(( الديكوباج ))

[فطومه]

بعد روحى والله تشجيعكم يخلى الواحد يبدع ويبحث

froha83 ......عمرى كل فن حلو مثل سلة الفاكهه وانتى تعالى واختارى اللى يرضى ذوقج .....الكولاج عجيب اذكر وانا صغيره كل اقصص الصور من المجلات واركبهم على بعض لا وشسوى الله يخليج مثلا اقصص صور الاجسام واغير صور روسهم يعنى مثلا صورة ريال بجسم حرمه تالى لما كبرت شوى سويت كولاج ذرب عباره عن تركيب صوره بصوره ثانيه واخليهم خلفيه حق موضوع صج شى حلو عموما تسلمين يروحى


gazaaaal2 ......عمرى هذا فن لا وفن راقى فى الدول الاوروبيه اكثر شى فى الارياف يسوونه حق غرف الطعام والمطابخ

هذا نوع ديكوباج بس الحين يقولون ورق جدران وهو نوع من الديكوباج اللى فوق السرير



قطوه اجناعيه .......انتى بالذات احب اسمع رايج احس انج راعيه ذوق.عموما تسلمين

bnt_kwt .......شاكره مرورج خيتو

 

[ريحانة_14]

يعطيج ألف عافيه فطومة هالموضوع الحلو

أنا شغاله فيه الحين والكلينكسات وزخارف الديكوباج عندي أطلبهم من موقع إيطالي والا أييبهم من أوروبا

وإن شالله بإذن الله بس أخلص من مفاجآتي راح أعرضها لكم .. أطقم كامله

والغرا جربته بس مايعطيج شاين وثبات نفس الماده الخاصه بالديكوباج .. أحسن من الغرا بوايد

لأ، الغرا يكون طبقه بيضا على النقشات بحيث ألوانها تصير مطفيه مو حلوة

وإن شالله هم أحطلكم صورة الماده

وبراويكم أووووووول طقم سويته وكان تجربه لذيذه جدا

 

[ريحانة_14]

هذا أول طقم سويته

طبعا الخلفيه الساده شي بسيط بس تعلمته ومن بعد ماتعلمت التعتيق حبيت التعتيق أكثر

وأحطهم لكم قريبا

 

[فطومه]

للحين ناطره ........فعلا كلامج صحيح .......اسهل انواع الديكوباج اهو لزق الصور العاديه

فى ديكوباج بارز وفى ديكوباج مع تأثير التكسير او التعتيق.........الخ شكرا للمرور

ريحانة_14 ..شاكره مرورج بعد قلبى.......بصراحه شغلج حلو مشاء الله عليج .......اذا الغرا مايعطيج اللمعه اللى تبين بعد ماتخلصين استخدمى الورنيش افضل

تسلم ايدينج بعد روحى

 

[ريحانة_14]

العفو حبيبتي فطومه الصراحه هالموضوع لاااااااازم يوميا أدش عليه وأدور كل شي يديد بالنت عن الديكوباج

استخدمت الورنيش فوق الغرا والورنيش إللي حطيته نوعة خلطة شفافه تصير مثل العجينة الثقيله كأنها جلي وبعد ما تنشف تصير طبقة زجاجيه على الصحن أو المزهرية .. بس يظل لون الزخارف خابط وباهت شوي ..

الماده إللي أستخدمها تستخدم كلاصق وكورنيش ضد الماي بعد .. والميزة إللي فيها إنج لما تحطينها فوق ورق الكلينيكس واكتشفتي إنج غلطتي مثلا تقدرين تشيلين الكلينكسه شوي شوي وتردين تلصقينها بالمكان إللي تبينه ,,

الماده إسمها : Colla Speciale PER Decoupage

رهييييييييبه .. 5 سنوات وأنا أشتغل بالغرا بس غيرته .. جربيها ماراح تخسرين بالعكس ماراح تستخدمين الغرا نهااااائي .. شوي غاليه بس روعه

تحصلينها بدسمان بالمكتبه الثانيه على إيدج اليمين أول ماتدشين من البوابه

عند وحده ينقالها فرح سورية أعتقد .. تهبل وتعطيج أفكار ومواد حيل حلوة

 

