الرضاعة الطبيعية .... جد واجتهاد

[ipink]

من صجج وناسه اذا جذي بس ما اتوقع

بنات انا بنتي تاذيني بالرضاعه وايد تعافر وتشد الحلمه تلف ويها ومرات توخر عبالي شبعت وترد تمص ايدها

ما ادري قمت احس انه ماكو حليب كافي ولا اهيا ماتشرب عدل لانه تمص شكثر ساعه يمكن ما اشوف ينزل شي من حلجها ولمن تنام اشيل الحلمه منها بصعوبه بعدين ترد تصارخ وادور يوعانه شالحل؟

 

[بحر الغموض]

ام حيدر حبيبتي

حاولي تغيرين الحلمه مالت المميه وشوفي جربي

 

[mariam_q8]

السلام عليكم اشلونكم انا صارلي خمس ايام والده ودي استفيد معاكم وعندي كذا سؤال ياريت تفيدوني

- بالعاده المولود كل جم ساعه يشرب تقريبا ؟ اقصد حليب صناعي
- والكميه اشكثر ؟
- وذا ارضع ساعات وساعات حليب علب عادي؟ لان ساعات بليل دايخه ماقدر ارضع
- الترضيع يشد الصدر ولا يخربه بعد ما توقفين ؟


ادري اسالتي وايد بس والله ما عندي غيركم

 

[بحر الغموض]

اي بنك يمكن تكون تبي تنام خلي لها المصاصه وتنام مع تمهيده وسولفي معاها بصوت واطي

انا ولدي جذي يرضع ويعفر ويبط جبدي واحسبه يوعان بالاخير يكون متضايق ومو عارف شيسوي

نفس قبل اشوي سوى هالحركه عطيته المصاصه وناديت الخدامه تشيله وبعدين مهدته وشلته عندي اشوي حسيته بدى يخدر
حطيته على سررير ابيه ينام وبالفعل بدا ينام شلت المصاصه وحطيته على سرير ونام
اشوي دقيقتين ويرجع يقعد ويعفر ويمص ايدينه رديت له المصاصه وحطيت له موسيقى قاعد ويلعب اشوي رجع عفر
صكرت التلفزيون وقلت له شنو تبي؟؟؟؟؟؟؟؟؟؟؟؟؟؟ يالله نام
حطيت تحته فراش علشان ينام على جنبه وحطيت له المصاصه وحقرته ونام هياااااااااااااااااااااااااااااااااااااا نجحت
الفال لج

 

[أم حيدر]

مريم حمدلله على سلامتج و حياج الله ويانا نشجعج وتشجعينا وياليت تقرين الصفحات اللي طافت وايد بتستفيدين

- بالعاده المولود كل جم ساعه يشرب تقريبا ؟ اقصد حليب صناعي
كل طفل يختلف عن الثاني انتي مع الوقت بتظبطين وقت رضعاته ، والطفل اللي يرضع طبيعي يجوع أسرع لان حليب الام سريع الهضم.

- والكميه اشكثر ؟
هم كل طفل يختلف عن الثاني بس كطفل مولود اكيد مو اكثر من رقمين - ثلاث ارقام

- وذا ارضع ساعات وساعات حليب علب عادي؟ لان ساعات بليل دايخه ماقدر ارضع
انا عن نفسي من زمان طول اليوم طبيعي وبالليل رضعه صناعي عشان تغط بنومتها ولا تحاتين عادي

- الترضيع يشد الصدر ولا يخربه بعد ما توقفين ؟
اكيد ماراح يرد الصدر مثل قبل بس هالشي مو بس بسبب الرضاعه - هم بسبب الحمل والهرمونات المتغيرة بجسمنا.

 

[أم حيدر]

الظاهر البيبي كل ما يكبر يميز أكثر

قبل كانت ترضى تاخذ الممية الحين تطلع روحنا على ما تاخذها - والله يا غموضة جربتلها اكثر من نوع بس تميز الطعم والملمس العيارة

بنوكة انتي بنتج عمرها 11 شهر؟

 

[mariam_q8]

مشكوره من حيدر ماقصرتي وانشالله بستفيد اكثر يااارب واستفيد منكم

 

[بحر الغموض]

هلا والله مريم والحمدلله على سلامتج

نصيحه خليه يرضع من صدرج خصوصا اول الايام علشان ينزل الحليب بسرعه بعدين

بهالفتره راح يلعب بس ويرضع اشوي
ومافي كل كم ساعه قولي كل نص ساعه ممكن او ساعه الا ربع هذا اذا على الصدر بس
الصناعي بتلقينهم كاتبين جم وجبه والكميه المحدده


انا اللي سمعته ان الرضاعه تشد واستغرربت خالتي وبنت خالتي تقول
اللي يرهله اللي يكون صدرها وارم بعد الولاده وماترضع ينشف الحليب بسرعه فيترهل الصدر
اما لو رضعتيه كفايه يعني لسنه يرد الصدر اشوي اشوي فمايصير في ترهل طبعا مع الرياضه

انا صج احاتي سالفه ترهل الصدر بس هامني اكثر البيبي

ترى حليب الام واااااااااااااااااايد مفيد وانتي بعد فتره راح تحسين براحه لما البيبي يرضع من صدررج بس انتي توج باول الطريج
على فكره لا تظنين ان الصناعي راحه لكم
انتي على ماتجهزين المميه والماي بارد حار احنا نطلع الصدر ويرضع خفيف عليه وننام ويستانس البيبي على ريحتج

