اكملي القصة0000000

[LaSt WoMeN]

مشاركة: اكملي القصة0000000

جاااااااااان ؟؟؟؟؟؟

 

[مسك 3]

مشاركة: اكملي القصة0000000

الله يعطيكم العافيه القصة روعة صج اندمجت معاكم
==========================
المهم آمنة تفكر بالطلاق ومحمد يبي يرد لها واهي تفكر لو تتطلق منه عندها ألف سبب وسبب كافي هناء وجرأتها عليها اللي وصلت انها تكلمها ما تستبعد أي شي منها
بس المجتمع ونظرته ومطلقة وآمنه بنت يهمها الناس وكلامهم شيقولون تطلقت من الدكتور محمد اللي الكل يتمناه وبعد الطلاق شلون بتعيش تحطمت ثقتها بنفسها واهي تفكر طق الباب أخوها سعود
طقطقطق اموني تعالي الصاله بكلمج شوي
مسحت دموعها وطلعت تكلم أخوها
سعود :اموني انتي تدرين غلاج عندنا وراحتج ألزم ما علينا محمد راح أو رد ولد ناس بس انتي اختنا
آمنة: سعود انت تدري ................... وبجت من كل قلبها قام أخوها وحضنها تعوذي من ابليس
ودخلت عليهم مرت أخوها (انا زوجته أهو أساسا متزوج والا لأ)

 

[lolly]

مشاركة: اكملي القصة0000000

ههههههههههه .. المسك .. عادي .. الفي الشخصيات اللي تبينها وخليه متزوج بس المهم كلنا نمشي على اساس الشخصيات الموجوده او اليديده
=============================================================================
زوجة سعود "شيخة" فاهمه كل الموضوع وعارفته .. واهيا تعتبر قريبه بالنسبة لآمنه مثل الأخت.
شيخة تقول: كلمتها بالموضوع؟
سعود يطالع شيخة
امنة: اي موضوع؟
شيخة تكلم سعود بدلع: سعوووووووووود .. خلنا بنات بروحنا واطلع ابيها بكلمتين!!
شيخة تحاول تدز سعود عشان تطلعه
سعود يقعد مكانه ويحط ريل على ريل ..وايده على خده. ولا قدرت شيخة تدزه ولا حتى سنتيمتر واحد هههههه
شيخة: انا سبايدر غيرل .. شوف عضلاتي .. بعد لي الثلاثه وادزك قوي اطيحك
1.........
2..........
3.........
وتدزه بكل قوتها بنفس الوقت اللي يقوم فيه سعود من مكانه ..فتطيح شيخة على الارض ههههههه
هههههههه قامت شيخة تركض ورا سعود تبي تطقه هههههه وسعود يركض وينحاش .. وين الرزه؟؟

امنه تراقب الموقف بابتسامه .. اخوها شخصيته قوية حيل وفاهم وعاقل لكنه في بيته انسان مرح ايضا .. ويحب عايلته ومتفرغ لهم .. الا انه ما يبرز هالجانب الاخير الا لعايلته زوجته وعياله...

تقوم شيخة اخيرا باخراج سعود تحت توسلاته بانها ما اتدغدغه ههههه ويطلع
شيخة تسكر الباب
شيخة: هيهيهيهيييي سكرت الباب .. الحين دورج يا آمنه
امنه تبتسم لكنها صامته.
شيخة: ابي اكلمج يا امنه عن موضوع ريلج محمد
امنه تنزل راسها .. وتقرب شيخه منها وترفع راس آمنه
شيخة: لا تنزلين راسج يا آمنه .. وسعود فهمني موضوع محمد وهناء .. هالبنت هذي صحيح انها كانت على علاقه بمحمد .. لكن ما كانت تتعدى علاقة صداقة بس .. وموضوع الحمال كله جذب بجذب ..
امنه: معقولة؟؟ ليش ماقالي محمد؟؟
شيخة: وانتي عطيتيه فرصة؟
امنه : كنت معصبة..!!
شيخة : اتصلي عليه الحين وتفاهمي معاه يا امنه .. وطمنيني عليكم ؟؟ اوكي؟؟ بطلع الحين مع سعود .. اتصلي علي وطمنيني .. اتفقنا؟
امنه: انشالله

تطلع شيخة وتقعد امنه بروحها .. تتصل والا لا؟؟
تحس انها اذا اتصلت راح ترز ويها ... واذا ما اتصلت راح تعذب روحها .. فاختارت الحل الوسط .. مسج تطرشه لمحمد فاضي .. من غير ولا كلمه ..

