الانف الكبير ( الخشم الكبير ) بليز دشوا

[باب الحظ]

باختصار يا بنات بنت عمتي خشمها كبير واهي مستحيه وكل ما يعزومونها مكان ما تروح وما تحب تتصور الخ


ومؤثر على نفسيتها اهي كلها على بعض حلوه بس سبحان الله خشمها كبير فمادري شنو تنصحونها ولو تقدرون تحطون صور ممثلات او فنانات خشمهم كبير ولكن حلوه اشكالهم بس عشان ابين لها الجمال جمال الويه كله على بعض مو بس الخشم وبلييييز ابي رايكم وبشنو تنصحوني اقولها ........................

 

[*اللهـ حسيبـك*]

@@ ..
شدعوىى اقنعييهآ انهآ حلوه حتتىى لو خشمهآ كبيــر كو وآيد فنآنآت خشمهم كبيــر ..

بعدين اهي لا تصير حسآسه وآيد تخلي جدآمه يحس بالنقص اللي فيهآ ..

انشالله البنآت يفييدونج

 

[باب الحظ]

شكرا

 

[blwaah]

حبيبتي الجمال جمال الجوهر والاخلاق مو الويه لانه الجمال الخارجي بيروح
واشفيها اذا خشمها كبير هذي خلقت ربي و ربي قال انا خلقناكم في احسن تصوير
ولاتستحي خليها تكون واثقه من عمرها

 

[صب القفشه]

هلااا حبوبهــ

الجمال جمال الروح

و هااذي خلقهـ ربج

و ختحاول تقتنع ان جذي شكلها

خليها تروح وتيي عاادي

و مع الايام رااح تزيد ثقتها ان شاء اللهـ بنفسها



تقبلي مروري

 

[شوشو الشقيه]

تسلمين اختي
الحين ناس تبحث عن جمال الداخلي
والذي يقربك من الناس اخلاقك وصفاتك وتواضعك
من تواضع لله رفعه
عمر الجمال وما كان يقرب الانسان من الانسان الاخر
انما من يقرب الانسان لانسان اخر هو المشاعر
والناس الي تقرب منك لجمالك صدقيني تراها فتره تزول وتنتهي
اما الناس الذين يقتربون لجمالك الداخلي هو من يدوم صداقتهم وحبهم لكي

اختي بالمكياج ما يقصر خليها تعدل خشمها بالمكياج
وتظهر جميله الجميلات تروح الصالون يظهرونها ملكه جمال

عشان خشمها والله هذه صديقتج واايد تحب الجمال
المهم اختي
الي يحبك يحب يشوفك بكل حالاتك
يشوفك قمر لو كنتي باسوء حالاتك هذا الحب الحقيقي
اختي اختاري الناس الي يحبوةنك لجمالك الداخلي وليس مظهرك

 

[شوشو الشقيه]

تسلمين يا قمر
مره كنت دايم اتزين اجلس مع صديقاتي
مره صار عندي حاله وفاه الله لا يوريج شكلي
رحت لهذه الانسانه شكلي غير تخيلي طالعتني وكاني للحين جميله
عرفت انها انسانه ما تقدر بثمن
لدرجه رحت تحت عيوني اسود من بكاء الي خفف علي انها تشوفني كاني للحين حلوه
من اختج شوشو الشقيه
الي يحبك يشوفك جميل حتى لو كنت باسوء حالاتك

 

[باب الحظ]

شكرا لكم يا بنات

 

[زهرااا]

اصلا الخشم الكبير حلوو

 

[M!Ss Smart]

حبيبتي الجمال مو كل شي اهم شي تكون نفسيتها واسلوبها حلو يعني لو اسلوبها مو شي وماتعرف تثمن كلامها شنو ينعف جمالها ولله محد راح يعبرهاااا واذا بخاطرها تسوي عليمه تجميل خل تسوي الحين

 

[AmOoNa-]

اهم شي راحة البال انا متينه وطول عمري احن ابي اضعف وماحب اروح مكان سبه هالشي وقبل فتره صارلي موضوع حيل ضايقني وتعبت نفسيتي ونزلت بتقريبا سبوعين 10 كيلوات والحين اقول خل اصير امتن وازيد 50 كيلو بس ابي راحة البال

 

[A7la-SmiLe]

في ناس يكون خشمهم كبير بس ماااشي مع باجي الويه يعني حلو
لاتركز على هالشي وخل تشوف باجي مميزاتها
وصدقيني دام اهيا تشوف هالشي موحلو الناس بتطالعها بنفس النظره​

​

 

[فاميليا]

