اكلات جديده للاطفال فوق ال4 شهور حتى لايمل الطفل نفس الاكل نوع من التجديد والتنويع

[فرح79]

السلام عليكم
انا ابني عمره 5 شهور والله احاول انوعله حتى لايمل وفي نفس الوقت يتستفاد
جربت طبعا غير الخضار المطبوخه والفواكه مايلي
مهلبيه التمر طعمها حلو وبنفس الوقت مفيده جدا الكل يعرف فوائد التمر
معقود البرتقال نوع من الاكل الصلب كبدايه لاطعام الطفل
قرع عسلي وبطاطا حلوه طعمه مستصاغ جدا للطفل
واللي عندها بعد اكلات ممكن تفيدنا فيها ياريت الكل يفيدنا عشان نفيد ونستفيد
واي سؤال انا حاضره

 

[om mauoooora]

هلا اختي ياليت تكتبين طريقتهم انا بنتي عمرها 9شهور واسبوع وماااكلها كثير اكثر شي حليب وسيريلاك

 

[ام الحلوااات]

اااااااااب

 

[@ام يوسف@]

للرفع

 

[Perfume]

هلا اختي ياليت تكتبين طريقتهم انا بنتي عمرها 9شهور واسبوع وماااكلها كثير اكثر شي حليب وسيريلاك

من صجج حبيبتي اكثر شي حليب وسيريلاك !!
بنتج عمرها 9 شهور يعني تاكل مثلنا خلاص بس بدون بهارات وملح خفيف او حتى بدون ملح
عطيها عيش مع خضار مثل القرع ، الكوسا ، جزر ، بطاط ، بوبر
دجاج ، لحم ، شوربة شوفان مع خضار ودجاج ، معكرونة مع خضار
فواكه مثل التفاح ، الكمثرى ، الموز ، برتقال
سويلها عصير برتقال او فواكه مشكلة
لما تودينها المستشفى للتطعيم يعطونج كتيب عن الاكل اللي تعطينه البيبي
الله يخليها لج

 

[فرح79]

مهلبيه التمر
تجيبي 3 تمرات وتشيلي النوا وبعدين تقطعينهم صغار وتنقعينهم بنص كوب ماء حار لمده ساعه حتى يذوب التمر وتصفيه ويكون تقريبا 120 مل انا بقيسه بالرضاعه واضيف ملعقتين حليب الطفل وملعقه ونص صغيره نشا واحطه على الغاز لما يثقل
ومهلبيه البرتقال
اعصر برتقاله واضيفها شويه ماء وسكر ملعقه صغيره اذا البرتقال حامض وملعقه ونص صغيره نشا واعمله على الغاز لما يصير مثل المهلبيه

 

[mama-dodo]

انا بنتي اول يومين بالثامن واعطيها غدا
اخلط لها عيش وماي الدياي وكوسا بالخلاط يصير مثل الشوربه بس شوي ثقيل
اعطيها ساعات عيش وعدس
او عيش وقرع

 

[Perfume]

انا بنتي اول يومين بالثامن واعطيها غدا
اخلط لها عيش وماي الدياي وكوسا بالخلاط يصير مثل الشوربه بس شوي ثقيل
اعطيها ساعات عيش وعدس
او عيش وقرع

حبيبتي العدس ممكن يسبب لها غازات
كثري لها من الخضار مثل البوبر والبطاط والجزر والقرع والكوسا
ونوعي لها عيش ومعكرونة وشوفان

 

[Rayoma2]

عيش مع ملوخيه.. معكرونيه بالدجاج والجزر.. عيش مع خضار وقطعة لحم مسلوقين مع بعض..شوربه شوفان
سمج وشوربه سي فود...بيض مسلوق الصفار بروحه وبعد السنه بيضه كامله..

الفواكه خلطي نوعين او ٣ بالخلاط حيل حلوه

ووجبه ريوق سيريلاك

 

[بيرلا ستور]

اطعمي ولدي عيش وكل شي الحمد لله والفواكة مع السيرلاك والحليب اساسي
عمره 8 شهور
عودته من اكلنا واذا في شي هرس بهرسه والحمد لله

 

[دلوعت مودها]

ولدي بعد اسبوع يكمل ال٣ شهور يصير اوكله شي
ويليت تقولولي شنو وشلون الطريقه
مشكووووريين

 

[فرح79]

اختى دلوعه مودها
انا بديت مع ابني بالعمر بأرز الافال كميات قليله وعصير برتقال مخفف بالماء

 

[فرح79]

بنات كمان قريت عن مهلبيه الموز شكلها حلو ومفيد
المقادير
موزه مخلوطه بحليب الطفل مع ملعقه ونص صغيره نشا وبالخلاط
بعدها على النار لما يثقل القوام ونتركها تبرد ونعطيها للطفل
لسه ما جربتها

 

[Perfume]

حبيبتي دلوعة نطري ل٤ شهور تالي ابدي معاه سيريلاك ، فارليز ، بعدين شوي شوي ابدي معاه عيش او شوفان مع خضار

 

[نـعـومـه]

انا بنتي اعطيها سيريلاك الارز مره ومره قمح وحبته بس الخضار ماتحب

جربتلها قرع ماعجبها

جزر ماعجبها

 

[فرح79]

اختى نعومه
جربيلها الفواكه الموز والبرتقال اغلب الاطفال يحبونه

 

[دلوعت مودها]

ولدي بعد اسبوع يكمل ال3 شهور يصير اوكله شي
ويليت تقولولي شنو وشلون الطريقه
مشكووووريين

سوري بنات 6/6 يعني بعد خمس ايام ان شاء الله يكمل الاربع شهور مو ثلاثه*

 

[Perfume]

نعومة حبيبتي حطي لها خضار منوعة مثل القرع والبوبر والكوسا والبطاط مع شوفان او عيش او معكرونة
نوعي لها مو بس عيش وقرع
والعصر عطيها فاكهة او سويلها عصير فواكه برتقال مع كمثرى وتفاح
لا تعودينها على الفواكه بس لانه راح ترفض الخضار
نوعي لها بالخضار بعدين ابدي مع الفواكه

حبيبتي دلوعت مودها ابدي معاه قفشة وحدة سيريلاك او ربع فارليز
بعدين شوي شوي ابدي معاه عيش مع خضار مثل البوبر القرع الكوسا
الجزر خليه آخر شي لانه فيه الياف وايد
بعدين ابدي العصر تعطينه فاكهة او عصير فواكه
بعدين على ٦ او ٧ شهور ابدي تعطينه دياي ولحم
السمج والبيض والروب خليه لما يكمل سنة لانه ممكن يسببون حساسية

 

[فرح79]

خواتي
سمعت عن الشوفتن بالحليب للطفل من اي عمر ممكن اعطيه لابني

 

[Perfume]

حبيبتي الشوفان تقدرين تبدين فيه من ٤ شهور