[محامية كويتية]

إبدااااااااااااااااااااااااااااااااااااع

 

[فطومه]

عرفتها بعد قلبى تعطى دورات بعدبس شوى غالين يبطون الجبد

عموما خلينا نشوف شغلج يروحى وكونى متواصله معانا بارائج وافكارج حبيبة قلبى .......وانا فعلا سعيده بوجودج وهالمناقشه الحلوه

واذا عندج اى شى تضيفينه حياج الله خل نثرى هالموضوع

واى كل من مر وحيانا ياهلا به

 

[ريحانة_14]

أحط شغلي وأعمالي بموضوع منفصل والا أحطهم هني ؟؟ شرايج

من رايي أحطهم بموضوع منفصل

 

[ريحانة_14]

أحط شغلي وأعمالي بموضوع منفصل والا أحطهم هني ؟؟ شرايج

من رايي أحطهم بموضوع منفصل

 

[روتانا]

الله يسعدك من زمان اسال عن هذا الموضوع رجاء وليس امرا عندي عدة اسئله 1\فيه انواع كثيره في السوق ودي باسم نوع ممتاز 2\مفعو الغرا نفس الي بالسوق 3\ ممكن تغسل الاطباق المنفذ عليها الديكوباج 4 \كيف يتم عمل الديكوباج البارز ودمتي ياذوق

 

[فطومه]

ريحانة_14

هلا وغلا بعد روحى........والله ياعمرى براحتج اختى اهنى او موضوع منفصل اللى تحبين فى كلا الحالتين انا بتطمش واخذ فكره
واذا تحبين موضوع منفصل هم حلو علشان ماتهضمين حق اعمالج وبالتوفيق

روتانا

هلا اختى ......شاكره مرورج واسالتج الحلوه اللى راح نستفيد منها بأذن الله شوفى عمرى اول شى شنو تقصدين بالانواع الكثيره؟
ثاني شىبالنسبه لى انا استخدمت الغرا وصراحه مفعوله ممتاز معاى فى مواد بالسوق لكن بصراحه غاليه ؟ وبما انى اشتغل فى الاشغال اليدويه ماودى اصرف كثير على لان اهى اساسا غاليه فى عندنا فى دسمان اغلب هالمحلات يعطونج ماركات شكثر بس بالنسبه لى الغرا افضل

ثالثا انا مره عملت طفايه وقام زوجى يستخدمها بعد مده من الغسيل اختربت لذلك يفضل انج ماتغسلينها فقط مسح

رابعا الديكوباج البارز عن انواع فى نوع اللى يكون بالعجيبه وفى نوع لا فقط انج تبرزين الورقه وراح اوريج ان شاء الله بالتفصيل

مثلا

هذا مثلال على الديكوباج بالعجينه...تقصين الوصره وتلزقينها بالعجينه تالى تنظفين اطرافها وتلزقينها على المجسم اللى عندج

هذا ديكوباج بارز او نقدر نقول ثلاثى الابعاد حلو وسهل

ان شاء الله اكون فدتج

 

[ريحانة_14]

تصدقين فطوم يهبل الديكوباج البارز

ولا مرة جربته عندي واااااااااايد صواني وأصايص وساعات شغاله عليهم الحين .. إحتمال عقبها أبلش بالديكوباج البارز

أختي روتانا إذا تحبين تسوين أواني تستخدمينها استخدام يومي أو إتيكيت روحي مكتبة جرير عندهم مادة إسمها ( قليز ) liquid Glass عبارة عن أنبوبتين تخلطينهم مع بعض بنفس المقدار وتصبينه على الصينية

بعد ما تنشف تعطيج طبقه زجاجيه فوق الصينية إللي سويتيها .. حمايه فاااائقه ضد الماي

بس غاليه شوي .. يعني الأنبوبتين بعلبه وحده بـ 10 دنانير

بس حطيها على الصواني الغاليه لا تحطينها على كل شي ..