محمد وصله له المسج وستانس وعلى طول اتصل بآمنه
آمنه: الو؟
محمد: الو !! حبيبتي آمنه ؟؟ ما عندج رصيد يا قلبي؟ تبيني اشتريلج رصيد؟
امنه: شمعنه؟
محمد: طرشتيلي مسج فاضي !! يعني اتصل علي هههههه
امنه: مو قصدي .. وانا خطي فواتير .. عشان تعرف انك تدري عن اي شي خاص فيني!!
محمد يذكر هناء طلباتها .. كل شوي كرت تعبئة .. وعلى طول يشيل صورتها من باله ... غلط غلط .. مايصير يقارن .. اصلبا هناء ما تيي ربع ظفر من آمنة ..
محمد: حبيبتي .. خليني افهمج الموضوع..
امنه تسكت عشان تسمع محمد
محمد: اول شي .. الموضوع اللي بقوله مابي احد يعرف عنه شي .. وانا اثق فيج..
السالفه يا آمنه في بدايتها صح . اني كنت احب هناء .. لكن آمني بالله اني ما حبيتها لجمال عيونها او لشي .. لكن لسبب خارج عن شي اسمه حب .. هناء يا آمنه كانت تحط لي مخدرات بالقهوة اللي اشربها عشان تخليني ما اقدر استغنى عنها.
امنه: شتقول؟ مخدرات؟
محمد: وتوني اكتشفت الموضوع وانا كنت بالمستشفى عشان اتعالج .. لكن هناء ما تدري اني كشفتها.
امنه: ح.. محمد ؟؟ وموضوع الحمل؟
محمد: انا ما غلطت مع هناء يا امنه وعشان ااكد عليج هالشي بقول لج شي يمكن يبعدج عني .. واذا ماتبيني فهذا من حقج وانا ما الومج .. لكن على الاقل انا صارحتج وحاولت معاج.
امنه: ؟؟؟ شنو اللي اكثر من غلطتك وحمال هناء؟
محمد: انا قلت لج انا ما غلطت مع هناء .. ولا هناء حامل ولا شي ... لكن .. انا عقيم .. يعني استمرار زواجنا يعني تنحرمين من كلمة ماما.!!!
امنه: ..." تسكت امنه وتصمت ..."
محمد: اخليج يا امنه .. وتأكدي اني احبج حيل يا غلاتي ..
امنه: راجعن ومافي حل لمشكلتك؟
محمد: لا .. مجرد تحاليل..
امنه ترد عليه وتقول ..

 

[lolly]

مشاركة: اكملي القصة0000000

تقول بنغالي مو لوللي على هالبدليات ههههههههههههه ..
انتو فهموا المقصد بس

=========================================

شريكم بعد ما تخلص القصة نختار ممثلين صجيين يمثلون هالشخصيات .. مثلا دور ام لؤي تمثله الهام فضاله او هدى حسين هههههه ومنى تمثله مشاهل الزنكوي .. شرايكم ؟؟ بس بعد ما تخلص القصه .. كل وحده تحط تخيلها منو ينفع يمثل هالدور بهالقصة

============

 

[أسيرة موني]

مشاركة: اكملي القصة0000000

ام خلدو تمثله امل عباس لووووووووووووووووووووووووووووول

 

[مسك 3]

مشاركة: اكملي القصة0000000

هههههههههههههههههه بو لؤي عبدالرحمن العقل

 

[mooomooo]

مشاركة: اكملي القصة0000000

لاا بولؤي غانم الصالح البق

لؤي عبدالرحمن العقل


هخخخخخخخخخخخخخ

 

[مسك 3]

