والبيبي من اليسار !!

بس انا اقول كل هذا من امها لانها كل ماجت ترضع البيبي طلعت صدرها وقامت ترضع و قدام اي احد تخيلو عادي عندها تخيلو!! قدام زوجها صديقاتها جيرانها ههههههههه واذا خلص الصدر الاول دخلته وطلعت الثاني يرضع منه !!
انا اتوقع علشان جذي بنتها تغير من اخوها الصغير
وعلى فكره حنا ماخذين فكرة ان الصغار مايفتهمون شي بالعكــــــــس!!
احس لازم على الامهات يديرون بالهم عشان مايصير بينهم غيره وكره من يومهم صغار :klhfl:

 

[khawla&tito]

رفع

 

[ipink]

شلون يعني مو مسكرين عدل ما ادري ينيت وياهم مرات يخروون وحليب ومرات لا معنه يدد واششوف مافيهم فتحات ولا انه مقظوظيين شسالفه ما ادري؟؟

اقول انا للحين ماياتلي الدوره عادي معني قمت ادخل صناعي متى المفروض تييلي ولا اروح اخذ حبوب تنزلها؟

 

[لوكريسيا]

خولة .. و الله الام وايد معطتها ويه عمرها عشر سنين و جذي تسوي جان ما أسطرها و أكوفنها ختولي هذي ماتستحي و الأم شكلها مستانسة عالوضع

بنوكة .. اول شي تاخذين القطعة البيج المدورة اللي فيها مكان تركب فيه الانبوبة البيضا الشفافة و تضغطينهم عدل لما تشوفين ان راكبين 100%
بعدين تاخذين اللي ركبتيهم مع بعض و تحطينهم بالممية و تضغطين على القطعة المدورة البيج حيل لما تتأكدين ان رركبت عدل تالي تركبين النيبل و بس ..اتوقع نفس اللي تسوينه بس تأكدي ان كل شي مسكر و راكب عدل

 

[بحر الغموض]

هلا والله بنات

انا الشفاطه مالتي خربت من شهر وقلت ماني شاريه غيرها خلاص ولدي بدا ياكل بس بدت الدوامات وروحتي للسوق لتجهيز العيد صرت اطوف رضعاته واعطيه صناعي وتاذيت حيل امس ماقدرت اتحمل طرت على الصيدليه واشتريت لي شفاط ب42 غالي بصراحه خصوصا الحين باخر الشهر مفلسه عدل
بس ارتحت لكن خايفه من انها ترهل الصدر شفاطتي هذه من ميديلا احس طريقتها بايخه مو مثل اللي قبل عندي



بالنسبه لعصير البرتقال لعمر الشهرين عادي عطوهم خصوصا لو كان معاهم امساك بس لا يكون حامض وحلوه بسكر نباته
وزيدوا عليه الماي علشان حموضته تخف على البيبي

 

[الشيخه فطامي]

اهلين بحوره او لوكريسيا او بنوكه شخباركم
بنوكه تاكدي انج مسكرنهم عدل او لمن تعقمينهم لا تحطينهم تحت خليهم فوق اذا عندج معقم المميات الكهربائي
ابي اليوم عطيت ولدي ينسون شوي ولا نمله بالمميه يما معني مغسلتها او كل شي بس اتوقع من الينسون معني ما خذته من مطحنه مو اي مكان

بنات شل الفرق بين حبه الحلوه او الينسون ؟ اثنينهم نفس اللون
انا عندي ينسون

بنوكه لا تحاتيتن وايد انتي نفسي مو حامل عادي لا تاخذين حبوب ولا شي مادامج محتاطه
او سكري المميه عدل الانبوب دخلي بالقطعه البيج عدل مثل ما قالت لوكريسيا

بحوره لمن تشفطين مسكي صدرج لا تخلينه طايح
انا مرات اخليه طايح ما امسكه احسه يترهل
بس اكتشفت لمن ترضعين او تشفطين كله مسكي صدرج لا تخلينه بروحه يعني مثلا بروحه البيبي ماسك بدون ما انج ما سكه صدرج
او انج ما سكه قمع الشفاطه بس بدون ما تمسكين صدرج
مادري احسه يترهل
او لبسي ستيان بش اب

 

[donutoo]

لووووووووووووووووووووووووووول :krkrkr:
والله ضحكتيني من قلب لوكريسيا
شهالأم الخيخة ما تقدر على ام عشر سنين !! اي شي

 

[ام منتظر]

اختي الف شكر على هذا الموضوع الاكثر من روعة والله عجبني واستفدة من كثير وقررت وابصرار بعون الله انشالله ارضع طفلي طبيعي لمة اولد انشالله شجعني موضوعج كثير وانا الحين حامل شهرين والله يسهلي
اختي بس سؤال انت قلتي بعد الولادة احتمال ما يطلع الحليب مباشرتا يمكن يوم او يومين او اليوم الثالث طيب في هذا الوقت شنو انرضع الطفل اصطناعي واذا اصطناعي مثلا 3 ايام ياخذ بعدهة حليب الام
ومشكورة والله يوفقج​

