الجامعه يابت لي الهم

[ملاك حبي هلاك]

حباااااااااااااااااايبي كويتيات والله أحبكم

ودي ارد على وحده وحده فيكم بس واايد ماشاء الله

والله والله صاجين محد يحس بالنار غير واطيها هذا اخيس كورس بمر بحياتي

فديتكم واليوم رحت اكمل باجي اوراقي بس باقي انطر قرار للجنه وان شاء الله يوافقون واسحب

=)

 

[ملاك حبي هلاك]

هذا مستقبلللج محد له شغل !! يمكن ابوج اوكي ميخالف بس مو لي درجه مايكلمج .. خلي امج تخليه يليين شوي .. و الباجي اللي يسأل و يزف قوليلهم محد له شغلللللل فيني قاعده على قلبكم ولا من خوفكم الزايد علي !! هاذا مستقبلي و لحد يدخل

حطيلهم حد !!

و انا خريجه كليه علوم اداريه و من احلى ايام عمري كانت دراستنا تهبل عجيييييبه والله ممتعه كانت الدراسه و كل مكان يبونا و حتى معاشاتنا و كوادرنا حالنا حال المهندسين تقريبا بس زهبي واسطتج لاتصيرين نفسي بطاليه لي يومج ماكو وظيفه بس الله يسهل اموري يارب

و الحين اللي عليج انج تستخيرين و تشوفين وين تبين هندسه ولا اداريه .. و لما تسحبين اوراقج روحي تابعييهم و سأليهم كل مره شنو تسوين ماتسوين عشان ما يطوفج شي ولا تخلين احد يتشمت عليج

عموما الثنتين مستقبلهم حلو بس اهم شي تطلعين من العلوم لانها موشي :\

مالج شغل بالي يضغطونج خلج واثقه من نفسج و الله يوفقج يارب

ايي ان شاء الله ابوي فتره ويهدي اهما الي حارهم انا علمي واروح اداريه حق ادبي

شكوووو مو بس حق ادبي @@ حتى بالتوظيف احسن من المهندسين

وان شااااااااااء الله تلقين وااسطه و تتوظفين بسرعه .. وانا خن ادور واسطتي من الحين حق اذاا تخرجت خخخ

حبيبتي مشكوره على الرد =)

 

[ملاك حبي هلاك]

رد: رد : الجامعه يابت لي الهم

http://www.reg.kuniv.edu.kw/admission/admission_perc.pdf

شوفي اذا نسبتك تدخلك الكلية اللي تبين ولا لا

الحمد الله نسبتي تقبل وارفع من الحاطيين بوايد

مشكوره حياتي ما قصرتي

 

[ملاك حبي هلاك]

عادرى راح يقبلونج الجامعه لاتحاتين صارت فينى قبل سحبت الاول وانقبلت بثانى بكلية ثانيه وكانى تخرجت وشحليلى ووووووى من زمااان

ريحتيني حييل انا كنت احاتي هالسالفه وايد خصيصا اني ما سحبت من اول 6 اسابيع قاعده اسحب عن طريق لجنة شؤون طلابيه


والله يوفقج يارب بحياتج

 

[Lemon Juice]

ما تنلامين بصراحه

الواحد اذا انغصب على شي مو حابه صعبة يكمل فيه أو يحبب نفسه فيه !

خصوصاً الدراسه , مو شهر والا شهرين

سنه ورا سنه

دام ما تبين كلية العلوم خلاص انتي أبخص بنفسج

والعلوم الإدارية خوش كلية والتخصصات اللي فيها مرغوبة بكل قطاع

ابوج ان شاء الله بيرضى عليج كلميه ثلاث وأربع وعشر مرات لما يقتنع

لا تنسين تدعين الله سبحانه يوفقج ويسهل أمورج

 

[خلاص ابعد]

