التجمع الثاني و الاقوى لحملة اخسري 10 كجم خلال شهرين لغاية 15 رمضان

[*MANOY*]

الله يبارك فييج هيوونه
اسبوع 4 كيلو انزل شوي والله شويه انا كل يوم امشي ساعه الا ربع واسوي تمارين بين فتره وفتره
مفروض ع الاقل 5 كيلو
راضيه والله بـ 5 كيلو ​

كله من الجاي الاخضر شكله اهوا الي مو مخليني انزل خلاص بوقفه ماني شاربه جاي اخضر ​

اليووم حدي معصبه وغيرت نظام الدايت مالي
الغداء : 4تمرات + حليب مراعي فيتال ( قليل االدسم )
وانشاء الله العشاء : نفس الشي بس بخليه 3 تمرات + حليب فيتال ​

بمشي اليوم ساعه اذا قدرت وبحاول ارقص شرقي >> جووود يطلعلي خصر اكثر
وبسوي تمارين المؤخره و شد البطن ​

 

[Hyoonaaa]

منووي هدي الجاي الاخضر وشربيه اذا خلصتي الرجيم لان سمعت يساعد في تثبيت الوزن يلا عادي منووي بس مشي ساعه الاربع وايد تبين الصراحه اذا بديتي من الاول في الوقت يعني او لو كنتي تمشين ندريجي يمكن تنزلين اكثر

 

[*MANOY*]

مشيت وللله الحمد ساعه كامل بالضبط >> 61:16
صج تعبت بس انشاء الله يبين سويت تمارين شد البطن ارفع ظهري لمن اوصل لريولي 10 مرات
و سويت تمارين المؤخره انزل واصعد 10 مراات
و سويت تمارين شد الزنود 10 مرات
ورقصت شرقي 8 دقايق
حدددي متوفيه الحيين تعبت تعب مو قادره خلاص
برووح اتسبح الحين لان شكلي فلم
وبعدهاا بروح اتعشى وااي واااي تععببب

​

 

[أشبـاهـ المطـر]

السلام عليكم ,,


الريوق :


ما تريقت بعد ^^


الغداء :

هالمره قعدت اتحلطم اتحلطم اتحلطم
جان تنسد نفسي كليت ربع الكميه الحمد الله ^^


السناك :

ثلاث تمرات + حبتين جوكليت + قهوه ...



العشـاء :

للاسف كنت رايقه فا تعشيت عدل
بس قبلها كنت شاربه بطل ماي
سد نصف المعده << على كيفها خخخخخ

المهم تعيش صينه دجاج وعيش خطير ههههههههه

الحمد الله والشكر له
اليوم قست وزني 67 !
ياجماعه الميزان اكيد فيه شي
لان حتى مع اختي 67
المهم الصيدليه كانت زحمه ماقدرت اوزن للاسف​

 

[أشبـاهـ المطـر]

نسيت اقول اني بعد العشاء شربت
عصير اناناس كرد اعتبار

 

[[ N O R A H ]]

السلام ...
اليوم تفطرت :قهوه +زبادي

الغداء :لحم +سلط

العشاء :سوسج +زبادي

رايضه :مشي ساعه +نط حبل +رياضه الزند +رياضه البطن +بديت براضه للصدر اخاف يترهل
وودي اعرف رياضه للشحم الي بالظهر <<اذا كنتو تعرفون قولولي

وين البنات ؟ بريق الماس ,فواصل,مس ليز ليز

وووبعد <<<ترى مانسيتكم خخخ

يلا يبنات وين همتكم وأهتمامكم

*MANOY*<<اياحركاات انتي ياحماااااس لا الفتح هاهاهاهاهاا

امزح <<جد والله مشاء الله عليج شعله من الحماس والجهد


Hyoonaaa <<ماشاء الله مبروك النزول الله يتمم عليج ياربي

على فكره متى نوزن <<<وتسجل لنا مس ليزليز الدرجات و تحط قدام اسمي نجمه <<انا ابي هالنجمه هاهااااي


[ N O R A H ]

<<<مثل هيك <<اتحلم


تصبحون على خير

 

[منوششي]

-

آههلن
آلله حمآس
فيه شئ محدد نسويهه ؟
آو عآدي آي شئ ...

و آقدر آجي معكم آللحين ...

 

[فواصل]

صباحو

شخباركم

بخصوص يومياتي

كل شي تمام

امس مشيت نص ساعة

 

[فواصل]

بخصوص الشاي الاخضر

صرت اشربه مرة في اليوم ومب كل يوم

لاني لاحظت لما اكثر منه يثبت الوزن

 

[فواصل]

نورة

سألت عنج العافية

انا موجودة بس ما عندي شيء جديد

*_^

 

[روح المطر]

صباح الخير

شلونكم يا حلوات


‏​ٱ‏​نـْا بالدوام اليوم

باروح اتمشي و اجيكم

 

[روح المطر]

الريوق
قطعتين مشلتت هههه


الغدا شيش طاوق + توست اسمر

 

[*MANOY*]

الغداء : روب + ذره + حليب فيتال

العشاء : حليب + 3 تمرات

التمارين > شد البطن 15 مرا
ابراز المؤخره 15 مرا
ورقصت << صااعه مدري صاعتين شسوي كنت مندمج بالاغاني والرقص
وقعدت افتر بالصاله جني مينونه لاعت جبدي من جهاز المشي والله مادري كم مشيت لاني قاعده اتحلطم مع نفسي وقمت احش بجم وحده << ياحليلي