مشاركة: اكملي القصة0000000

ونكمل القصة
=============
هناء طبعا تبي تخرب بيت محمد بأي طريقة وما عجبها اللي سوته بالمستشفى جان تقوم وتطلع عنوان بيت أهل آمنه
وتروح هناك دنغو دنغو (صوت الجرس)
وفتحت الفلبينيه الباب ومن زود اللقافة دخلتها الصالة وراحت تنادي آمنه
الا برده أخوها سعود ومرته دخلوا الصاله والا الأخت هناء تنبش بالغنفات
وبنفس الوقت انزلت آمنه

 

[مسك 3]

مشاركة: اكملي القصة0000000

وخلصت وملصت هههههههههههه يومين محد زاد شي فزعلوا الأبطال وراحوا كوكب ثاني

 

[LaSt WoMeN]

مشاركة: اكملي القصة0000000

لا كااهم ردواا راضيناهم
------------------------------

هناء ما تدري ان محمد و آمنة تراضوا أو على وشك التراضي ..
و لا تدري ان محمد درى عن المخدرات ... و بنفس الوقت مستغربة انه ما طلب منها قهوتها و لا دق عليها يترجاها و يراضيها - مثل كل مرة يتزاعلون فيها تكون اهي الغلطانة و يراضيها علشان القهوة السحرية -

راحت عند هناء تبي تعرف اشصار على آمنة و محمد..
تحاتي مستقبلها .. منو بيصرف عليها الحين ؟
محمد ما يرد على تلفوناتها .. و اخر مرة رد زفها و سكر الخط و قال انه راح يغيره !

خافت هناء انه عرف شي ! او انه رد حق آمنة !
و تدري ان آمنة طيبة بزود .. فراحت لها .. بويهها العريض ..


سعود و مرته نازلين .. شافو هالكائن الغريب اللي اببيتهم ..
زوجته شيخة بادرت و سألتها :
عفوا .. منو حضرتج ؟

هناء: انا هناء صاحبة آمنة .. ممكن كلمها ادقيقا ؟

شيخة و سعود يطالعون بعض ..

شيخة: ليش اشتبيبن فيها ؟

هناء : موضوع خاص .. اذا ممكن !

 

[مسك 3]

مشاركة: اكملي القصة0000000

دخلت آمنه عليها جان تقول لها هناء انا بس حابة أقول لج كلمه وحده محمد يحبج وايد وانا أدري واذا تبينه عليج بالعافية انتي وولدكم اللي ياي بالطريج بس لعلمج انا حامل لي 4 شهور ومحمد أمس سجل البيت وكل حلاله باسمي
وانا ما أقدر اوقف بطريج حبكم وسعادتكم وعليكم بالعافية ورجاء الباب اللي دخلتي منه تدلينه والا تبين انادي الصبي يشيلج مثل ما يشيل جيش الخمام ويقطج بسيارتج
شيخة وسعود انصدموا أول مره يكتشفون ان امونه مبلتعة وملسونه
هناء قامت تبولع بريجها ما تدري شتقول جان تقول لها :هكا الموضوع انا كنت عارفة نهاية الزواج انو بيتركني
امنة قاطعتها لأ ما تركج تفضلي روحي له وليكون أشوف ويهج مره ثانيه ترا هالمرة أتكلم بلساني قسما بالله المره اليايه راح تنصدمين من شري وشلون بأذيج وكافي يا هناء وماله داعي أقول لج سلمي على حافظ وقوليله اسبوع على ذمة التحقيق كافي ...................ز هناء تبلعمت ومن العيله خذت جنطتها ونست التلفون وطلعت مخترعة وهي تفكر اووووف آمنه تدري بموضوع حافظ (اوووووبسسسسس) يعني محمد يدري وساكت عشان القهوة بس ليش ما قام يرد علي ما يبي القهوة . طلعت هناء وسعود يقول حق آمنه :وين أختي اللي أمس منهاره انتي منو ؟؟؟ عجبته انها لأول مره تدافع عن بيتها وبينت معزة محمد اللي ياية الحساب بعد شوي

 

[LaSt WoMeN]

مشاركة: اكملي القصة0000000

يعطيج العافية مسك بس منو حافظ ؟

=================================

هناء تمنت لو الأرض انشقت و ابلعتها .. و لو ما كان سعود و شيخة عند آمنة جان تصرفت هناء تصرف ثاني بس الله ستر ..

