الفتاة السماوية
New member
- إنضم
- 26 أكتوبر 2009
- المشاركات
- 435
- مستوى التفاعل
- 1
- النقاط
- 0
كل انسان عنده ميول وخصوصا بالدراسه في ناس ميولها علميه وناس ميولها أدبيه
وبالحياة الجامعيه كل واحد يختار التخصص اللي يميل له
بس بسألج سؤال يا ترى صليتي استخاره؟ قبل لا تتخذين هالقرار؟
ترى الاستخاره نعمه من الله وتخليج تختارين الشي اللي فيه خيره لج
بالنسبه حق أبوج لا تلومينا يمكن يتمنى يشوفج بمرتبه معينه بس بعض الابهات الله يهديهم ويصلحهم ما يحسنون التصرف ويجبرون عيالهم ويتدخلون باختيارهم، بس مهما يكون مجبورين انتحمل ونصبر لانهم أهلنا
نصيحه لا تخلين زعلكم يطول وادعي ربج وصليلج ركعتين ورفعي ايدج لله ان يصلح بينكم
واختاري وقت يكون ابوج رايق ومرتاح وقاعد بروحه ودشي عليه بوسي راسه وابدي بالكلام
وشرحيله موقفج قوليله يبا انا ادري انك اكثر واحد تبي مصلحتي بس انا اعرف قدراتي وميولي وشالفايده اذا دشيت الكليه اللي تبونها واخر شي ما اتوفق، انا بدش شي احبه عشان اعطي فيه من كل قلبي وان شاء الله برفع راسكم وما اخذلكم ومن هالحجي
وترى رضا الوالدين اييبلج البركه والتوفيق يعني حاولي تخلينهم يرضون عنج
اما بالنسبه حق اعمامج وبنت عمتج لا تهتمين لكلامهم ولا تحسبين لهم أي حساب ألزم ما عليج امج وابوج
وان كلموج قوليهم وانتي مبتسمه كل واحد ينام على الجنب اللي يريحه
ولا تعطين وتاخذين معاهم واذا زادوا بالحجي قولي كل واحد له وجهة نظر
بس اهم شي انج تشدين حيلج بدراستج اليايه
والله يوفقج
