الرضاعة الطبيعية .... جد واجتهاد

[لوكريسيا]

شلونكم بنات

وردة .. عندي حبوب فيتولات اللي يقولون انها تزيد الحليب بس مافرقت معاي

بحورة .. صدقيني اكلي زين و طايحتله هالأيام بعد بالسمسمية و الرهش بس مادري شلون سبحان الله لما ولدي يرضع احس يطلعله حليب و لما اشفط ما يطلع .. و اليوم بديت ارد الاحظ اكلي .. و بحاول اشرب ماي وايد

 

[الشيخه فطامي]

شلونكم حبايبي

لين الحين ما ني عارفه شلون انظم الوقت
مالقيت الحل؟.

بنظم اوقات الرضاعه او النوم عل الاقل

او انه يقعد يلعب شوي بس يكون ساكت ما يبجي ما يصير ؟

 

[لوكريسيا]

فطامي .. بهالعمر اسم الله عليهم ماعندهم روتين حتى ساعات الرضاعة ما تنتظم اذا ترضعينه كل ساعتين ساعات ينام 3 ساعات و يتخربط النظام عليه و حتى النوم .. ماله مواعيد الا لما يكبرون شوي

تقدرين تسوين روتين معين يعني مثلا كل يوم او يوم و ترك الساعة 9 بالليل تسبحينه و تدفينه و ترضعينه و بعدين انتي و حظج يا ينام يا يقعدلج قعدة

 

[مراسي الحب]

السلاااااااااام

 

[ektifeet]

موضووووووووووووووع مهم

انا بنتى عمرها 8شهوور وللحين ارضعها وناويه اخلييها مدام فينى حليب
بس للامانه

من جم شهر خليت رضاعتها بالليل بس لان مايدر طول اليووم

وماشاء الله اسنانها طلعت اربعه والناب بدا يشق

والمشى بالدرااجه من احسن مايكوون

المقصد انه الرضاعه الطبيعيه اغنى بعنصر الكالسيووم

واشجع الطبيعى لانه نظيف وتؤجر عليه الام

ويسلمووووووووووو ع الردود والموضوع

 

[مراسي الحب]

بلسم حياتي واحب بلادي ... حياكم الله وعساكم على القوة ...

بلسم ... اقري طرق ثانية شلون اتشجعين الرضاعة وزيادة الحليب في اواوئل الموضوع

 

[بحر الغموض]

مسا الخيررررررررررررات

 

[ipink]

صباح الخير
شلووونكم
حدي تعبانه ياتني الدوره اخييرا وانا معاناه وياها المهم الحين ابي اخذ حبوةب الدوره الحمر وباسكوبان لانه ما اتحمل العوار لازم الحبوب وابر عادي ولا مايصير لاني ارضع شسوي مو قادره ومالي خلق بنتي حبيبتي النفسيه والعوار كلش

 

[بحر الغموض]

صباح النور حبيبتي

حبيبتي والله ماعندي خبر اذا يصير والا لأ

حبيبي ولدي ماقدر ينام عدل من خشمه وقبل ساعه ونص قعد من النوم مختنق مو قادر يتنفس
خليته عند امي ورحت الصيدليه اييب له قطره الخشم اوشن سبراي وانا راده سالت قالولي نايم
فمريت ماكدونالدز اخذتلي ريوق من عندهم
حيااااااااااكم معاي

 

[opera]

بحوووره صباحج خير

ياسلام اشتهيت بان كيك ...بالعافيه

 

[opera]

شلونكم بنات

وردة .. عندي حبوب فيتولات اللي يقولون انها تزيد الحليب بس مافرقت معاي

بحورة .. صدقيني اكلي زين و طايحتله هالأيام بعد بالسمسمية و الرهش بس مادري شلون سبحان الله لما ولدي يرضع احس يطلعله حليب و لما اشفط ما يطلع .. و اليوم بديت ارد الاحظ اكلي .. و بحاول اشرب ماي وايد

لوكريسيا


بالضبط مثلي احس لمن يرضع يطلعله حليب اكثر من لمن اشفط

عشان جذي بطلت اشفط من زمااااااااان


واصلا احس صدري مو مثل قبل ينترس حليب .. احسه فاش مادري يمكن لانه بدوري كبر ومايشرب وايد من صدري !!

 

[opera]

الشيخه فطامي

نوم الياهل صعب تنظمينه الحين .. بس انا كنت ارضع بدوري اهو بروحه يطلع الحلمه اذا نام وشوخر


بس مادري عن باجي اليهال شلون


بس مرات لا يطول ويكون نايم بس قاعد يمص فبروحي اطلع الحلمه من حلجه واتاكد انه يكون نايم لانه مرات لمن اطلع يقوم يبجي يعني يبي بعد مو شبعان

 

[ipink]

بنات ما ادري شسالفتي الصبح عوار دوره وشفت دم وانتو بكرامه والحين بعد مانمت وقمت مافيني شي كلش والكوتكسه نظيفه شسالفه؟؟ امي تقول شربي بابونج يمكن بتنزل الدوره ويخرعوني يقولولن يمكن حامل ؟؟ لا انشالله لا انا ماخذه كل احتياطاتي وما احس روحي حامل ومسويه تحليل دم وايدي على قلبي بس قالت الدكتوره مافي شي لووول
شرايكم؟

 

[مراسي الحب]

السلام بنات

شلونكم

بنوكة ... ان شاء الله ماكو شي بس ساعات مع الرضاعة اتيي الدورة خفيفة وايد ...

 

[opera]

مراسي

شلووونج وشلون صار خلودي ؟؟

 

[أم حيدر]

قوة *_*

 

[لوكريسيا]

شلونكم أمهات و شخباركم

أوبرا بالضبط انا مثلج .. بس ساعات تضطرين تشفطين .. يعني مثلا زوارة حمولتي نقعد كلنا مع بعض الحريم و الرياييل و كل ما بغيت ارضعه اقولهم يفضونلي غرفة و اسم الله عليه يطوووووووووووول على ما يرضع لأن اغلب الوقت نايم و من اشيله يبجي ما شبع يمكن ساعة .. و عقبها بساعة و نص يرد يبجي يوعان و هذي حالتي طول الزوارة مو شي .. قلت بشفطله على الاقل رضعة حق الزوارة بس ماكو .. مسكين أبوي الله يحفظه اليوم يايبلي بيذان ني مو مقشر اللي يصير عليه طبقة خضرا تشيلينها و بعدها قشر البيذان و داخلها البيذانة هههههههههههه لغز عل و عسى ينفع معاي

:eh_s(1):

 

[مراسي الحب]

ام بدوري الحمدلله بخير ... رجعنا انقلل الكمية اللي يرضعها ... وشوي شوي نرجع نزيدها علشان ما اتثقل معدته ...

لو كريسيا ... لازم الحين ما يشرب كل ساعة ونص ساعتين اسم الله عليه كبر... هههههههههه لازم يفج الحين بين كل رضعة ورضعة ساعتين ثلاثة ... اهوا اصغر من خلودي بشهر، صح؟؟ اتذكر لما انحشت من البيت وييت لج المستشفى ههههههههه

 

[ام الداده]

السلاااااااااااااااام عليكم


شخباركم يابنات؟؟

 

[++MesK++]

مراسي الحين انا صارلي15 يوم والده وما رضعت تهقين نشف الحليب ولا بعد؟