الحلوين اللي ولدوا في مستشفى رويال حياة

[zaaraa]

قوووة ... انا والدة قبل اسبوعين برويال حياة.... كانت ولادتي قيصرية ودكتورتي ناهده العلي..... أخذت جناح الكامليا مع العرض طلع علينا 1769 وربع أهم شي الربع .. المفروض يطلع 1665 بس خذوا زياده لازم حركات المستشفيات بعد كل هذا عشان عطوني درب لان صار معاي وانتوا بكرامه إسهال ومضادات حيويه.... بس بالنسبة للخدمه والعنايه حلوه وبالعكس السسترات حبوبات ونفسيتهم حلوه... ويكفي المستشفى هادي وراقي مووو جنج قاعده بالسوق مثل دار الشفاا او الهادي... الي تفكر تولد برويال حياة لا تتردد انا وايد سمعت حجي وان يبدلون اليهال والخدمه مو شي بس كله خرابيط وحجي فاضي وهالشي أثر بريلي بآخر اسبوع لولادتي وكان يبي يغير المستشفى بس انا صممت عليها وهم سألت دكتورتي عنها بالعكس امدحتهم وريحتني .. وأحلى شي سالفة الكاميرا الي تكون عالبيبي عشان تشوفينه على طول وهم زوارج يشوفونه مو كل اشوي يايبته لأحد ... والله يسهل عالجميع

 

[om__jana]

مشكووورة زااراا

 

[om__jana]

مشكوورة مهره
ومشكورة زنتوشه

 

[zaaraa]

العفوووو حبيبتي

 

[فنر الايمان]

في عرووض بشهر 3 ولا لا

 

[noha33]

الرد لللأمانة وكل كلمة أقولها صحيحة
أنا صديقتي لبنانية كانت مسكينة لها 5 سنوات تعالج علشان تحمل وراحت لبنان سوت طفل انابيب والحمدلله حملت
المهم ريلها من فرحته قالها شوفي أغلى مستشفى روحي عشان تراجعين وتولدين فيها واهما حرام على قد حالهم
المهم راحت وولدت في رويال حياة عند دكتور الريس والنتيجة الحبيب ولدها وسافر لأنها كانت ليلة عيد الفطر
حتى ما شافها لما طلعت من العملية
على نص الليل زادت معاها الحرارة وصلت للأربعين وماكو ولا دكتور قادر يسوي لها شي
راح ريلها طلعها من المستشفى على مسؤوليته وركض فيها على الصباح وتدرون شنو كان السبب؟
الدكتور على العجلة ولدها ومخلي فيها قطع من المشيمة داخل وزين المرة ما ماتت
والله العظيم من عقبها ردت سوت ثلاث مرات عمليات تنظيف والدكتور قالها ممنوع تعاشر ريلها لمدة 6 اشهر من سبة العمليات وكله بسبب غلطة بسيطة مل يرتكبها دكتور صغير
أنا حبيت أحذركم والله العظيم كل اللي حكيتلكم عنه صحيح.

 

[om__jana]

فنر الايمان
لحد الحين ماندري وحتى المستشفى مايدرون كان العرض ليه شهر 1 وتمدد ليه اخر 2 وانشالله يمددونه اكثر
noha 33
مشكورة حبيبتي ادري في وايد سوالف جذي نفس اللي قلتيها وكلها من بعض الدكاتره اللي بالمستشفى نفسه عشان جذي انا افضل دكتورة من بره المستشفى ...

 

[^noonaa^]

اب



اب

 

[روعة خيال]

أنا ولدت برويال قبل سنتين

دكتورتي : امل الراشد
ولادتي كانت طبيعي و لله الحمد
أخذت غرفة الليلي

طلع حسابي كللللله 1095 دينار بالضبط
بنتي قعدت بالشيشة يومين لان ولادتها كانت مبكر بالأسبوع 34

خذوا عليها 350
طبعا السعر شامل السعر اللي فووق

يعني لو بنتي كاملة كان خذوا 700 او 800 بالكثير

و ان شاء ولادتي اليايه همن برويال

 

[هبووونة]

بنااااااااااات مافي عروض شهر 6

واللي عملاء الوطني الذهبيين على اساس لهم خصوماااات بالمستشفى

اللي جربت خصمهم تفيدنا

 

[بنت ناس وقلبها الماس]

شنو الفرق بينه وبين السلام ؟ غير الكشخة

 

[شيخه الحلى]

منو تعرف اسعاره بدون العرض؟؟
لأن انا ولادتي شهر 6 وماعتقد في عرض

 

[om__jana]

هلا حبايبي انا ولدت فيه شهر 6 سنه 2009 وكان العرض موجود والولادة فيه حلوه والغرف هادية الله يقومكم بالسلامه

 

[RoDriGueziYa]

الموضوع مفيد وحلوو .. ويالله يا بنات اللي والدين عندهم بهالفتره! شرايكم بالمستشفى؟

 

[Candel in the Desert]

up up

 

[om__jana]

مشكورة للرفع

ومبروك للبنات اللي ولدوا حمدلله على سلامتهم
الفال للباجي يقومون بالسلامه

 

[>الحنان كله<]

اب
اب بس الهادي خبره

 

[really cat]

up
up

 

[طيش طفله]

اللي ولدت عند ناهده شلونها ؟!؟!

 

[زينانه]

صراحه دكاترة رويال كلهم خبره
يعني مو اي كلام
بس رويال يغث بشغلتين
موقعه ..........عالدائري الرابع زحمه مووووت
وسعره........يعني تتوقعين شي وتتفاجئين بشي ثااني
يعني في بنات والدين طبيعي ب 1200 شدعوه وليش وشحقه