اهي انصدمت بعد من ردة فعل آمنة .. لأنها تدري انها طيبة بزود و ما توقعت منها هالمعاملة !

قعدت تفكر و اهي بالطريج .. آمنة حامل < امنة قاصة عليها تدرون محمد عقيم >؟ و البيت مسجل بإسمها ؟ معقولة ؟! اي يجوز ليش لأ .. معاملة محمد تغيرت وايد و فجأة صار يحب آمنة .. و يمكن سجل البيت بأسمها علشان يثبت لها حسن نواياها ؟
آآآخ ... تقولها بقهر ..
و فكرت .. " اذا فلست من محمد لازم ادور لي احد ثاني ... و بسرعة " !

--------

آمنة .. تلقت التهاني و التبريكات من سعود و شيخة على هالتصرف البطولي ..
سعود استانس لما شاف ان اخته قامت تقدر تدافع عن روحها .. و تطمن عليها شوي .. كان دايم يحاتيها ..
لأن طيبتها .. يابت لها مشاكل وايد ..

فجأة .. شيخة تضحك .." هههههه طالع هذي نست تلفونها من الخرعة .."

و كلهم طبوا بيتطمشون على خفايا التلفون .. و مسجات هناء ..

آمنة خمطت التلفون منهم > صارت شرية هالبنية

و سيدا دشت على ... الرسائل المرسلة :

" محمد حبيبي .. رد عليا بليز "
" محمد وينك ... اشتقت لك كثير ... اتصل عليا و لا تطنشني "
" مودي >-- اسم الدلع -- انا بحبك و من غيرك راح ضيع .. ما اقدر فارقاك "
" ما اشتقت لقهوتي ؟ "
" ايش صار فيك ؟ ليش متغير عليا ؟ هاكا تعامل اللي يحبك و يموت فيك مووووت !"
" محمد ... اتصلت عليك 10 مرات .. وينك ما ترد ؟ طمنني انت ابخير ؟ "

آمنة .. تضايقت و استانست بنفس الوقت .. تضايقت لأن هالمسجات فيها كلام حب حق ريلها ... و استانست لأن واضح ان محمد صج حاقر هناء .. ردت تشوف الرسائل الواردة و الا مسج واحد من محمد :
" لو سمحتي .. قلت لج مابي ازعاج منج .. خلاص "

آمنة ابتسمت ابتسامة عريضة و ارتاحت نفسيا .. و بدأ قلبها يخفق من جديد ل .. محمد ..

و قالت ما راح اقوله ان هناء يت .. و لا اييب له طاري تلفونها ..

و قامت زهبت اغراضها .. و طلبت من سعود يردها بيتها ..
و كشخت .. و دقت على محمد من موبايلها .. و قالت له .. ابيك تييب لي الشغلة الفلانية من البيت ... ضروري ...
علشان لما يروح البيت - بيته- يتفاجأ فيها

 

[مسك 3]

مشاركة: اكملي القصة0000000

فلانا حافظ المورد مال هناء اللي اييب لها المخدارات واعتقد انها حامل منه وبتوهق محمد
=================================================
وطبعا امونه من هالحريم السنعات راحت الصالون وتزهلقتوكشخت وميك اب عروس ودخلت البيت شاحت الكفر القديم وقطته لأنه يذكرها بأيام ماكان محمد لاهي عنها بهناء وزهبت هالشموع واتصلت على محل ورد ياب لها ورود حلوة للبيت وكتبت ورقة حق محمد (نور الدنيا ولكم هوم يا حبي)وبخرت البيت واتصلت على مطعم صيني طلبت ذاك العشا السنع وزهبت الطاوله واتصلت على محمد رنه وحده من البيت وطرشت له مسج
ا(الدنيا أحلى من صار حبيبي محمد ) عرفت ان الثقل والحيا يمكن اهو اللي يخلي محمد يلتفت على هناء وأشكالها
ومسكين محمد ما صدق بسرعة دق على البيت

