ايبنك بالنسبه للصدر انا استخدم تقريبا كل الانواع بيجون يلوع الجبد
وجونسون بعد
اللي ريح صدري اشوي ماركه ماديلا اخذهم من صيدليه المواساة بس المشكله لما تبين تقطينها تطلع ريحه اشوي بس مستحيل تسرب مهاااااااااااااائي ماتسرب
والحين طحت على ماركه بيكوتونbcotton هذه ماركه متخصصه للقطن اخذ منها لاذوني ولويهي ويوم مريت جمعيه السالميه والا القى قطن للصدر على طوووووووووووووووووووول خذيت علبه
والله العظيم شفت الراحه معاها البسها كاني مولابسه شي نفس ماديلا بس ماديلا نفس حفاض البامبرز الي لو انترست صارت اتمزلق
بس هذه قطن صافي يمتص الحليب ويبعده عن جسمج ووايد خفيف ومريح وتحسين بنظافه مادري ليش ارتحت لهذه بالذات وبعدين سعرها ارخص من ماديلا بوايد
اليوم بروح لجمعيه السالميه بشتري اكثر من علبه لان تقريبا خلصت
ماديلا الحلو فيها ان كل قطنه مجيسه يعني لو بغيت اروح مكان اقطها بالجنطه وما احاتي تتوصخ او تتلوث
ايبنك بنتج ماتاخذ كفايتها من الحليب خليها ترضع من صدرج واقعدي لها بليل خل ترضع صدرج اشوي
وبالنسبه لمص الايدين عادي خليها حتى لولبست ولدي الكفوف يقعد يمص الدس ماكو فايده بس احيانا البسه اخاف من البرد عليه
بس والله اخليه يمص عادي
ولاتخلين الياهل يبجي وايد لان البجي وايد يرفع حراره جسمه ويبلع غازات اكثر
والطفل مهم جدا لو بجى تكونين عنده وتشيلينه هالشي يعطيه الثقه والامان لشخصيته
انا من قبل كنت احقره اقول مابيه يتعلم عالدلع بس قريت اكثر من كتاب قالوا هالشي غلط لازم تكونين عنده لما يبجي وقبل لا يبجي احسن واحسن يحس انج تحبينه وانج تفهمينه
تبين تعرفين اهو يدلع والا لأ؟"
انا طبقت شغله قريتها للطفل اللي متعود على الشيل وهم وحده من البنات علمتني اظن ام مضاوي
اذا بجى شيليه وسولفي اشوي معاه حاولي انج تهدينه لمايسكت دقيقتين او 3 ردي حطيه عالسرير بيرجع يبجي ارجعي شيليه يسكت رديه السرير
يرجع يبجي شيليه هديه الين يسكت سوي اللي هو يبيه سكت رديه السرير بتتعبين بس بتشوفين نتيجه بيمل اهو وبيقول ويه ماكو فايده الظاهر بيتعب ويرضى بالسرير... هالطريقه مشت معاي
دامه سكت معناه مافيه شي مضايقه او يعوره
لكن انتي كام بتعرفي بتحسين اذا ولدج فيه شي غلط او لا
بنات ترى احساس الام قوي
انا صرت اعرف اذا في شي مضايقه او لا
حتى لو كانت الخدامه منرفزته ومبهذلته احس فيه يبجي متنرفز ويصيح بشكل هستيري بالنسبه لعمره
صارت تدير بالها وماقام يبجي مثل قبل
كثروا من النظر للطفل لان الطفل الحين يقرا نظرات عيون امه حتى لاحظو من يدخل الشهر الرابع
هالشغله قريتها بعد
احيانا يكون ريلاكس وهادي ويطالعني ما اوخر عيوني عنه واقعد اطالعه واقوله احبك سبحان الله يقولون يحس الطفل بكلمات الحب والحنان
طبقوا وبتشوفون نتيجه لاتقولون اني اخربط والا مهذريه ههههههههههه
صج طبقت ولقيت نتيجه
وابشركم امس زارتني وحده من المنتدى وناااااااااااااااااااسه هذه ثاني وحده لالا اذا بعد ام حيدر بيصيرون ثلاث بس ام حيدر صديقه من زمان الله يخليها لي يارب ويسعد قلبها
وااااااااااااااااااي يام حيدر ما انسى يوم كنت اتمشى بكرشي بالمستشفى يعني عشان اولد بسهاله واشوفج من بعيد تمشي تكسرين الخاطر صج ولما قربت منج @@ منووووووووو
كان لقاء واااااااااااااااااااااي كش شعر يمبي وااااااااااااااي اشلون سبحان الله وحده قبل والثانيه بعده وبالاخير لحقتج
وكل وحده تمشي مع
كرشتها يالله لنا الاجر ان شاء الله
ابي اشوفج تعالي حددي يوم ترى اهلي بيسافرون اخر هالاسبوع وبصير وحدانيه خصوصا اهل التشيك راحو الله يحفظهم ويردهم بالسلامه يارب
جني قرقت اكثر من اللازم
اي سكتوني عاد !!
