[ الأبـــــــووو يحضــــر عـــرس بنتـــــه ؟ ]

[لوكي 22]

تصدقون انا توني ادري ان بهذي في عادات وتقاليد
على اني متزوجه وسويت عرس امبييه ليش ماعرف هالسوالف
بس ابوي مادش الصاله ؟؟ وتضايقت توني ادري مايصير
عيل شكو ابو ريلي دش اهو واخوانه كلهم لووول المفروض عكس صح ؟؟
امبيه والله مادري بسئل امي لوول

 

[happy&single]

واااي انطر هاليوم عشان اشوف ابوي داخل بالبشت ياروحي ومعاه أخواني وخوالي الله لا يخليني منهم

احس لي دخل ابو العروس مع اخوانها والخوال والعمام عزوه وهيبة جدام اهل المعرس والمعرس
ان وراها ريااااااااييل دير بالك اشدعوة حرب !!؟

الله يرزق كل عزوبية ويستر علينا وعلى بنات المسلمين ويفرح قلوب ابهاتنا وامهاتنا فينا يارب :eh_s(21):

 

[~*~الملكة~*~]

ماله علاقه بدو وحضر


انا بدويه وقبل لما كنت متزوجه ابوي فديته دخل عرسي وصور معاي


رفيجتي بعد بدويه ابوها دخل عرسها وصور معاهم

ماله علاقه هذي فرحه حالها حال ولده يفرح لها

اصلا انا وايد حضرت عروس بدو الاخو يدخل مع اخته العروس

 

[يالبيه 17]

لا عيب عندنا الابو يحضر عرس بنته
بس يسلم على طول ويطلـع

وبالأخير ,,
وكل قبيله او عايله لها عادات وتقاليد

 

[ScarletteO'Hara]

عادي احنا حضر ابوي ما حضر عرسي و لا ابيه يحضر
اخواني كلانوا صغار عشان جذي دخلوا
بس لو الحين بعد ما صاروا رياييل ما يدشون عروس البنات عندنا
ما ادري ليش حتى عمي جذي
بس من ناحية اهل امي عادي
اساسا و لا زعلت لما ابوي ما حضر العرس
يا دوب راح عرس الرياييل لما بلشت الزفة توكل على الله و راح البيت
الموضوع ماله علاقة ببدو و حضر
الموضوع له علاقة بقناعة ابوي

 

[يالبيه 17]

وعادي الابو يدخل مع بنته الصاله ويصور معاها وحتى اخوانها عادي يدخلون الصاله ويصورون معاها
اما ان الابو يدخل عرس الرياجيل ويقعد لأ ,, بس يسلم ويطلـع

 

[اكابر]

وييي فديت ابوي انا دخل عرسي وصور معاي .. وحتى عمامي كللللللللهم دخلو عرسي وصورا وعيالهم رقصووا بعد واخوي رقص بعرسي حجه بحاجه يقول انا مارقصت بعرسج عييب

انا رقصت بعرس ولد خالتي . لوووووووووووول لانه ريلي ولد خالتي

 

[سعودية!!!]

ليته فيه كان دخلتوه غصب مايقول لنا لاا ياحبي لوه ولو انوه عيب عندنا بس الحين كل شيء تغير حتى العيب وصرت اشوفهم يدخلون

 

[The purple]

انا ارد بخير شخبارج انتي ؟

عادي ابوي بيدش واخوي وخوالي إن شاءالله

وعمومًا احنا الأغلب يدش بس في نظريات يعني وحده اعرفها تقول ابوها مادش ليش ؟ يقول إذا دشيت وسلمت على المعرس جني معطيه بنتي هديه !!

ثنكيو ~

 

[m!ss craze]

حنا بدو
عندنا يقعدابوها لين يدخل علىيها معرسها ويطلع بس اذا فيه محاااورة يقعدووون
بس الغالب اذا دخل المعرس راح
ابوي بزواج وحدة من خواتي لان المعرس ولده<< ولد عمي
رقص ليين طيح الي براااسه
وبعرس اختي الثانية<<زوجها من الجماعة
دخل المعرس وابوي واخواني واخوانه طبعا ساله ابوي اذا تبي تسلم ع اهلك وتشوف اخوانك وهم يرقصون قال لا
قام طلع فيه ابوي فوق ع طول للعروس
وبعد ماراحو نزل ابوي يسلم ع جدتي بس مارقص لانه اصلا عيب يرقص الرجال بعرس بنته
بس ابوي يقول والله ودي بس كنت مكسل انا @@
يعني هي كل واحد وشخصييييته
بس اذا كان الرجااال غريييب مو منا
تلاقين يدخلون المعرس ويطلعون ويخلون اهل المعرس يرقصوون مع اهلهم
في عرس بنت عم امي دخلو خوالي مع عمهم ليين دخلو المعرس وطلعو
بس ما رقصووو *

