(((الجـزء الثـاني من يومياتـي بصـــور ,,, يلا بنااااااات(مدة الموضوع شهر من تاريخه)

[el3aNoOoNa]

صباح الخخخخخخخخخخخخخخخخخخخخخخخخخخير
شخباركم ؟؟؟

انا توني قاعده للحين ماكليت ولا شيء
بعد اشوي بقوم اتسبح وبروح الصالون اخلص شغلي برد البيت اتزهب عشان اروح حق رفيجتي
ماراح اكل عندها انشالله

 

[sara al3soola]

صباااح النووووور


انا زينه حبيبتي


واليوم بلشت بالرجيم اللي كتبته لج



شنو عندج حفله اليوم ؟

 

[el3aNoOoNa]

مو حفله حفله بس قعدت بنات وياين اكثر من 4 بنات وانا اصلا من زمان مو مسويه اظافري وحافه فا قلت فرصه عرفتي

 

[sara al3soola]

اي عرفت


وناااسه التغيير استانس عالبديكير وااي احس ودي انام لما اتسويلي مساج بريولي :dddds:


بس لازم تاكلين مو زين تمين صايمه جذي علطول؟؟

 

[el3aNoOoNa]

هههههههههههههههههه
اي اي انشالله باكل بس يمكن تفاحه او رووب
لانه رفيجتي امس احلفت علي اتقول والله ان ييتيني وماكليتي ياوليج ترا بييج معجناج وحلو لوووووووووووووووووووووووووووووووووول

فا لازم ماكل وايد الحين

 

[sara al3soola]

اكلي عن خاطرج شوويه وعقب لي رجعتي البيت شربي جاي رويال لان هم مو حلوه قاعده معاهم واهما ياكلون وانتي اتطالعينهم


ام رسووله وينها؟؟ العاده تدش هالحزه مااشوفها اهي امس كانت مريضه ليكون زادت عليها النشله :0bee2e8d89:

 

[el3aNoOoNa]

اصلا حلفتي
مو اقولج جم مره اروح لها مااكل اقولها رجيم ماتقول شيء تسكت
ذاك اليوم صدف ان يوم اووووف وكنت عندي رفيجتنا الثانيه واهيا يت وشافتني قاعده اكل
لووووووووووووووووووووووووووووووووووول
فا اتقول اشمعنى تاكلين عندها وعندي لا
خوووو حريم لازم ماكو فايده ههههههههههههههههههههههههههههههههه

 

[JANAA]

صباح الخير يا احلى بنات الكويت ام خالد سلامات يا قلبي ما اتشوفين شر .......... حبيت اقولكم امس وزنت نفسي والا وزني من 81 صار 79 والحين شاده على نفسي علشان موعدي مع الدكتور يوم 26/5 ابيه يكون 77

 

[miss_lymoona]

صباح الخير

عدت اليكم من جديد لوووووووووووول اهم شي

خلص اليوم الاوف امس ورجعت لكم

قبل شوي قعدت شربت عصير مانجا شوي بس
والرجيم اليوم قاسي حد امه لووووووووول

امس رحنا فرايديز مع خواتي وكليت توستر لوووووووول يم يم دبيته دب حره
وبالسينما ماكليت نفيش انسدت نفسيتي

 

[el3aNoOoNa]

وااااااااي توستر لا يييييييييييييييييييييييييييييييمي يييييييييييييييييييييييييييمي

 

[miss_lymoona]

جنا مبروك حياتتتتتي ودعتي الثمانينات وعقبال ماتودعين السبعينات شدي حيلج ياقلبي

 

[miss_lymoona]

بقرى اللي طافني وارجع

حياتي مشتاقتلج ترى انتي وام خلود :eh_s(6):

سكتوا بطني يعورني من اللي اجرمت فيه امس :0bee2e8d89:

 

[JANAA]

الله يخليتج ليمونه عاد خلاص شدي حيلتج خربطتي بما فيه الكفايه لازم الحين تلتزمين يلا علشان اتصيرون رشيقات على العيد قرب العيد كلها 3 شهور .... ام خالد اشلونج خطاكي السوء

 

[sara al3soola]

اهلييين جنا حبيبتي الف مبرووك ودعتي الثمانينات

برافوووو خليج جذي علطووول :ggdw:



ليموووونووووو انا زعلانه عليج مااكلمج اصلا :0bee2e8d89:

احسج قاعده اتعاندين روحج شنو هالاجرام حرام عليج قلنا يوم فري بس مو جذي

الحين كل البنات شادين حيلهم وانتي اللي متحلفه بالشعار انسي تاخذينه :dddds:

 

[el3aNoOoNa]

جنونه حياتي الف مبروك


ليمونه حياتووو تشتاق لج العافيه ياقلبي والله
اانا بعد ولهت عليج وفقدتج امس لوووول

عاد اليوم انتو الي بتفقدوني لووووووووووووول

 

[miss_lymoona]

باك بسوي ريستارت وادش مره ثانيه الجهاز مادري شفيه

 

[el3aNoOoNa]

اوكيك ناطرييييج

 

[JANAA]

حبيبتي ام خالد فديتج وليمونه الحلوه بتشد حيلها مره ثانيه اهي شاطره وحياتي ودينيتي اشتقنا لتش بس لا تغيبين على نطول نبي انشوفتش معنا ام خالد شنو تربقتي اليوم ... انا حليب خالي الدسم وكورن فليكس انذبحت من الجوع تعالوا شوفوا الدوام طالبين من الماريوت اكل والكل جالس ياكل ما ادري ليش احنا ما انولدنا اضعاف يعني لازم المتن هههههههههههههههههههههه بس امس شينو انبسطت هانت ابي اوصل حق 68 كيلو

 

[JANAA]

يا بنات بقولكم معلومه قالها لي الدكتور عبدالله ما يصير انخلي وجباتنا اليوميه بدون نشويات لازم علشان المخ يعني 2 قطعة توست اسمر او ربع خبزه ايرانيه مايصير نقعد بدون عيش او خبز اسمر انا كل ريجيماتي مع الدكتور فيها عيش وخبز اسمر ولا يوم مافيه كل يوم فيه والحين صرت نازله 11 كيلو وادعولي انزل حق 68

 

[sara al3soola]

تريقت جاي اعشاب