هالفتره ماراح تشوفين النوم صناعي والا طبيعي

ونصيحه او ماينام خمدي على طول مو تسوين مثلي اقول بروح اسبح والا امشط شعري والااتلهى باي شي على ما اخلص الا وااااااااااق واق
اشتغل البجي
لا
نام على طول قطي روحج ونامي
لان الطفل ما ينام بهالفتره فتره طويله يادوب تنامين نص ساعه او ساعه الا ربع
انا حسبتها مره كل ساعه الا ربع يبجي يبي رضعه يشرب ويرد ينام

والحين الحمدلله طيبين وبخير احسن من قبل

الف مبروك والحمدلله على سلامتج
وحياج باي سؤال

 

[mariam_q8]

بحر الغموض: الله يسلمج مشكووووووووووووره احسج مثل معاناتي بس الحين قمت افهم

يارب اتشجع وارضعه دوم يارب عشان مصلحته يارب والله يساعدني
واشلون على تشقق الحلمه انا تعورني ساعات مع اني ما ارضع وايد يمكن للحين بس 6 لي 7 مرات وانا صارلي 5 ايام والده
واستعمل كريم من مذركير بس احسه مو وايد زين

 

[بحر الغموض]

وااااااااااااي محتره بنااااااااااااااااااااااات
بموضوع ماله خص بالرضاعه
اشتريت من دبنهامز كفر وديباج لشخص واحد
عاد قطيت الكفر للخدامه تغسله واليوم كوته
والا الحين تقولي
الكفر اكبر من الديباج
يعني معطيني كفر لشخصين وانا ابي لشخص
شنو اسوي؟؟؟؟؟؟؟؟؟؟؟؟؟؟؟؟؟ عاد ماخذته غالي بس مالي حاجه فيه مقاس كبير
تهقون يردونه؟ لانهاغلطتهم

 

[بحر الغموض]

خلى عنج كريمات مذركير اخرطيييييييييييييييي

اخذي كريم اللي استخدمته ام حيدر سئليه عنها يمدحونه

انا كنت استخدم كريم بالمرز للحلمه واموري زينه ما تشققت

 

[ipink]

ام حييدر انا بنتي باجر يصيرلها اربعين وم بس التيكر مخرف
وبحوور مشكله ممنوع علينا المصاصصه
بس احس وانا ارضعها انه بس تمص الحين احاول اشفط واحطلها تسعين تشربه كله بس هم يوعانه واطلع صدري شلون جذي مو لازم تشبع وخلاص ؟

 

[mariam_q8]

ام حييدر انا بنتي باجر يصيرلها اربعين وم بس التيكر مخرف
وبحوور مشكله ممنوع علينا المصاصصه
بس احس وانا ارضعها انه بس تمص الحين احاول اشفط واحطلها تسعين تشربه كله بس هم يوعانه واطلع صدري شلون جذي مو لازم تشبع وخلاص ؟

بنتج اشكثر صارلها مولوده؟

انا ولدي اسم الله عليه ماشالله مثلج قمت اطلع المميه من حلجه بس يصير 60 او 70 احس مو زين وايد حقه ماعرف شي الي تعرف ياريت تفيدني لان بيبي للحين صغير

 

[أم حيدر]

بنوكة حمدلله على سلامتكم وتطلعون من الشر انشالله - شوفي انا لما احس حليبي شوية على طول اتبع ( خطة التكثيف ) انا اقولج

لاتخلين السوائل تطيح من ايدج اشتغلي ماي - عصير - حليب دافي وعسل - شاي - شوربة فوقه فوقه

اكلي بسكوت جوز هند اي نووووع - تمر وهردة - سمسمية كلها شغلات تدر الحليب وهذا انا وهذا انتي اذا مو خلال ساعتين صدرج انترس

 

[ipink]

الله يسلمج اي انا لاسوي جذي يمي ماي وكلشوي اشرب ماي وعصير برتقال بسكوت يدر الحليب ؟ انا اكل دايجستف

 

[ipink]

مرييم اي انا مشكله حليبي فاخليها تشفط وتخلص هم يوعانه تبطل حلجها بنتي ٣٩يوم عمرهاا

 

[أم حيدر]

مريم - بكل الصيدليات تلاقين كريم ماركة مديلا عجيب سسترات المواساة دلوني عليه الله يدليهم على كل خير تحطينه وعادي الياهل يرضع بدون ما تغسلينه.


بعدين بنات ترى الطفل الرضيع كل مشاعره يعبر عنها ان يحرك حلجه كانه يوعان بس ممكن يكون نعسان - في غازات - حفاظته وصخه مو شرط ان يوعان

 

[أم حيدر]

بنوكة بسكوت جوز هند- كلهم كلمة وحده

 

[mariam_q8]

ام حيدر : يقولون السوائل موزينه بنفاس شسوييي؟ وانا كله عطشانه وحاشني بعد الولاده انيميا ودمي نزل شسوي؟

 

[بحر الغموض]

انا كنت اشرب سوائل خصوصا وانا ارضع لازم يمي قلاص اشربه لانه ينز الحليب له على طول