الانف الكبير ( الخشم الكبير ) بليز دشوا

[روح الدنيا]

خلقه ربي ماكو احلى منها .. مهما كانت بعينها مو شي بس حتى خلقتها لها خيره ..~

 

[على وجهها سمة الأبرياء]

الجمال جمال الروح

و هذي خلقه ربها

 

[DaShTeYa_Q8]

سبحان الله حتى لو الخشم كان فيه شي او كبير

يكون متناسق مع الويه يعني خلقه الله جذي

انا خشمي شووويونه طويل وكنت حدي متعقده منه وماحب احد يشووفني من جنب

معنه ويهي بالكاامل يمدحوني و يقولون حلوة ومافيج شي و امي تقوولي لا تتعقدين شوفي ويهج بالكامل ولا تركزين على منطقه محددة

الحين قمت اتناسى هالشي و حتى الناس يأثرون مثلا لمن تقعدون يمعات مدحوو جمالهاا دشو بسوالف و اتفقو تمدحونهاا

مثلا يعجبني فيها جذي يعجبني جذي قولي لها ركزي على الشي الحلوو فيج و برزيه و انسي الشي الي ماتحبينه

انا عيوني حلوة ف دايما ابرزهم واركز عليهم عشان انسى سالفه خشمي وقمت انسى وما اهتم كلش..

اهيه مجرد ثقه بالنفس لا اكثر

حاولوو تفهمونها عشان هالشي ما يأثر عليها بعدين اكثر

 

[اصاله وتفرد]

بنات شفيكوم ؟
ماتعرفون تنصحون عدل !
.
وحدة تقول سوي عملية تجميل والثانية حفي حواجبج !!
حرام بحرام !

والله يا اختي انه اقول الي صاير بمجتمعنا

وعندنا الحف مب حرام بمذهبنا .!

وسوري يايمه اذا كانت نصيحتي غلط

بس الي على قلبي على لساني وقلته حبيت اساعد لا غير

!!

 

[فديتني وبس]

بنااااااااااات لو تلاحظون شي انه عمره الحلو ماكان كل شي فيه حلو لازم تلقون شي موحلو بويه بس هالشي محليه معنه موحلو
وحبيبتي خلج وااثقه من نفسج وفي نظريه سووها يقولون انه يابو احلى خشم وعيون وبراطم هههههه اقصد شفايف والنتيجه يوم حطوها على بعض طلعت جكر
ودليل على هذا هاذي أكسيس بليدل صح كلامهم يبتها شطولها وخشمها مو حلو بس شوفها كلها على بعضها مشالله قمر وزوقه

 

[باب الحظ]

شكرا وبارك الله فيكم ونبي صور

 

[عاشقة الكاكاو]

حبيبتي عااادي انا خشمي كبير بس تعودت

اصلن صرت اتفنن بالمكيااج مع ان حتى بالمكياج يتم كبير بس احلى وايد

والحمدالله على الصحة والعافيه

الانسان مو بشكله بأخلاقه وحب الناس له

 

[بيتي بوب بس كويتيه]

عادي حبيبتي اهم شي الويه متناسق
مو اي ويه يمشيم عاه الخشم الصغير
وغير هذا شوفي حليمه بولند خشمها شكبره بس شوفي ثقتها بنفسها كبيره
اهم شي الثقه

 

[غروك وغيروك]

مثل ما قالوا البنات الجمال جمال الرووح ولازم يكون عندها ثقة بنفسها

 

[باب الحظ]

شكرا جزيلا

 

[GOTHICA]

 

[.:زينه البنات:.]

انا الحمدلله حلوه .. بس مرات احس انه خشمي شوي طويل

الكل يقولي مو طويل .. اقول مادري احس جذي يمكن لانه وجهي صغير لووووول


بس مستحيل اخلي هالشي يأثر علي .. عادي كاهي صوري تارسه الفون خخخخخخخخ...

خليها تقتنع وقوليلها (( احنا انحبج جذي )) (( تعودنا عليج جذي )) (( هذي انتي وعاجبتنا )) (( طول عمرنا تعاملنا معاج وانتي جذي مستحيل نتغير عليج عشان خشمج )) (( خليها تحمد ربها على شكلها .. احسن من غيرها .. اذا اهيا بس خشمها .. غيرها ماينبلعون .. الحمدلله عالعافيه ))


وبس ..

