البطاقه التموينيه.....شنو تاخذين منها؟؟؟؟

[فرح الياسر]

بسم الله الرحمن الرحيم
طبعا هالأيام الكل يدري فيه سلع زادتها الحكومه بالبطاقه التموينيه:icon30:....بس اللي مستغربه منه كل ماسألت احد عن البطاقه قال....
الحمدلله مو محتاجه...الله لا يحدنا عالبطاقه!!!!:eh_s(12):
معقوله محد يستخدم البطاقه؟؟؟؟
المهم انا وبكل فخر استخدم البطاقه التموينيه:hjy5jewf:....وبغيت اعرف اذا فيه احد مثلي يستخدمها:080402ask_prv:....وشنو تاخذون بالضبط من التموين لأن فيه ناس يقولون ان عيش التموين...مو شي...مع اني اشوفه عادي....ينوكل!!!!!:blueSmCLR:

 

[ام ابرار]

الحمداللو على النعمة واللة احنا ناخذ الحليب والعدس والعيش والشكر والزييييت ومعجون الطماط وصدقينى كل بييت فية اكثر من خدامة او صبى او سايق لازم ياخذون العدس والعيش وترا عيش التموين شهر حلوو وشهر لالالا بس الحمدللة نعمة وانا صديقتى واللة تاخذ حليب الاطفال وسمعت انهم بيحطون حفاضات وما ادري شنو بعد وبس لا واللة البطاقة مهمة وبس سلامتج

 

[كويتيه وبس!!]

لا والله ناخذ اغرااض التموين تقريبا كلهااا ومراات بعضهاااا الحمدالله وهالشهر حاطين الدياي بعد بس مايكفي للشهر كله بس هم انقول الحمدالله والشكر والله يديم علينا النعمه

 

[C'est La Vie]

!!!!!!

 

[بنت جنيف]

انا صاراي 6 سنين متزوجه لكن تونه سوينه بطاقه التمويل من قبل شهرين لكن الصراحه ارخص بوايد من الجمعيه مثل الدهن ومعجون الطمام والعيش والعدس والحليب طبعا في سائل وفي بودر والشكر هاذا الي الي اذكره لكن حليب ولدي مانزلوا سيميلاك رقم 3 والتموين يوفر شوي الشغلات الاساسيه وبالجريده كاتبين بوفرون الاجبان والحفاظات والدجاج

 

[فروووحه]

الحمدلله والشكر .... عاد من زين اسعار الجمعيات اللي شابه ناار ..!!!

لاوالله ناخذ التموين منه العيش والشكر والحليب للخدم وناخذ المعجون والعدس ... وياليت بعد يحطون الككاو والحلاو هههههه

 

[حبيبة دودي]

مااصدق اغلب الكويتين ياخذون التموين عادي موعيب

وعيشهم يهبل للي يعرف يطبخ ومعجون وعدس وزيت وكل اللي موجود عادي

 

[قهوة برية]

اشدعوه ...!!!

عشتم ماياخذون من التموين ..!!

ليش عيب ولا كخة ..!!

ياربي هــ العالم تعاني من أهياط ساعات كثيرة ..!!

لا والله بيتنا ياخذ من التموين بس لأمانه العيش ساعات ناخذ وساعات لأ ..!!!

 

[Babystyle]

اظن ان ثلاث ارباع الكويت اذا مو كل الشعب تاخذ من التموين والدليل الزحمه الي عند باب التموين

احنا ابوووووووووووووووي الله يخليه لنا اييب كل شي من التموين عيش ودهن ومعجون طماط وغيره ..... إلخ

واستغرب ان في ناس اعرفهم ايقولون مو حلوو عيش التموين بالعكس انا اشوفه حلوووووووو ومافيه شي

 

[miss-fofo]

انا ماعندي بطاقه تموين لان منطقتي بالبطاقه غير عن منطقه ريلي بالبطاقه

 

[Snow-White]

عجبني الموضوع لانه تونا مسوين بطاقه تموين :eh_s(6):ومع ان بس انا وريلي والخدامه بالبيت بس والله ناخذ منها كل شي تقريبا وساعات اللى مانبيه نعطيه حق بيت عمي وماعتقد انه فيه احد بالكويت ما ياخذ التموين ...وبالنسبه للعيش مالهم نطبخه بس حق المموش والمعدس وساعات المشاخيل

 

[فرح الياسر]

انا ماعندي بطاقه تموين لان منطقتي بالبطاقه غير عن منطقه ريلي بالبطاقه

ومنو قالج مايصير!!!
انا بطاقتي بمنطقه وبطاقة زوجي منطقه ثانيه..((مو بنفس المحافظه بعد!!)) وعادي مسوين بطاقه تموينيه.

 

[روح البنفسج]

لاوالله ناخذ من بطاقة التموين كلشي وصح العيش مرة حلو ومرة موشي ويالله يكفي ماشاءالله البيت كله خدم واكثر الكويتين ياخذون من البطاقة احنا قاعدين ندفع فلوس موقاعدين نطرعشان عيب

 

[أم عبد الله]

الله يعز النعمة ولا يغيرها علينا انا آخذ كل شئ من البطاقة طبعا مو كل شهر بس ماجلة الطباخ منها والعيش مافيه شئ

 

[عـشـــ كويت ــقـــي]

والله الصراحه ماادري شنو ياخذون منها .. اهلى ادري بهالسوالف ..
بس عاادي ناخذ منهم كل شي ..
ومرات لمن ناخذ اشياء ما نستخدمها واايد مثل الحليب .. نتبرع فيه حق الناس الفقراء ..
وعاادي ناخذ البطاقه مافيها شي ..

 

[×. مـلامـح .×]

الحمدلله نشتري من التموين ..

وبالعكس عيش التموين عجييييييييييييييب وحيل خفيف تونا قبل فتره بدينه نشتري ..

 

[الكويت حياتي]

ودي اسوي بطاقه انه وزوجي وبنتي وخدامتي يريت كل شهر احن على ريلي طناش اخذ من بيت امي الحليب حالبودر حق خدامتي تحبه والزيت والمعجون والعيش امي تاخذه

 

[كولوراديه]

شالعيب فيه

 

[دراهــم]

والله اللي يقولون لج انهم ما ياخذون تلاقينهم ينطرون وقتها


احنا ولله الحمد ناخذه من التموين .. عيش ، سكر ، معجون ، زيت ، عدس ، والحين بعد حطوا دجاج .. ارخص من الجمعية شريناه الشهر اللي طاف .. طعمه حلو


والله يديم النعمة على الكل

ومثل ما قالت وحده من الخوات احنا ناخذها بفلوسنا .. لاهي عيب ولا حرام

 

[نووووونا]

احنا ناخذ

السكر

الزيت

المعجون

الحليب بودر وسائل

العيش مرات لانه وايد عليناااااااااا


عاشت لنا الكويت وعاشووووووواهلهااااااا

عماااااااار يا بلادى

بس احنا للحين جمعيتنا ما يابوا الدياى يقولون بعد العيد مع ان احنا ما ناكل المثلج الا ما ندر !!

بس همن ينفع ,,