الرضاعة الطبيعية .... جد واجتهاد

[مراسي الحب]

بنوكة عادي ... تتلخبط الهرمونات وشوي شوي ترجع طبيعي

 

[ريمااا8]

صح لسانك
بس الرضاااعه مره متعبه
الله يكتب لنا الاجر

 

[مراسي الحب]

كتكوتة زوجي ... ما يضره لأ ... آخر مرة تكلمنا فيها انا ولوكريسيا ... اتفقنا على انه تسوي جذي مع ولدها لأن حليبها ما يشبعه لأنها مخففة أكل ...

 

[ما أروعك!]

جزاكم الله خير على الافادة

بس انا عندي استفسار

اانا شريت شفاطة كهربائية ماركة "ميديلا"

بس توهقت فيها ما عرفت استخدمها

الله يخليكم علموني عليها خطوة خطوة يمكن فيه شي غلط انا مسويته !

ويعطيكم الف عافية

 

[ipink]

صباح الخير
شلووونكم

امس صورت لولو عند حمد الشايجي وايد حلو كان تعامله ولقطاته بس المشكله بنتي ثلاث اشهر كله نايمه بس حاول ولطلع لها لقطات حلوه وقعدنا عنده تقريبا ساعه وناطره انشالله بعد يومين استلم الصور ونشوفهم


ا قمت اعطي بنتي صناعي بس يمكن مرتين باليوم او اذا كثرت ثلاث وباجي اليوم اللي اشفطه ولا ارضعها عادي هالشي ماياثر عليها موصح ولا على حليبي انه يخف لانه ماشاء الله احس انه حليبي قاعد يزيد ودايما صدري يتيبس ويصير فيه حليب واشفطه حقها
ماجاوبتوني؟


مراسي وين صاير عند منو هالاسنتديو فارمسيا ولا غيرها؟

 

[opera]

بنوكه طرشيلي السايت مال حمد الشايجي


او رقمه

 

[ipink]

http://www.flickr.com/photos/al-shaijy/

 

[ipink]

صباح الخير
شلووونكم
بغيت اسالكم الحين بنتي اسمالله عليها صارت ثلاث اشهر شكثر لازم تنام وتقوم تشرب وجم لازم اخليهلها كميه الحليب اللي اشفطه وبالنسبه حق الصناعي عادي اعطيها انا ثلاث مرات باليوم مايضرها ؟ يعني الحمدلله احسها تاخذ الصناعي وةوصدري بس شكثر لازم الحين احطلها كميه الحليب ورى القوطي ماكو ثلاث اشهر بس شهرين بعدين اربع اشهر ما ادري احسها ماتشبع انا احطلها مكيالين والماي 120 بس احس لازم ازيده بس شكثر ما ادري؟؟

وانا اعطيها سيملاك والحين قمت اعطيها سميلاك بس مدعم بالحديد في فرق بينهم ولا عادي مايفرق لاني متعوده اشتري رقم واحد سيملاك وشريت مدعم بالحديد بالغلط فقلت احسنلها ما ادري شرايكم؟؟

امس يبنا صورنا لولو وايد حلوين وطبيعيين بس المشكله انها ماتقعد ولا جان سوت حركات وصارت احلى

 

[الشيخه فطامي]

سلام بنات شخباركم
لين الحين معاناه مع ولدي اسم الله عليه
شنو اعطيه حق الامساك عصير برتقال ؟

طبعا الدوا يوم ماشي معاه يوم لأ
او ما عطي انا اعشاب ينسون او هل السوالف يقولون مو زين
بس تحسفت ليش ما عطيته احس ينظف بطنه

 

[opera]

بنوكه

ثلاث رضعات مو جنهم وايد .. جم مره تعطينها من صدرج ؟؟؟


فطامي

عطيه تمر زين حق الامساك يليين البطن

 

[opera]

بنوكه مشكووره عالسايت

 

[ipink]

اوبرا اعطيها رضعه اخر الليل الساعه 2 او 3
ووحده اول الصبح الساعه تسع ووحده الساعه 6 قبل الفطور
اما باجي اليوم صدري او اللي اشفطه

وايد جذي ولا عادي؟؟ معنه احس الحمدلله صدري قاعد ينترس حليب مو نفس قبل لمن كله ارضع احس مرات مافيني حليب

بس شلون على كميه الحليب محد جاوبني ونوعه؟؟

العفو ام بدوري

 

[لوكريسيا]