أشبـاهـ المطـر : مبرووك النزوول يا قلبي

[ n o r a h ] : حلوه منج بس لاتعيدينهاا ههههههه وانتي بعد مشاء الله عليج مو مخليه تمرين ماسوييته , والله نسوي اي شيي بس عشان نضعف

انقيس الاوزان كل سبت انشاء الله



منوششي : اي عاادي حيياااتي تفضلي معانا وانشاء الله توصلين للوزن الي تتمنينه

فواصل : اي والله يا فوااصل انا صارلي جم يوم وزني ثابت مو راضي ينزل كله من هل جاي الاخضر بس خلاص انا قطعته ماقمت اشربه
بيصير فيني احباط من هل جاي الاخضر


روح المطر :الحمد الله حياتي احنا بخير انتي شلونج .!؟






​

 

[روح المطر]

الحمدلله

للحين ماشيه ‏​​‏​تـٌ&#55357;&#56856;ـٍـٍَّْـُـّـٌـٍٍـٍـٍٍـٌـّمام


عشاي اليوم

كرون فليكس مع حليب خالي الدسم

ولطيت ماي لين احس اني صرت تانكي ماي ههه


التمارين قاعده اسوي تبع الاسمريكا و الفرنسيه قاعد

يعلق معاي بانزله بدفدي و احطه عالتلفزيون ابرك


الا تعالي مناوي شنو تمرين ابراز الموخره
وشد البطن اللي تستخدمين

ممكن تحطينهم

 

[Pretty Amoola]

بالعافية ما كليتوا يا بنات... ​

أنا ودي أضعف على الأقل 6 كيلو قبل العيد وأكيد​

ناوية أستمر وأنزل أكثر بس لأني منطقية ، أدري انه​

مستحيل أضعف 10 كيلو بتاريخ 15 من رمضان ...​

مع اني شادة حيلي ومسجلة بمركز كيرفز لكن صار وزني​

بالفترة الأخيرة بطئ بالنزول والله يعيني ويصبرني على ثبات الوزن :yaaaaaarb:​

مبين من تجمعكم فيه حركة ونشاط ( ما شاء الله ) وإن شاء الله​

أقدر أشارككم بيومياتي عشان أتشجع وأستمر معاكم لين نوصل لأهدافنا .​

 

[*MANOY*]

روح المطر >>
هذا تمارين المؤخره

عندج هذا اانا كله استخدمه
http://www.youtube.com/watch?v=m8AkyDAiRXo&feature=relmfu


وعندج هذا بس ما استخدمه وايد

http://www.youtube.com/watch?v=_7fHGwLS8Y0&feature=related


تمارين شد البطن انا اسوي المعروفه الي الكل يعرفهاا

اسويها بس بدون الجهاز الي بالصوره اوكي

وهذه تمارين شد البطن

http://www.youtube.com/watch?v=uB_ejT_DgUM&feature=relmfu





هذه لمسح البطن كليآً
Jump Rope Workout Routine - Intense Home Cardio & Toning Exercises - YouTube

لعيوووووونج ؛$




Pretty Amoola >> هلآ وآللــــه هلا وغلآ انشاء الله تضعفين 6 كيلو واكثر يارب وحياااج معانا ؛)
​

 

[Pretty Amoola]

وينكم اليوم ؟​

يومياتي: ​

الريوق : الساعة 9 تريقت نص سندويشة جبنة مع مرتديلا + ​

خيارة + حليب قليل الدسم .​

الضحى : برتقالة صغيرة .​

الغدا : سلطة البرغل + كريب بالسبانخ ​

العصر : شريحة كيك ( دايت )​

العشا : سلطة مع جبنة وتيركي ​

والعصر رحت مركز كيرفز وسويت تمارين لمدة نص ساعة .​

وبس​

 

[روح المطر]

مناوي غلاتي مشكووووره


برتي اسم الله عليج ما باجي شي شدي حيلج


اما ‏​ٱ‏​نـْا اليوم

الريوق

ربع خبز ايرانيه + قفشه لبنه + ٢ حبه فلافل


الغدا

شارورما + ماي


والحين العشا

شيش طاوق ٣ قطع + خبزه+ فلفل اخضر

وكولا دايت



بِــ̯͡سّ* شكلي بابدا صيام من باجر احسن

 

[Pretty Amoola]

​

pretty amoola >> هلآ وآللــــه هلا وغلآ انشاء الله تضعفين 6 كيلو واكثر يارب وحياااج معانا ؛)​

تسلمين حبيبتي على هالدعوة الطيبة ، وإن شاء الله إنت بعد تضعفين

بالصحة والعافية .

​

 

[Pretty Amoola]

مناوي غلاتي مشكووووره


برتي اسم الله عليج ما باجي شي شدي حيلج


اما ‏​ٱ‏​نـْا اليوم

الريوق

ربع خبز ايرانيه + قفشه لبنه + ٢ حبه فلافل


الغدا

شارورما + ماي


والحين العشا

شيش طاوق ٣ قطع + خبزه+ فلفل اخضر

وكولا دايت



بِــ̯͡سّ* شكلي بابدا صيام من باجر احسن

بالعافية ما كليتي ،،،​

كم طولج حبيبتي ؟ لأن الوزن اللي تطمحين له حده شوي ، طبعاً مقارنة مع الوزن​

اللي قاعدة أطمح له ،،، واسمحي لي على اللقافة :eh_s(7):

والله يتقبل منج الصيام مقدماً ​