التلقيح الصناعي ؟

[kitty eyes]

هذي السالفة اللي تسبب احراج لي ولزوجي كل مرة
العينة تسوونها بالبيت وراح تعطيج العلبة علشان تحطونها فيها

طبعاً خلي الشي عادي وانتي اللي بادري بالشي فاهمتني على ما أظن لا تحسسينه بأنه عينة وخلاص

وبعدين يا تلفينها بقصدير علشان الضوء والحرارة أو الافضل وهذي الطريقة دايماً اسويها انج تحطينه بين صدرج عرفتي شلون يعني على حرارة الجسم

وتطلعون للدكتورة لازم ما تطولون يعني بالكثير نص ساعه او 45 دقيقة

واذا زوجج عادي انه يسويها كتحليل عادي

خليه يسويها بالعياده عندها

بس أنا افضل الطريقة الأولى

 

[kitty eyes]

رونق حبيبتي شصار معاج

طمنينا ترى شغلتي بالي بشرينا ان شاء الله كل شي تمام

عواده وينج مو مبينه

ويا بنات عيدكم مبارك مقدماً وعساكم تعودونه كل سنة

وان شاء الله كلكم السنة الجاية بحضنكم يهال قولو آميييييييييييييييييييييييييييين

 

[عــود كمــبودي]

هلا كيتي شلونج

وعيدج مبااااارك

 

[ice-moon]

عسى ربي يرزقنا وإياكم بالذرية الصالحة ويبشرنا في هذا العيد بالحمل السليم المعافى ياكريم

وصلي وسلم وبارك اللهم على سيددنا ونبينا وقرة اعيننا محمد صلى الله عليه وسلم

 

[دانات2]

السلام بنات انا سويت التلقيح الصناعي عند طيبه كلينك والحمدالله نزلت الدوره اول ايام العيد ماتم الحمل الحمدالله علي كل حال
الله يرزقنا

 

[kitty eyes]

مرحبا بنات

شلونج عواده شخبارج

وووووووووووووين رونق مو مبينه

شلون الدوامات ارهاق من اول يوم

 

[عــود كمــبودي]

هلا كيتي اخبارج يالغلا


وينكم ماعاد تبينون ورونق بعد

 

[رونق]

هاااي بنات 00 كيف الحال والاحوال

سوري على انقطاعي عنكم لظروف خاااااااااصه بس والله اشتقتلكم

انا ماسويت تلقيح لان صادف عطلة العيد والعياده مسكره والدكتوره قالت يمكن خيره ان شاءالله بتحملين من غير تلقيح صناعي00

والحمدالله انا كنت مصليه الاستخاره وارتحت واااااااايد لما قالتلي الدكتوره جذي 00 وظليت طول هالمده وانا ادعي ان الله يرزقني طبيعي من غير تلقيح ولا شي 00 بس الحمدالله على كل حال نزلت الدوره اليوم مع اني حسيت بأعراض الحمل كلهااااا

وقررت اوكل امري لله وماراح اراجع ولا راح اروح اي مكان عشان مااحاتي وافكر لان التفكير اهو اللي يأخر الحمل لان انا وزوجي مافينا شي فليش اسوي تلقيح صناعي وابر وحبوب وخرابيط 00

اللهم فرج همي وهم كل محروم وارزقنا الذريه الصالحه عاجلا غير اجل ياارب العالمين

وطمنوني عنكم ابي اسمع اخباركم ؟

 

[kitty eyes]

واخيراً رونق بينت

الحمد الله على كل حال وصاجة ترى التفكير يسبب عقم نفسي

بس لازم تراجعين لا تخلين نفسج مثلي لين صارلي 8 سنين العمر يركض

شلونج عواده ها بشري شصار معاج ومع زوجج ان شاء الله كل شي اوكي

 

[rachaaa]

رد : التلقيح الصناعي ؟

انا بعرف دكتورة اسمه هند الحمدان هذا وايد شاطر ومشالله ما حد سوي عندها الا النتيجه كانت ايجابية بعد اذن الله اكيد بس وايد وايد شاطره​

 

[kitty eyes]

مرحباااااااااا

شلونكم بنات

وينكم مو مبينين

عسى المانع خير

 

[عــود كمــبودي]

هلا كيتي

انا الحمدلله بخير وانتي اخبارج وشصارمعاج عالعلاج

 

[kitty eyes]

للحين ما بلشت بشي مو موعدها

انتي شخبارج وشخبار زوجج سوا العملية والا للحين

 

[ذهب ابيض]

الله يرزقكم يارب كلكم

 

[مناوووي]

كم يكلف التلقيح ووين احسن مكاااااااااااان ؟؟؟؟؟؟؟؟؟؟؟؟

 

[الكادي 2011]

ربي يرزقج طبيعي يارب

 

[امي نور عيني]

انا سويتها مره وحده عند باتريك مستشفى لندن وتبووون الصدمه تدروون جم كلفتني ؟؟

والله والله وما اقص عليكم 750 الى 800 دينار ومالومكم لوو ماصدقتوا واثنينا مافينا شي بالنتيجه كانت اوكي وقت التلقيح ووقت العمليه سافر الدكتور وخلى الدكتوره منى تسويلي وهذي اللي قهرني زود وبس الله كريم ومانجحت

 

[عــود كمــبودي]

ربي لاتذرني فردا وانت خير الوارثين

 

[مناوووي]

امي نور عيني

الله يعووووووووووووضج


مالت عليهم الدكااتره مدري نثق بمنوووووووو

 

[الأمل الأبيض]

بنات التلقيح ما يكلف شي

اللهم الابر وابرة التفجير و تكلفة التلقيح


ولاتقولون النسبة بسيطة وما تنجح كله بيد الله واهم شي ( اليقين بالله )


والله يرزق الجميع