الرضاعة الطبيعية .... جد واجتهاد

[ipink]

صباح الخير
شلوونكم
لوكريسيا انا ماجربت بس عندي موعد 1/9 انشالله باخذ ريجيم ابي اضضضضضعف وزني يا يثبت يانزل بيوم واليوم الثاني يرد معنه شكليا انا خافه بس الوزن مشككله


بنات بغيت اسالكم الحين شلون الوحده لمن تفطم عيالها شتسوي امس رفيجتي سالتني قلت ما ادري يعني تعطيهم صناعي وماترضع من صدرها بعدين راح يورم من الحليب شتسوي؟

 

[بحر الغموض]

اظن ام حيدر سوت رجيم مرضعات
بالنسبه للفطام مادري ولا عندي خبر

 

[ipink]

شنو ريجيك المرضعات انقذينلا يا ام حييدر

شلون انتو تفطمون عيالكم؟؟

وسؤال صج يقولون موزين الكافين للبيبي بس يقولون هم اكلي كل ي خل يتعود يعني شلون صارلي قرن مو شاربه قهوه من وانا بالشهر الثامن وحدها طاقه براسي ومشتهيه يعني بيضر اذا مره بالاسبوع شربت ؟ لاتقولولي دي كاف اخذي احس مانفع وياي

 

[لوكريسيا]

بنوكة اي اخصائي بتروحين له ؟؟؟

ما اعتقد مرة لو مرتين بالاسبوع يأثر على البيبي الا ان راح يسهر معاج و ما ينام عدل لأن القهوة من المنبهات

شنو الريجيم اللي أم حيدر مسويته ؟

 

[opera]

انا سويت رجيم بس اشتركت بدايت سنتر وقلتلهم اني ارضع

اما القهوه .. طول حمالي ماشربت وبعد ولادتي بجم شهرت قمت اشرب مره وحده باليوم بس بالحليب

ومادري يمكن مأثر على بدر عشان جذي ماينام عدل

 

[أم حيدر]

للبنات اللي اسألو عن الريجيم ، جربته اسبوع وبطلت لاني بس احس الحليب بدى يخق ادور اقرب سويت وآكله

وهذا الريجيم منقول :

طبعا احنا الإناث الله مبتلينا بعملة الحمل والولادة وهالشي غصب عنا بيغير أجسامنا00
حبيباتي الفراشات انا حملت وزني63 أثناء الحمل وصلت 95
بعد الولادة صار 84
وهلأ بتعرفوا كم؟



62 كيلو00
مع أني كنت برضع طبيعي لكني لجأت لطبيبة تغذية ممتازة عطتني ريجيم خاص والحليب ما خف ابدا
بالعكس انا أضعف وبنتي تسمن00ورضعتها سنة ونص00
وهلأ الحمد لله مانيكان00وإليكم الريجيم:

الفطور:كوب حليب خاي الدسم+(كورن فليكس فيتنس بالفواكه أو 00شريحتين توست وخضار وشريحة ديك رومي و لبنة أو جبنة خالي الدسم أو00بيضة مسلوقة وسلطة)
الساعة 11 كوب حليب خالي الدسم+ قطعة فواكه

الغداء:طبق سلطة كبير+(لحم أو سمك أو دجاج مشوي أو مسلوق أو تونة)+خضار مطبوخة+ ربع رغيف أسمر+مقدار علبة روب(معكرونة او باستا أو رز مسلوق)

الساعة 6 كوب عصير طبيعي أو كوب حليب خالي الدسم(مسموح مرتين بالأسبوع كيس شيبس أو كرة آيس كريم أوأصبع شوكولا واحد أو زبديةمهلبية صغيرةأو قطعة بسبوسة)ولاحظوا كلمة (أو)يعني واحدة منهن مو كلن)

العشاء:

كوب حليب خالي الدسم
متل الفطور أو
طبق شوربة عدس أو خضار +15 قطعة صغيرة شابورة أسمر


