الرضاعة الطبيعية .... جد واجتهاد

[opera]

بنات اللي عندها خبره


الياهل متى نومه يكون متواصل ؟

وجم ساعه يحتاج الياهل عشان منام باليوم ؟


ومتى الياهل ينام بروحه يعني يحط راسه عالمخده وينام ؟؟

 

[أم حيدر]

اوبرا- كل طفل يختلف عن الثاني

بس احتياجات الطفل بهالعمر تقربا 14-16 ساعة نوم

حيدر - طبيعته نومه قليل يكتفي ب 10 ساعات ليل و ساعة الظهر

حساني - ينام اكثر منه

بتولي - لانها بيبية تنام خلال النهار اكثر منهم

انا بالنسبة لي استمتع بتنويم الياهل احس انه وقت النوم وقت خاص جدا بالنسبة للام والطفل وخصوصا احنا موظفات ما نحظن عيالنا كفاية، فحيدر على سبيل المثال عمره 3 سنين اروحله فدوة وللحين انا انومه فاظن هالشغلة ترجع حق الام

 

[opera]

يعطيج العافيه ام حيدر

انا سألت لاني لاحظت نومة بدور مو وايد خصوصا بلليل ينام متاخر ويقوم مبجر قلت يمكن عشانه ينام الضحى والعصر فهالشي مأثر عليه

ونومه حييل متقطع

للحين جنه بيبي بورن يقوم كل ساعتين وارد انومه :\

بالعكس انا استانس اروح انومه بس لانه كل شوي يقوم ..


مادري شنو علته

 

[الشيخه فطامي]

هااااااي بنات شلونكم

امس ولدي اسم الله عليه من الساعه 9 لين 12 او نص مادري شفيه مو راضي ينام او مو راضي يشرب حليب بس يبجي كسر خاطري
بدلت له او جيكت عليه قلت يمكن شي يعوره ماكو ماني عارفه
او اطير عل المواساه ولا الدكتور يقول بطني متروس هوا مسكين او يعافر قالي مو زين جذي ليش ما تعطينه شي
قلت له عندي ديسقلاتيل بس عند اللزوم او 5 نقط
قالي مايكفي
قال حق السستر يبي التحميله انا هني انهرت قلت مابي تحطوله تحميله ليش
عاد ضغط شوي على بطنه ولا يخرج حبيبي
عاد عطاني ريستروبينال او قالي زيدي النقط خليهم 10 او قطره خشم لانه خشمه مسكر اسم الله عليه
امس ما نمت قلبي عورني
بس الحمدلله شوي احسن بس هم يبجي
يعني ضاق خلقي
لانه مراجعاته كانت بدرا الشفا او قلت حق اللدكتور بطنه متفوخ ما عطاني شي قالي عادي اليهال اسم الله عليهم جذي لين 3 اشهر
انزين عطني شي يخفف ما عطاني
فأحس انه زاد عليه لمن صار وايد هوا ضاق خلقي
بس الحمدلله يارب انشاء الله يصير احسن يارب

 

[opera]

ماعليه الا العافيه انشالله

انا ماعندي خبره وايد بس انا ولدي كنت احطله اوشن سبراي حق خشمه واشفطله

وانتفاخ البطن كنت اعطيه اعشاب


بس انتي لاتحاتين التحميله زينه بعد

 

[أم حيدر]

فطامي حبيبتي انت هذا اول بيبي ؟ لانج ذكرتيني بنفسي قبل لوووول

شوفي حبوبة اذا شفتي الياهل مستعسر مرة ثانية سوي شغلتين قعدي على القنفة او على كرسي وصكي ريولج ونومي على بطنه على فخوذج ومسحي على ظهره بحركة دائرية وبيخرج ريح عزج الله

وشغلة ثانية دفي زيت زيتون ودلكي بطنه بحركة دائرية عكي عقارب الساعه وبيخرج عزج الله لان هالحركة تحرك المصران.

 

[أم حيدر]

اوبرا حبيبتي انتي ولدج الحين وقت تسنينه بيستمر على هالحال تقريبا لحد سنة و 5 شهور على ما يخلص تسنين الله يعينج ، اشتريله جل من الصيدلية ودهني لثته واذا استنفر وايد عطيه ادول او بندول

 

[opera]

لوووووووووول

ام حيدر شاريتله جل

يستانس بس احطله ياكله مايخليه على لثته

 

[أم حيدر]

اوبرا شوفي توقيعي اليديد

 

[بحر الغموض]

واخيرااااااااااااااا حطيتي تيكر للفرااااااااااوله يام حيدر

الشخه فطامي خليج مع دكاتره المواساة واااااااايد زينين

واذا توج رايحه للمواساة عندج اسبوع تقدرين تراجعين فيه الطبيب مجانا

اذا استمر على التعب وديه اليوم وخليه يشوفه احسن

ماكو على دكاترتهم وايد مرتاحه منهم حتى طهارهم زين للولد

ودكتوري الخين مسافر يمكن يرجع على رمضان

 

[ام الداده]

يا هلاااااااا ام حيدر

شلونج والله اشتقت لج


موطلعت من الاربعين

وكل شي معفوس

نومي ووقتي

وطلعات

ومسؤوليه


احس ماكو وقت

قلت امر اسلم عليكم

ولا اشوف عدد الصفحااااااااات

ماشاء الله

 

[لوكريسيا]

السلام عليكم

شلونكم و شخباركم

فطامي ما يشوف شر الغالي .. بس لا تستعملسن ادوية مليتة على طول بعدين بطنه يصير كسلان و ما يطلع الا بالملينات

أوبرا .. صح اذا بدوري يسنن ما ينام متواصل الله يعينج

أم حيدر و بحورة . . شلون البيبات و سلم قلبهم اللي يروحون الاكواريوم
مراسي ,, صاجة بين خلودي و يسافي تقريبا شهر .. بس لا تشوفين حالتي طول ما اهوا قاعد حاطته على صدري و من اشيله يصررررررررخ يفضحني اقول يمكن ما يطلع له بس من اضغط على صدري يطلع حليب يعني في بس الأخ ما يبي يذل مجهود و الفترة اللي ما ارضعه يكون حزة نومته اللي طول خشمه .. عشان جذي اقولج ما اقدر اطلع من البيت احس اني محبوسة يا ازور يا حدي مدي الفرع اللي يم بيتنا و يخب عليي .. مشتهية اروح اشتري كتب من جرير بس مادري متى يحن عليي و يرضع عدل عشان اقدر اطلع

 

[opera]

اي لوكريسيا اهو مطلع سنين تحت بس الظاهر اللي فوق بيطلعون

 

[بحر الغموض]

>>>

 

[هوفه]

السلام عليكم

اشلونكم بنات

 

[بحر الغموض]

وعليكم السلام

الحمدلله على كل حال

 

[opera]

اوبرا شوفي توقيعي اليديد

مسويه نيولوووك على كل شي

ماشالله حلووو وايد :ggdw:

 

[أم حيدر]

مشكووووووووووورة اوبرا

الله يعييييينج عالتسنين والتفزز بالليل ويعين وليدج حبيبي

 

[opera]

ام حيدر امس سويت مثل ماقلتيلي

حطيتله جل وشربته ادول خفيف ورضعته ونام

ما اقم وايد بس مرتين

 

[لوكريسيا]

صباح الخير

بنات منو فيكم جربت ريجيم يصلح للمرضعات ؟