(((الجـزء الثـاني من يومياتـي بصـــور ,,, يلا بنااااااات(مدة الموضوع شهر من تاريخه)

[JANAA]

على فكره بنات حبيبت اقولكم ان الدكتور عبدالله اعطاني من عنده اعشاب تساعه على عدم بروز الكرش + تمنع امتصاص الدهون بالجسم انا اليوم بروح اشترى كيس من عنده لأن الي عندي خلص وصارلي شهرين اشرب الاعشاب وفعلا ولدي ايقولي ماما بطنك انزلت عن اول لوووووووول اهني انا وايد انبسطت

 

[el3aNoOoNa]

هههههههههههههههههههههه اي والله
شنسوي بعد من طلعنا من الدننيا وحنا جذي
وديرتنا جذي اساسا يعني ماكو شيء يساعدد لو بسوريا ولا للبنان اوكي عادي استغني فيها عن السياره بس اهني صعبه لووووول


انا بنت خالتي راحت سوريا شهر بالصيف كان وزنها 62 ردت وزنها 55 هههههههههههههههههههههههههه
كلا مشي مشي مشي مشي مشي وكلا خخخخضرا وفوااااكه

 

[el3aNoOoNa]

اكلي تفاااحه وبطل مااااااي
والله تطفحين لووول

 

[JANAA]

اي والله الله يعزها من ديره بس المشكله اهني الجو ما يساعد الا بالربيع والربيع جم يوم بس واذا رحتي اي مكان طالعي العزابيه ذبح بنظراتهم انا عن تجربة كنت مشتركه قبل الزواج بمعهد البادي لين الي بالعنجري وقعدت فيه سنه وبعدين رديت متنت بعد شذي صرت كل يوم امشي مع رفيجيت على البحر كل يوم 5 كيلو بالتراب بالرطوبه بالغبار اروح امشي والله العظيم بنات كنت ايام اروح اتعشا انا ورفيجيت بالشيراتون بالريتز بمركز سلطان ما متنت وبعد الزواج ما رديت امشي وزني ما متن نفس ما تركت المعهد على طول وزني متن

 

[JANAA]

انا حبيبتي الدكتور قالي على طول شربي ماي وقبل الغداء بساعه وقبل العشا بساعه اشرب قلاس ماي

 

[el3aNoOoNa]

اي ترا المشي وااايد زززين
انا عندي جهاز بالبيت وبالصاله وجدام التلفزيون وهم اتكككككيسل امشي عليه لووووووووووول
مركون مسكين

 

[JANAA]

اقولتج احسن علشان تمشين اتفقي مع رفيجه او مجموعه تمشين معاهم اول شي تتشجعين على المشي وما تكسلين ثانيا ما تحسين بالمسافة والوقت وبعدين اتصيرين تنطرين الوقت علشان تمشي والله عن تجربه .... سوري بنات قرقت وايد اليوم فوق راسكم سامحوني بس والله حبيتكم كلكم واحسكم نفس خواتي السموحه منكم

 

[el3aNoOoNa]

لا اشددعوه عادي كلنا قاعدين نسووولف لا قرقه ولا شيء

وانشالله انشالله اليوم راح امشي باذن الله

 

[JANAA]

اي عدل شدي حيلتج هالله هالله بالمشي وصدقيني راح اتحسين بفرق بس اخذي احد معاتش علشان ما اتحسين بالوقت ولا المسافه اولا امشي بسرعه وبعدين هروله يساعد جسمتج على النزول

 

[el3aNoOoNa]

اي انشالله يارب من اليوم ارد امشي الله يثببببتني ويقوي ارادتني انشالله يارب

 

[Om ToOoTa]

سلام عليكم بنوتات

سورى ادرى قطعت التجمع بس والله مو بايدى اطلع من المستشفي ريلى يدخل

امس دخلوه ولى الحين مو عارفين شنو فيه اشعه مقطعيه وسونار وتحاليل ومو مبين من شنو عوار هالبطن

قالوله لازم عمليه بس عمليه شنو ماادرى

شاكين بالقولون :0bee2e8d89:

