الرضاعة الطبيعية .... جد واجتهاد

[opera]

مادري اي بارت عندي اروح البيت واقرا عليه بس اللي عندي يعلم الاشكال والالوان والارقام

بس وااااي حده ممل


بس بارني صج يشد الياهل لانه في اغاني



مع انه بدوري ترا كلش مايجذبه التلفزيون احطه جدامه مايبي .. يقعد يبجي يبي يتحرك ويحوووس


بس مرات اجبره (عقاب) ههههه احطه بالحباسه وافر التلفزيون صوبه واحط بارني يقعد يشوف

 

[نور-الكويت]

بنات تهقون الرضاعه تضعف ومتى يبين علينا الضعف ها شرايكم نبي تجاربكم اللي ملاضعه من قبل صج ضعفت ؟؟ انا لحد الحين ما شفت الضعف من الرضاعه صارلي شهرين ونص

 

[وردة النرجس]

قوة أمهات

منو مر عليها جذي انا بالنفاس للحين وبنوتي النونو مصكر خشمها حبيتبي وموقادره ترضع عدل وعطوني لها قطره

تهقون تهد صدري وماترد تشرب حليب من هالسبه ؟؟

والي صار معاها جذي شنو إستخدمت حق خشم ولدها يعني متى يبتدي مفعول القطره

بنات عفيا إدعولي أن لي باجر يتعدل الوضع وماتحتاج لقطره وترد تشرب عدل

 

[ipink]

السلام
شلووونكم
انا رديت شقتي ومعاناه ويا الرضاعه بس الحمدلله قمت اقدر اشفط مره باليوم عالاقل حق الزواره ما احب كل شوي مطلعه صدري بس بسالكم الحين الحليب اللي اشفطه وماشربته كله يصير اخلي فوق واحد يديد يعني اكمل عليه ولا مايصير ؟ ويصير اذا اليوم شفطت ماكملت لي 90 وباجر اكمل عليه ؟

 

[ipink]

بنتي وايد ويها وجسمها خاصه رقبتها محببه وجافه مال شنو شسوي كله حبوب فيها

 

[الشيخه فطامي]

بنوكه يمكن حر عليها وايد تلحفيها فجييها بعض المرات خليها تهوى
او كل يوم بعد السباحه حطيلها زيت انا المستشفى قالولي اسم الله عليه ولدي جسمه مقشر لين الحين كله قشور قالي الدكتور جسمه ناشف كل يوم حطيله زيت

 

[opera]

قوة أمهات

منو مر عليها جذي انا بالنفاس للحين وبنوتي النونو مصكر خشمها حبيتبي وموقادره ترضع عدل وعطوني لها قطره

تهقون تهد صدري وماترد تشرب حليب من هالسبه ؟؟

والي صار معاها جذي شنو إستخدمت حق خشم ولدها يعني متى يبتدي مفعول القطره

بنات عفيا إدعولي أن لي باجر يتعدل الوضع وماتحتاج لقطره وترد تشرب عدل

انا ولدي صار فيه جذي عطوني قطره اسمها اوشن خفيفه ماي وملح .. بس همن ما فتح خشمه .. خليته عادي كان يقدر يمص ويتنفس بس كان يشوووخر وهو نايم جنه شخير ريال :dddds:


ماكنت بعطيه شي اقوى من جذي لانه عنونو كان ماطلع من الاربعين يوم

 

[mariam_q8]

الي بيبيها خشمه مصكر تييب قطن اذون وتغمسه بزيت زيتون وتحطه بخشمه وتخليه علىبطني راح يطلع كله وانشالله فدتكم لان انا بعد ولدي صار فيه جذي ويدتة ريلي علمتني الله يطول بعمرها وصج نفع

 

[الشيخه فطامي]

بنات المميات الجاهزه اللي يعطونا ياها المستشفى لين متى اقدر استخدمها

ولدي مادري شفيه اليوم مو قادر ينام ساعه ويقوم نص ساعه ويقوم

عطيته صناعي من مالوت المستشفى او عقبها طبيعي احس لعبت فيه لعب ؟!

