[ الأبـــــــووو يحضــــر عـــرس بنتـــــه ؟ ]

[ķăyąn..}]

طيب بفهم وش الحكمة ؟!
ليش مايحضروون ..؟!
عاإدي مااشوف فيهاإ شششي زوجاإت خواتي كلهم
أبوي حضر واخواني كلهم وصورناإ فديو ورقصناإ ..
بالعكس يكون هاليوم مميز وذكريات حلووة بين الأهل ..

يعني البنت عيب يحضر زواجها والولد عاإدي ؟!
ليش هالتفرقة ..؟!

 

[العين الكحيله]

حنا الابو والعمان يدخلون مع المعرس

بس اول مره اسمع ان الابو مايدش عرس بنته:eh_s(12):

 

[ملآمح يوسفية]

,


ببسسس ليش عيب وش السبب يعني ؟؟!!

 

[ضحكتي هيبة بكاي]

عرس الرجاجيل مايحضره إلا اذا كان المعرس من اهله
لكن احين الامور صارت عادي يحضر
اما قاعه الحريم فالوضع يرجع له هو اذا يدخل او لا

 

[G!RLooNa]

شكو عيب يعني مو مستوعبه ليش عيب

اصلا شنو عرسي اذا ابوي ما حضره و مازف ريلي ويا الرياييل

 

[blue diamond]

انا حضريه واهلنا بالعكس الابو يحضر عرس بنته
واذا الله كتب لي النصيب وابوي ماراح عرس الرياييل ولا يا صاله الحريم ما ابي اسوي عرس

 

[عطـر الليل]

إذآ من أهلنآ < يسس

إذآ مش من أهلنآ < نهي

ومآدري ليش أصلا !! ,,

سيم سيم :

 

[*عاشقه الورد*]

ليش عيب @@


خو مزوج بنته على سنه الله ورسوله وبيفرح فيها بهالليله صج غريييبه !!!!!!!!!

 

[ام ناصر 2009]

لا مايحضر عندنا عيب

 

[راحيل العبدلي]

..

عندنا اثنين او ثلاث اذا كثروا من اخواني يروحون يم الصاله و يباركون للمعرس ويطلعون .
.
.

 

[G!RLooNa]

ام ناصر ممكن تفهميني ليش عيب؟؟؟

 

[AnnaLina]

عادي مافيها شي بس انا ابوي يسوي روحه داق الثقل يقول مادش كله مفاصيخ خخخخ بس راح يدش غصبا عليه واذا ما دش انا اطلع ايره من بشته :d

 

[قـ@ـوة & ـ@ـيل]

احناا لاا الابو ولا العماام يروحوون ... عندناا عيب >> مادري ليش عيب ؟؟

صج مرات ياعليناا عادات وتقالبد عجيبة ؟؟

أستغرب منهااا وفي أشيااء تحللها الشرع بس العادات والتقاليد تمنعهاا ؟؟!!

>> بالله عليكم ليش؟؟؟ هههههههههههه >> جني عشت الدوور

 

[روح مغليهآ]

فعلا في عوايل بدويه للحين عندهم هالعادات صالة الريايل مايعتبها ابو العروس ولا اخوانها يعني عيييب

 

[قـہۈه فـرنسيـہ™]

استغفر الله عاااااااااااادي ,,,بس مااايدش الصاااله لا...

يروووحون لعرس الرياااجيل يسلمووون على المعرس ويمشووون ,,,

 

[* Snow White *]

السلام عليكم ورحمة الله وبركاته

انا بختصر هالحجي كله وبقول لكم السبب وان شاء الله تستفيدون
طبعا السالفه مالها شغل بقبليين او حضر بالكويت .. لان حتى هالفئات بمجتمعنا مناسبين بعض بشكل مو طبيعي .. يعني مستحيل تلاقون عايله كويتيه خاليه من قبيله كويتيه والعكس صحيح

المهم احنا مانقدر ننكر انه كل اصول العرب الكويتيين سواء قبليين او عوايل مايرجعون لاصول بدويه
كل الحضر والبدو الكويتيين اصلهم يرجع لقبائل عربيه و مشتركه بينهم ..