وطبعا في وجبة free بالأسبوع
وجبة مو يوم كامل


بالشهر كنت أنزل بين4و6 كيلو00والدكتورة قالت لي لو ما كنتي بترضعي ممكن أنزلك 8-10 بالشهر بس انا تمسكت بالرضاعة الطبيعة00وطبعا مشي ورقص ورياضة0000

ومافي شي مستحيل00

 

[لوكريسيا]

أوبرا .. جربت دايت كير قبل لا احمل .. نزولهم جدا بطيء ما ضبط معاي تخيلي اني ملتزمة باكلهم و ما اكل شي برة البوكس و خلال شهر نزلت بس نص كيلو

أم حيدر .. انا خايفة اجربه و على قولتج يخف الحليب و بنفس الوقت ابي اضعف استقبال اختي شهر 10 و يبيلي اقل شي 6 كيلو

 

[opera]

لو كريسيا من صجج بس نص كيلو

لا انا مع دايت سنتر نزلت 6 بشهرين

بس حماتي جربت دايت كير نزلت 7 بشهر @@


شلون جذي

 

[لوكريسيا]

يمكن حماتج وايد متينة .. انا ماكنت متينة كنت متروسة

و صج سامعة ان دايت سنتر احسن من دايت كير

 

[الشيخه فطامي]

سلام بنات
الحمدلله مع الادويه احسن شوي
لوكريسيا اي انا اقول بعد جذي مابي اعوده عل الادويه
بس لازم بطنه يخف شوي انتفاخه وايد اسم الله عليه
او عل الاقل ينظف شوي
لانه ما يتريع وايد ولا يطلع ريح عزج الله وايد كل الهوا محتبس في بطنه حبيبي
الشر ماييكم حبايبي

 

[لوكريسيا]

فطامي .. شلونه الحين؟؟ ان شاء الله أحسن

 

[الشيخه فطامي]

حبيبتي لوكريسيا ما قصرتي
الحمدلله احسن
بس مابي اعوده عل الادويه
بس امس بليل نفس الحزه قام يبجي قلت شسالفه كل يوم نفس الوقت تييلا الحاله ه اسم الله عليه
عاد على طول عطيته الدوا بالقطاره او ارتاح
انا اقول يمكن ليش ما كنت اعطيه اعشاب حبه حلوه او ينسون هل السوالف فمارتاح بطنه عدل مادري بس الدكاتره كانو يقولولي مو زين مادامج ترضعين طبيعي ما يصير غازات او كا صار قالولي يمكن من اكلج عاد الحين بسوي سيرج عل الاكل اللي يتفخ البطن او يسوي غازات

 

[لوكريسيا]

فطامي .. يسافي كان جذي صار فيه غازات ز عزج الله امساك و كل ليلة بنفس الوقت على الساعة 1 بالليل يبجي يفحححححححححححط .. لما طلع بطنه و اسم الله عليه مافيه شي تعود على البجي بنفس الوقت صار بجي عسارة لأن طول اليوم ما يبجي نفس بجي الليل معناته مافيه شي طول اليوم

 

[الشيخه فطامي]

يسلمو لوكريسيا انشاء الله يخف يااارب لأنه حيل متعبه
ماتدرين تعطينهم اعشاب ناس تقول زين ناس تقول لأ الله كريم وهو خير الحافظين
بنات شلونكم
جم ساعه يقعد بالضبط الحليب بالثلاجه
امس بليل الساعه 10 شفطت اخليه لي باجر عادي؟
باجر لين الساعه جم؟
لانه في مصادر على قوله مراسي تقول 24 ساعه في مصادر 72 في مصادر 48 بتأكد جم ساعه بالضبط منو جرب؟

 

[مراسي الحب]

السلااااااااااااام

فطومة انا مجربة ل 48 ساعة ... ما يصير شي بالحليب ...