بنوكة .. 120 مايكفيها انا لما اعطي يسافي صناعي احطله 150 و مرتاح وايد على ابتاميل كومفورت 1 خفيف مو ثقيل و مايسويله امساك .. ترى الحديد يسوي امساك .. لا تعطينها مدعم بالحليب اسم الله عليها بنوتج ما فيها نقص لان الحديد يمسك بطنها و تتأذى .. حتى انا قمت ادخله صناعي بس مو كل يوم .. على حسب .. ساعات مرة باليوم ساعات مرتين و ساعات 3 بس مو اكثر

 

[ipink]

لوكريسيا
وييه انا شاريه قوطيين مدعم بالحديد شسوي فيهم ؟ عاد بنتي مسكينه احسها تعاني لانه ماتخرج ويمسك بطنها انزين جم مكيال تحطين
انا نفسج جذي ادخل صناعي الحين بس عادي ماياثر علي حليبنا موصح؟

 

[opera]

بنوكه

حتى لو تحسين انه مافي حليب وصدرج ماينترس

بس ترا فيه حليب والياهل لمن يمص يطلعله


انا الحين بعد سنه من الولاده .ز اصلا كلش ما يتيبس صدري ولا ينترس .. احسه فاش وكله عبالي مافيه حليب

وحتى ماقمت البس البريست بادز .. بس للحين فيه حليب .. ولمن اخلي بدوري يرضع وينام .. عقب اقعد اوسوس

اقول في حليب ولا بس جذي قعد مص لين نام

اضغط بايدي ولا يطلع للحين فيه


انا اعطي بدوري سميلاك وماشي عليه الحمدلله مافيه شي بس مو اللي مدعم بالحديد لا العادي

ولانه اهو اصلا ما ياخذ اكثر من رضعتين صناعي باليوم ومرات وحده بس


طبا هذا اذا قام الصبح وانا بالدوام

 

[opera]

اللي اعرفه عال180 تحطين 3 مكاييل حليب


بس 150 مادري جم

 

[جوزائيه مغروره]

قوووه بنات شخباركم

انا ولدت الحمدلله وقمت ارضع طبيعي مع صناعي بس اكثر شي طبيعي

وهالايام بديت اتعب واشفط الحليب واحطه بالمميه لانه ولدي تعلم عالعياره وقام ما ينام الا بحضني هههههههههه

بس شكلي بشتري شفاطه ثانيه لانه اللي عندي متعبه

 

[جوزائيه مغروره]

اي صج بسالكم بنوتات

صدري حيل يعورني جنه تافخته بسيليكون شسوي ابيه ما يعورني

سويت له كمادات وماكو فايده

 

[الشيخه فطامي]

سلام بنات شلونكم
لين الحين معاتاه مع ولدي كل ماروح مكان يعطوني مخدر بس ما عطيه صراحه احسه بس يهدي او يانام ما يطلع الغازات اللي بطنه
انا ابي شي يطلع الغازات مو بس يخدره او ينام
ما شيه عل الادويه لين الحين انشاء الله يارب يخف او يهدى شوي ياااارب او بطنه يلين شوي

لا بعد الشي اللي مضيق صدري حيل طلع فيني هوا بالرحم مادري من وين داش معني تنفست عدل او كليت دويات
انشاء الله شويه الهوا اللي داش مو وايد
تهقون يطلع بروحه ولا لازم اخذ دويات مره ثانيه ؟

 

[ipink]

السلام عليكم
شلووونكم

فطامي مايشوف شر سلمان ما ادري والله جربي الاعشاب احسن اتوقع ان مافادت ماتضر احسن من الادويه ولا شرايج وانشالله يريح ويطلع اللي ببططنه دهني بطنه سويله مساج ودهني من تحت مكان الخروج عزج الله وايد يريح انا دايما اسوي جذي


اوبرا
ايي انا نفسج مرات احس ماكو حليب بس اوسوس لمن تشرب بس مرات يتيبس علي واحس بنفجر فاروح اشفطه بس حيل يعور احس مضطره لازم اشفطه والمشكله ايي برضعها لمن يتيبس صدر ويعورني ولا اهيا نايمه ما ادري شلون فاشهط الحليب

بنات بنتي مساعي قاعد اشوف شعرها قاعد يطييح وايد بالمخده ليش ما ادري من شنوو ؟؟؟؟

اليوم رحت وديتها الطبيب والحمدلله طمنوني انها صارت زينه والحين عادي البسها بامبرز واحد بدال اثنين احس برااحه مو متعوده بنتي خفيفه
بس مسكينه معوره قلبي من امس خشمها مسكر وتنفسها صعب بلييل اشوفها تعافر وتفرفر بالفراش عطوني قطره حق خشمها وحطيتلها