منى في المستشفى مع اخوها بدر واللي تثق فيه و برايه .. و من صغرتهم كانوا حيل مع بعض ..
بدر يسألها : " شالسالفة يا منى .. قولي لي اشصاير ؟! "
منى تقول حق بدر السالفة .. و توضح له استغرابها من شك لؤي فيه و تتساءل :" ما هقيته مريض بالشك الا اليوم ! ما كان جذي قبل ؟ مادري شاللي خلاه يفكر فيني هالتفكير الشنيع و يطقني كل هالطق و يطلقني .. ؟!! " و تبجي
بدر تضايق حيل و كان وده يروح و يذبح لؤي .. ما هان عليه ان يصير بإخته كل هذا وهو يوقف بلا حراك "
بدر : " انا اعلمه هال..... "
منى :" وين راايح .. بدر تعااااال .. يا حسرتي ليتني ما قلت و تميت على سالفة الدري وايد ابرك "
بعد دقااائق من ذهاب بدر..
زيــــــــــط ...... << صوت الباب
و الا القادم .. فاطمة ..
فطوومة تطل من خلف الباب و تبتسم قائلة :
" مفاجأة الموسم "
منى بمزيج من الاستغراب و الدهشة و الفرح ..
:" هلاا والله .. هلاا فطوومة حياج ماكو احد ! "
باقة ورد كبيرة قدمتها فاطمة لمنى و في عينيها نظرات أسى لما رأته من حال صديقتها الحبيبة و هي على فراش المستشفى و آثار كدمات على وجهها ..
منى :" مشكوورة ما قصرتي !! "
فطوومة :" منى اشفيج .. عسى ما شر ؟! صار لي يومين ادق عليج موبايلج مغلق و على شقتج محد يرد ! دقيت على البيت قالولي بالمستشفى و ييتج على طوول مخترعه !! عسى ما شر ! "
منى تقول لها اللي صار .. و كانت تحاتي بدر اخوها اشبيسوي مع لؤي .. طليقها !
فطومة :" بعد ليش يطقه .. طلعوا تقرير طبي و سووله سالفة بالمحكمة .. والله مو شوية اللي سوااه !! يتهمج ابشرفج و يطقج و يطلقج !
بعد عمري ليتني اقدر افيدج ابشي .. و الله يعز علي اشوفج بهالحالة .. جنني بروح اطقه مع اخوج " و تضحك الاثنتان .. و في صدر كل منهما .. حزن دفين ..
منى تستوعب شيئا :" اشعنده ريلج مطلق سراحج اليوم ؟؟ شالرحمة اللي نازلة عليه "
فطوومة :" طل بعينه رحمه ! خلاااص بححح .. طلقته
"
منى :" شنو شنووو شنووو ؟!! شنو العصمة بيدج ؟! "
فطوومة :" لا .. خلعته ما تباركين لي
"
منى بحزن :" ليش مستانسه !! عاجبج حالنا انا وياج الحين ؟ "
فطومة :" والله شنو اللي يخليني اقعد معاه .. ما تدرين شنو الهم اللي كنت عايشة فيه !! شي لا يووصف ! .. فوق سالفة الحكرة جني بمحكر حمام و اللصقة 24 ساعه اللي تدرين عنها و سكانه امه و ثقل الدم و الملاقه .. فوق هذا ...بخيل .. تصوري الحمدلله والشكر قلت له ابي فلوس - عمره ما عطاني فلوس من تزوجنا - عطاني دينارين بس و يحسبهم وايد .. و تدرين انا احتاج حق الجامعه كتب و يبيلي مصرف .. تخيلي ؟!!
تصدقين مدودهني على طول ما اقدر افكر الا لما اكون بالحمام- عزكم الله- كنت عايشة ابدواامة .. !!!
و الأدهى والأمر يا منى ... انه طلع يعاني من مرض بالأعصااب - الحمدلله الذي عافانا - ! و لما اسأله عن الحبوب اللي ماخذها يقولي انها حق صدااع نصفي متفق مع امه انهم يخدعوني بهالكلام ! و فوقه بعد جكر و غبااء و عدم تفااهم و يمنعني من اهلي و بالجامعه ان قعدت عقب المحاضرة دقيقة وحده ياا وييلي يا سواد ليلي .. يقلب الدنياا فوق تحت ..
منى : " الله ! الله ! كل هذا و انتي ساكته و صاابرة !!! يااا ويلهم من الله .. شنو على بالهم بناات النااس لعبة .. و انتي فطوومة ما عليج قااصر مشالله عليج .. زين سويتي .. انشالله تاخذين اللي احسن منه "
فطوومه :" هههه انشالله .. اكيد بيكون احسن منه .. لأن هذا ما فيه اسوأ منه "
منى :" ههههه وانتي صاجه .. كامل الاوصاف هاللي عندج ..
فطوومة :" قصدج .. كاان عندي "
منى :" ايييه .. انا بعرف امه كل يوم شتقول له بالليل ..!"
فطومة :" علبالها انا بسوي مثلها لما قطعت علاقة ريلها - عمي سابقا- بأهله و خواته .. معقدة .. و بعدين توصيه ان انا ما احتك بأحد ايا كان حتى لو أهلي علشان محد يعلمني عن اللي فيه !
منى :" اييي الظاهر جذيه .."
فطومة :" مع انني والله .. قاعده اقعد معاهم و اسولف و أوجب اهلهم .. و حتى تلقين عندي امتحان اروح ادش المطبخ معاها و اساعدها برمضان .. حسبي الله ونعم الوكيل "
منى :" الحمدلله اللي فكج منه و ما حملتي .. عيل انا شقوول ؟! " و تذرف دمعة ساخنه ..