 

[وهج الحب]

السلام:
احنا عندنا ابو البنت يدخل هو واخوانها واحيانا فيه اعراس يدخل ابو المعرس واخوانه بعد طبعا يغطون البنت بمظلة كبيرة او مشربية تكون مجهزتها من قبل لان يكون اكيد عندها علم انهم بيدخلون مع المعرس ويصورون ويطلعون ..واذا دخل ابو المعرس واخوانه يصورون مع ولدهم ويطلعون ويتم اخوان البنت وبوها ويصورون معاها ويطلعون بعدين ..بس
اما اذا دخل ابوي عرسي ليت انا تزوجت بعد وفاة ابوي بس دخل اخواني ..
بس بعض اعراس البدو اذا رحنا يدخل شباب وايد وتصير الصالة صداح مداح يرقصون ويرزفون ويطلعون ويتم ابو البنت واخوانها وابو المعرس وبعد يصورون ..

 

[ملآمح يوسفية]

اول مره اسسمع هالكلام !!!

لو ابوووي مايحضر عرسسي ازعل عليه ههههـ ..

.
.

عآآديي بعرووسسناا خوال العرووسه يدخلون و عمامها بعد ويصورون وياها وعآدي ^^ ..

 

[$$ صعبة الوصوف $$]

سوري على كــلآمي

تخلـــف اللي تقــول عيــب !

شنو العيب بالسالفه ؟

تقول مو مصدق بنته تتزوج ؟ < خخ وربي تفكير جاهليه !

زين بعد قولوا اخوانها يقولون عيب ندش بعد مو مصدقين اختنا تتزوج وحتى امها لا ترقص بالعرس عيب عشان مو مصدقين وخواتها لا يكشخوووون تــرآ عيب .!!


حـــلاته الابو يفرح لبنته ويحضر العرس . والحمدلله انه ابوي ماعنده هالشي يحضر عادي واهلنا كلهم ابهاتهم يدشون مع زفة الرياجيل ومرات مع العروس .

 

[Hello_kitty]

والله ابووووووووووي اول الموجودين فديت قلبه وعمره ورووووووحه حضر عرسي وصارت مناحه ودموعه تصب صب عسى

يومي قبل يووووووومه حبيب قلبي


حبيبتي بالنسبه لنا عادي وكل اهلي يدخلون مع بناتهم الأبو والأخوان ومرات الخوال والعمام بالعكس فررررحه تهبل

بس انه شفت في بعض عروس البدو عرس الرياييل نفسه الأبو ما يحضر العرس ولا يعزم ولا يوقف معاهم!!!!

وايد كسر خاطري الأبو مسكين يقولون عشان فشله يوقف بين الرياييل وبعد شوي ريال بيدخل على بنته @@

منطق غريب ووايد كسر خاطري الأبو الي جنه مسوي جريمه وبنته مسويه عار ما جنه يوم عرس وفرحه ومن حقه يفرح ببنته!!

 

[.. مـــلاكـ ..]

الحمدلله احنا عندنا عادي
مادري شنو الحكمه الحمدلله والشكر !!

 

[][ sarah ][]

ماادري شنو القصد بالعرس

احنا حضر واذا صار عرس , في عرس رياييل وعرس حريم

والابو لازم يكون موجود , الاختلاف يكون بدشه المعرس , في عوايل مايدش الابو يقولون عيب يشوف بنته بلبس العرس وفي عوايل عادي يدش مع الرياييل وريل بنته

عاد انا ليلحين ماتزوجت بس مااتوقع ابوي يدش لان اهوا مايحب , وحتى انا احس فشله يشوفني بلبس العرس ويمي ريلي ههههههههه

 

[أنوثهـ حتى الثمالهـ]

يحضر طبعا يازيني مرتزه بالعرس وابوي موومووجود
بس صحيح وحده معاي بالجامعه يووم عرس اختها اخوانها وابوها قعدو بالبيت عيب يروحون
اي تذكرت احنا عندنا عيب الأبو والاخوان يرقصون بعرس بنتهم بسسس

 

[يمة يادلبي]

واي شهالـ عقققققد
بس صج ماله شغل فبدو ولا حضر
احنا حضر وريل وحدة تصيرلنا ماحضر عرس بنته سافر خخخخ حده ماله داعي

 

[عايشه بأمل]

يجي يبارك ويمشي

بحدود عشر دقايق ربع ساعه ..

 

[ليتني مـآ كبرت]

احنا عندنا الأبو والأخو والعمام والخوال مايحضرون عرس الرياجيل
اما زفة بنتهم ممكن يحضر الأخو أما الأبو عندنا عييييييييييييب ومن سابع المستحيلات :eh_s(12):
بس بحاله وحدة إذا المعرس يقربلنا بسسسسسس