رد : رد: رد : التلقيح الصناعي ؟
مشكوره حيااااتي ماقصرتي على النصيحه بس تكفين قوليلي شنو عطتلج معصومه ؟
وهل كنتي ترقين نفسج بهالفتره ؟
بالنسبة للارهاق --- اي كنت حدي خااايف من ان تكووون حالتي مالها طب ، وغير هذا كان دواامي بالجامعه تعب تعب تعب ..
اما د.معمصومة :
في الزيارة الاولي --- قالتي ان الكلوميد سبب لي ضعف في بطانة الرحم والمفرووض اني ما اكثر منه لانه د.امل وصفتلي ياه لمدة 4 اشهر ورا بعض .
فوصفتلي --- حبوب برجنه بلان(فينامينات) + وحبوب السكري (انا مافيني سكري بس الدكتورة تقول انها مفيدة لبطانة الرحم ) + مثبتات للحمل (حتى قبل لا احمل ) + و ابر اقزها بالبيت ( نفس وضيفة الكلوميد بس اخف منه بوااايد )
في الزيارة الثانية --- سوتلي سونار داخلي بعد الابر ووصفتلي ابرة تفجير بعد 24 ساعة جماع
في الزيارة الثالثة --- طلبت مني تحليل حمل عندها بالعيادة وسووويته والنتيجة : (( انا حامل ))
وصدقيني حبيبتي رونق بهالامور مولازم تستعيلين ، والدكاترة خبراتهم تتفاوت ، واذا دكتورة وحدة قالتلج ان التلقيح الصناعي اخر حل روحي جربي دكتور واثنين وثلاثة ،،
يمكن الاول غفى عن العلة او مانتبه لها ، والثاني يكتب الله علي يده الخير مثلي :blueSmCLR:
ولاتنسين تستغلين هذا الشهر المبارك بالدعاء وصالح الاعمال
