التجمع الثاني لطالبات { كـلـيـة الـحـقـوق ] جامعة الكويت . حياكم الله

[غَـنْـجَـى و دَلـوعْ]

الحــلوة أنا باقي لي 4 مواد و باجر الصبح بروح مع رفيجتي حق الكلية عند د.هيثم الأثري لاني ابي اقسم سنة رابعة و قاعدين يقولون ما يصير تقسمينها الا بموافقة انا عندي مرافعات f و انا ما كنت ماخذة عقود مدنية لأني كنت ماخذة التزامات يقولون بتعيدين سنة 3 يمه يا قلبي لو شنو ما ابي اعيدها ابي آخذ من مواد سنة رابعة البنات لعبوا بأعصابي كل شوي وحدة تتصل عليّ و تعطيني قرار من كيفها صدعوني كل وحدة تقول شي عاد باجر بروح أتأكد بنفسيييي و الله يعين انتي لا تروحين الصالة أول شي روحي مبجر حق أنوار و هيفا اللي مسؤولين عن الطلاب بالكلية أحسن لج و بعدها يمممكن يسجلونج عندهم ترى العام سجلوا بنات عندهم .. الله يعينج و يعيني و يييسر لنا و يفكنا من الهم

 

[غَـنْـجَـى و دَلـوعْ]

انا و رفيجتي نفس المعدل و نفس المواد عقود و مرافعات و مواد سنة 4 و انا تسجيلي اليوم و اهيا باجر عفية نظام !!

 

[الحـــلوه]

انوار وهيفا منو هذول؟ ووين احصلهم؟

انا باجيلي تدريب وتنفيذ واصول فقه ودولي خاص وبحري واجد

كله تعارض مو وقتي

شرايج اذا رحتلهم مايحتاج اروح للصاله مالي خلق للصاله زحمة واطول على مايجي دوري عشان النسبة

 

[الحـــلوه]

وين رحتي

 

[الحـــلوه]

ابببببب

 

[غَـنْـجَـى و دَلـوعْ]

رحت أتغدى نسيت نفسي قبال الموقع التعبان مو راضي يسجل شي عاد سجلت خروج بالطقاق مو شرط اسجل اليوم
أقول لج هذول اللي لما تدخلين من باب اللوبي الرئيسي مكتبهم يصير على يمينج دشي هناك و اسأليهم بالأول لان العام اعرف بنات ما رضوا يسجلونهم بالصالة و يوم راحوا لأنورا و هيفا يقولون سنعوا لهم جداولهم

 

[الحـــلوه]

بالعافية ياقلبي

حتى انا سجلت خروج جاني اكتئاب من الموقع

بطلع تعبت

 

[كتكوتة الخليج]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

اشلونك بنات..
منو احسن منظمات وظواهر ولا ادله جنائيه وماعندكم فكره منو راح ادرس منظمات؟؟؟
واصير احول تحويل داخلي بينهم لان كل وحده وقتها يختلف عن الثاني ؟؟؟

 

[مـ سهله ـو]

استغفر الله متى يتعدل السستم متى تنزل درجاتنا باجر تسجيييل ثالثه وانا حاطيني تسجيل ثانيه وانا معدلته وكل يوم اروح الكليه بهذلوني ويع ويين الجمعيه تراكش على هالسالفه !!

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

شلون مايصير تقسمون رابعه الا بموافقه ؟

مو بكيفهم اصلا !

رفيجتي قسمت رابعه وكانت شايله اداري وعادي !

مايشوفون شر !!

.

الله يعينكم بنات جابلو السستم الحين عل وعسى تحصلون مكان فاضي

انا رضيت بالامر الواقع وماسجلت مدني ، مو الا بالطقاق مابي احر عمري عشان سستمهم السكه ونظامهم المتخلف !

.

وانا سمعت ان منظمات احسن من ادله ومايصير تحولين تحويل داخلي بينهم لان هذي ماده وذيج ماده ثانيه

.

انشالله باجر تسنعون جداولكم ويارب تحصلون عند الدكاتره اللي تبونهم ياااااارب

:**

 

[مـ سهله ـو]

متىىىىىىىىىىى تنزل الدرجات بالسستم

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

انوار تهبل حدها عسل

وفي وحده اسمها سهيله اذا ماخاب ظني

وايد زينين وحبوبين ومتعاونين

موظفات من قسم التوجيه والارشاد ، اول ماتدخلون اللوبي على ايدكم اليمين

انشالله مايقصرون معاكم

 

[توتة]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

هلا بنات انا سنه ثالثه وباجر تسجيلي شنو تنصحون اسجل مرافعات عند عبيد ولا عبيدالستار؟

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

مرافعات انصح عند عبيد

بعدين عبدالستار

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

هلا بنات انا سنه ثالثه وباجر تسجيلي شنو تنصحون اسجل مرافعات عند عبيد ولا عبيدالستار؟

^
^
نفسها [/b

 

[توتة]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

مشكورين علي الردود
بس في بنات يقولون عبدالستار تضمنين اعمال السنه اما عبيد ستفدين منه بالفاينل

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

انا سمعت بعد شي 2

ان عبيد واااايد يبي الوحده تهتم بمادته (كأنه مافي مادة إلا مادته ) .. ويعطي محاضرات زيادة << احنا ناقصين !!

وفوق كل هذا يقولون يتفلسف وايد .. صج ؟

أمانة : أنا الدكتور ما عرفه كللللللش عشان جذي استفسر نفس الاخت اللي فوق .. منو احسن ؟؟؟

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

اايدج باول شغلتين

بس انه يتفلسف وايد لا حرام :/

موفقين

 

[حبيبة حدها]

بنات منو احسن دكتور عقود مدنية سنة ثالثة ( خالد الضفيري ولا ياسر الصيرفي )وشلون نظامهم؟
وجزاء منو يعرف فيصل الكندري و منصور العتيبي شلونهم وفايز احسنهم ولالا
ودكتور عبد الستار يفهم ولا محاظرته سوالف وبس مااحب الدكتور اللي يسولف لووول

 

[امبراطورية الزين]

بنات صالح العتيبي تشريعات زين ولا لا
تسجيلي بكره ودزولي مسج الجدول تغير دشيت لقيت اسم هالدكتور جديد