(( الديكوباج ))

[$كويتية$]

وعندي انتقاد على الساعة
لو تخلينها مطفية مو لماعة راح تطلع احلى وارقى
موووووووووووووووووووووو

 

[$كويتية$]

على جم الصواني ؟؟
ما يخربون اذا غسلناهم؟؟

 

[ريحانة_14]

كويتية إهي علشان الصورة كبيرة وايد طالعه لماعه حيل بس هالورنيش نص لمعه ( لمعته خفيفه ) ولما تتعلق ماتبين اللمعه حيل حيل مثل الصورة .. عشان جذي ناطره الكاميرا الفيجيتال على قولة بنتي

===================

الصواني ضغالة فيههم الحين وما يختربون بالغسيل لأن بيكون عليهم مادة كأنها طبقة زجاجية ثقيله وتحتها طبقه تحمي الألوان والزخارف .. لاتحاتين شغلي بروفيشينال

==================

وصاجة والله ولادتي بالصيف بس مااااااااااقدر أقعد من غير ما أسوي دورة .. كل سنة دورات هالسنة أوقف
قلبي يعورني

عاد إذا طلقت عليكم شيقلوني ودوني المستشفى

 

[ريحانة_14]

حاولت أصغر الصورة وجذي طلعت معاي إن شالله تطلع واضحه

الحين عطوني رايكم

 

[الفرح1]

اختى فطومةالحين اللي فهمتةانه اقص صورمن مجلات او الكلينكس وألصقهم بالغرا الابيض طيب اذا جا عليهم ماي شلون وبعدين ما يصير صمغ يوهو واعذرينى لانى مو فاهمة وابى اتعلم

 

[فطومه]

هلا بعد قلبى

عدنا من جديد

ساعتج حلوه ياريحانه.......مثل راعيتها..........واللى تسال عن دورات تدش على الخاص لانى اعطى دورات حاليا فى مركز للفنو اليدويه وراح ابلش دوره جديده حياكم الله



الفرح1
كــويــتــيــة .هلا حبيبة قلبى...خلج معاى يروحى خطوه بخطوه


شوفى خيتو تقصين الصوره من المجله او ورق الكلنكس مال اعياد الميلاد

 

[فطومه]

بعدين

خلج معاى لاتروحين منى منى

تلصقينها بالغرا وتمشين بالاسفنجه اللى يزيد ن الغرا

طبعا اهى عندج الديكوباج مع التلوين بعد ماخلصنا تلزيق الصوره قمنا نلون الخشبه بالالوان اللى نبى علشان نكمل موضوعنا

 

[فطومه]

بالنسبه لسؤالج لا مايصير اى صمغ ثانى.......لازم الغرا

 

[$كويتية$]

يسلمووو
فطومه
بس اذا ابي صبغ الخلفية قبل شنو نوع الالوان اللي استخدمها

 

[ريحانة_14]

كنت مارة موضوع فطوم قلت أرد عليج كويتيه

استخدمي ألوان الأكريليك

لا تستخدمين ألوان الغواش t7 لأنهم على طول يسيحون معاج إذا حطيتي فوقهم ورنيش

إلا إذا استخدمتي ورنيش رش شفاف .. بس راح يبهت مع الوقت

وسوري عاللقافه فطوم

 

[$كويتية$]

في ماركة معينة تنصحيني فيها؟

 

[رائعة]

يعطيك العافية

 

[قطوة@@]

روووووعه

 

[فطومه]

بعد قلبى اشكركم حبيباتى على مروركم


مشكوره ياريحانه على المرور والتواصل عطرتينا.ومافى لقافه عادىتدرين ليش لانى احس بشعورج لما امر على المواضيع االى انا اعرفها ودى اجاوب ماقدر بس انتى مسموحه اخذى راحتج


اختى كويتيه الوان الاكريليك استخدميها وايد حلوه روحى دسمان واختارى من عندهم الالوان


الى كل من مر على موضوعى اقول لكم شرفتونى بمروركم بعد قلبى

 

[الشيخه شيخه]