رد : الجامعه يابت لي الهم

حبيبتي عادي لاتضايقين وولاشي وانتي اللي سويتية حده صح دامج حابة المجال اللي بدشينه الحين ان شاءالله يقبلونج شوفي انا مستجده بكلية التربية الاساسية وسحبت اوراقي منها والحين بقدم على المعهد شرايج فيني لوووووووووووول كل اهلي زفوني ولاهمني لانيي مو حابه ولا تخصص والمعهد مايبيلة دراسة وايد شوفي كل واحد وطموحة لوووووووووووووووووول ادري صدمه بس ماعليه شدي حيلج وان شاءالله تحققين اللي بالج

 

[جيمي~]

حلوووه هذي المفرووض انتي اللي تقررين مو درااستك

الله يعينك قلبوووو

ادرسي الشي اللي تبينه وابووك حاولي تقنعينه والبااقين ماعليك منهم ~

 

[غمزه وإبتسامه]

اهم شي مستقبلج وراحتج

 

[مكسورة الخاطر]

رد : الجامعه يابت لي الهم

امبي شكوو !
عمامج وبنت عمج شكووو !!
حياتج ومستقبلج وانتي اللي بتدرسييين :\ !!
يااا كره الاهل اذا تدخلوو ;@

ماالج شغل فيهم , حقريهم
اذا بتسمعين كلامهم ماراح تحولين ع الهندسة , لان انتي من الحين درجاتج نازلة :\
دام هالكثر يبوون مهندسة خل بناتهم يدرسوون ويصيرون مهندسات !

 

[ذهـبـيـة ~]

رد : الجامعه يابت لي الهم

شوفي أختي ، انتي الحين دشيتي الجامعة والحمد الله خلصتي من التعليم الإلزامي " المتوسط / الثانوي "

ويبتي نسبة ولله الحمد ، الحين دورج تختارين المجال اللي انتي حابته و حاسة إنج راح تبدعين فيه ..

ترى العلوم كلية لوعة بمعنى الكلمة ، دكاترتها زفت و دراستها صعبة واخر شي تشتغلين مدرسة !

العلوم الإدارية كلية حلوة وراقية و مستقبلها مضمون وتخصصاتها قوية ومطلوبة بسوق العمل

عندج " محاسبة / تمويل / نظم معلومات / اقتصاد .. إلخ " و ترى الدراسة حلوة وممتعة بالإدارية

والدكاترة مناك ممتازين من ناحية التدريس والدرجات ، تعالي شوفي معدلات الطلبة ماشاء الله نسبهم

واايد عالية ومتفوقين ،،

شوفي اهو واحد من الأثنين ، إذا يصير تسحبين أوراقج الحين " لإن موعد السحب طاف " وتقدمين

كورس ثاني سويها

أو تحولين ، والتحويلللإدارية ترى وايد سهل بس يبيله شوي تشدين حيلج ..

انا مادري شنو موادج الحين بالعلوم ،،

بس دشي موقع عمادة القبول والتسجيل و شوفي المواد اللي لازم تاخذينها

و الشروط و ترى لازم معدل عالي ،،

والله يوفقج حبيبتي ، ونصييحتي لج قنعي أبوج أول شي سايسيه بالكلام قولي له هذا مستقبلي

و ودي أدرس شي انا حابته عشان حتى بعدين وقت الوظيفة أكون حابة شغلي ومستانسة فيه

و دشي إدارية وشدي حيلج وييبي معدل عالي عشان تثبتين لهم إنج قدها ووقتها صقيني الكل

بيشجعج وبيوقف معاج :eh_s(15):

واسفة إذا طولت عليج بس هذي نصايحي لج والله يوفقج

 

[:: Diva ::]

انا معاج و معاهم


معاج ان ردة فعلهم قاسيه و ان انتي المفروض تدرسين شي انتي تبينه مو اهم يحددونه

و معاهم ان الكليات العلميه الحين عليها طق
لان الاكتفاء موجود بتخصصات الاداريه يادوب المحاسبه الي يبونها


اممممممممم و هم قاعد يوظفون المحاسبات ابلات حاسوب و بالمستشفيات
يعني مو على بالج ان العلوم الاداريه تجاره ..