وانا حده نفسيتي صفر طلبتلى ماك رويال من ماك وانا داشه ولا اخوى موجود قصيتله نصها ضبط وبنتى كلت الشبس


والحين اشرب جاى اعشاب


وبروح لريلي المستفشى العصر اول ماارجع اشبك اكلمكم الله يعين


بنااات تكفوووون ادعوله الله يشافيه

 

[Om ToOoTa]

انا اليوم مادوامت ومااكلت ولاشي من الصبح غير هالنص وجبه

وامس كنت بعرس ومااكلت ولاشي والظهر كنت بالصالون

يعنى يومين ولاشي


سامحونى ع النص الوجبه الى اكلتها << لحد يطقنى ريلى تعبان << ترقع علشان لاتنزف لوووووووول

والله لكم وحشه قد السما

 

[el3aNoOoNa]

يا حياتي حبيبتي والله ماتشوفين شر انشالله
وانشالله ريلج مافيه الا العافيه اقرررررري عليه اليوم رحتي
حطي ايدج على راسه وقعدي اقري علي البقره او اقري على بطنه وانشالله مافي الا الخير لا عمليه ولا شيء
الله يطمنج ياقلبي

طمنينا عليج حبيبتي

 

[el3aNoOoNa]

لا حبيبتي بالعكس معذوووووووره
وترا الاكل يأثر ع النفسيه حبيبتي
الله يطمن قلبج ويطلع بالسلامه

 

[Om ToOoTa]

ياقلبى والله انتى


انشاءالله انا بروح له علشان ابى اقرا عليه ولا اهو كله تعبان ومسكنات مايبى احد يدخل عليه

بودي بنته يمكن لاشافه يستانس


مسكين من قوه الالم عينه تدمع اقوله تبجي يقولى لا لا عيونى تعورنى


..

الله يشافيه يارب ويكتشفون بس شنو فيه حولوه من الجراحه لى الباطنيه والله يستر

طبعا انا قلت لكم انه مسافر ريلى يومين ورجع من عوار البطن ولما رجع قالى ضعفتى لووووووووووول اقوله لو كنت مكمل سفرتك جان قلت لى اختفينى خخخخخ

...


ايه خو انا اذا نفسيتى صارت بالحضيض آكل أكل مو طبيعي لوووول

بس الله ستر على نص وجبه ولاشي ثانى اخوى نقذنى خخخخخخخ


...

 

[JANAA]

حبيبتي ام لبنوته الله يشفيه يا رب ويخفف عنه وان شاء الله ما يكون عنده اي شي وحطي ايدك على مكان الالم واقرا 7 مرات اسال الله العظيم رب العرش العظيم ان يشفيك وبعدين اقراي الدعاء بسم الله الذي لا يضر مع اسمه شيء في الارض ولا في السماء وهو السميع العليم 3 مرات وباذن الله يشفى

 

[el3aNoOoNa]

وااااي حياتي والله امبي كسر خاطري ماحب جذي يعووووورني قلــــــــــــــــــــــــبي ياربي

اقري عليه البقره وايه الكرسي وجم دعااااء جذي
ووديله بنتج خل يستانس اشووويه


وقبل لا تروحين اخذي بطل ماي اقري علييييه وودي خليه يشرب منه اشوي ووالباجي مسحي فيه على بطنه وكل جسمه

 

[el3aNoOoNa]

انا برب 10 دقايق بس وراجعه

 

[أم رسيل]

بااااااااااااك

ماعليه شر ام البنوته الله يشافيه

شكرا حبيبتي جنا يعطيج الف عافيه

توني اكلت سلطه معاها خل التفاح

و عصير حارق الدهون

 

[JANAA]

هلا ام رسيل عليتج بالعافيه الغدا وحنا عني بالدوام بطنا تغني 10 بلدي من الجوع هههههههههه يلا بنات الهمه علشان انشوف منوا انزلت ام لبنوته طمنينا حبيبتي على زوجك وان شاء الله اليوم يطلع من المستشفى مافيه اي شي بس يتدلع عليكي