الريجيم ... اذا اتخلين 50% من وجبتج خضار وسلطة ... وربع كاربوهيدرات وربع بروتين تضعفين ... مع ماي وايد ... واكلي وجبات صغيرة 5-6 مرات باليوم ...

اذا حسيت اني بدعت في وجبة ... اشرب شوربة خضرة بالليل ...

لو كريسيا اكيد تضعفين نص كيلو .. انتي ما فيج وزن زايد اصلا هههههههه ... ويبيلج رياضة وشوية حركة وتشوفين الفرق

 

[بحر الغموض]

هلا والله بنات
بالنسبه لحفظ الحليب انا جربت الى يومين وحتى ثالث يوم اشوفه مافيه شي بس اقول مو محتاجه
وايد كنت اعطيه حليب مخزن ليومين في الثلاجه

بالنسل للاكل انا صايره ما اكل الا وجبتين باليوم بس ماشوف نزل شي من وزني ثابت

والحين صرت اكلككاو وبفك وشبس فتحتها عالاخر لان شفت ماينزل شي فقلت خليني عيل اكل على راحتي

القهوه شربتها باخر ايام حملي والحين بين فتره والثانيه اشرب نسكافيه ماشوف اثرت على ولدي

ويمكن لانه مثلي انا ماتاثر فيني القهوة كلش خير شر

 

[أم حيدر]

صباح الخير يا حلوين

فطامي سويتلج سيرج بالانترنت ويبتلج هالشغله اقريها :

* * المغص الطفولي الليلي (مغص الأشهر الثلاثة):هناك نوع من المغص يحدث في الأشهر الثلاثة الأولى من عمر الطفل، ويسمى المغص الطفولي الليلي، ويكون شديدًا وصعبًا، وقد يستمر مدة تتجاوز ثلاث ساعات، وقد لا يجدي معه كل وسائل التهدئة ويحتاج إلى التعايش حتى ينتهي بعد مرور المدة وهي الأشهر الثلاثة الأولى.
وهو يبدأ مع بداية الليل ويكون تشنجيًّا مستمرًّا، وقد يخفف من حدته نوم الطفل على بطنه أو حمل الطفل على الكتف في وضع الوقوف أو وضع كيس من الماء الدافئ على بطن الطفل، مع استخدام الأدوية الخاصة بالمغص والانتفاخ، وبعد الفحص الطبي والتأكد من عدم وجود مشكلة طبية وإذا لم تجدِ كل وسائل التهدئة فعلى الوالدين تدبير الأمر بهدوء ودون انفعال، وبإذن الله تنتهي هذه المشكلة بمرور الأشهر الثلاثة، مع التأكيد على عدم الانفعال أو التعامل مع الطفل بحدة، فالطفل الباكي يحتاج إلى الحنان والاقتراب والحمل والهدهدة بآيات من القرآن الكريم أو بأشعار جميلة، وقد ثبت علميًّا أن الأصوات التي تكرر بترانيم ثابتة تهدئ الطفل.

 

[بحر الغموض]

يعطيج العافيه ام حيدر على هالبحث الحلو

انا ولدي صاير عسر اشوي

يبي يمسك اي شي وعضعضه حيل للعلم ماحس ان تسنين

بس بديت احس بعصبيته الله يعيني

 

[أم حيدر]

صباح الخير لييييش صخة :/

وينكم

بحورة تو الناس نطري ما شفتي شي لوووووووول وعلى فكرة قواعد الاسنان داخل لثة الطفل تبدى بالتكون من الشعر الرابع وموضوع التستسن موضوع يطووووووووووووووول شرحه

 

[opera]

صباح النووور ام حيدر

اي والله صخه مو مثل قبل

الظاهر العيال اكبرووو وكل وحده صارت خبيره


صح انا بدوري من الشهر الرابع كان يعضعض

بس السنين اللي تحت طلعوله بالشهر التاسع