الحواي (الحواج) فيه بلاوي شاركينا المناقشه

[غموض المطيرى]

فى وحدة تبيع لهوم حيل عجيب للنفاس والدورة بس هذا اللهوم يساعد على الحمل اذا كنتى ماتاخذين مانع وهو مجرب وللامانة فظيع

 

[همس الورود]

أختي غموض ممكن رقم المرة وين مكانها

 

[عمري الكويت]

ياليت تفيدنا يا بنت المطيري على لهوم قربت اخلص 40 وماني عارفه شنو اخذ من ادوبه بنات ساعدوني شنو غالي يساعد على تنظيف رحم وتضييقه وشنو تحاميل غلي اخذها بس اخلص 40 عشان للإلتهابات

 

[[]نهاوند[]]

انا ما اخذ منه الا الزيوت حق الشعر والجسم

اما الاعشاب ما اواطنها بالمره ومستحيل اشرب مره وحلبه وهالشغلات هذي بس اذا تأخرت علي الدروه آخذ رشاد وبالموت بعد​

 

[ضي مشاعر]

يالمطيرية ابي الرقم الله يجزاك خير

 

[رحله عمر]

انا اكثر شي آخذ منه المره وخوا جوا للفطريات الي تطلع في فم ولسان عيالي رهييبه الرشاد للدوره .

 

[[]نهاوند[]]

انا ما اخذ منه الا الزيوت حق الشعر والجسم

اما الاعشاب ما اواطنها بالمره ومستحيل اشرب مره وحلبه وهالشغلات هذي بس اذا تأخرت علي الدروه آخذ رشاد وبالموت بعد​

اقصد الدوره :eh_s(6):​

 

[الدنيا حلوة]

انا اعرف العشرج استخدمه لمن يصير فينى امساااك عجيبه عمري ما شفت شي يمشي البطن مثل العشرج حتى يقولون انه يضعف ليش يمشي البطن

 

[BlackRose]

انا استعملت خلطة الخوا جوا من الحواج كانت زينة
وعندكم شغلة اسمها قرص كمر تشوينها على النار شوي وبعدين تطحنينها وتاكلنها لهوم زينة حق الظهر وبعد شنو ياربي....اي حبوب السفرجل حق صدر الاطفال اللي فيهم ربو وهم اوراق شجرة الجوافة هم زينة حق اللي فيهم ربو والعناب زين حق اليهال

 

[زهرة الكويت]

موضوعكم حلو وعلى فكرة عندي نوته أسجل فيها كل شغله من الحواج بس أطلعها وراح إن شاء الله اسجلها لكم

 

[أميرة الورد]

ومنكم نستفيد بنات ابي شي حق الافرازات ينظف وينشف شنو ؟

 

[غموض الصمت]

البابونج ... مفيد للمرأة
و من الطرق انج تسوين لج
غسول مهبلي
أنصحج فيه أميرة الورد

 

[كويتيه مذهله 87]

استفدت منكم وايد بنات
الله يعطيك العافيه

 

[latoofi]

الحلبة وايد زينه حتى للشعر انا مجربتها للشعر ينسون وايد زين والكمون للبطن

 

[دندرمه]

خوووش موظوع خصوصا بخور ملاك

بناات انا فيني غازات بس مومن جدام الحمدالله بس احس على طول غازات واروح الحمام تكرمون تهقون يصلحلي هالبخور

ارد واقول غازاتي مومن جداام لا

 

[ANGELICA]

بارك الله فيكم
هل البنت ضروري تاخذ اعشاب وقت الدوره؟؟

 

[& شهد &]

موضوعكم جدا جدا حلو وتفاعلكم رهيب

انا عندي القهوة تصلح للي عندها غازات ورطوبه وتنشف المهبل وتنظف الرحم والرابط تلقونه بموضوعي

اما من عند الحواج فنصيحه لا تشترين شيئ مكشوف من عند الحواج

في حواجين شغلهم كله بالادارج مسكر او مغطى بنايلون سميك

ما عندي شيئ اضيفه غير اللي قالوه البنات واذا تذكرت شيئ برجع لكم

 

[عروب_27]

قوة بنات:
الرشاد نستخدمة وقت النفاس ينظف الرحم ينعجن مع التمرة بس جم حبة موواجد لانة حار على الامعاء
المرة انقعها ولما ابنام امسح بقطنه وجهي عشان حب الشباب والحمدللة كل ماله يخف---
والمرة ممتازة حق الغازات بعد---------
وراح اكتب لا تذكرت----:eh_s(20):

 

[**سهام**]

دندرمة

سمعي اللي فيج والله اعلم وحدة من ثلاث شغلات

اما بكتيريا وعلاجها الثوم اخذي لمدة يومين كل يوم فصين

او فطريات وهذي علاجها شاي الدارسين كل يوم كوب
واذا تشربين خل تفاح مخفف بالماي هم زين

او يكون اللي فيج قولون عصبي وهذا علاجه ماي زمزم
ولو تقرين فيه يكون احسن


وما تشوفين شر

 

[ناعمة]

موضووووعكم وايد حلو . تسلموووووون

بالنسبة لي :

- استخدم الحنة . اشتريها من الحواي و احطها بالصالون .

- اشتري شاي اخضر ، و البابونج و الينسون و الكركديه . زينين حق البطن و العوار و النفخات .

- اشتري كريمات للجسم . ما عندي كريم معين ، كل مرة اجرب شي .

- اشتري صابون الكبريت . زين حق الويه . استخدمه بين فترة و فترة .

- اشتري غسول للمنطقة الحساسة

- اشتري للشفايف كريمات

- اشتري للشعر خلطات . بس حاليا ما عندي اشياء معينة . اجرب

- اشتري حق المناطق الداكنة بالجسم ، كريمات اتفتح و اتبيض . مثل الكوع و جيذي .

والله يونس الحواي ، حوسة عنده .

اللي احب اتعامل معاهم اهو حواي جمعية القادسية و حواي اسمه احمد مغربي في سوق المتحدة اللي عند الصالحية .