الحواي (الحواج) فيه بلاوي شاركينا المناقشه

[نظاميه5]

مشكوريييين بنات بس عندي سؤال يالفرحة عن خلطة الرجيم مرتين باليوم الصبح بعد الفطور والا على الريج ؟

 

[Miss-ToNi]

maw`6oo3kom wayed 7elw ana a5eth menah 5al6a 7ag eljesem tsawe bronze wayed 7elwa ow a5eth mena zait 5erwe3 7ag esha3ar ow zait eloz

 

[سالفة قلب]

الله يعطيكم العافيه بنات

 

[Chocolate Milk]

مس توني شنو خلطه البررونز لوسمحتي

 

[الناعمة]

المحلب يطول الشعر ويكثفة الكيلو آخذه ب10والخروع آخذه لرموشي والكل عاجبه شعري اللي تغير مع المحلب

 

[الناعمة]

المحلب

شعري غطا ظهري وصار كثييييييف بعد الله والتزامي باستعمال المحلب

 

[الناعمة]

عند الحواج تلقين بذور الجزر اصغر من اليانسون بس يشابه شكله ينظف الرحم عدل وينزل الدورة اذا متاخرة تغلينه بالماي 8دقايق وامانه ادعيلي

 

[الناعمة]

يعطيكم العافيه ياليت بنات كل وحده اتقولنا اذا يتها الدوره شنوو تشرب او تلهم لان سمعت رفيجتي تلهم لهووم اتقول زييين ابي شي ينزل الدم وينظف الرحم

وصراحه فيني غازات مو طبيعيه وكله من جدام امي تقولي داخلج هوا ورفيجتي اتقول استحملي تحامييل انتو شنو تستخدمون للغازات لان ساعات انحرج من ريلي

بذور الجزر تنظف الرحم عدل وتعدله تشابه اليانسون بس اصغر شوي تغلينها 8دقايق وبالعافية وتنزل الدورة اذا متاخرة

 

[أمـ طلال ــ]

انا اشتري بس زيت خروع وزيت الجرجير حق شعري

 

[Bamya]

غرااااااااااامي شي اسمه حواي ، وكل ما ادش عيوني تطير يمين ويسار مادري شنو اخذ وشنو اخلي

انصحكم بناات بزيت جنين القمح >>> يرطب ويغذي وينعم ويشد البشره
وصابونة الرقي >>تنظظظظظف البشره وتلمعها حدي مرتاحه عليها
زيت السمسم+ زيت اللوز المر >>مكتوب انهم يصفون البشره ويرطبونها ، ما صارلي فتره من استخدمتهم ليلحين نااطره النتايج

مره اخذت كريم تكبير الارداف ماركة جاكوار واحس انه ربربلي الارداف بشكل بسيييط ، ما استخدمت غير علبه وحده من الكريم لاني كسوووله ومالي خلق اكمل

ومره اخذت كريم نفخ الخدود بس ما التزمت فيه لان ريحته تنرفز (ريحة لحم) فمادري عن النتيجه

وواااااايد شغلات كل ما ادش اخمط واطلع خخخخخخ

 

[**تاجر الزين**]

موضوع حلو حيييييييييييييييييل
الحواج كل شي فيه عنده وااااااااااااي مرة رحتله عيوني طايره يمين شمال مادي شنو آخذ بس اخذت الشغله اللي امي تبيها .. عصفر.. هذي للجاهل اللي فيه بصفار بس يشربها يروح عادي.. واشتري من الحواج صابونت الكركم حلوه للوجه وبعد المحلب زين للشعر حييل ... وسلامتكم

مع خالص تحياتي

تاجر الزين اسمي أنا

 

[كويتاويه كيوت]

بنات انا ودي استخدم المحلب بس ابي الطريقه وجم مره استخدمه بالاسبوع واي افضل انواع الزيوت الي استخدمه معاه
واشتري من الحواي صابونه البابايا واااايد حلوه

 

[.. غزلان ..]

موضوع حلو وعجيب :33_1185028183:

انا كلش ماقط دشيت العطار بس شكلي بدشه

بغيت اعرف شنو طريقة البابونج اللي حق الشعر الاشقر شلون اسويها وعموما شنو استخدامات البابونج؟؟؟

وعلى طاري صابون الكركم مرة امي استعملت الصابون فويها صارت حمرة طماطة اكتشفنا ان فيها حساسة وماينفع لها اي صابون هههه

 

[روائع الالم]

السلام عليكم خواتي الحلوين ؛؛؛
بصراحه الله يعطيج العافيه اختي ام ملاك على فتح هالموضوع رائع ومفيد انا استفدت من الردود وانشالله اني افيدكم؛؛؛؛؛
الحواج عنده شغلات وايد مفيده وزينه والاعشاب مو بكثرتها على فكره واذا ما نفعتج ما تضرج
وبخصوص الاخت شهد احب اني افيدج بخصوص الهوا والغازات اللي تصدر من المراه المتزوجه مع صوت وافرازات هذا خراب وعلى فكره مو بس المتزوجه اللي تخرب حتى البنات بس ما يعرفون الا بعد الزواج وهذا صار معاي شخصيا وسبب هذا عدم الاهتمام اثناء الدورة الشهريه ؛؛؛؛؛
وتعبت حيل وانا ادور علاج والكل يعطيني وصفه لين الحمدالله كل شي تغير؛؛؛؛
اختي شهد؛؛؛؛؛ التحاميل ما تنفع ولا تطرد الهوا ولا الغازات مجرد تنظيف وتعقيم وللالتهابات فقط
ابيج تروحين الحواج وتجيبين بقيمه دينارين محلب ونص دينار شي اسمه جلدبوال وبربع دينار مره وكل هالاشياء تدقينهم وتطحنينهم بالخلاط اهم شي يكون الحواج اعشابه نظيفه
وعقب ما تطحنينهم تستخدمينهم ثالث يوم بعد الدوره يعني تبدين من ثالث يوم الى قبل الدوره اليايه بسبوع وتوقفين ؛؛؛؛؛ اقولج الحين طريقه الاستخدام ؟؟؟؟