تقدرين تدرسين تخصص و تخلين التجاره هوايه
اخذي دورات مداوله و بورصه و الشي الي تبينه

و يارب يوفقج حبي

 

[xprincessx]

رد : الجامعه يابت لي الهم

شكو ؟
خير ان شالله
شنو ملطشه الكل يمشي و يزف فيج
ما قلنا شي عمامج و اهلج و عزوتج
بس اول مره بحياتي كلها اسمع انه الدراسه بمزاج احد
اذا انتي مو حابه الشي ما راح تعطين فيه
دشي على ابوج و شوي شوي طيبي خاطره و غيري فكرته
و ان شالله يقتنع
بالتوفيق ان شالله

 

[جوك احلى جو]

انا ماقدرت اقرا والسبب خطج

بس بقول الله يكتب لج اللي فيه الخير ان شاءالل

 

[ملكة بأخلاقي]

الله يفرج عليج حبيبتي


ومثل ما قالوا البنات حمري عيينج ووقفي كل واااحد عند حده انتي الي بتدرسين وانتي الي بتداومين موو اهما قاعدين ريل ع ريل ومايدرون شسالفه ويقولون لج دشي علوم وحولي هندسة عبالهم السالفة واااااااااايد سهله

 

[روانتي 12]

رد : الجامعه يابت لي الهم

ماعليج من احد هذي دراستج مو دراستهم

ولا تسمعين احد سوي الي تبيييييييينه هذي دراسه مو لعبه


نصييييييييحتي لج سوي الي تبينه انتي حره في دراستج

و ابوج مع الوقت راح يساامحج

و عمامج عطيهم طااف مالهم شغل فيج

و مووووووفقه ياقلبي ,

 

[English.Teacher]

رد : الجامعه يابت لي الهم

بشري حبيبي شصار عليك

 

[Japanese]

استخيري قلبي وسوي اللي قلبج مايل له

وماعليج من كلام الناس خليه هو وهوا المكيف واحد لايودي ولا يجيب

انتي اللي بتتدبسين ان طاوعتيهم ولا هم ماراح يعاونونج لا صار عندج كوز ولا هووم وورك ولا اي شي يخص الدراسه!!!!

هاي حياتج انتي مب حياتهم =) والشي اللي مب حابه قلبج ماراح تتحملين تكملين فيه وتبدعين فيه

رآيي انج تسوين اللي تبينه سواء عجب اللي حولج ولا لاء ،، ومع الوقت ان شاء الله بيقتنعون انج اخترتي الشي الصح لج انتي

موفقه ان شاء الله =) عاد ياليت تقولين لنا ماشاء الله عليج شلون طريقه دراستج وشنو سر التفوق لااله الا الله

 

[travel_addicted]

رد : الجامعه يابت لي الهم

حبيبتي اذا انتي مو مرتاحة من الحين حولي و لاتنطرين عشان ما تضيع سنين عمرج على الفاضي
و على سالفة ابوج حاولي ادشين عليه بالدار و تبوسين راسه و تحاولين تراضينه و تبينيين له شكثر انتي كنتي مقموته من العلوم و انا الواحد ماراح يتميز الا بالتخصص اللي يحبه و هم خل امج تكلمه
اما بالنسبه حق عمامج و عيالهم صراحة كلش مالهم شغل ابتخصصج ! كل واحد له شغل بعياله و بس لا اهما اللي راح يدرسون و لا اهما اللي بيشتغلون عقب !
و ان شاء الله الله يهدي ابوج و يرضى و اهيا كلها مسالة وقت
والله يوفقج يا رب

 

[$حبيبة عبودي$]

رد : الجامعه يابت لي الهم

وي كل العايله داشه بقراراتج لوووول الله يعينج

 

[pure-poison]

رد : الجامعه يابت لي الهم

ماعليج من احد سوي اللي انتي تبينه وترا العلوم والهندسه الناس اللي داشينها برغبتهم وشوفيهم معدلاتهم نازله ومحتاسين بالانذارات فاشلون بتكملين فيها وانتي مو حابتها !!!
حولي احسنلج ودرسي الدراسه اللي انتي تحبينها