ترى الحين احنا نعيش مشكلة الصورة وهي ان كل انسان يربط صورته عند الناس بالصورة الفوتغرافية.. انا ما انكر ان الشكل مهم ومنو اصلا يقول ان الشكل مو مهم بس هو جزء من اجزاء من انسان وحرام اننا نربط حياتنا وحياة ناس من حولنا يهتمون لامرنا بخشم او حلج او عيون والحين صار حتى صدر مشدود وبياض سحري واظافر قوية وشفايف منفوخة تمثل مشاكل مستعصية عند بعضنا وتمنعهم من الطلعة من البيت حتى انا ما ننام ونعصب على اهالينا ونبعد عن اطفالنا .. الشكل معرّف للانسان ناس تحبينها لان شكل خشمهم مع حلجهم مع عيونهم يريح النظر ويريح القلب ويجذب المشاعر حتى لوكانت كل قطعة بروحها ما تنبلع وناس تكرهينها ومن غير حتى ما تقعدين وياها مع انها سوبر ستار بالشكل .. لا تصير قريبتج حساسة الا اذا الخشم مسويلها مشكلة صحية وترى الخشم بالذات ترتبط فيه مشاكل صحية اكثر وممكن ما تبدى الا لما نلعب بشكله من غير سبب - كمية الهواء اللي يحتاجها الجسم والتهابات وتنفس غير سليم ومشاكل نفسية بعد لما يكون الخشم الجديد مو راكب على الشكل الكلي وما يجذبلنا الخشم الجديد من البشر الا طايح الحظ والسقيم وترى هم بعد الشكل وراثة وجينات يعني مرتبط باشياء وايد ويمكن للحين العلم مومكتشفها وترى بعض الاعمال الصالحة تعطي نور وهدوء للوجه عجيب يعني تؤثر على الشكل والقبول عند الاخرين وبعض الاعمال السيئة تسلب محاسن الوجه الحلو فتحسين الوجه قاتم شنو فايدته ابيض والا صافي والعيون لئيمة شنو فايدتها كبيرة واتمنى لصديقتج الخير حتى بالاخير احنا النساء كلنا تجاعيد وعفيسة ان مد الله بعمرنا ومثل ما كل الاطفال كيوت وحلوين .. كل العييايز مو كيوت ... واتذكر قصة وانا صغيرةان في ام الحقت بنتها الصغيرة وانقذتها من النار بس الام صار فيه حرق بويهها .. ولما كبرت البنت صارت ما تحب تطالع بويه امها .. امانة منو المشوه ؟؟

 

[Whisper ~]

انا هم خشمي كبير بس متناسق مع باقي ملامح وجهي
وجاتني فتره نفس بنت عمتج حييل كان يأثرر علي
بس مع الوقت تقبلت نفسي
شلون ؟
كنت ابداً ما اشغل بالي بخشمي ، لأن احياناً لما تتكلمين مع الناس تحسين باحراج وانهم يطالعون خشمج : \
بس عودت نفسي اني ما أفكر فيه لا خالطت الناس واحاول انشغل بالسوالف والضحك
ثانياً خليها لا طالعت المنظره تدقق ع الاشياء الايجابيه والحلوه فيها
انا مثلاً عيوني ودوار وجهي حلوو فـ لما اشوف نفسي اقول وااي شحلاتي قمر هههههه ولا ياازيين عيوني عذاب ههههه
نوعاً ما يكون لزيادة الثقه بالنفس وانها ماتدقق ع الاشياء السلبيه كثر الايجابيه
وهم خليها تحب نفسها من داخل .. اذا حبت نفسها من داخل راح يتغير كل شي
وعطيها امثله من واقع الحياه عن ناس حلوين بس اخلاقهم مشينتهم .. وناس مو حلوين بس من كثر ما اخلاقهم حلوه تشوفينهم ملاك
يعني مو كل شي واقف ع المظهر و بس

وانصحيها بالابتسامه ثم الابتسامه ثم الابتسامه
والله العظيم الابتسامه دورهاااا كبيييررر في الجذب
ياكثر الناس اللي ترتاحين لهم من مجرد ابتسامه

والله يوفقها ان شاءالله ويصغر خشومنا : \
على طاري تصغير الخشم .. انا جربت خلطه حييل نفعت مع خشمي والكل قالي خشمج صغران : \
اللي هي زنجبيل طازج مبشور .. مع شوي خل
ينحط ع الاماكن اللي تبي تصغرها
خل تجربهاا

 

[باب الحظ]

مشكورين واذا عندكم صور تبين طرق التصغير او صور مشاهير خشومهم كبيره بس كلهم على بعض حلوين

 

[pretty sarona]

لو شنو كان شكلها ,, اهم شي ان يكون عندها ثقه بنفسها و بشنو عندها ,, والناس صج تنجذب حق الشكل بس مع الوقت ما يهمهم الا الشخصيه ,, خل تشوف جوليا روبرتس ,, ترى حلجها عود و خشمها كبير مقارنتا بفنانات هوليوود بس كلها على بعضها حلوة و تتميز بابتسامتها , خل تثق بنفسها لان الشكل عمره ما كان مقياس

 

[CUTE ENGINEER]

حبيبتي عااادي آنا خشمي كبير بس متناسق مع ملامحي لأن عيوني كبيرة
وكلي على بعضي حلوة وشهادة الكل وكنت مثلها متعقدة منه ومابي أروح مكان بس
الحين أموت هلى خشمي وبالعكس اللي يشوفوني يقولون لي أحلى شي خشمج
معطيج لمسة شموج وكبرياء وجمال خاص مطلعج مثل الجميلات الباكستانيات
موجنه مدحت نفسي واايد

بس دام انها جميلة بالعكس لاتستحي وخل ترتز بين الناس أكثر واللي يعلقون
ختقولهم بكل بساطة
لاتطالعوني لفوا ويهكم

 

[Whisper ~]

 

[ميني كويتيه]

خل اتسوي طريقة حليمة بولند بالمكياج انها تحط اساس فاتح على نص الانف و غامج حوالينة بس اتموهة مو واضح

هالطريقة حليمة تستعملها

و اهم شي الثقة بالنفس ياما بنات جياكر بس ثقتها اتخليج تنسين كل شي فيها

 

[The purple]

حبيبتي آنا متعقده من خشمي

بس لمن اشوف صور البنات بالمجلات او شي احمد ربي إني أحلى منهم !!

دايم طالعي الأقل مو الأعلى عشان لا تتعبين ~

الله يوفقكم ..