طبعا القصه وسبب هالشي يبدي من زمان، قبل القبائل العربيه لهم عاداتهم وتقاليدهم الخاصه فيهم والغالب تكون مشتركه ومتشابهه .. و كانو يقدسون عاداتهم وتقاليدهم، لي درجه كانو يفضلونها على الدين

لان كانو يمارسون عاداتهم وتقاليدهم من زماااااااان وبعدين طلع لهم الدين، بس معروف انه البدو العرب قبل ايام الجاهليه كانو متعصبين لعاداتهم وتقاليدهم، وكل شي عندهم عيب عالمرأه وهكذا .. إلخ


وطبعا احنا مانقدر ننكر انه في عادات وتقاليد سيئه تناقضت مع الاسلام و وصلت لي عندنا لان اجدادنا كانو يمارسونها واهما مايدرون شالسبب ليمن وصلوها لنا، واحنا نمارسها وماندري شالسبب بس نمارسها من باب "العادات والتقاليد" .. في ناس وقفت عنها، وفي ناس تمارسها لتمسكها وتعصبها بعاداتها وتقاليدها .. بس مع الوقت راح تنقرض وتندثر اكيد ..


المهم قبل العرب بعاداتهم وتقاليدهم، اذا بنتهم تزوجت حق شخص ثاني خارج القبيله او مو من عيال عمها
مستحيل مستحيل يحضرون عرسها من باب "عيب نفرح بليلة دخلتها، و انها غاليه علينا، واحتراما لكرامتها" يعني بنظرتهم اذا احضروا عرسها واستانسو، جنهم مستانسين انهم افتكوا منها ويعني كانت قاعده على قلوبهم .. فجذي في ناس الحين مستحيل يرقصون بعرس بنتهم، يعني جنهم مستانسين انها اطلعت من بيتهم وافتكوا منها، بس عادي يروحون ويصورون معاها بالفندق وغيره بس مايدشون صالة الرياييل .. وفي نصهم عادي ما افرقت معاهم، لان اندثرت هالعاده عندهم ..


بس بايام قبل اذا بنتهم تزوجت ولد عمها او من اهلها، راح يحضروون عرسها وبيستانسون من باب
"انها بنتنا غاليه وراحت حق ولد عمها اللي بيحفظها ويصونها ومابعناها حق الغريب"
والحين اكثر اللي مايروحون عروس بناتهم اذا كانت متزوجه من احد غريب او برا العايله بس
اذا كانت متزوجه ولد عمها ومن العايله يروحون .. فهاذي اهيه نظريتهم، وقامو يحولونها من جيل لي جيل

وطبعا كل واحد وشخصيته، يعني في بدو متحضرين عادي يروحون على حسب الشخص، وفي حضر يروحون ومايروحون هم كل واحد و وجهة نظره


انا مو متزوجه، بس بنت اخوي لما تزوجت واحد برا العايله،
ابوي "يدها" واخوي "ابوها" واخواني "عمامها" وخوالها دشو معاها الفندق وصوروا وياها ودخلوها الصاله ومشو
بس بالملجه الكل حضر الرياييل راحو ديوانية ريلها وسوو عشا وجذي وباركو .

شكراً ..

 

[باربي برونزيه]

الحضر عندهم عادي والبدو عندهم عيب

 

[PuPa^^SWeeT]

ابووي الله يحفظه ماحضر عرسي بس ماله شغل بالبدو والحضر
احنا حضر

بس اهوو مابغى

بالمقابل عمي حضر عرس بنته الاولى

الثانية يه اخوها بس

 

[manoooram]

في كثير من العوايل الأب ما يفضل يحضر عرس بنته بالصاله لأن مو عدله وعيب
بنظرهم ان فشله زاف بنتي بنفسي و واقف يم الريال اللي بيعرس عليها فعيب عندهم من هالناحيه
بعضهم اللهم يباركون للمعرس بصالة الرياييل ويقعدون شوي وتالي يمشون
وبعضهم بالمرة مايحضر لا صالة الحريم ولا الرياييل
اصولي قبلية لكننا حضر بالمثل زوجي
تناقشت معاه بهالموضوع اذا يحضر عرس بنتنا الله يخليها اذا كبرت يقول لا طبعا عيب
سواء حضر ولا بدو
الاغلبيه بنظرهم لا ما يحضر الابو عرس بنته حتى اخوانها لأنه عيب عيب

 

[amami al-kuwai]

ابوي بعرسي حضر حاله حال الضيوف سلم ومشى

يقولي عيب احضر عرس بنتي وعيب يدش معاي الصاله