 

[lolly]

مشاركة: اكملي القصة0000000

محمد يرد بسرعه للبيت ويتصالح مع امنه وترضى امنه بمحمد على شرط انه يخلص لها على طول ..
في هالأثناء ..
هناء تتجول في الواجهة البحرية لسوق شرق ... على أمل استلام الكمية المتفق عليها من المخدرات والتي سيوصلها حافظ عن طريق البحر ..
هناء تترقب البحر بخوف .. فهي لا تستطيع الاستغناء عن تلك المخدرات ..
ويتراءى لها جت سكي يقترب بدون اي استعراض وبهدوء .. فيكشر ويهها عن ابتسامه فرح تدل عن ضعف
يقترب حافظ اليها فيرمي اليها بكيس المخدرات .. تتلقفه هناء .وفجأة .. طرااااااااااااااااااااخ .. بوووووم ... وي وي وي وي وي ... وااااااوييي وااااويييي ووووو وووو وووو تووووووت طووووووط ...
كبسة ... الشرطه .. وياخذونها المخفر ..
هناك بالمخفر اعترفت هناء ودخلت محمد بالموضوع.. طبعا محمد اهوا من بلغ عن هناء .. وتم اخذ اقواله واغلاق القضية

 

[مسك 3]

مشاركة: اكملي القصة0000000

هناء تسفير هناء انسجنت بتهمة التعاطي
حافظ انحكم عليه بالاعدام بتهمة الترويج

 

[LaSt WoMeN]

مشاركة: اكملي القصة0000000

آمنة تطمنت زيادة .. لما شافت ريلها اهو اللي بلغ عنها .. و حمدت ربها ان صبرها ما ضاع هدر ..

و معاملة محمد لها تغيرت وايد .... للأفضل طبعا ...

محمد و لؤي قرروا يعرفون حريمهم على بعض .. منى ولدت يابت بنوته ..

آمنة و محمد .. راضين بالنصيب اللي الله كتبه لهم - ان ما يكون عندهم عيال -

و الأمل بالله كبير ..




======================= النهاية =========================

 

[LaSt WoMeN]

مشاركة: اكملي القصة0000000

الله يعطيكم العافية .. يا بناات اللي شاركتوا بالقصة و اللي علقوا و شجعونا و حتى اللي كانوا يتابعون من بعيد لي بعيد ..

نتمنى ان تكون القصة قد حازت على اعجابكم ..

بس شرايكم .. شنسميهاا ؟

-----------

 

[lolly]

مشاركة: اكملي القصة0000000

الله يعافيج فلانه
نسمي القصة اممممممممم ...!!!؟؟

(((------------ ضريبة زواج -------------)))

ههههههههه شرايكم؟

وابطالها تمثيل
ام لؤي: الهام الفضالة .. لزوم بعد العملية خخخخ
بولؤي: محمد المنصور او عبدالرحمن العقل
لـــؤي: بشار الشطي او مشاري البلام
منــى : حورية عرفات او مشاعل الزنكوي
ام منى: طيف
خدجوه: هيا الشعيبي او منى شداد
محمد : شسمه اخو المنصور اللي شعره اسود؟ حسين المنصور؟ او ابراهيم الحربي او جمال الردهان
|مـــنة: عبير احمد او اميره محمد
فاطمة رفيجة منى: لمياء طارق
خالده: زهرة الخرجي
ام خالده الخطابة: هدى الخطيب
ام محمد: لطيفة المجرن
بدر اخو منى: حسن البلام
هناء: فاطمة عبدالرحيم او هدى حسين
منو بعد؟
هههههههههههه ترقبوا المسلسل في رمضان بعد سنتين خخخخ

 

[أسيرة موني]

مشاركة: اكملي القصة0000000

فديتكم

نسميها ,, خفايا الايام :/

 

[مسك 3]

مشاركة: اكملي القصة0000000

هههههههههههههه عساكم عالقوة خوش قصة
وانا اضم صوتي حق لولي خوش اختيار