مكتوب عليها نوفمبر تنتهي او شميت ريحتها مادري شلون اعرف اذا مخترب ولا لأ ؟

 

[mariam_q8]

انا قطيتهم بس رديت امي تقول حرام باردين عطيه شي دافييييييييييييييييي
فخلي الصناعيييييييييييييييي مثله ماكو فرق انا خذيت مثل الماركه

 

[لوكريسيا]

مساكم الله بالخير يالربع

مراسي .. حبيبتي الحال من بعضوووووووو شنو اسم المرهم اللي وصفولج دكاترة لبنان ؟؟؟؟؟؟ انا قاعدة احط مرهم دكتارين و يسافي اعطيه نص قطارة مايكوستاتين .. الحمدلله الفطريات اللي بحلجه تقريبا راحت بس عوار الحلمة ليلحين موجود يذبح ودي اشق هدومي وارررررررررررررررررررررركض .. وبعدبن تعالي يا حلوة عطيني حل .. مو خبرج صارلي فترة اعطيه حليب بالممية (د.براون) الحين لما رديته على صدري ناسي شللون يرضع بس يبجي و ما يمسك عدل مهما اشرع حلجه و لأن ما يمسك عدل صدري يعورني حيل ما العمل عمدتنا؟

 

[الشيخه فطامي]

مريوم مو مادري اذا منتي ولا مخترب فيه شي شكيت بس عطيته انشاءالله ماكو شي

 

[نور-الكويت]

محد رد علي

 

[مراسي الحب]

مادري اي بارت عندي اروح البيت واقرا عليه بس اللي عندي يعلم الاشكال والالوان والارقام

بس وااااي حده ممل


بس بارني صج يشد الياهل لانه في اغاني



مع انه بدوري ترا كلش مايجذبه التلفزيون احطه جدامه مايبي .. يقعد يبجي يبي يتحرك ويحوووس


بس مرات اجبره (عقاب) ههههه احطه بالحباسه وافر التلفزيون صوبه واحط بارني يقعد يشوف

عموما اليهال بهالعمر ما يحبون التلفزيون وايد ... نطري عليهم شوي وبتلوع جبدج من تلفزيونهم

 

[مراسي الحب]

بنات تهقون الرضاعه تضعف ومتى يبين علينا الضعف ها شرايكم نبي تجاربكم اللي ملاضعه من قبل صج ضعفت ؟؟ انا لحد الحين ما شفت الضعف من الرضاعه صارلي شهرين ونص

اترضعين وتاكلين ما راح تضعفين ... بس اذا اكلج معقول وترضعين 100% .. يعني قاعدة تحرقين 500 كالوري باليوم ... في ناس ما تضعف الا لما اتهد الرضاعة ...

 

[الشيخه فطامي]

مراسي شوف سؤالي عن المميات اللي يعطونه ياهم المستشفى ضروري حبيبتي
السستر قالتلي حطيهم بدرجه حراره الغرفه انا حاطتهم ببوكس مسكر بالغرفه شلون اعرف اذا مخترب ولا فيه شي ؟

بعدين بسألج عن الفاست فود متى نقدر ناكل بعد الاربعين ؟ ولا عادي ناكل اي وقت ؟!

 

[ام الداده]

فطامي

انا بتي خشمها مسكر وامس الدكتور قال لي

عادي اغلب المواليد جذي

وعطاني محلول ماي وملح

والحمد لله احسن

وجربت زيت الزيتون هم حلو


يابنات اليوم شريت شفاطة مديلا الكهربائيه


وحلمات سيلكون

استغربت منها بالبدايه

بس والله بنتي استانست عليها

وخف الألم

يصلح لج لوكريسيا

سعره 3 دنانير

من الغانم

والشفاطه

23 وشي


فيه احد؟؟؟؟؟

 

[مراسي الحب]

قوة أمهات

منو مر عليها جذي انا بالنفاس للحين وبنوتي النونو مصكر خشمها حبيتبي وموقادره ترضع عدل وعطوني لها قطره

تهقون تهد صدري وماترد تشرب حليب من هالسبه ؟؟

والي صار معاها جذي شنو إستخدمت حق خشم ولدها يعني متى يبتدي مفعول القطره

بنات عفيا إدعولي أن لي باجر يتعدل الوضع وماتحتاج لقطره وترد تشرب عدل

هلا وردة

القطرة المفروض اوشن سبراي ... هذي ما اتضر ... وبس يفتح خشمها بترضع عادي ... لا تخافين وماكو الا كل خير ان شاء الله

 

[مراسي الحب]

هلا فطامي هلا ام الدادة

 

[وردة النرجس]

مشكورين أوبرا ومراسي على ردكم ودعمكم لي عزيزاتي

وإنشالله ماتشوفون ألا كل خير بحياتكم إنتوا وعيالكم