 

[ipink]

السلام عليكم
شلوونكم

ام حيدر وينها غاطه عسى المانع خير

 

[opera]

سلام عليييكم


من زمان مادري عنكم وعن اخباركم

لكم وحشه



بنوكه عادي ترا ما تييج الدوره . خالتي ام ريلي قالتلي انها سنتين ترضع وماتنزل عليها كلش عادي يعني وطبيعي

 

[ipink]

وعليكم السلام
اهليين ام بدووري شخبارج
اي والله مكانج مبين انتي وام حيدر
اي بس انا قمت ادخل صناعي عهم عادي انا محتاطه بس تدرين هم تخافين توسوسين

 

[منورة الكويتية]

السلام عليكم
بنات انا والدية الحين لي 16 يوم وارضع ولدي طبيعي مارضعته صناعي كلش
الاسبوع الي طاف لمن كان عمره بس اسبوع رحنا اول مراجعه مازاد وزنه ولا قرام من الولادة
واليوم رحت الموعد الاسبوع الثاني وبعد مازاد ولا قرام
والدكتور يقول لازم كل يوم يزيد اونس واحد
حده ضاق خلقي ان رضاعتي على بلوشي واهوا بعد قلبي كاسر خاطري
ف كتبلي الدكتور على صناعي وقالي عطيه اول شيئ طبيعي بعدين عطيه الصناعي
والله حيل ضاق خلقي ومادري شسوي انتو شرايكم

 

[opera]

منوره

انا اللي اعرفه انه الياهل بالولاده يكون وزنه اكثر بعدين يفش لانه على قولتهم هذا كله ماي داخل جسمه ويطلع

يمكن اهو قاعد يحسب وزنه اول ما انولد !!


انتي شلون شايفه رضاعتج ؟؟ يعني ولدج يشرب وايد ولا نتفتين وينام ؟؟

و اكلج شلونه ؟؟

يمكن انتي ترضعينه بو ربع ساعه بس !! لانه اول شي بس يطلع الماي من صدر الام بعدين يطلع الحليب والماده المغذيه واهي اللي تشبع وتكبر البيبي

 

[opera]

واااي بنات مادري شسوي

ريلي حاجز عشان نسافر اسبوع وطبعا بدور مو معانا

مادري شسوي مابي افطمه واخاف ينشف الحليب بالاسبوع هذا لانه مستحيل اشفط .. صدري مو مثل قبل كنت اقدر اشفط الحين كلش ما اقدر


وغير جذي قلبي مو مطاوعني اخليه اسبوووع والله مادري شسوي

 

[ipink]

الله يعيينج ماكو الا تفطمينه اتوقع مشالله عليه وصل سنه موصح
انا ريلي مايرىضى نسافر عشان لولو توها صغيره بس بيروح كورس دازينه الدوام شهرين وضايق خلقه وده مايروح وانا ضايق خلقي بيهدني بروحنا انا وبنتي شهرين وغير هذا بنتي وايد متعلقه فيه الله يعينه ما ادري شبنسوي

 

[منورة الكويتية]

منوره

انا اللي اعرفه انه الياهل بالولاده يكون وزنه اكثر بعدين يفش لانه على قولتهم هذا كله ماي داخل جسمه ويطلع

يمكن اهو قاعد يحسب وزنه اول ما انولد !!


انتي شلون شايفه رضاعتج ؟؟ يعني ولدج يشرب وايد ولا نتفتين وينام ؟؟

و اكلج شلونه ؟؟

يمكن انتي ترضعينه بو ربع ساعه بس !! لانه اول شي بس يطلع الماي من صدر الام بعدين يطلع الحليب والماده المغذيه واهي اللي تشبع وتكبر البيبي

لا نفس وزنه اول مانولد لمن وزنوه عقبها رحنا مراجعه الاسبوع الاول نفس الوزن ماتغير
وامس مراجعه الاسبوع الثاني هم ماتغير
والله خنفتني العبره حسيت تعبي طول الاسبوعين الي طافو على فاشووش
شلون ما زاد ولا قرام لي الحين ماني مستوعبه
الحين قاعده اعطيه حليب صناعي اسمه انفاميل بس بعد قلبي مايلحق ع الرضاعه لانها وايد تطلع ههذا واها ماخذه اصغر جم نبلز وان شاء الله الاسبوع الياي في مراجعه ويزيد وزنه
بس هم ماقطعته ولا راح اقطعه عن الطبيعي مثل ماقال الطبيب راح اعطيه صدري اول بعدين الصناعي
بس بنات جذي اخاف يتعود ع الصناعي ويعاف صدري عقب او الحليب يقل
منو مرت بنفس الحالة

 

[لوكريسيا]

منورة ... الحمدلله على السلامة و مبروك ماياج

ترى عادي وزن البيبي يثبت و ساعات يقل شوي بعد طبيييييييييييعي .. يسافي عقب الولادة فش عدل و نزل وزنه بس لما سألت الدكتور قالي طبيعي يرد يزيد مع الرضاعة بس صبري عليه