الحلوين اللي ولدوا في مستشفى رويال حياة

[جناش]

لاوالله الكويتي أنفع وليلى اشكناني امولدة بنت عمي وايد تمدحها

 

[mrs-yousef]

تره وايد يمدحون ليلى اشكناني شكلها وايد زينه

وانا معطيني اخر موعد انشاء الله 15 /7

 

[سمـــ الزيـــن ـــوة]

وااي بنات شوقتوني شكلي بولد عندهم انشاء الله

 

[Pink Angle]

بنات الي جربوها ؟ كمامهم قوي ؟؟ وله ماينفع لازم ابرة ظهر

آنا كمامهم ما سوالي شي حسيت بكل شي ،، بس آنا بجر يمكن آنا ما عرف اشفط عدل مادري لأنه باجي البنات يمدحونه

 

[Pink Angle]

ايه هذا اللي انا قصدته انه يخلون البيبي عندهم اهم كاتبين بالورقة اذا اخذتي ليلي او كاميليا ليلة زيادة تدفعين قيمة الليله 100 حق ليلي و 300 حق كاميليا وحق الياهل 75
واذا اخذتي الغرف الثانية ياسمين او لوتس او اوركيد تدفعين حق الياهل 80 مع قيمة غرفتج حق الليلة الزيادة
وانتي قصدج اذا اخذتي قاعة من قاعات الاستقبال جاردينيا او جوري تدفعين حق الياهل 15 عشان يخلونه بغرفة اليهال طول اليوم (بس مو ليله)
صح جذي ؟؟ اللي اخذوا ليله زيادة بوحده من الغرف ( مو القاعات) دفعتوا شي حق الياهل ؟؟

آنا خذيت ليله زياده بليلي دفعت بس 100 ما ياخذون على البيبي شي

 

[um 3li]

ابيه رويال حياة شي عجييب انا ولدت عندهم وكنت قاعده بكميليا وحجزت جاردينيا حق الاستقبال وولاه طبيعيه طلع علي 1600

يكفي عنايتهم اذكر يوم ريلي قال اليوم نطع قلت له مابي ابي اقعد بعد... ولا جنج بمستشفى

وهالمره انا حامل بعد وناويه اولد عندهم ان شاء الله ..:roadrunner:

بس ابرة الظهر مافي دكتوره شاطره تغزها ؟؟ مابي دكتور والي غزتني اخر مره امريكيه بس غزتني 5 مرات و طلعتها الله ستر

فالي تعرف اسم دكتوره تغزها ياريت تفيدنا

حبيبتي انا غزني الابرة دكتور الخطيب رئيس وحدة التخدير بس ماشاء الله عليه ماشاء الله ماشاء الله واااايد ممتاز

ليش ما تجربينه ؟؟؟

 

[Bashayer]

أنا ولدت بشهر 6/2008 وكان وقت العرض ولادتي كانت المفروض طبيعية بس أولدي غير وضعيته وتعسرة ولادتي فضطروا قيصرية ودكتورتي ماجدة اليتامى
كان عرض غرفة ليلي مع عملية قيصرية خمس أيام طلع كله علي مع الدكتورة 1250
الصراحة المستشفى أكثر من روعة والعناية حلوة وحتى لما طلعت ما كان ودي أطلع منها حدي كنت مرتاحة وإن شاء الله إذا حملت بولد عندهم​

أنصحكم بنات روحوا عندهم رعايه واهتمام وهدوء ويدلعونج وكأنه نظام فندقي ولا تحسين مستشفى:eh_s(6):

 

[انصاريه قمره]

اب
اب
انا هم بعرف

 

[ipink]

رررررفع

 

[om__jana]

مشكورين بنات على الردود
bashayer ونستيني يعني احتمال احصل العرض شهر 6 لأنه ولادتي شهر 6 ومفكره انشالله اقعد بكاميليا وأزيد ليلة فيها

 

[نيلفار]

انا نفس حالتكم ناوية اولد عندهم عند دكتوره خالده



انا حاليا اراجع عندها ووايد مرتاحه من السسترات والخدمة والدكتورة زوينه


بس للحين ما شفت القاعات قلت تو الناس اذا وصلت السابع اروح اشوفهم علشان اقرر

 

[نيلفار]

ام جنا انشالله يحوشنا العرض انا ولادتي معاج

 

[om__jana]

انشالله انا قبل اسبوعين رحت شفت الليلي والكاميليا وماقدرت اشوف القاعات كانوا محجوزين وحتى الياسمين كانت فل
عجبتني الكاميليا . والليلي حيل صغيرة

 

[نيلفار]

انا قلت قبل لا اروح اشوفهم بدق عليهم واتاكد ان من كل قاعه في غرفه فاضيه علشان اشوفها


بس انا حاطه في بالي من حجي البنات يا الكاميليا وجنه في وحده اسمها جاردينيا

 

[om__jana]

الكاميليا هذي غرفه تنامين فيها ليلتين بس الجاردينيا قاعه كبيرة بس حق استقبال يعني ماتنامين بس تحجزينها من الصبح لي الليل وفيها سرير حقج واذا اخذتيها اهمه يجهزونلج كل شي (قهوة ,شاي, عصاير,وبسكوت ,ومضيفات يعني كل شي عليهم) انا قلت احجز كاميليا واحتمال اخذ القاعة حق الاستقبال يوم واحد يعني ليلتين كاميليا والثالثة جاردينيا وارجع البيت بالليل هذا طبعا اذا الولادة طبيعية انشالله .. بس اذا الله لا يقول صارت قيصريه راح اقعد بس بالكاميليا 4 تيام واسوي استقبال فيها ... لكن ساعات افكر مانقدر نجبر الناس ايون بيوم محدد مو الكل ظروفه تسمح
والا شرايكم :080402ask_prv:

 

[bronzya_cool]

بنات انا بخاطري اولد برويال حياة بس ريلي الله يهديه مادري ليش معاند يا الهادي او الصباح لوع جبدي مادري ليش

 

[om__jana]

الهادي احسن من الصباح والبنات مدحوا كمامهم وانا مره رحت حق وحده والده غرفتها كانت كبيره وحلوه
انا نفسج ريلي كان يقوللي دار الشفا او المواساة لأنه اخته كانت والده بالمواساة وانا اول ما حملت كنت اراجع بدار الشفا ..بس رويال حياه قريب على بيت اهلي قام يشوفني كل يوم داشه موقعهم واحسب جم يطلع اذا ولاده طبيعيه واذا قيصرية جم .. وكله اقوله مادري وين اولد وماعندي دكتورة فكسرت خاطره اقتنع اهو بنفسه يقوللي موقلتي تبين رويال حياه اقوله اي بس ليلحين متردده لأنه صراحه غالي وانا احط الميزانية على اساس قيصرية عشان بعدين لا اتوهق وبصراحه مايسوى 3000 او 4000 حق ولادة

 

[bronzya_cool]

انا اليوم رحت شفت الغرف واسعارهم واذا الله هدا زوجي انشالله راح اخذ جناح كاميليا
om__jana انتي اي جناح تبين
وانشالله نولد طبيعي الله يبعدنا عن القيصريه

 

[om__jana]

انا ماشفت الا ليلي وكاميليا طبعا اللي عجبتني الكاميليا
بس فضول ابي اشوف الياسمين المره اللي طافت كانت فل
وابي اشوف القاعات اللي تحت ( جوري وجاردينيا) لأنه احتمال اخذ قاعه حق ثالث يوم اذا بسوي استقبال

 

[om__jana]

انتي منو دكتورتج؟؟