عندج وااااااااايد أنواع ورنيش في رخيص وفي غالي .. الغالي أنا استخدمه للأشياء الراقيه والرخيص للتحف إللي بتكون مجرد ديكور

 

[فطومه]

ريحانه الا بقول لج انتى بس تشتغلين الديكوباج والا بعد فى اشغال ثانيه ؟

 

[الفرح1]

ودي اتعلم تكفون علمونى وبالتفصيل وبالصور والمكان اللىا شتري منة المواد

 

[البسمه العذبه]

روووووعه صراحه

ودي اجربه وانشاء الله يضبط معاي

يسلموووو ابدعتي

 

[البسمه العذبه]

روووووعه صراحه

ودي اجربه وانشاء الله يضبط معاي

يسلموووو ابدعتي

 

[فطومه]

حياكم الله بعد روحى

المواد بأغلب المكتبات
دسمان.....جرير........مكتبة ستى سنتر فيها اما الطريقه فأول الموضوع فيه الطريقه
واى استفسار حاظرين

 

[ريحانة_14]

أهلين وسهلين .. شو هالطله يخزي العين

شلونج فطيم

الله يسلمج أشتغل بوايد شغلات الصراحه بس إللي استهواني الديكوباج

أوووووول ما بديت بالأشغال اليدوية مع ماماتي الله يحفظها بالثمانينات .. كنت صغيرونة وأساعدها بشغل العروس .. كانت تصمم كوش وتلف القلاصات والقرآن الكريم وعربانة حق العصير والشبكة وتلبس الكراسي

مافي عرس بعايلتنا أمي مو مسويته

ماكانوا يعرفون شي من غير الوالده حلوة اللبن .

وطبعا تعلمت منها وإنطلقت

إشتغلت بالشموع سويت شكثر شموووووووع ودشيت فيهم معارض وبعتهم أشكالهم غريبه تينن

وألف كاكاو وهالسوالف بس حق الخاصين مو للكل لأن يبيله مزاج

كاكاو بنتي وبنات عمي على ولاداتهم والستاندات كله كان شغل إيدي

على بنوتي سويتلها شمعه أنا صبيته صب بالقوالب بعطر جوز الهند وسويت أكثر من سفرة حق أختي ولفيت كاكاو ولاداتها

وعندي ورشه أشتغل فيها وأقضي فيها معظم وقتي .. وذكريني بعد شنو سويت ؟؟ أمممممممم

اشتغلت هم بالسيراميك

بس الديكوباج بدعت فيه وعطيت دورات وهاديت وااااايد ناس هدايا بس للأسف ما صورتهم

خل أخلص المجموعه إللي عندي وأحطلكم الصور إن شالله

اليوم طبعا تشيشت رحت حق مرح بدسمان خذيت منها شكثر زخارف لوووووووووووووول

عندي بس أحب أنوع

جني وايد قرقت :]

 

[فطومه]

لا بالعكس يروحى انا جدا مستمتعه معاج انتى تهبلين وروج حلوه الله يديمها مشاء الله

شوفى انا بالنسبه لى اشتغلت الله يسلمج......رسم على الزجاج...على الحرير...الوان جواش....رصاص....شوى خياطه خفيفه خياطه باليد...
أشغال يدويه...حرق خشب....سكرابز...تزيين.....حتى ازياء كنت أصمم قمصان للصيف وافصلهم وانزلهم معارض......تصميم وتنفيذ أكسسوارات.......الخ هذا اللى أذكره طبعا هذا كله على مدى سنين.......بس صج بخاطرى الشمع ودى اجربه شرايج؟

 

[فطومه]

لا بالعكس يروحى انا جدا مستمتعه معاج انتى تهبلين وروج حلوه الله يديمها مشاء الله

شوفى انا بالنسبه لى اشتغلت الله يسلمج......رسم على الزجاج...على الحرير...الوان جواش....رصاص....شوى خياطه خفيفه خياطه باليد...
أشغال يدويه...حرق خشب....سكرابز...تزيين.....حتى ازياء كنت أصمم قمصان للصيف وافصلهم وانزلهم معارض......تصميم وتنفيذ أكسسوارات.......الخ هذا اللى أذكره طبعا هذا كله على مدى سنين.......بس صج بخاطرى الشمع ودى اجربه شرايج؟