اكلات جديده للاطفال فوق ال4 شهور حتى لايمل الطفل نفس الاكل نوع من التجديد والتنويع

[تمرهـ }..]

يصير نأكل البيبي بعمر 4 شهوور ؟

<< جديده على الامومه

 

[Perfume]

حبيبتي تمره اهو المستشفى بيقولونلج من ٦ شهور
بس عادي من ٤ شهور تبدين معاه شغلات حفيفة مثل قفشة وحدة سيريلاك او ربع فارليز
وعلى ٥ شهور تقدرين تبدين عيش او شوفان قفشة وحدة مع خضار
بعدين تبدين بالفواكه عشان ما يتعود على الطعم الحلو
وعلى ٦ او ٧ شهور تبدين اللحم والدياي

 

[رحيل المرافيء]

بنات التغذية تبدي من 6 شهور مو 4 شهور غيروا ترى
وهذي توصية من منظمة الصحة العالمية
واللحوم مو زينة للبيبي على الاقل بعد سنتين لانه معدته ماهي مهيئة لهضم اللحوم
اصلا التغذية لازم ماتبدى الا بعد السنتين لانه اول سنتين المعدة ماتتقبل الا حليب الام
يعني ماتعطينه شي الا حليبج بس

 

[Perfume]

بنات التغذية تبدي من 6 شهور مو 4 شهور غيروا ترى
وهذي توصية من منظمة الصحة العالمية
واللحوم مو زينة للبيبي على الاقل بعد سنتين لانه معدته ماهي مهيئة لهضم اللحوم
اصلا التغذية لازم ماتبدى الا بعد السنتين لانه اول سنتين المعدة ماتتقبل الا حليب الام
يعني ماتعطينه شي الا حليبج بس

من صجج حبيبتي !!!!
خليه سنتين على الحليب بس وشوفي وزنه
مثل ما قلتي حبيبتي منظمة الصحة العالمية قالت من 6 شهور بس سابقاً كان من 4 شهور
يعني تقدرين تعطينه كميات بسيطة من 4 شهور
وشوي شوي تكثرين الكمية
بعدين حبيبتي اللحم والدياي ظروري حق البروتين من 7 شهور تقريباً
السمج من بعد السنة لانه ممكن يسبب حساسية
ومن 9 شهور الياهل ياكل مثلنا بس بماح قليل وبدون بهارات
شلون سنتين بس على الحليب !!!!!!

 

[fofo90]

امهاااااااااااات
ولدي صارله يومين كمل 4 شهور
انا اعطيه بسكوت فارليز واخففه بماي شنو اقدر اوكله بعد
اقدر اعطيه علب الاكل الجاهز اللي بالجمعيات ؟؟واخففه طبعا

 

[Perfume]

ام صقور حبيبتي ابتعدي عن علب الاكل الجاهزة احسن
اعطيه قفشة سيريلاك
ربع او نص فارليز لانه توها معدته صغيرة
وبعد فترة سويله خضار مع قفشة شوفان بعدين ابتدي بالفواكه عشان ما يتعود على الحلا ويرفض الخضار

 

[فرح79]

بنات انا الدكتور قلي من يكمال ابني اربع شهور ابدا معه بالعصائر وبعدها الخضار صنف صنف لمد 3 ايام حتى اتاكد انه ما يصير معه تحسس والحمدلله ابني الان صار 6 شهور تقريبا وبديت احطله مع الخضار مرق الدجاج

 

[Perfume]

صح كلامه فرح لازم تجربين الخضار صنف صنف
وعصير البرتقال وايد مفيد
بس الفواكه تعطينه بعد الخضار عشان مايتعود على الطعم الحلو

 

[يااسمينه]

بالنسبه للمهلبيه حليب الاطفال. ماينفع ينغلي ..

 

[فرح79]

خواتي ابني عمره 6 شهور اقدر اعطيه العدس الاصفر

 

[Perfume]

والله مادري حبيبتي انا ولدي عمره ٨ شهور وماعطيته للحين اخاف يسبب له غازات

 

[ام لتين الحربي]

السلام عليكم ورحمة الله وبركاته
انا بنتى لها اسبوع في الرابع من عمرها يعني 4 شهور اقدر اعودها على الاكل يعني ابدا بمهلبية التمر والبرتقال لاني ماعطيهاا غير الحليب فقط

ولدي عمره سنه وثمنيه شهور وزنه مره ضعيف ماياكل والحليب على خفيف يحب بس يلعب وزنه الحين 11 كيلو لان الاسنان للحين ماكتملت ابي حل منكم

 

[رانس]

بنات بنتي عمرها خمس شهور ونص وللحين على الحليب بس شنو اعطيها اكل وعلى فكره انا حيييل حيييل اخاف عليها تغص ولا شي عشان كذا للحين مخليتها على الحليب بس شرايكم شنو تنصحوني فيه

 

[فرح79]

اختى رانس
اعمليلها خضار مسلوقه بعدين اطحنيها بالخلاط تصير ناعمه جدا وتقدر تبلعها

 

[نجمة فجر]

بنات بسألكم عن البروكلي ، والفاصوليا ، الباميا

ابي اشياء غير البطاطا والجوز والقرع والكوسا


بنات بعد سؤوال : شالفرق بين القرع والبوبر

 

[فرح79]

اختى نجمه الفجر البروكلي والفاصوليا تعمليهم مثل الخضار
الباميا ما انصح فيها تسبب مغص للبيبي
اختى شو قصدك بالبوبر ما عرفته
القرع العسلي من افضل عشر اطعمه للطفل

 

[فرح79]

عندي وصفه سميد بالتفاح
الطريقه
80 مل ماء
80 مل عصير تفاح
3 ملاعق صغيره سميد ناعم
توضع على الغاز لما تصبح مثل المهلبيه
تترك لتبرد وتعطى للطفل

 

[بنت ذآك الأمير!]

بنتي راح تكمل اربع شهور بعد جم يوم شنو الاكل اللي ابدأ اعطيها

 

[فرح79]

اختى ابدي معها بالارز للاطفال ملعقتين وبعدها صيري زيدي شوي شوي