الحلوين اللي ولدوا في مستشفى رويال حياة

[om__jana]

ايه هذا اللي انا قصدته انه يخلون البيبي عندهم اهم كاتبين بالورقة اذا اخذتي ليلي او كاميليا ليلة زيادة تدفعين قيمة الليله 100 حق ليلي و 300 حق كاميليا وحق الياهل 75
واذا اخذتي الغرف الثانية ياسمين او لوتس او اوركيد تدفعين حق الياهل 80 مع قيمة غرفتج حق الليلة الزيادة
وانتي قصدج اذا اخذتي قاعة من قاعات الاستقبال جاردينيا او جوري تدفعين حق الياهل 15 عشان يخلونه بغرفة اليهال طول اليوم (بس مو ليله)
صح جذي ؟؟ اللي اخذوا ليله زيادة بوحده من الغرف ( مو القاعات) دفعتوا شي حق الياهل ؟؟

 

[ipink]

بناات اقولكم شي اذا تبون حجزو منا لحين اذا في عروض لي ولادتكم ترى عادي يصير تحجزون من فتره انا سمعت انه عادي لو قبل ولادتج اربع اشهر بعد عادي عشان تستغلوون الخصم

 

[Tangled]

انا ولدت هناك بتاريخ 30-10
انا ولادتي اول شي طبيعية وبعدين ولدي غير وضعيته حولوني قيصرية
ابرة الظهر 100 دينار
دكتورتي معصومة مخصيد كربونها

كمامهم حلو صج اني بجر بس لما كنت اطلق مشالله نوعا ما حسيت بالالم والابرة نصيحة اللي تبي تطقها تطلب رئيس الوحدة د عمر الخطيب
عنايتهم حلوة بسسسسسسسسسسسسسسسسسسسسسسسسسسسسسسسسس بعدهم يبيلهم شوية شغل يعني انا انتكست ما عرفولي بالرغم من العناية الفائقة ان شاء الله تولدين بسهال يارب وترا على راحتج الشخصية

انا خذيت الليلي فترة العرض وانا اصلا التأمين غطا ولادتي فما ادري شكثر دفعنا بالضبط بس اللي اذكره اني دفعت حق ولدي لأن فيه بو صفار حق الالة والتحليل 45 دينار تقريبا

والله يسهل عليج وعلى كل حامل ويرزق كل محرومة يارب

 

[um 3li]

بنات الي جربوها ؟ كمامهم قوي ؟؟ وله ماينفع لازم ابرة ظهر

حبيبتي الكمام قوووووووووووووووووي
وابرة الظهر هم عجيبة

 

[um 3li]

انا بالنسبة لي قعدت باليلي يومين وطلعت من المستشفى وعقبها ب 5 ايام سويت استقبالي بالجاردينيا بس خليت بنتي بالبيت
رفيجتي نفسي طلعت من المستشفى وعقب رجعت حق استقبالها وخلت ولدها عندهم بس دفعوها 50 دينار !!!!!!

 

[um 3li]

بناات اقولكم شي اذا تبون حجزو منا لحين اذا في عروض لي ولادتكم ترى عادي يصير تحجزون من فتره انا سمعت انه عادي لو قبل ولادتج اربع اشهر بعد عادي عشان تستغلوون الخصم

صح كلامج حبيبتي يصير تدفعين من الحين اذا في عرض حق ولادتج بعدين

والله يسهل عليكم بنات

 

[om-bassma]

اشلونج حبيبتي عندي لج نصيحه لا تخلين دكاتر رويال حيات اهم يولدونج ترى اهم مو ذاك الزود و احسن لج انج اذا بتولدين اهناك خل دكتورتج من بره احسن لج وايد من دكاترتهم

 

[om__jana]

مشكورين بنات على الردود
بس انا قبل يومين دقيت سألتهم يصير احجز الحين حق ولادتي عشان ابي العرض جان تقوللي لأ مايصير قبل كان عادي بس الحين لأ
وانا انشالله ناوية دكتورة ليلى اشكناني تولدني

 

[eman84]

والله شوقتوني برويال حياة شكلي بغير المواساة ؟

 

[غلا مطير]

بنات شنو قصدكم بالشفط؟

 

[um 3li]

اشلونج حبيبتي عندي لج نصيحه لا تخلين دكاتر رويال حيات اهم يولدونج ترى اهم مو ذاك الزود و احسن لج انج اذا بتولدين اهناك خل دكتورتج من بره احسن لج وايد من دكاترتهم

بالعكس دكتورة خالدة المجيبل ممتازة ماشاء الله عليها
والكل يمدحها ويمدح اخلاقها و ولادتها وخياطها !!

 

[um 3li]

بنات شنو قصدكم بالشفط؟

حبيبتي معناه ان اذا الام ما قدرت تدفع الياهل لي بره او صار شي لا قدر الله فان الدكتورة راح تستعمل شفاطة و تشفط الياهل لي بره

ومافي خوف على الياهل ، هالشي عادي و يصير

انا ولدي شفطوه لآني تعبت وايد و ماقدرت اضغط وادزه
بس بنتي الحمدلله ساعدت الدكتورة و دفعتها وطلعت الحمدلله بدون شفط

 

[mrs-yousef]

ابيه رويال حياة شي عجييب انا ولدت عندهم وكنت قاعده بكميليا وحجزت جاردينيا حق الاستقبال وولاه طبيعيه طلع علي 1600

يكفي عنايتهم اذكر يوم ريلي قال اليوم نطع قلت له مابي ابي اقعد بعد... ولا جنج بمستشفى

وهالمره انا حامل بعد وناويه اولد عندهم ان شاء الله ..:RoadRunner:

بس ابرة الظهر مافي دكتوره شاطره تغزها ؟؟ مابي دكتور والي غزتني اخر مره امريكيه بس غزتني 5 مرات و طلعتها الله ستر

فالي تعرف اسم دكتوره تغزها ياريت تفيدنا

 

[om__jana]

mrs-yousef دكتورتج من المستشفى والا بره وجم خذت منج؟؟
وانتي ولدتي بفتره العرض؟
عشان انا انشالله مفكره اخذ كاميليا :wqedqw:

 

[mrs-yousef]

انا ولدتني د خالده مجيبل وحسابها كان من ضمن 1600 اعتقد 250 او 300

ولدت بفترة العرض لان كانت كايميليا 700

 

[om__jana]

مشكووره

 

[mrs-yousef]

حياج حبيبتي واي استفسار ثاني انا حاظره

انتي مته ولادتج ؟

 

[om__jana]

انا موعدي 26\6 وانتي؟

 

[جناش]

حبيتي ليلى اشكناني وايد زينة وبالنسبة للمستشفى وااايد حلو بس دكاترتهم ماانصحج فيهم انا ولدتني خالدة المجيبل الخياط وايد تعبني وليلحين عمر ولدي سنة ليلحين متأذية

 

[om__jana]

انا انشالله مفكره اولد عند ليلى اشكناني لأنه صديقاتي ثنتين ولدتهم ومدحولي اياها قالولي هاديه وتصبر عالوحده وخياطها زين عشان جذي تشجعت والا بصراحه انا كنت ابي دكتورة هندية احس فشله كويتيه بس لحد الحين ماراجعت عندها قلت بالسابع او الثامن اروحلها مايندرى ترضى تولدني اذا رحتلها على اخر شهرين!؟ واهي تكون موجوده شهر 6 والا على حظي اجازة