ماشالله الموووضوووع يهبل من عنوانه
وحبيت اعطي راي حق الأخوات اللي يشوفون
المووووضوووووع الحلوووو
وانا قاعده اشوف مووووضوووعج جتني فكره
اعرف البنات يحبون يتميزون بشغلهم
باي مكان مثلا بالمكتب او حتى اللي بتولد
ليش ماتسوي هذا الفن بنفاسها او مكتبها
يعني مثلا تسوي خلفيه للسريرها و تسوي
طاولتها اللي عند راسها وزبالتها تكرمون
وحتى المطاره البيبي ومطاره الجاي والقهوة
وحتى ممية الجاهل واشياء واجد تسويها
بهذا الفن واللي تبي حق مكتبها تسوي الطقم
كلها بهالفن يعني القاعدة ومالت الاوراق الصغيرة
والاسطوانه مالت الاقلام وحتى القلم بيطلع
كله مميز .....
بس فيه سؤال هذا ديكوباج يصير على كل شي
يعني على زجاج والخشب والبلاستيك والحديد؟
ايهو اللي يضبط اكثر عليه الشغل؟
وياليت احد يرد علي بالخاص لاني انسى
اشوف الرد.....
وطولت عليكم
ومشكورين وعسااااكم على القوووووة​

 

[الفرح1]

هلا فطومة ومشكورةعلى الشرح بس قصدك الصقه وخلاص يعنى راح يصيريابس وشلون مايتأثر بالمايما ارش فوقة شي

 

[ريحانة_14]

وااااااي يا حلاتج فطوم تهبلين

ياحلوج ويا حلو نفسيتج

======================

كويتية حبيبتي .. ماركة start وخري عنها لأن ألوانها خفيفه حييييييييل وتنفع بس حق إذا بغيتي تسوين ( كراكس ) تكسير طبيعي حق القطعه ..

وفي ماركه بيبو والا بوبي ماذكر أسمها لوووووووول peapo كأنها جذي هذي أحسن ماركه وتثبت وما تسيح معاج لما تلونين فوقها بأي شي وفي منها شايني ...

الأنبوبة بدينار ونص .. بس أنا غالبا ما آخذ الألوان الرئيسية وأسوي منها خلطات ألوان خاصه فيني بشرط تكون مناسبه للقطعه .

===================

الشيخة شيخة ...
فكرتج روعه وأنا سويت كذا طقم مكتب بس مادري ليش ما أبيعهم كله أهاديهم عشتو كريمة وتالي أتحسف إني ما صورت لوووووووول

ينفع للأسرة بس إنها ماتكون مورنشه ومصقوله .. يعني يكون سطحها خشب طبيعي أفضل بوايد ..

ويصلح للخشب وممتاز للفخار .. الفخار أنا أسميها الماده المطيعه .. لأنها بالنسبه لي أفضل ماده للديكوباج ونتايجها تعجبني أكثر من الخشب .

والزجاج تقدرين تستخدمين له ديكوباج لكن بمواد غير الغرا في له مواد خاصه إذا تبين القطعه للإستخدام . . بس إذا تبين القطعه للديكور مادري عاد جربي يمكن تصلح ويمكن لأ

أما البلاستيك أبدا ما ينفعله الديكوباج .. لو مهما تحطينله غرا وورنيش بالنهايه يفج وتطلع الألوان والغرا والورنيش

لا تستخدمين بلاستيك كلش ملش


وبصراحه أنا إللي مستانسه على مروركم بموضوع فطومه

 

[خوختي دنيتي]

يوووونس
موووفقه
ويعطيج العافيه

 

[فطومه]

بعد روحى ياريحانه الرياحين ياحياتى ولانى حبيت هالموضوع وكل اللى شاركو فيه راح اعرش عليكم صور جديده حياكم الله

واللى عندها اى معلومه تثرينا خل تصير موسوعه للديكوباج


فرح...... بعد روحى بعد ماتخلصين ويتنشف القعطه ورنشيها افضل كنوع من الحمايه والتجميل

الشيخه شيخه ........حياج الله وفكرتج روعه وفعلا الواحد خل يتميز شوى بأفكار جديده بدل مانشوف المواليد مل شغلهم كلف وخامات
حلو الديكوباج اصلا يصير فنتق الفناتق تسلمين يروحى

اللى يحب النبى يصلى عليه

http://www11.0zz0.com/2009/04/24/22/225150608.jpg[/IMG


[IMG]http://www11.0zz0.com/2009/04/24/22/225150608.jpg



اذكرو الله وصلو على النبى

 

[ريحانة_14]

فطوم حياتي عفيه قوليلي هذا شغلج ..

ماشالله ماشالله ماشالله صج صج روعه

باخذ عندج دورة عيل

في شغلات بسيطة عندي ضعف فيها

يقولونلي حلوة وما تحتاج بس أحس لأ يبيلي أتمكن منها

فطوم تدشين معانا المعرض بعد إسبوعين .. شرااااااايج !