** شوفي حبيبتي جيبي بطل ماي صحه فاضي ونظيف وحطي من اللي طحنتي منه قفشتين الى ثلاث وصبي فوقهم ماي يتخمرون وخليه يم راسج وانتي نايمه واول ما تقعدين من النوم عالريج تشربين من البطل مو كله كثر ما تقدرين طبعا واذا صار الليل تلهمين(تاكلين يعني) مقدار قفشه صغيره قبل النوم وتشربين وراه ماي او اي شي دافي واذا تريقتي ايام الدوره الصبح اكلي بيض مفيوح وحطي عليه من البودره المطحونه بدال الفلفل الاسود هذا الشي حيل مفيد للهوا جربيه ولازم تستمرين عليه ليما تحسن انج صرتي زينه راح تحسين بنفسج مثلي اهم شي الاستمرار انا انصحتني ام رفيجتي الله يجزاها خير بعد خمس سنين معاناه والمثل يقول اسال مجرب ولا تسال طبيب ؛؛؛؛
غير هالشي سوى تمره مع رشاد مع حبه سودا مع سمنه واكليهم الصبح قبل ريوقج والعصر هالاكله مفيده لانه فيها رشاد وهو زين ينظف الرحم ........
وثل ما نصحوج الخوات لازم تتبخرين بنفس البخور اللي عطوج اياه او روحي للحواج قوليله ابي كبو وهو يعرف شنو تبين ؛؛؛؛
وسوي بعد النقوعه وشربيها اذا حسيتي بمغص اهم شي ما طول النقوعه اكثر من ثلاث ايام عشان لا تخمر وتخرب
واهم شي حبيبتي لازم ما تجوعين نفسج لان الجوع بالدوره مو زين وشربي طبيخه يا انج تخلطين الاعشاب بنفسج او تشترينها زاهبه ؛؛؛؛
ولا تاكلين مردود نصيحه لان انا كنت اكله وانصحوني اني اتركه وتكلم عنه احد الدكاتره وقال مردود لانه عباره عن بقايا الاعشاب يخلطونها ويستخدمونها قبل وهو مو زين
واذا تبين لهوم (رشاد // حبه سودا// حلبه // حبه حلوه // قرنفل قليل(مسمار) // شوي مره)
هشميهم (دقيهم) وحطيهم بغرشه (علبه) وسفي منهم ؛؛؛
حبيبتي ؛؛؛؛
**** اهم شي تتبخرين اخر ثلاث ايام من دورتج وعلى طول تروحين الفراش تدفين والخواجوا زين بالبخور تنشف وتضيج وتشد المنطقه هذا كلام دكتور مختص بالاعشاب
بعد الدوره غسلي نفسج عدل ( ماي وملح ينشف ويطهر ويضيج \\ بالمره \\ حنى قشر الرمان اطحنيه واشربيه اخر ايام الدوره مع المشروب اللي تحبين حليب او عصيريضيج الحرمه )



هذا وبس وانشالله اني فدتكم حبيباتي تحياتي للجميع ويشفيهم يا رب

 

[.. غزلان ..]

روائع الالم مشكورة حبيبتي واااااااايد عالشرح المفصل وانشالله الكل مستفيد منج

 

[om-EbrAhim]

موضوع وايد حلو
بس ديروا بالكم مو أي حواي تاخذون منه وخصوصا الأعشاب

في شغله عند الحواي اسمها لسان الثور اخذيها مطحونه منه حوالي ابـ1/2 دينار ونقعيها بخل تفاح بطل كامل
وراح تلاقينها تفور معاج ونطري لماتهدى
وحطيها بغرشه لمدة أسبوع
بعدين دهني فيها أي منطقه بجسمج تحتاج شد
راح تحرقج وتقرصج بس النتايج حلوه
واستمري عليها موتملين

وأكرر اهيا تشد ماتخسس

 

[asma]

موضوع حلووو رفع up up

 

[المرأه الأسد]

المره حق كل شي وعلى قولة المثل ( إلي ياكل المره مايشتكي بالمره )
البمبر والحلبه حق الكحه وأمراض الصدر
الكثيره حق تنعيم وتحسين الشعر
المريميه ينظم الهرمونات بالجسم وحق الرجيم والكرش وخصوصا اذا استعملناها أيام الدوره
الكركديه حق ضغط الدم
البابونج حق انتفاخات البطن والغازات وهم كمادات حق راحة العين
وهذا بس الي عندي الحين وأتمنى إني أفيدكم ومشكورين

 

[دمثة]

حبيبتي الرشاد اذا شربتيه اوكى لكن ماتحاولين تستخدمينه على هيئية تحاميل لا نه يزرع في الرحم


المرة احسن دواء لك كلشي

 

[نــور1]

لحظــــــــــــــــــــــــــــــــــــــــــــــــــــــــــــــــــــــــــــة

انا قريت بصفحة 5 طريقة عمل التحاميل

تنبيه مكونات التحاميل لازم تكون ناعمة جداااااااااااااااااااااااااااااااااااااااااااااااا وتغربلينها بقطعة شاش قماش

ولا تكثرون من الملح الفارسي تراه يزيد الرطوبة