 

[LoOLoO-17]

حبيبتي والله لوكنت ملكه جمال هم بيطلعون فيج عيب

وانا اشوف وايد بنات حلوين بس مايجذبون ولا يلفتون الانتباه وفي بنات يكون فيهم عيب بسيط بالويه ويكون شي مميز فيها ويجذب


سبحان الله النظره للجمال تفرق من عين لعين والجمال نسبي ..

هذي صور لفنانات خشومهم مو بيرفكت بس جذابات :ggdw.

 

[Caffeine Girl]

انا خشمي فيه كسره يعني شويه شكله كبير على قولت وحده خشه

مو مهم المهم اني راضيه بامر الله

وخليها تكرر(( اللهم لا مانع لما اعطيت ولا معطي لما منعت ولا ينفع ذا الجد منك الجد))

وبس يتم الرضا ان شاء الله

 

[شوشو الشقيه]

تسلمين يا قمر
بنت خالتج كم عمرهااااااااااااا
اذا في سن المراهقه
اقولها لا تحاتي
لان بعض الناس في فتره المراهقه يكبر الخشم
بعد ما يوصل عمرها 21 يرجع الخشم الي وضعه الطبيعي
واايد ناس شفت
في فتره المراهقه تكبر خشمهم بدرجه ملحوظه
لا تحاتي
اذا كان خشمج في اصل معتدل في فتره المراهقهق كبر بحجم كبير
هنااااااا لا بعد مرحله المراهقه يعتدل الخشم مثل ما كان
من اختج شوشو الشقيه

 

[باب الحظ]

شكرا يا بنات

 

[عذب القوافي$]

ياحليلها

بس هاذي مشكلتها بالحياة

خشم كبير

ياخي عمليه والسلام

 

[يمة يادلبي]

تصدقين حتى انا شكلي حليو بس مخرب علي خشمي بس بعد شسوي هذي خلقة ربي
وترا وايد ناس حلوييييين وخشومهم مو حلوة
وهم ناس جياكر وخشومهم حلوة

يعني الخششششم مو كل الجماال

 

[Caffeine Girl]

تصدقين حتى انا شكلي حليو بس مخرب علي خشمي بس بعد شسوي هذي خلقة ربي
وترا وايد ناس حلوييييين وخشومهم مو حلوة
وهم ناس جياكر وخشومهم حلوة

يعني الخششششم مو كل الجماال

يمه دلبج صح كلامج ومثال على هذا عارضات الازياء اغلبهم خشووومهم صغيييييره بس كلهم على بعضهم واستغفر الله مو حيل حلوين

بس الجمال جمال الروح

 

[طيوبة اماراتية]

هذه (مشكلة صديقتي وحبيت اشووف لها حل)...

انا عندي نفس المشكلة ..والكل يلالاحظ خشمي من اهلي وخواتي وصديقاتي..وحتى جدتي تعايرني بخشمي من أنا وصغيره لين كبرت وصار عمري 28 ..والشباب الي في العايلة كلهم يطالعوني،،وفي مره موظف بالدوام لسانه طويل فشلني وقالي تعليق بااايخ عن (خشمي) ومن القهر خذت اجااازة من الاحرااج،،،وصررت واايد صرت أسمع انه من حد يطري اسمي او يوصفني يقوولون هي فلانه و عليها خشم واسع،،،

انا الصدق يا بنات اشووفه احيانا عادي وزين الحمدلله هو طويل شوي ،،بس المشكلة انه (عضلات الخشم ) عندي تصغر وتكبر حتى بالكلام،،وخصوصا اذ كنت نايمه وقعدت من النووم اشووفه ووايد كبير وبشع،،،

انا الصدق مافي خاطري أغيره لانه هذي خلقة الله فينا،،سبحان الله الانسان لو هوو راضي بس البشرر توصلك مرحلة الجنووون،،،،

من فترة ربيعتي كانت عندها نفس مشكلتي وبزيااادة الله يعينيها،،وسوت العملية واايد ارتاااحت والكل وقف التعليقات السخيفه،،وصاارت غير وتسوولف وتكلم مع كل الناس قبل كانت تنخش وتكووون سااكته،،،

بنات ااريد رايكم اذ سمعتووا عن عمليات تغير الشكل 180 درجه بس فيه عمليات تصحيح ممكن الشخص يسويها للضرر النفسي...؟؟؟ ولا شرااايكم...اتمنى تفاااعلكم،،،