فديتكم بنات الحقوق
و الله ودي افيدكم كلللكم جد ما قصرتوا معانا احنا بنات سنة أولى*
بس للاسف ما عندي الا تجربة وحدة *تفيدكم
و بسدحها لكم اهني
امممم
بالنسبة لبنات سنة ثانية عندهم دولي عند ثقل العجمي*
نصيحة لا تطوفون هالدكتور و الله عجيييب*
انا خذيت عنده مادة اختياري بس احس اسلوبه واحد ما راح يتغير مع مادة ثانية*
الحضور : يهتم بالحضور و قال بسامحكم بـ كذا غياب اخر السنة يعني يراعي
و التأخير كنت اشوفه يدخل البنات عااااادي شكثر متأخرات
المحاضرة : كان يعطينا اوفات شكثررر مع اني ماخذتها صيفي و ما يمدي نخلص المادة بس اهوا اول دكتور خلص المنهج يعني اوفاته مو عبط و لا تأخرنا بالمنهج
و محاضرته حلوووووة و كان دايما يدش متأخر ربع ساعه و يطلعنا امبجر ربع ساعه .. شبقى من المحاضرة مادري لووول بس جد يعطينا المفيد و بس*
التعامل : روووعة و جداً راقي و محترم هالدكتور لا متكبر و لا شي و حيل يراعي
الشرح : رووووووعة رووووعة روووعة بالثلاث
انا جربت دكاترة شكثر بحكم اني محولة مو مستجدة جد احس الدكتور ثقل جد دكتور لان للاسف من خلال خبرتي المتواضعة خذيت عند اشباه دكاترة مو دكاترة
*
شرحة روعه يدش القاعه لا كتاب لا اوراق و لا شي بس معاه كشف الحضور
و يشرح من قللللللللللب و يبسط الامور بشكل خيالي و يربط الشرح بشغلات واقعية صارت
و ما عنده اي مانع يعيد مليون مرة اذا مو فاهمة و بالعكس يحب احد يسأله
نظامه انج تنوتين معاه كلش ما يعترف بالكتاب يقول الامتحان استحالة يطلع خارج النوت
و يعطيج مجال كبير تنوتين يعني مو نفس بعض الدكاترة طاير بالحجي
و الله بنات كانت اخف مادة مع ان فيها حفظ بس الدراسة ما خذت مني وقت من ابطل النوت اتذكر شرحه و اكون فاهمه كل شي*
جد شرحه يرن بالاذن رنننننننننننننننن
الامتحانات : امتحاناته بمستوى شرحه
يعني اذا منتبهه معاه تحسين ان الامتحان حددده سخيف
التصليح :*
*
و هذا العيب الوحيد بالدكتور جد تصليحه مزاااااااااااااااااااجي
امبيه منقصني على شغلات تضحك و لما اناقشه يطلع اعذار غريبة
و ياخذ ورقتي و يحطها بالظرف يعني بالعربي سكتي خلاص
يعني مرتين ظلمني بالتصليح
و حتى البنات عصبوا عليييييييه و حده تنرفز
الدرجات :
قالي عطيتج ١٠ من ١٠ بالمشاركة و الحضور مع انج كلللش ما تشاركين*
و كنت a- و قال بحطلج a بدوووون لا اكلمه و لاااااا كلمة*
يعني من كيفه زادني*
اصلا انا استاهل a بس لولا تصحيحه البايخ*
بس ستيل يظل دكتور متميزززززز
و بِـ اذن الله بسنة ثانية راح ارتب جدولي ع اساس اخذ عنده
لان اهممممم شي بالحقوق شرح الدكتور يكون قوي
و مشكلة التصليح اقدر اتفاداها بالفاينل تصليح كنترول*
و بأعمال السنة حددده طيب و يرررفع بسهولة*
*
اتمنى افدتكم بتجربتي و قرقتي
بس جد سوري عالقرقة نوعي اذا قيمت اقيم بضمير :d*
*
